⚡️РЕСПУБЛИКА МАХСУС КОМИССИЯСИ АХБОРОТИ

Жорий йилнинг 7 май куни ўтказилган видеоселектор йиғилишида Ўзбекистон Республикаси Президенти Ш.М.Мирзиёев томонидан мамлакатимизда коронавирус билан боғлиқ вазият яхшиланиб, ижобий томонга ўзгариб бориши билан, ҳудудларни тоифага ажратишни туман ва шаҳарлар даражасида белгилаш таъкидланди.

‼️ Шу муносабат билан, Республика махсус комиссиясининг 2020 йил 8 майдаги йиғилиши баёнига мувофиқ, Республикада коронавирус инфекцияси тарқалиш ҳолатининг ҳудудлар кесимидаги таҳлили, касаллик аниқланган беморларнинг даволаниш (соғайиш) динамикаси ҳолатидан келиб чиққан ҳолда, республика ҳудудлари жорий йилнинг 11 майидан эътиборан ТУМАН ВА ШАҲАРЛАР ДАРАЖАСИДА тоифаларга ажратилади.

Бунда:

🟢 “сариқ” ва “қизил” тоифадаги вилоятларда коронавирус инфекцияси умуман аниқланмаган туманлар (шаҳарлар) “яшил” тоифага киритилади;

🔴 “яшил” ёки “сариқ” тоифадаги вилоятнинг бирор-бир туманида (шаҳрида) коронавирус инфекцияси аниқланадиган бўлса, бутун вилоятнинг тоифасини ўзгартирмаган ҳолда, тегишли туманнинг (шаҳарнинг) ўзи “қизил” тоифага ўтказилади.

〰️〰️〰️〰️〰️〰️

✔️ Тошкент шаҳрини “қизил”, “сариқ” ва “яшил” тоифаларга ажратиш эпидемиологик вазиятдан келиб чиққан ҳолда, Санитария-эпидемиологик осойишталик агентлигининг таклифи асосида маҳаллалар, даҳалар, мавзелар кесимида амалга оширилиши мумкин.

📝 Санитария-эпидемиологик осойишталик агентлиги коронавирус инфекциясининг тарқалиш ҳолатининг ҳар бир туман (шаҳар) кесимидаги таҳлили, касаллик аниқланган беморларнинг даволаниш (соғайиш) динамикаси ҳолатидан келиб чиққан ҳолда, туман (шаҳар)ларнинг тоифасини ўзгартириш юзасидан доимий равишда Қорақалпоғистон Республикаси Вазирлар Кенгаши ва вилоятлар ҳокимликларига таклиф киритиб боради.

@koronavirusinfouz
#vahimasizkarantin
#карантинбезпаники

📣 Туман ва шаҳарларда уларнинг тоифасидан келиб чиққан ҳолда Қорақалпоғистон Республикаси, вилоятлар ва Тошкент шаҳри учун амалга оширилиши назарда тутилган фаолият турларига рухсат берилади.

❗️Муайян туман (шаҳар) “қизил” тоифага ўтказилганда, тегишли ҳудуд (Қорақалпоғистон Республикаси ва вилоятлар) тоифасидан қатъи назар ушбу туман (шаҳар)да “қизил” тоифа учун назарда тутилган барча карантин чекловлари тўлиқ жорий этилади.

❗️“Яшил” ва “сариқ” тоифадаги ҳудудларда савдо мажмуалари фаолиятига ижтимоий масофани сақлаган ҳолда рухсат берилади;

🚫 бунда ушбу мажмуаларнинг аттракцион, кўнгилочар, овқатланиш бўлинмалари, кинотеатр ва ўйин майдончалари фаолиятига рухсат берилмайди.

🚕 💇🏻‍♂️ Йўналишсиз таксиларда йўловчи ташишга ҳамда сартарошхона (гўзаллик салонлари) фаолият юритишига фақатгина Қорақалпоғистон Республикаси, вилоятлар ва Тошкент шаҳри кесимида “яшил” ва “сариқ” тоифадаги ҳудудлардагина рухсат берилади.

❌ Агарда муайян ҳудуд “қизил” тоифага кириб, унинг таркибидаги туман (шаҳар)лар “сариқ” ва “яшил” тоифаларга кирган тақдирда, ушбу туман (шаҳарлар)да йўналишсиз таксиларга йўловчи ташишга ҳамда сартарошхона (гўзаллик салонлари) фаолият юритишига йўл қўйилмайди.

@koronavirusinfouz
#vahimasizkarantin
#карантинбезпаники

❗️Туман (шаҳар)ларни тегишли тоифаларга ажратган ҳолда босқичма-босқич бекор қилишда қуйидаги талаблар сақлаб қолинади:

➖ ижтимоий масофа (2 метр)ни сақлаш, 3 кишидан ортиқ йиғилмаслик, фуқароларнинг тиббий ниқобдан ҳамда антисептик воситалардан фойдаланиши;

➖ таълим ташкилотлари (боғча, мактаб, лицей, коллеж, техникум, институт, университет ва бошқалар), ўқув курслари фаолиятини йўлга қўймаслик;

➖ кўнгилочар объектлар — тунги клублар, дискотека, ресторан, кафе, ошхона, чойхона, спа ва массаж салонлар, караоке, бильярд заллари, чилим (кальян) ва компьютер ўйинлари марказлари фаолиятига йўл қўймаслик;

➖ барча турдаги оммавий тадбирлар — концерт, театр, кинотеатр, музей, спорт тадбирлари, оилавий тантана, тўй, маърака ва маросимларни (дафн маросимлари 10-15 кишидан кўп бўлмаган ҳоллар бундан мустасно) ўтказмаслик;

➖ жамоат транспорти ҳаракатига рухсат бермаслик;

➖ деҳқон бозорлари ва озиқ-овқат савдо нуқталари (супермаркет ва бошқа йирик дўконлар) кириш-чиқиш жойларини пирометрлар ва антисептик воситалар билан жиҳозлаш ҳамда ҳар бир фуқаронинг тана ҳароратини ўлчаб, 37 С ва ундан юқори бўлган ҳолатда, ушбу мажмуаларга киритмаслик чораларини кўриш;

➖ барча ташкилотлар кириш-чиқиш жойларини пирометрлар ва антисептик воситалар билан таъминлаш ҳамда ходимлар томонидан ижтимоий масофа (2 метр)ни сақлаган ҳолда фаолият юритишини таъминлаш учун биринчи раҳбарлар шахсан масъуллиги;

➖ қурилиш-таъмирлаш ишларида объектларнинг ҳудуди тўлиқ карантинга олиниши ва ҳудудий санитария-эпидемиология осойишталик марказлари билан биргаликда объектларда санитария-гигиена тадбирларининг амалга оширилиб борилиши. Бунда, ушбу ташкилотларнинг фаолият олиб бориш даврида санитария ва гигиена қоидаларига тўлиқ риоя қилиши, ўз фаолиятини фақатгина тегишли объект ҳудуди доирасида ташкил этиши.

〰️〰️〰️〰️〰️〰️

☝️ Ўз навбатида, “қизил” тоифага кирувчи ҳудудларда карантин чекловлари талабларини бажармаслик, шунингдек “яшил” ва “сариқ” тоифага кирувчи ҳудудларда рухсат берилган фаолият турларини ўрнатилган махсус талабларга риоя этмаган ҳолда амалга ошириш тегишли жавобгарликка сабаб бўлади.

@koronavirusinfouz
#vahimasizkarantin
#карантинбезпаники

#Сарҳисоб

2020 йил I чоракда ДХА нима иш қилди?

https://www.youtube.com/watch?v=Vwmo9v_jaVU&feature=youtu.be

Tas-ix:
https://mover.uz/watch/a70BNwcm/

Биз ижтимоий тармоқларда:
Telegram · Instagram · Facebook · Youtube

#Савол_Жавоб

❓Мен зарурат туфайли корхонамни ёпмоқчи эдим. Шунга кўра корхона таъсисчисининг корхонани ихтиёрий тугатиш тўғрисидаги қарорида қандай маълумотлар бўлиши лозим?

❗️Қарорда қуйидагилар кўрсатилади:

✅тугатилаётган корхона тўғрисидаги маълумотлар (тўлиқ ва қисқартирилган номи, солиқ тўловчининг идентификация рақами, почта манзили);

✅тугатувчи ҳақидаги маълумотлар (паспорт маълумотлари, телефон рақами ва электрон почта манзили);

✅тугатилаётган корхона бўйича мурожаатларни қабул қилиш жойи ва муддати;

✅корхонани тугатиш сабаби ва мўлжалланаётган тугатиш муддати.

Биз ижтимоий тармоқларда:
Telegram · Instagram · Facebook · Youtube

#Савол_Жавоб

АОКА штабига келиб тушаётган саволларга Давлат хизматлари агентлиги Ахборот хизмати раҳбари Севара Зокирова жавоб қайтарди.

❓МЧЖ очмоқчиман. Карантин даврида уни давлат рўйхатидан ўтказиш тартиби қандай? Тўловларчи?

🌐 Сиз карантин даврида МЧЖни fo.birdarcha.uz сайти орқали давлат рўйхатидан онлайн ўтказишингиз мумкин.

🗝 Бунда МЧЖни рўйхатдан ўтказиш электрон рақамли имзо олган ҳолда, мазкур сайтда сўровномаларни тўлдириш орқали амалга оширилади.

❗️Агар МЧЖ Давлат хизматлари маркази орқали рўйхатдан ўтказилса, базавий ҳисоблаш миқдорининг 1 баравари миқдорида, агар онлайн ўтказилса, ушбу сумманинг ярми миқдорида давлат божи тўланади.

❓Корхонамнинг таъсис ҳужжатларини йўқотиб қўйдим. Қандай тиклаш мумкин?

🔰 Корхонани таъсис ҳужжатлардан нусхаларни корхона рўйхатдан ўтган Давлат хизматлари марказидан ёки fo.birdarcha.uz сайти орқали олишингиз мумкин.

❓ Шу кунга қадар бирор марта меҳнат таътилига чиқмаганман. Фойдаланилмаган таътилим учун пуллик компенсацияни жорий йилда олишим мумкинми?

❌ Йўқ. Ходимга фойдаланилмаган барча йиллик асосий ва қўшимча таътиллар учун компенсация меҳнат шартномаси бекор қилинганда тўланади.

❓Яқинда фарзандли бўлдим. Суюнчи пулини қандай олсам бўлади?

❗️Бунинг учун Ягона интерактив давлат хизматлари порталидан (my.gov.uz) рўйхатдан ўтишингиз ҳамда тегишли хизмат турини танлаб ариза юборишингиз мумкин.

Шунингдек, карантин тадбирлари тугагач тегишли туман пенсия бўлимларига бориб мурожаат қилишингиз ҳам мумкин.

❓Корхона фаолиятини тугатиш учун ДХМга қандай ҳужжатлар тақдим этишим лозим?

❗️Бунинг учун Сиз корхона таъсисчиси ёки таъсисчиларининг корхонани ихтиёрий тугатиш тўғрисидаги умумий йиғилиш қарорини, қарор қабул қилингандан кейинги иш кунидан кечикмай ариза билан Давлат хизматлари марказига мурожаат қилишингиз мумкин.

Манба: @axborot_xizmatlariAOKA

@koronavirusinfouz
#vahimasizkarantin
#карантинбезпаники