#ТОНГГИ_ТИЛАК

⚡️Кўп нарса билишга ҳожат йўқ... Меҳр-муҳаббат кўрсатган, ҳаққимизга дуо қилгувчи инсонларнинг қадр-қийматини билсак кифоя...

⚡️Ассалому-алайкум, Азизлар! Соғ-омонмисиз?

Тонгимиз - яхшилик билан бошлансин, хонадонимиздан тотувлик ва барака аримасин.

⚡️Ҳаёт бу - ёмғирдек гўё...
Мунтазам ёғадиган ёмғир баъзан томчилайди, баъзан жала қўяди. Ҳар кимнинг ҳаётида соябон тутадиган одами бўлади. У ёмонликлардан ҳимоя қилиб, қалбингизга илиқлик, қуёш олиб киради. Ҳаётингизда шундай одамингиз доим бор бўлсин.

⚡️Унутманг...
Меҳр фақат тарқатилганда кўпаяди, ўзингизга кўпроқ меҳр олишнинг ягона усули кўпроқ меҳр улашишдир. Атрофингизда қалби ҳалим, меҳрга тўла инсонлар кўпайсин.

⚡️Атроф оламга қандай кўз билан боқсангиз у шундай кўринади...
⚡️Бугуннинг файзу барокати ва мўжизалари сизга ҳамрох бўлсин.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#ТОНГГИ_ТИЛАК

У М И Д

УМИД - ҳаёт йўлларининг риштаси,
УМИД - кўнгил тубидаги бир маъво.
УМИД - тўзғин умрнинг сариштаси,
УМИД - оғриқ диллар учун бир даво.

УМИД - ҳали очилмаган ғунчадир,
УМИД - ҳали сиёҳ тегмаган қоғоз.
УМИД - бахтга лиммо-лим тугунчадир,
УМИД - энди раста бўлган бир овоз.

УМИД - кенгиш даладаги жуфт издир,
УМИД - ишқдан қоқилмаган бир мижжа.
УМИД - совчи кутаётган бўйқиздир,
УМИД - ҳали уйланмаган йигитча.

УМИД - туғуруқхонадаги туғёндир,
УМИД - шодон кулаётган бир масъум.
УМИД - ортга қайтган озурда жондир,
УМИД - доктор юзидаги табассум.

УМИД - Ҳаққа йиғлаб қилинган оҳлар,
УМИД - қонлар оқиб турган томирдир.
УМИД - ҳали очиқ турган нигоҳлар,
УМИД - ҳали тугамаган умрдир!!!

Ассалому алайкум. Яна бир гўзал тонг муборак бўлси!
Азимзлар, ҳаётнинг ҳар кунидан умидвор бўлиб яшанг!

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#ТОНГГИ_ТИЛАК
ШУКУР АЙТИНГ

Бу чархпалак дунё ичра мен ҳам, сиз ҳам омонатмиз,
Минг бир ташвиш бошимизда, ҳар кун битта камомадмиз.
Тириклик ҳам ғаниматдир, тансиқ бўлди ширин жонлар,
Аллоҳимга шукур айтинг, бугун бормиз, саломатмиз!

Лавҳул маҳфўз дафтарига тақдир ўзи битгай иншо,
Феълимиз тор, кўнгил инжиқ, нечун бунча аломатмиз?!
Қадрин билинг ҳар лаҳзани, «эртагача худо пошшо»,
Аллоҳимга шукур айтинг, бугун бормиз, саломатмиз!

Кибр этурмиз ҳашам бирла, баланд-баланд қўрғон солиб,
Асли гилдан бино бўлган омонат бир иморатмиз.
Кетгайдирмиз бир кун ерга, икки энлик мато олиб,
Аллоҳимга шукур айтинг, бугун бормиз, саломатмиз!

Ҳар не бўлса Ҳақдан келур, ҳеч бир ишда йўқ башорат,
Инсон асли бир мўъжиза, биз улуғ бир кароматмиз.
Ҳар қандай дард ваҳми, балки одамзотга бир ишорат,
Аллоҳимга шукур айтинг, бугун бормиз, саломатмиз!

Иғво бирла бўлиб ошно, юракларга солманг ғулу,
Биз Ҳақ очган дафтар ичра кунда-кунлик давоматмиз.
«Жон-жон» жоним Уникидир, бергувчи У, олгувчи У
Унга беҳад шукур айтинг, бугун бормиз, саломатмиз!

На давлату, на тожу тахт таскин бўлмас кўнгилларга,
Зикр айланг Ҳақ каломин, иймон бирла ҳаловатмиз
Тупроғингиз сочилгайдир эрта қайси ўнгурларга,
Аллоҳимга шукур айтинг, бугун бормиз, саломатмиз!

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#ТОНГГИ_ТИЛАК

Ассалому алайкум,
Омонмисиз қадрдон?!
Юрибсизми хушчақчақ,
Баҳри-дилингиз хандон.

Янги тонгнинг чиройи,
Қалбингиздан бир қиёс.
Ҳадемай, дил ёришиб,
Бошин кўтарар қуёш.

Оинангиздан термулинг,
Янги кун бир гўзалдир.
Қизғиш уфқнинг четида,
Парқут булут сузардир.

Дард, ташвиш ва оғриқлар,
Юракка тиғ санчадир.
Шукур қилинг, бу тонгга,
Етолмаган қанчадир.

Туринг, уйғонинг дўстим,
Тонг қўлларин тутаяпти.
Сизни бугун тақдирдан,
Буюк ишлар кутаяпти!

Тонгингиз муборак бўлсин! Кунингиз хайрли ўтсин!

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#ТОНГГИ_ТИЛАК
🌞УЙҒОНДИНГИЗМИ

Ассалом қадрдон, уйғондингизми,
Уйқу бермадимиИюнь қуёши?
Мендек тонгни кутиб тўлғондингизми,
Ё мафтун этдими ойнинг жамоли?

Яна жой олдими орзулар тўлиб,
Кўнгил деб аталмиш кошонангиздан.
Бугун яна тақдир меҳрибон бўлиб,
Ўпиб уйғотдими, пешонангиздан?

Тонг табассум қилур, юзлари гулгун,
Янги кун нигоҳлар олдида илҳақ.
Миллиардлаб одамлар қатори, бугун,
Сизни уйғотишни унутмади, Ҳақ!

Сизга субҳидамдан шеъримни туздим,
Ўқинг ҳар сатрида соғинчнинг иси.
Биламан, ишингиз жуда кўп, дўстим,
Тонгни қаршиламоқ- энг биринчиси!

Ассалом қадрдон, уйғондингизми...
Шанба, дам олиш куниниз хайрли бўлсин!

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#ТОНГГИ_ТИЛАК

ЎЗИНГИЗНИ ЭҲТИЁТ ҚИЛИНГ😊

Замон оғир, дунё мураккаб,
Яшаяпмиз, юракни алдаб,
Ташвишлар ҳам бўларда, бир гап,
Ўзингизни эҳтиёт килинг!

Майли ҳаёт азобга солсин,
Дард дегани домига олсин,
Дунёлари бошидан қолсин,
Ўзингизни эҳтиёт қилинг!

Одамларга боқасиз, қуюқ,
Дейсиз: "унинг зарра гарди йўқ",
Қўйинг дўстим, кимнинг дарди йўқ,
Ўзингизни эҳтиёт қилинг!

Мана яшаб юрибмиз биз ҳам,
Босилгайдир, изтироб, из ҳам,
Туғилгансиз бир марта, сиз хам,
Ўзингизни эҳтиёт қилинг!

Қаранг, кўкда ой кўзин сузар,
Умр тотли, яшамоқ гўзал,
Ҳар неда бир ҳикмат бор, азал,
Ўзингизни эҳтиёт қилинг!

Ҳар умрнинг бордир ёз-қиши,
Тугамайди ҳаёт ташвиши,
Жуда яқин ойнинг ўн беши,
Ўзингизни эҳтиёт қилинг!

Гоҳ дўстлардан кўнглингиз оғрир,
Ҳамма сиздан тортгандай бағир,
Оилангизга кераксиз ахир,
Ўзингизни эҳтиёт қилинг!

Фарзандлар хам борар улғайиб,
Яшаманг ҳеч маюс-мунғайиб,
Қани дўст, бир қўйинг жилмайиб,
Ўзингизни эҳтиёт қилинг!

Гўзал яшанг, шудир матлабим,
Умид бирлан шивирлар лабим,
Илтимосим, ўтинч-талабим,
Ўзингизни эҳтиёт қилинг!

Терс оқимдан чарчадингизми,
Умр нима, дарё, денгизми,
Шеърим тамом! Тушундингизми,
Ўзингизни эҳтиёт қилинг!

Ташвишлар хам бўларда бир гап...

🌞Якшанба тонгги Сизу бизга хайрли бўлсин. Дам олиш кунингиз мароқли ўтсин!

Канални яқинларингиз билан улашинг
Telegram | Facebook