#IBRAT_VAQTI

1896-yilda buyuk ixtirochi Tomas Edison elektr lampasini ixtiro qilganidan keyin avtomobil ishlab chiqarish loyihasi ustida ishlay boshladi. Shu paytda u kompaniyasidagi bir yigitning avtomobil yaratganini bilib qoldi. Nyu-Yorkdagi kompaniya tadbirida Edison ushbu yigit, ya’ni Genri Ford bilan uchrashdi va benzinda yuradigan avtomobil g‘oyasidan juda katta taassurot oldi. Elektr energiyasini manba sifatida ko‘rib kelayotgan Edison, Fordni hayajon bilan qo‘llab-quvvatlab, unga shunday dedi: "O‘g‘lim, bu ajoyib! Seni to‘g‘ri yo‘lda deb o‘ylayman! Sa’y-harakatlaringni davom ettirishingni qo‘llab-quvvatlayman!"
Hurmatli ixtirochidan olgan rag‘bati tufayli Genri Ford o‘z ishini davom ettirdi va oxir-oqibat uni badavlat kishiga aylantirgan avtomobilni ixtiro qildi.
1914-yilning 9-dekabrida Edisonning laboratoriyasi va fabrikasiga o‘t ketishi oqibatida undagi hamma narsa yonib kul bo‘ldi. O‘shanda Edison 67 yoshda edi. Zarar shunday katta ediki, sug‘urta kompaniyasi to‘laydigan tovon puli ham bu zararni qoplashga yetmas edi. O‘shanda, hali yong‘inning kuli sovimay tarib, Genri Ford Edisonga 750 ming dollarlik chek yubordi va agar zarur bo‘lsa, yana qo‘shimcha mablag‘ berilishini ta’kidladi.
1916-yilda Ford o‘z uyini Edisonning uyi yoniga qurdi. Keyinchalik Edison nogironlik aravachasida harakatlanishga majbur bo‘lganida, Ford ham o‘z aravachasini olib, ular birga poyga qila boshladilar.
Tomas Edison Genri Fordning o‘ziga ishonishiga hissa qo‘shgan, natijada ular o‘rtasida umrbod do‘stlik paydo bo‘lgan edi.

🔴Xulosa:
Boshqalarning muvaffaqiyatiga hech qachon hasad qilmang. Agar poygada g‘olib bo‘lolmasangiz, oldindagi insonga rekordni yangilashga yordam bering. Yonib turgan shamingiz boshqa shamni yoqqanda yorug‘ligini yo‘qotmaydi. Bir-birimizni qo‘llab-quvvatlaylik va ruhlantiraylik!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_VAQTI

💎Hayotning 14 hikmati

1. Inson hayotidagi eng katta dushmani — uning o‘zi.
2. Inson hayotidagi eng katta ahmoqlik — yolg‘on.
3. Hayotdagi eng katta mag‘lubiyat — manmanlik.
4. Hayotdagi eng katta qayg‘u — hasad.
5. Eng katta xato — o‘z-o‘zingni yo‘qotish.
6. Insonning eng katta aybi — yaxshilikni bilmaslik.
7. Eng katta afsus — o‘z qadr-qimmatingizni kamsitish.
8. Tubanlikdan yuksalish, tahsinga loyiq.
9. Eng katta boylik — salomatlik va aql.
10. Eng katta judolik — umidsizlik.
11. Eng katta qarz — samimiy tuyg‘ular.
12. Hayotda eng katta tuhfa — oliyjanoblik.
13. Hayotda eng katta kamchilik — tushunmaslik.
14. Hayotda eng katta tasalli — savob ishlar.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT
💎Vaqt qadri

Bir biznesmen million-million dollar pul to‘pladi. U endi ishlashni bas qilib, bir yil dunyo kezib, hordiq chiqarmoqchi bo‘ldi. Ammo bu qarorga kelib ulgurmasidan uning oldida ajal farishtasi paydo bo‘ldi.
U farishtadan ozgina vaqt so‘radi:
- Menga uch kun yashashimga imkon ber – boyligimning uchdan bir qismini beraman.
Farishta ko‘nmadi.
- Xo‘p, unda, ikki... yo‘q, uch million beraman! Menga go‘zalliklardan bahra olish va ishni deb anchadan buyon birga bo‘lmagan oilam bilan bo‘lish uchun bir kun vaqt ber. Ammo farishta qarorida qat’iy edi. Shunda biznesmen o‘g‘liga xat yozish uchun bir daqiqa vaqt so‘radi. Farishta unga imkon berdi.
«Vaqtning qadriga yet, o‘g‘lim, - deb yozdi kishi. – Men umrim davomida to‘plagan millionlarimga hattoki bir soat ham vaqtni sotib ololmadim».

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT
💎QALB JAROHATI

Savdo-sotiq gullab-yashnagan shaharda bir amaldor yashagandi. Kunlarning birida u bozor maydonidan o‘tib borayotganida, qandaydir notanish juldur kiyimli kishi yoniga yaqinlashib, haqoratli so‘zlarni aytib baqira boshladi va yuziga tupurgach, qayoqqadir chopib ketdi. Bu sharmandalikni ko‘tara olmagan amaldor xastalanib yotib qoldi.

Ahvol shu tarzda davom etsa, u o‘lib qolishi ham mumkin edi. Ammo do‘stlari uni qalb jarohatlarini ham davolay olish mahorati bilan tanilgan tabib huzuriga borishga ko‘ndirishdi. Amaldor borgach, tabib unga beshta dori berdi va har kecha aniq bir vaqtda uyg‘onib, ulardan birini ichishni buyurdi.

Qorong‘i tushdi. Amaldor tunda uyg‘onib birinchi dorini ichdi. Uyquga yotgach, u tushida o‘sha bozor va qarshisiga kelib yuziga tupurgan juldur kiyimli kishini ko‘rdi. Chidab bo‘lmas darajadagi bu tahqirlash va uyatdan bemor g‘oyat qattiq ingrab yubordi hamda uyg‘onib ketdi.

Keyingi tunda u ikkinchi dorini qabul qildi va aynan o‘sha tushni ko‘rdi. Biroq bu safar uning qalbi sharmandalik o‘rniga yurakni muzlatib yuboruvchi qo‘rquvni his qildi. Uchinchi kechada ham bemor xuddi o‘sha tushni ko‘rdi, ammo endi uyalish va qo‘rquvni emas, balki chuqur qayg‘uni his etdi. Amaldor bu holatdan ajablandi, ammo tabib ko‘rsatmalarini oxirigacha bajarishga qaror qildi va keyingi tunda to‘rtinchi dorini ichdi. Albatta u yana o‘sha tushni ko‘rdi, biroq bu tush oldingi tunlardagidek og‘riqli bo‘lmadi, amaldor faqat yengil hayratnigina his etdi. Beshinchi tunda esa amaldor kutilmaganda qalbida quvonch paydo bo‘lganini sezdi. Nima deb o‘ylashni ham bilmagan bemor, darhol o‘rnidan turib, maslahat so‘rash va yangi dori olish uchun tabib huzuriga yo‘l oldi.

– Dorilarimni qabul qilgach, nimani his etdingiz? – so‘radi tabib.

– Har kecha bir xil – o‘sha notanish kishi yuzimga tupurganini tushimda ko‘rdim, – dedi amaldor. – Ammo har bir tushim menda yangi tuyg‘ular uyg‘ondi. Men goh sharmandalikni, goh qo‘rquvni, goh g‘am-qayg‘u, gohida esa hayratni boshimdan kechirdim. Biroq oxirgi kechada qalbimda quvonch uyg‘ondi va bu tuyg‘u meni hali ham tark etgani yo‘q. Hozir esa men dovdirab qoldim – aslida o‘sha vaziyatda nimani his qilishim kerakligini ham bila olmayapman…

Amaldorning bu gapini eshitib, tabib kuldi va izoh berdi:

– Nima yuz berishidan qat’i nazar, bu voqeaga o‘zingiz qanday qarash kerak deb hisoblasangiz, shunday munosabatda bo‘ling. Axir har qanday holatda ham qayg‘uga botishingiz yoki xursand bo‘lishingiz o‘z tanlovingizga bog‘liq. Yuzingizga tupurganlariga kelsak, o‘zini aqlli deb bilgan odam bu narsaga shunchaki e’tibor bermay qo‘ya qolardi. Ayniqsa, sizni xafa qilgan kishi aqldan ozgan bir tentak bo‘lsa… uning tupugi birdan ko‘tarilib, ko‘zingizga chang to‘ldirgan shamolning tahqirlashidan ortiq emas…

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_VAQTI

🔥«Mo‘min mo‘minning oynasi»

Uch so‘zdan olingan ayrim hikmatlar:

1. Ko‘zgu sizni ayblaringizni faqat sizga ko‘rsatadi, boshqalarga ko‘rsatmaydi

2. Sof oyna yuzdagi kamchiliklarni aytadi

3. Kir ko‘zgu aslingizni ko‘rsatmaydi (Ichi qora birodaringiz haqiqatni yuzingizga aytmaydi)

4. Ko‘zgu odamdagi go‘zalliklarni ham ko‘rsatadi (Do‘stingizning yaxshi jihatlarini ham ko‘ra biling)

5. Qancha yaqin kelsangiz shuncha tiniq ko‘rsatadi

6. O‘zingizning manfaatingiz uchun siz ham ko‘zguni tozalab turishingiz kerak

7. Ko‘zgu nimani ko‘rsatsa ranjimaslik kerak

8. Yaxshi ko‘zgu qimmat turadi

9. Qancha yaqin kelsangiz — u ham sizga yaqinlashadi

10. Qancha uzoqlashsangiz — u ham uzoqlashadi

11. Ko‘zgu sizga o‘zingiz sezmagan xislatlaringizni ko‘rsata oladi

➡️Eng muhimi👇
Ko‘zguni o‘zgartirishning birdan bir yo‘li — o‘zingizni o‘zgartirish!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook