📊 #Tonggi_tarona

🎵"JIGARLARIM"

🎬 Dildora Niyozova ijrosida.

🌺Yakshanba - bir birlarini sog‘ingan jigarlar uchun diydor kuni!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI_TAVSIYA

💎OTANING USTOZDAN SO‘RAGANLARI

✅Ushbu xat hindistonlik ota tomonidan o‘g‘lining ustoziga bag‘ishlab yozilgan.

🟢O‘g‘limning ustozi! O‘g‘limga u bilishi kerak bo‘lgan narsalarni o‘rgating, agar qo‘lingizdan kelsa muloyim bo‘ling. Unga o‘rgatingki, modomiki dushmanlari bor ekan, uning do‘stlari ham bo‘ladi.

➖U bilsinki, bu dunyoda barcha insonlar adolatli va haqiqiy emasdir. Unga yana o‘rgatingki, har bir razilning qarshisida bir qahramon va har bir sotqin siyosatchi qarshisida bir sodiq siyosatchi bordir. Agar qo‘lingizdan kelsa unga halol yo‘l bilan topilgan bir sent, egri yo‘l bilan topilgan bir dollardan qadrliroq yekanini o‘rgating. Yana unga o‘rgatingki, yolg‘on bilan g‘alaba qozongandan ko‘ra, rost bilan muvaffaqiyatsizlikka uchrash afzaldir.

➖Unga shunday ta’lim beringki, u g‘alaba nashidasini surish uchun, yutqazish alamini totib ko‘rishi kerakligini anglab yetsin. Unga o‘rgatingki, u yumshoq insonlar bilan — yumshoq, qahrlilar bilan esa — qahrli bo‘lsin. Agar qo‘lingizdan kelsa, unga hasad olovidan chetda bo‘lishni va samimiy kulishni o‘rgating. Yana unga mahzun kunlarda kulishni, vaqti kelganda, ko‘z yosh to‘kishni va buni uyat yemasligini o‘rgating. U shuni bilsinki, sharafli mag‘lubiyat sharmandalik g‘alabadan ustundir.

➖O‘g‘limning ustozi! O‘g‘limga kitoblarga oshno bo‘lishni o‘rgating. Unga yana ko‘kdagi qushlardan, qirlar uzra ochilgan gullardan, va bu gullardan bol yig‘ib olayotgan asalarilardan ta’sirlana oladigan inson bo‘lishni o‘rgating. O‘g‘limga unga butun dunyo ishonmasa ham o‘z g‘oyasida sodiq qolishni o‘rgating.

➖O‘g‘limga kuchli bo‘lishni o‘rgatingki, u hech qachon olomonga ko‘r-ko‘rona ergashib ketmasin. Unga hammani yeshitishni va o‘z navbatida haq va nohaqni ajratishni o‘rgating. Unga kuchi va salohiyatini qimmatga sotishni, ammo vijdoni va ruhini sotishga haqqi yo‘q ekanligini o‘rgating.

➖O‘g‘limga jasur bo‘lish uchun eng avvalo, sabrli bo‘lish kerakligini o‘rgating. Unda o‘ziga bo‘lgan ishonch hissini shakllantirishiga ko‘maklashing, shunda u boshqalarga ham ishonch bilan munosabatda bo‘ladi.

📌Bilaman, sizdan istayotganlarimni bajarish oson emas, ammo so‘raganlarimdan qo‘lingizdan kelganlarini o‘rgating. U ajoyib bola! Yaxshi bola! U mening o‘g‘limdir.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI_MUTOLAA

🔔QO‘NG‘IROQ

Qo‘ng‘iroq bo‘ladi qadrdoningdan,
U sening suhbating sog‘ingan rosa.
Sen esa, toshasan sabrdoningdan,
Shoshasan, qilmoqqa darhol xulosa.

- Qancha oylar o‘tdi, yo‘qlamaysan hech,
Sog‘ingan bu ko‘nglim diydorga tashna.
Kel, tashvish toshini gardaningdan yech,
Bugun bir ko‘nglimiz yozaylik, oshna.

Yerda qoldirmagin shu fikru ahdim,
Sog‘indim, sog‘inchni o‘ldiraylik, do‘st!
- Bugun imkonim yo‘q, ertaga vaqtim,
Kel, shuni indinga qoldiraylik, do‘st!

... U seni sog‘ingan, sen uni, biroq,
Xayoling chetiga osib qo‘yasan.
Hatto yuragingni bosmayin titroq,
So‘ng qizil tugmani bosib qo‘yasan.

Do‘sting - qadrdoning, u sening baxting,
Malol botmagaydir so‘zing, ehtimol.
Bugun imkoning yo‘q, ertaga vaqting,
Indinga yo‘qdirsan, o‘zing ehtimol...

Qo‘ng‘iroq bo‘lyapti qadrdoningdan... 📞

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI_MUTOLAA

💎Oddiyat

Hamma narsa oddiy atrofimizda,
Sevmoq, unutmoq ham juda oddiy hol.
Guyo mashaqqatli ish yo‘qday bizda,
Kunlik yumushlar ham sodda bir ahvol.

Topib aytilguvchi izhorlar ham jo‘n,
Qo‘shiqlar ham oddiy va she’r bitish ham.
Qiyin bir ish emas vafo siz uchun,
Do‘st bo‘lish ham oddiy, kechib ketish ham.

Umrimiz o‘tmaydi hech favqulodda,
"Yashash og‘ir" so‘zi, bu shunchaki gap.
Hamma narsa oddiy, hammasi sodda,
Faqat bu olamda Hayot murakkab...

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI_TILAK

💎O‘tmishning eshiklarini yoping va o‘tmish uchun vaqt yo‘qotmang!
Boshqalarning siz haqingizdagi fikri bilan qiziqmang!
Baxtni birovdan kutmang, o‘zingiz yarating!
Tabassum qiling va yo‘lingizda davom eting!..

ASSALOMU ALAYKUM!
Bugun 9-dekabr.
💎Har tong ko‘zingizni ochganingizda, qanday vaziyat bo‘lishidan qat’iy nazar kimgadir kerakligingizni, kimnidir baxtli qila olishingizni unutmang...
Siz dunyo uchun kimdirsiz, lekin kimlar uchundir dunyosiz....

Kuningiz xayrli va barokatli o‘tsin!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI MUTOLAA

MЕN SIZNI YAXSHI KO‘RAMAN

Mayli, valiy bo‘ling, vallomat bo‘ling,
Ko‘nglimning bezagi – naqshi ko‘raman.
Qayda bo‘lsangiz ham salomat bo‘ling,
Men sizni baribir yaxshi ko‘raman!

Malomat miltig‘in o‘qlamang, mayli,
Och qolgan ko‘nglimni to‘qlamang, mayli,
Aslo ranjimayman, yo‘qlamang, mayli,
Men sizni baribir yaxshi ko‘raman!

Malham yo‘q, ichdagi firoq – ohimga,
Davo yo‘q dildagi dardli dog‘imga,
Javoblar bo‘lmaydi, qo‘ng‘irog‘imga,
Men sizni baribir yaxshi ko‘raman!

Sizning borligingiz ko‘nglimga huzur,
Ko‘nglim bir yozilib, dardlarin yozur,
Qachondir ranjitgan bo‘lsam, ming uzr,
Men sizni baribir yaxshi ko‘raman!

Savollarga javob bermasangiz ham,
Borligim nazarga ilmasangiz ham,
Mayli meni so‘rab kelmasangiz ham,
Men sizni baribir yaxshi ko‘raman!

His etarsiz bir kun keragimni ham,
Tinglarsiz, ehtimol tilagimni ham,
Bir kuni anglarsiz yuragimni ham,
Men sizni baribir yaxshi ko‘raman!

Bor bo‘lsa kechiring, gunohim uchun,
Yo dildan o‘chmagan bir ohim uchun,
Har neki bo‘lsa ham Allohim uchun,
Men sizni baribir yaxshi ko‘raman!

Qayda bo‘lsangiz ham salomat bo‘ling,
Men sizni baribir yaxshi ko‘raman!

💥Kuningiz xayrli o‘tsin, azizim!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI_TAVSIYA

🔴Ota-ona bilan muomala qilishdagi odoblar:

1️⃣) Huzurlarida qo‘l telefonlarini o‘chirib qo‘yish.

2️⃣) Gapirayotganlarida jim turish.

3️⃣) Ra’ylarini qaytarmaslik.

4️⃣) Gaplarini ma’qullab turish.

5️⃣) Yomon xabarlarni oldilarida gapirmaslik.

6️⃣) Erishgan yutuqlarini doim eslatib turish.

7️⃣) Agar qayta-qayta gapirsalar ham gaplarini tasdiqlab ko‘ngillarini ko‘tarib turish.

8️⃣) O‘tmishdagi alamli o‘rinlarni zikr qilmaslik.

9️⃣) Otiqcha gaplardan chetlanish.

1️⃣0️⃣) Gaplarini tugatmaslaridan oldin
eshitmasdan turib ketmaslik.

1️⃣1️⃣) Oldilarida nabiralarini
jazolamaslik.

1️⃣2️⃣) Ularga ovozni ko‘tarmaslik.

1️⃣3️⃣) Ulardan oldin yoki oldilaridan yurmaslik.

1️⃣4️⃣) Taomga ulardan oldin qo‘l uzatmaslik.

1️⃣5️⃣) Ular bilan faxrlanishlik,agar ular
shunga loyiq ish qilishmagan bo‘lsa ham.

1️⃣6️⃣) Oldilarida oyoq uzatmaslik yoki ularga orqa qilmaslik.

1️⃣8️⃣) Har doim ularni haqlariga duo xayr qilish.

1️⃣9️⃣) Oldilarida charchoq va
hafalikni zohir qilmaslik.

2️⃣0️⃣) O‘zlari talab qilishlaridan oldin
xizmatlarini bajarish.

2️⃣1️⃣) Doimiy ravishda ularni ziyorat qilib turish.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#Tonggi_maslahatlar

💎1. Odamlarga o‘zlari bilishi kerak bo‘lgan narsadan ortiq narsani gapirmang. Shaxsiy chegarangizni himoya qiling.

💎2. Hayotingizni yaxshilashni boshlashingiz bilan 99 foiz do‘stlaringiz atrofingizda yo‘q bo‘lib qoladi, bunga tayyor turing. Yo‘q joydan hayotingizni yaxshilashga xizmat qiladigan do‘stlar paydo bo‘ladi, ularni mahkam tuting.

💎3. Hammaga birdek yoqishga harakat qilmang. Dunyodagi eng baxtsiz odamlar kimnidir xafa qilib qo‘yishdan qo‘rqadigan odamlardir.

💎4. Eng oson yo‘l oxir-oqibatda eng sirpanchiq yo‘l bo‘lib chiqadi.

💎5. Yolg‘izlik - umrning bir qismi, yolg‘iz bo‘lishga o‘rganishingiz kerak. Yolg‘iz dam olish, yolg‘iz sayr, yolg‘iz qolish.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#TONGGI_MUTOLAA

💎SHUNDAYLAR BOR

Shunday odamlar bor, har so‘zi malham,
Biror oliygohda dars o‘qimagan.
Shunday shoirlar bor, bir bor bo‘lsa ham,
Hatto gazetaga she’ri chiqmagan.

Gohida keladi bahridan kechgim,
Ularga o‘tmaydi elning duosi.
Shunday hofizlar bor, tanimas hech kim,
Joningga jon berar jonli ovozi.

«Fido» degan so‘z bor iboramizda,
Fidoiylik uchun berilmas buyruq.
Shunday muallimlar bor oramizda.
«A’lochi» ham emas, medali ham yo‘q.

Shunday shifokorlar bor, qo‘li malham,
Shirin so‘zi bilan qolur undan iz.
Yuz jonning jonini saqlab qolsa ham,
Intervyu olmaydi undan jurnalist.

Har taqdir azaldan hukmi o‘qilib,
Har savol yaralgan javobi bilan.
Shunday boylar borki, yaxshilik qilib,
Suratga tushmaydi savobi bilan.

Har joyda ovora sevgi degan so‘z,
Zabon ulug‘ so‘zning g‘amin yemaydi.
Shunday oshiqlar bor - uzukdagi ko‘z,
Ming yil birga yashab «sevdim» demaydi.

Shunday odamlar bor...

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook