#КУН_МАВЗУСИ
🔰2024/2025 ўқув йилидан бошлаб битирувчилар учун умумтаълим фанлари бўйича якуний давлат аттестацияси ДTM томонидан ўтказилади


Президентнинг «Умумтаълим фанлари бўйича якуний давлат аттестациясини ўтказиш ва олий таълим ташкилотларига ўқишга қабул қилиш тартибини такомиллаштиришга оид чора-тадбирлар тўғрисида»ги қарори лойиҳаси эълон қилинди.


Умумий ўрта ва ўрта махсус таълим ташкилотлари ҳамда касб-ҳунар мактаблари умумтаълим фанлари бўйича якуний давлат аттестациясини ўтказиш ҳамда олий таълим ташкилотларига ўқишга қабул қилишнинг қуйидаги тартиби жорий этилади:

• 2024/2025 ўқув йилидан бошлаб таълим ташкилотлари битирувчилари учун умумтаълим фанлари бўйича якуний давлат аттестацияси Вазирлар Маҳкамаси ҳузуридаги Давлат тест маркази томонидан ўтказилади;

• битирувчилар учун мажбурий учта фан – она тили (ўзбек, рус, қорақалпоқ ва бошқа тиллар), математика ва Ўзбекистон тарихи фанларини ҳамда иккитадан тўрттагача бакалавриат таълим йўналишига мос бўлган умумтаълим фанларини билиш даражасини аниқлаш бўйича тест синови ўтказилади;

• тест синови натижалари бўйича битирувчиларга уч йил муддатга амал қиладиган электрон миллий сертификат берилади;

• битирувчиларга шаҳодатнома (ёки диплом) беришда якуний давлат аттестациясида битирувчиларнинг мажбурий фанлар бўйича тест синови натижалари инобатга олинади ва шаҳодатнома (ёки диплом)да қайд этилади;

• таълим дастурларини тўлиқ ўзлаштирган ва ўқув фанларидан йил давомида қониқарли баҳо олган битирувчилар тест синовига қўйилади. Битирувчилар рўйхати Халқ таълими вазирлиги, Олий ва ўрта махсус таълим вазирлиги, Таълим сифатини назорат қилиш давлат инспекцияси, тизимида умумтаълим муассасалари бўлган вазирлик ва идоралар томонидан электрон идоралараро ахборот алмашинуви орқали Давлат тест маркази платформасига интеграция қилинади;

• битирувчилар шаҳодатнома (диплом) олишлари учун тест синови натижаси бўйича мажбурий фанлардан тўпланиши лозим бўлган минимал балл Халқ таълими вазирлиги томонидан белгиланади;

• тест синови натижаси бўйича мажбурий фанлардан минимал балл ва ундан юқори балл тўплаган битирувчилар якуний давлат аттестациясидан ўтган ҳисобланади;

• йил давомида тест синовини топшириб умумтаълим фанларидан сертификатга эга ва унинг балли Халқ таълими вазирлиги томонидан белгиланган минимал ўтиш баллига мос келган битирувчилар тегишли фанлар бўйича якуний давлат аттестациясидан озод этилади;

• тест синовлари ҳар йили июнь-июль ойларида Давлат тест маркази томонидан катта сиғимли биноларда ҳамда таълим муассасаларига ўқишга қабул қилиш бўйича давлат комиссияси томонидан белгиланадиган узоқ ҳудудлардаги биноларда қоғоз (ёки электрон) шаклда ўтказилади;

• мажбурий фандан минимал балл тўплай олмаган, узрли сабабга кўра (касаллиги, оила аъзоларининг вафот этгани, халқаро спорт мусобақаларида, олимпиада ва кўрик танловларда иштирок этаётгани) тест синовида қатнаша олмаган битирувчиларга асословчи ҳужжатларга мувофиқ якуний давлат аттестацияси тўлиқ якунланганидан икки ҳафта ўтгач ушбу фанлардан қайта тест синовини топшириш ҳуқуқи берилади;

• қайта тест синови натижалари бўйича етарли балл тўплай олмаган битирувчилар барча олий таълим ташкилотларига ўқишга қабул қилиш танловида иштирок эта олмайди, уларга таълим ташкилотлари томонидан тегишли таълимни тугатгани ҳақида маълумотнома берилади ҳамда кейинги йил якуний давлат аттестациясида қайта тест синовини топшириш ҳуқуқи берилади.

Бунда, олдинги йилда таълим ташкилотини тугатган, лекин якуний давлат аттестациясидан ўта олмаган битирувчилар, ягона интерактив хизматлар портали ёки Давлат хизматлари марказлари орқали ўзи таълим олган таълим ташкилотига якуний давлат аттестациясидан ўтиш учун ариза билан мурожаат қилади.


Битирувчилар мажбурий ҳамда мутахассислик фанларидан тест синови натижалари асосида олий таълим ташкилотларига белгиланган тартибда ўқишга қабул қилинади.https://t.iss.one/toshkentvxtb/31523

Мазкур тартиб хорижий фуқаролар ва Президент мактаблари битирувчиларига нисбатан татбиқ этилмайди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰СЕМИНАР

✅Жорий йил 29 июль куни Халқ таълими вазирлиги ташаббуси билан Тошкент вилояти Бўстонлиқ тумани халқ таълими тасарруфидаги 3-сонли умумтаълим мактабида “2022-2023 ўқув йили учун нашр этиладиган дарсликлар ва ўқув-методик мажмуаларни мактабларда қабул қииб олиш ҳамда ўқувчиларни дарсликлар билан тўлиқ таъминлаш масалалари”га бағишланган Республика амалий семинари ўтказилди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ 🔰КОНСТИТУЦИЯГА КИРИТИЛГАН ЎЗГАРТИРИШЛАР БЎЙИЧА ЖАМОАТЧИЛИК МУҲОКАМАСИ ЯКУНЛАНДИ

❗️30 июль ҳолатига кўра, ўзгартиришлар киритиш тўғрисидаги қонун лойиҳасига киритилган таклифларнинг умумий сони 117,3 мингдан ортиқни ташкил этди.

Бугун, 1 августда Ўзбекистон Конституциясига киритилган ўзгартиришларнинг умумхалқ муҳокамаси якунланди.

Қайд этилишича, қонунчилик палатасининг масъул қўмиталари халқдан келиб тушган таклифларни умумлаштириш, таҳлил қилиш ва қонун лойиҳасини такомилига етказиш борасидаги фаолиятини давом эттиради.

Эслатиб ўтамиз, Ўзбекистон Конститутсиясининг янги таҳрири лойиҳасининг жамоатчилик муҳокамаси 5 июлга қадар, сўнгра 15 июлга қадар давом этди. Кейинроқ, муҳокамани яна 1 августгача узайтиришга қарор қилинди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰Ўқувчиларга мактаб формалари тарқатилди

⚡️Куни кеча Ўрта Чирчиқ тумани ҳокими Ихтиёр Қосимов ташаббуси билан тумандаги 289 нафар "Темир дафтар"да рўйхатда турувчи оилаларнинг фарзандларига "Гавҳархон" оилавий тадбиркорлик корхонасига буюртма асосида тиктирилган мактаб формалари бепул тарзда тақдим қилинди.

🎥Батафсил видеолавҳада томоша қилишингиз мумкин.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ
🔰ОЛМАЛИҚ ШАҲРИДАГИ ҚУРИЛИШ-ТАЪМИРЛАШ ИШЛАРИ АМАЛГА ОШИРИЛАЁТГАН УМУМТАЪЛИМ МАКТАБЛАРИ ҲОЛАТИ ЎРГАНИЛДИ

⚡️Аввал хабар берганимиздек, 9 август куни Тошкент вилояти халқ таълими бошқармаси бошлиғи Азамат Камалов вилоят халқ таълими тасарруфидаги манзилли дастурлар асосида қурилиш-таъмирлаш ишлари олиб борилаётган умумтаълим мактабларида бўлди.

⚡️Кун аввалида Оҳангарон туманидаги қурилиш-таъмирлаш ишлари амалга оширилаётган мактаб бинолари ҳолати, янги ўқув йилига тайёргарлик даражасини ўрганган бошқарма бошиғи Олмалиқ шаҳридаги мукаммал таъмирдан чиқарилаётган 14-сонли умумтаълим мактабида бўлди. https://t.iss.one/toshkentvxtb/31778

⚡️Ўзбекистон Республикаси Президентининг 2022 йил 22 январдаги ПҚ 98-сонли қарори асосида мукаммал таъмирдан чиқарилаётган мазкур мактаб 960 ўринли бўлиб, айни кунлар ишлар жадал олиб борилмоқда. Янги ўқув йилига фойдаланишга топширилиши режалаштирилган.

⚡️Бошқарма бошлиғи таъмирланаётган муассаса биносини тўлиқ ўрганиш билан бир қаторда масканда ободонлаштириш ишлари билан танишиб, бир қатор таклиф ва тавсиялар берди. Жумладан, ҳудуддаги мавжуд дарахтларга эътиборли бўлиш ва янги ниҳоллар ўтқазишга кенгроқ аҳамият бериш кераклигини таъкидлади.

⚡️Азамат Камалов шу куннинг ўзида яна Пискент ва Бўка туманларидаги қурилиш-таъмирлаш ишлари амалга оширилаётган мактабларда ҳам бўлди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxtb

#КУН_МАВЗУСИ

⚡️Бўка тумани халқ таълими бўлими тасарруфидаги 44-сонли умумтаълим мактабида 16 сентябрь –озон қатламини ҳимоя қилиш куни муносабати билан
“ДОЛЗАРБ МАСАЛА: ОЗОН ҚАТЛАМИНИ ҲИМОЯ ҚИЛИШ ЗАРАР” мавзусида очиқ дарслар ташкил этилди.

🖊Тошкент вилояти Халқ таълими бошқармаси Ахборот хизмати
Каналга уланиш 👉@toshkentvxt

#кун_мавзуси
🔰ҚИЗЛАР ТАРБИЯСИ

📌Вилоят халқ таълими бошқармаси ташаббуси билан жорий йилнинг 23 ноябрь куни Ангрен шаҳар халқ таълими бўлими тасарруфидаги 14-сонли умумтаълим мактабида “Қизлар тарбиясида оналарнинг ўрни” мавзусида, танқидий таҳлилий сменар тренинг бўлиб ўтди.

📌Унда барча туман психологлари, хотин-қизлар бошланғич ташкилоти раҳбарлари ҳамда Ангрен шаҳар ИИБ инспектор психологлари, мактаб жойлашган ҳудуд маҳалла маслаҳатчилари иштирок этди.

📌Тадбирда юқори синф ўқувчилари қизлари ҳам қатнашди.

🖊Тошкент вилояти Халқ таълими бошқармаси Ахборот хизмати
——————————————————-
Канални яқинларингиз билан улашинг
Telegram | Facebook

#Кун_мавзуси

♾БОЛА ТАРБИЯСИДА БУГУН НИМАЛАРНИ БОЙ БЕРЯПМИЗ?

➡️Мактаб билан ота-она ва маҳалланинг ҳамкорлиги қандай йўлга қўйилган?

➡️Бугун болаларни тарбия қилишда ҳалал бераётган омиллар нима?

➡️ Ота-оналар болаларининг тўғри камол топишида ўз мажбуриятларини қанчалик ҳис қилмоқда?

Олмазор туманидаги 243-умумтаълим мактаби директори Зироатхон Комилова ҳамда туманидаги "Орзу" МФЙ раиси Сарвар Режабаев мактаб, маҳалла ва оила ўртасида йўлга қўйилган ҳамкорлик хусусида.

#КУН_МАВЗУСИ
🟢Ўзбекистонда мактаб ўқувчиларининг ўқув юкламалари камайтирилди

✅Умумтаълим мактабларида таълим шароитлари ва ташкил этилишига қўйиладиган санитария-эпидемиологик талаблари (0341-16-сон СанҚваН)нинг иловасига ўзгартиришлар ва қўшимчалар киритилди.

🌐Бу ҳақда батафсил👉https://telegra.ph/KUN-MAVZUSI-01-09

🖊Тошкент вилояти Халқ таълими бошқармаси Ахборот хизмати
——————————————————-
Канални яқинларингиз билан улашинг
Telegram | Facebook

#ДОЛЗАРБ
#КУН_МАВЗУСИ

🟢Куни кеча Тошкент вилояти Мактабгача ва мактаб таълими бошқармаси бошлиғи Элёр Акбаров вилоятнинг Ангрен, Оҳангарон шаҳарлари ҳамда Оҳангарон туманидаги барча мактабгача ва мактаб таълими ташкилот директорлари, ММТБ бўлим ходимлари иштирокида 25 май - “Хайр боғча, салом мактаб!” тадбирларини “Хайр, боғча!”, “Сўнгги қўнғироқ” тадбирларини “Илмни қадрланг, илмга интилинг!” шиори остида ташкил этиш борасида йиғилиш ўтказди.

🟢Йиғилишда муассасалардаги тарбияланувчилар ҳамда ўқувчилар хавфсизлигини таъминлаш мақсадида уларнинг сонидан келиб чиқиб, тадбирга фақатгина мактабга тайёрлов гуруҳлари ва 1-,4-, 9-, 11-синф ўқувчиларини жалб этиш тавсия этилди.

🟢Шу билан бирга бошқарма бошлиғи Элёр Акбаров умумтаълим мактаб директорларига якуний давлат имтиҳонларига пухта тайёргарлик кўриш бўйича тегишли тавсия ва топшириқлар берди.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#КУН_МАВЗУСИ
📍ҚИБРАЙ ТУМАНИ

Тошкент вилояти Мактабгача ва мактаб таълими бошқармаси бошлиғи Элёр Акбаров бугун Қибрай туманидаги мактабгача ва мактаб таълими бўлими тасарруфидаги муассасалар раҳбарлари иштирокида "Сўнгги қўнғироқ" тадбирларини ташкил этиш борасида йиғилиш ўтказди.

🌐БАТАФСИЛ⬅️

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook