#KUN_TAVSIYASI

O‘rniga o‘tib ko‘r

1. Maktab davrida o‘qituvchilarni rosa tanqid qilardim:

O‘zim o‘qituvchi bo‘ldim, ularni tushunishni boshladim.

2. Mashinam yo‘qligida haydovchilarni tanqid qilardim.

O‘zim mashina oldim. To‘g‘ri tushunishni boshladim.

3. Ishxonada rahbarlarni rosa malomat qilardim:

Qisqa vaqt boshqaruvda ishladim, ularni tushunishni boshladim.

4. Farzandini erkalatadigan ota-onalarni gapirardim:

O‘zim ota bo‘ldim, ularni his qilishni boshladim.

5. Vaqtida javob bermagan tanishlarni g‘iybat qilardim:

Ishlarim ko‘payib, javob yozolmay qoldim. Ularni ham to‘g‘ri tushundim.

O‘ylab qarasam:
Kimni bilmay tanqid qilgan bo‘lsam, taqdir meni o‘shaning o‘rniga tushirgan. Balki jazodir, balki yaxshilik..

🔴Xullas, nima demoqchiman?
“Yaqindan tanishsang, ajdarni ham vahshiy emasligini tushunasan.”

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#ATTESTATSIYA2024

🔴Avval xabar berganimizdek, Maktabgacha va maktab ta’limi vazirligi tizimidagi pedagoglarni attestatsiyadan o‘tkazish sinovlariga bugundan strat berildi.

✅ Malaka sinovlari avval e’lon qilingan manzillarda (https://uzedu.uz/uz/news/1791) real vaqt rejimida test (jumladan, jismoniy tarbiya, chet tili fanlaridan ham) shaklida o‘tkaziladi.

⚡️ Attestatsiya ikki bosqichda (bir kunda va bir vaqtda) kompyuter dasturlari orqali amalga oshiriladi.

👉 Test sinovlarini bajarish uchun:

➖ matematika, informatika va axborot texnologiyalari, kimyo, biologiya, fizika fanlari uchun — 120 daqiqa;

➖ qolgan barcha fanlar uchun — 90 daqiqa vaqt ajratiladi.

👉 Malaka sinovlarining:

➖ birinchi bosqichida – mutaxassislik fani va kasb standarti bo‘yicha bilim darajasini aniqlash uchun 40 ta (mutaxassislik fanidan 35 ta, pedagogning kasbiy standartlaridan 5 ta) test topshirig‘i beriladi. Har bir to‘g‘ri bajarilgan test 2 ball bilan baholanadi. Test sinovlari uchun jami 80 ball beriladi;

➖ ikkinchi bosqichda – pedagogik mahoratni aniqlash maqsadida ilg‘or pedagogik uslub va texnologiyalarni (“case study” uslubi, loyihalar uslubi, hamkorlikda o‘qitish, “amaliy o‘yin”, interfaol ta’lim uslubi va boshqalar) qo‘llash bo‘yicha 10 ta topshiriq beriladi. Har bir to‘g‘ri berilgan javob 2 ball bilan baholanib, jami 20 ball beriladi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook