#IBRAT_SOATI

🟢Qayg‘urma

Kasal tuzaladi, musibat ketadi. Gunoh kechiriladi, qarz to‘lanadi, mahbus ozod bo‘ladi. Kelajak keladi osiy — tavba qiladi. Faqir esa vaqti kelganda boy bo‘ladi...

Qayg‘urma!
Axir qora bulut qanday tarqalganini, qorong‘u tun nihoyasiga yetganini, kuchli shamol qanday tin olganini, bo‘ron qanday to‘xtaganini ko‘rmadingmi?!
Demak, og‘ir kunlarning ortidan, kenglik va yaxshi bir hayot bordir!

Qayg‘urma!
Chunki quyuq soya quyosh alangasini o‘chiradi. Toza suv issiqdagi tashnalikni sovutadi. Issiq non qattiq ochlikni to‘ydiradi. Bedor holda iztirob chekish ortida lazzatli orom bordir. Dard alamlarini sog‘lik lazzati ketkizur. Buning uchun sen bir oz sabr qilmog‘ing va bir lahza kutishing darkor!

Tafakkur qiling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_SOATI

➡️Bir ustozidan shogirdi so‘radi:
- Ustoz, yiqilganimni eshitsangiz, menga nima deb maslahat bergan bo‘lardingiz?
- O‘rningdan tur, degan bo‘lardim, — javob berdi keksa ustoz.
- Ikkinchi bor yiqilsam-chi?
- Yana shu gapni aytaman.
- "Yiqildingmi, o‘rningdan tur” degan bir xil javob necha marta qaytariladi o‘zi? - toqatsizlandi shogird.
- To hayot ekansan, yiqildingmi, o‘rningdan tur. Chunki yiqilib o‘rnidan turmaydiganlar uchun hayot tamom demakdir.

Kuningiz xayrli o‘tsin!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_SOATI

💎“Odamlar nima deydi?...”

Kun juda issiq bo‘ldi. Ko‘chaga ko‘ylakchan chiqdim. Qarshimdan bir tanishim kelib qoldi. Salom berar-bermas, jiddiy turib:
- Nimaga bunday qildingiz?! – dedi.
Bu savoldan dovdirab qoldim.
- Nima qilibman?
- Axir kastimsiz yuribsiz-ku? Bunday yurish sizga yarashmaydi. Odamlar nima deydi?
Javob qilmay o‘ylanib qoldim.
Demak, men odamlarga savlatli ko‘rinishim uchun shu jaziramada ham ko‘chaga kastim kiyib chiqishim kerak ekan-da!
Tevarakka razm soldim. Ilk ko‘rganim baland poshnali tufli kiyib olgan bir ayol edi. Bunday tuflida yurish qiyin. Ishonmasangiz marhamat, oyog‘ingiz uchida yuz qadam yurib ko‘ring. O‘zini bunday qiynashda qanday ma’no bo‘lishi mumkin? Tramvayda o‘rindiqlar bo‘shligiga qaramay, tik turib ketayotgan ayolga ko‘zim tushdi. O‘tirishga taklif qilsalar-da, ko‘nmas edi. U juda tor kiyim kiyib olgan, o‘tira olmayotganining boisi ham shu. So‘rashingiz mumkin: o‘zini nega bunaqa azoblaydi? Chindan ham, sho‘rlik ayol ichdan azoblanib turgan bo‘lsa ham, zohiran odamlarga chiroyli ko‘rinmoqchi bo‘ladi.
Ba’zi yigitchalar sochini tartibga keltirishga yarim soat ovora bo‘ladi. So‘ng shabada esishidan yoki avtobusda biror adashgan qo‘l tegib ketib, bu antiqa ko‘rgazmani yo‘qqa chiqarishidan kunbo‘yi qo‘rqib yurishadi.
Hech ko‘rganmisiz, ayrim ayollar mehmonlarni, dugonalarini ochiq chehra bilan qarshilashadi . tabassum, muloyim gap-so‘z, chiroyli odob ko‘rsatishadi. Eri bilan muomalasida esa, boshqacha...
Ba’zilar ko‘chaga chiqsa, begonalar uchun ziynatlanadi, liboslarning eng chiroylisini kiyadi. Turmush o‘rtog‘iga esa sochlari hurpaygan, kir-chir kiyim bilan yuzlanaveradi.
To‘y marosimlar ham xo‘ja ko‘rsinga yelib-yugurishlar, mashaqqat chekishlar ko‘p. Barcha o‘ylarimiz bir kunda o‘tadigan to‘y haqida bo‘ladi. Odamlar ko‘rib: “Alloh yorlaqasin, juda zo‘r!” deyishlari uchun sep-sidirg‘a yig‘amiz. Nikoh marosimida to‘y-tomoshani dabdabali qilishga urinamiz. Mollarni uvol qilish bilan shaytonni xursand qilamiz. Bir-ikki soatga kiyiladigankelin libosiga qancha-qancha pul sarflaymiz. Ba’zilarning to‘y dasturxoniga qo‘yadigan pista-bodom puliga o‘rtacharoq to‘yni o‘tkazsa bo‘ladi.
Bular hammasi nima uchun Kelin kuyovning foydasi uchunmi? Savob uchunmi? Yo‘q! Unda nima uchun? Odamlarga maqtanish uchun!
Biroq biz har qancha sarflasak, bizdan ham ko‘proq sarflaydiganlar topilaveradi. Odamlar esa: “Falonchi mana bunday to‘y qilgan edi”, deya gapirishini tashlamaydi. Ta’ziyalarimizda ham isrof oz emas. Qo‘shnimiz boy-badavlat bo‘lsa-yu, bizning oylik maoshdan boshqa daromadimiz bo‘lmasa, shundayam past ketmaymiz: agar u ming dollarlik qandil, muzlatgich, kir yuvadigan mashina, yo gilam sotib olsa, biz ham sotib olishimiz kerak, yo‘qsa odamlar gap qiladi.
Xulosa shuki, turishimiz, o‘tirishimiz, yeyishimiz, kiyinishimiz, kundalik sarf-xarajatlarimiz odamlar xohlaganidek bo‘lishi kerak. Bo‘lmasa, odamlarning teskari tiliga tushib qolamiz...
Axir biz qachon o‘zimiz uchun yashaymiz?
Biz qachon aql chegarasida tura olamiz?
Oramizda mana shu iskanjalarni sindiradigan aqlli, baquvvat kishilar bormi?!
Shunday irodali, iymoni komil bo‘lishni istaganlarga, mana, ulug‘lardan qolgan nasihat: har kim, avvalo diniga ergashsin, biror harom ish qilmasin; so‘ng aqliga ergashsin, nimani yaxshi deb bilsa, shuni qilsin, ko‘rpasiga qarab oyoq uzatsin. Boylarning boyi bo‘lsa ham, zaruriy xarajatga pul sarflasin, isrofdan qochsin. Odamlarning gaplaridan qo‘rqmay yashasin...

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_SOATI
💎Haqiqat badal talab qiladi...

Saksoniya davlatida 1567-yil qish oyida uch kishi qatl etilmoqqa mahkum bo‘libdi. Bulardan biri xind, yana biri Nepallik tabib va so‘ngisi Ingliz fizigi ekan.

Dastlab qatlga Xind olib chiqilibdi, boshini gilyotinaga o‘rnatish asnosida so‘nggi so‘z so‘rashibdi undan. Shunda Xind:
- Meni va Xindlarni yaratgan tangrim Shivaga (Mortal Kombatdagi Shiva personaji) ishonaman, u meni albatta xalos qiladi.
Shiva... Shiva... Shiva..."
Gilyotinani tashlab yuborishibdi. Uning bo‘yniga bir necha santimetr qolganda gilyotina harakatdan to‘xtabdi. Xalq hayratga tushib, bir og‘izdan baqira boshlashibdi:
Uni darhol qo‘yib yuboringlar! Uni yaratgan tangrisi Shiva ishonchi uni saqladi!...

Gilyotinaga keltirilgan Nepallik tabibdan ham so‘nggi so‘zi so‘ralganda u:
- Men Xind singari Shivaga emas, adolatga ishonaman! Adolat... Adolat... Adolat...
Avvalgi holat kabi bir necha santimetr qolganda gilyotina to‘xtab qolibdi. Xalq hayratdan bir ovozda:
- Adolat dedi, Adolat qilib darhol qo‘yib yuboringlar!...

Har ikki mahkum shu asnoda o‘limdan qutilibdi. Maydonga endi Ingliz fizikni olib kelishibdi. Undan ham so‘nggi so‘z so‘rashganda:
- Men na Shivaga ishongan tangri va na adolatga ishongan tabibman. Bilgan yagona narsam: gilyotina arqonida bir tugun bor, u tig‘ni to‘liq pastga tushishiga halal beryapti xolos, - debdi.

Xizmatchilar gilyotinani ko‘zdan kechirishsa, chindan tugun borligini ko‘rishib, uni to‘g‘rilashibdi. Va ishga tushgan gilyotina fizikni boshini tanasidan judo qilibdi.

Xulosa: Haqiqatni so‘zlamoqqa jasorati yetganlar, badal to‘lamoqqa ham tayyor turishlari kerak...

Tafakkur qiling!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_SOATI

Qayg‘urma

Kasal tuzaladi, musibat ketadi. Gunoh kechiriladi, qarz to‘lanadi, mahbus ozod bo‘ladi. Kelajak keladi osiy — tavba qiladi. Faqir esa vaqti kelganda boy bo‘ladi...

Qayg‘urma!
Axir qora bulut qanday tarqalganini, qorong‘u tun nihoyasiga yetganini, kuchli shamol qanday tin olganini, bo‘ron qanday to‘xtaganini ko‘rmadingmi?!
Demak, og‘ir kunlarning ortidan, kenglik va yaxshi bir hayot bordir!

Qayg‘urma!
Chunki quyuq soya quyosh alangasini o‘chiradi. Toza suv issiqdagi tashnalikni sovutadi. Issiq non qattiq ochlikni to‘ydiradi. Bedor holda iztirob chekish ortida lazzatli orom bordir. Dard alamlarini sog‘lik lazzati ketkizur. Buning uchun sen bir oz sabr qilmog‘ing va bir lahza kutishing darkor!

💐Dushanba muborak bo‘lsin!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_SOATI

💎TAROZI

Bir kuni faqirona kiyingan, ma’yus bir ayol sabzavot do‘koniga kirdi. Do‘kon sohibiga tortinibgina yaqin bordi va eri og‘ir xastalik tufayli biror ishga yaramay, to‘shakka yotib qolgani, yetti bolasi borligi, ularning ochlik azobidan qiynalayotganini aytdi.

Sotuvchi unga ters qarab:
– Ey, tilanchi xotin, darhol do‘konni tark et! – dedi.

Ayol esa bolalarining yemak yeyishga ehtiyoji borligini aytib yolvorgancha:
– Iltimos, janob, bolalarimni qornini to‘ydirib, odamlarning eshigiga ishlagani jo‘nataman. Ular pul olib kelgan zahoti qarzingizni qaytaraman, – dedi.

Do‘kondor ayolning iltijolariga parvo qilmay, uni tanimasligi, doimiy xaridorlaridan emasligini aytib iltimosini rad etdi. Shu payt do‘kon tashqarisida turgan bir mijoz sotuvchi bilan ayol o‘rtasida bo‘layotgan suhbatni eshitib qoldi va ichkariga kirib do‘kondorga:
– Bu ayolga so‘ragan narsalarini ber, men kafil bo‘laman, qarzini qaytaradi, – dedi.

Uning gapiga ko‘ra sotuvchi ayolga qaradi-da, istamaygina:
– Oladigan narsalaringni ro‘yxat qilganmisan? – deya so‘radi.
Ayol tasdiq ma’nosini berib bosh irg‘adi.
– Unday bo‘lsa uni tarozining bir pallasiga qo‘y-da, ikkinchi pallasiga o‘zing oladigan narsalarni qo‘y. Ro‘yxat qog‘ozingni vazniga teng narsalarni beraman, – dedi.

Ayol bir muddat turdi-da, boshini quyi egib choponining cho‘ntagidan bir qog‘oz parchasi olib tarozining bir pallasiga qo‘ydi. Shu payt do‘kondor va kafil mijozning ko‘zlari hayratdan katta-katta ochildi. Tarozining tosh qo‘yiladigan pallasi qog‘oz parchasining og‘irligidan cho‘kib ketgandi.

Do‘kondor kafil mijozga qarab ezg‘in tovushda:
– Ishonmayman... Ishoniladigan xolat emas... – dedi.

Tarozining mahsulot qo‘yiladigan pallasi keragidan ortiq narsalar bilan to‘ldi. Do‘kondor va’daga binoan ayol olgan hamma yeguliklarni xaltaga joylab, qo‘liga tuqazdi. Zudlik bilan nimalardir yozilgan qog‘ozni qo‘liga oldi-da, o‘qidi. Unda xarid qilinadigan mahsulotlar ro‘yxati emas, quyidagi so‘zlar yozilgandi:
“Yaratgan Egam! Nimaga ehtiyojim borligini yolg‘iz O‘zing bilasan. Shuning uchun, o‘zimni senga taslim etaman. O‘zingga tavakkal, O‘zing omonat bergan bolalarimning rizqini yetkaz!”.

Do‘kondor tosh kabi qotdi-qoldi. Ayol unga tashakkur aytib, do‘kondan chiqdi. Ayolning xaridiga kafillik qilgan mijoz bir dasta pulni do‘kondorga berdi va “Qaytimi kerak emas” dedi. Mijoz do‘kondan chiqib ketayotib tarozi pallalarining singaniga ko‘zi tushdi.

Nima sababdan tarozi pallasi singani va duoning kuchi neqadar zalvorli ekani yolg‘iz O‘zigagina ma’lum edi...

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_SOATI

💎ISHGA BORAMAN!

➡️Juda oddiy va soddagina eshitiladigan bu so‘zning zamirida muhtasham haqiqatlar bor!

❗️Tinchlik - Agarki yurtda tinchlik bo‘lmasa, ishga bora olarmidik?!

❗️ Sog‘liq - Tanimiz sog‘ ekan, biz ishga otlanayapmiz!

❗️ Xotirjamlik - Oilamiz xotirjamligi uchun ko‘nglimiz tinch ishga ketyapmiz!

❗️Shukronalik - Dunyoda ishga borolmaydigan va yoki ishsiz yashayotganlar qancha!

❗️Farovonlik - Ishga borayapsizmi, demak xonadoningizga rizq olib kelasiz. Halol rizq!

Ishga ketayotganlarga xayrli mehnat tilaymiz!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook