#PISA_2025
📍Toshket viloyati
📆4-8-may
🔰O‘zbekistonning xalqaro PISA 2025 tadqiqotlarida ishtiroki oldidan tajriba-sinov jarayonlari o‘tkazilmoqda

So‘nggi yillarda davlatimiz tomonidan O‘zbekistonning 2030 yilgacha xalqaro baholash dasturlarida uzluksiz ishtirok etishi hamda mazkur baholash mezoni bo‘yicha dunyoning ilg‘or mamlakatlari qatoriga kirishini ta’minlash bo‘yicha qator ishlar amalga oshirib kelmoqda.

Mazkur vazifalar ijrosini ta’minlash maqsadida so‘nggi yillarda O‘zbekiston qator xalqaro ta’lim sifatini baholash tadqiqotlari va tadbirlarida ishtirok etib kelmoqda. Xalqaro PISA tadqiqotlari ana shunday muhim jarayonlardan biridir.
Xalqaro PISA tadqiqotlari 15 yoshli o‘smirlarning savodxonligi, kreativ va mantiqiy fikrlash qobiliyati, maktabda olgan bilimlarini real hayotiy vaziyatlarda qo‘llay olishi, bir so‘z bilan aytganda mustaqil hayotga tayyorgarligi baholovchi jarayon hisoblanadi.
PISA tadqiqotlari har bir mamlakatga o‘zining kuchli va zaif tomonlarini dunyo ta’lim tizimi bilan qiyoslash imkonini beradi.
Bu orqali mamlakatdagi ta’lim tizimi, ta’limning tashkil etilishi, o‘quvchilarning tanqidiy va ijodiy fikrlashi, ota-onalarning farzandlarini ta’lim olishlariga e’tiborlari va uyda yaratilgan sharoitlari bo‘yicha atroflicha ilmiy asoslangan ma’lumotlar olishga erishish ko‘zda tutilgan.

O‘zbekistonning xalqaro PISA 2025 tadqiqotlarida ishtirok etish maqsadida joriy yilning 3-18 may kunlari respublikamizdagi tanlangan umumta’lim muassasalarida tajriba-sinov jarayonlari o‘tkazilishi belgilangan.

Mazkur tadqiqotda viloyatimizdagi 4 ta maktab ishtiroki rejalashtirilgan. Jarayonlar 4 maydan 8 mayga qadar davom etadi.

Hozirga qadar tadqiqotda ishtirok etayotgan maktablarning har biri 60 tadan kompyuter bilan ta’minlandi hamda yuqori tezlikdagi internet (300 MB/s) tarmog‘iga ulandi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook