#Ўзбек_тили_байрами

“Yilning eng yaxshi oʻzbek tili oʻqituvchisi” respublika tanlovi gʻoliblari taqdirlandi

✅ Joriy yilning 18-oktabr kuni poytaxtdagi 5-maktabda “Yilning eng yaxshi oʻzbek tili oʻqituvchisi” respublika tanlovi gʻoliblarini taqdirlash marosimi boʻlib oʻtdi.

😄Tadbirda Maktabgacha va maktab taʼlimi vazirligi mutasaddilari, Vazirlar Mahkamasining Davlat tilini rivojlantirish departamenti masʼullari va oʻqituvchilar ishtirok etdi.

😎Tanlovning respublika bosqichi yakunlariga koʻra:

1-oʻringa “Yilning eng yaxshi oʻzbek tili oʻqituvchisi” I darajali diplomi, 20 mln. soʻm pul mukofoti;

2-oʻringa “Yilning eng yaxshi oʻzbek tili oʻqituvchisi” II darajali diplomi, Monoblok;

3-oʻringa “Yilning eng yaxshi oʻzbek tili oʻqituvchisi” III darajali diplomi, Noutbuk topshirildi.

📌Shuningdek, tanlov ishtirokchilari turli nominatsiyalar boʻyicha ham taqdirlandi.

Xususan, tanlovning oʻzbek tili fani yoʻnalishida:

1-oʻrin – Nasiba Kubayeva, Jizzax viloyati, Zomin tumanidagi 60-maktab oʻqituvchisi,

2-oʻrin – Sarvinoz Doniyorova, Buxoro viloyati, Buxoro shahridagi 13-maktab oʻqituvchisi,

3-oʻrin – Iroda Yoʻldosheva, Xorazm viloyati, Urganch shahridagi 15-maktab oʻqituvchisi,

Оna tili fani yoʻnalishi boʻyicha:

1-oʻrin – Baxodir Joʻrayev, Fargʻona viloyati, Fargʻona shagʻridagi 19-IDUM oʻqituvchisi,

2-oʻrin – Oʻgʻiloy Abduraimova, Jizzax viloyati, Jizzax shahridagi 29-maktab oʻqituvchisi

3-oʻrin – Iqboloy Yusupova, Qoraqalpogʻiston Respublikasi, Amudaryo tumanidagi 40-maktab oʻqituvchisi gʻolib deb topildi.