#kun_tarixi

2️⃣9️⃣ MAY SANASIDA SODIR BO‘LGAN MUHIM TARIXIY VOQЕALAR

⚔️1176 yil —Lenyano jangila Lombard Ligasi Muqaddas Rim imperiyasi imperatori Frederik Barbarossa qo‘shinlarini mag‘lub etgan;

⚔️1453 yil — ikki oylik qarshilikdan so‘ng Sulton Mehmed II boshchiligidagi turk qo‘shini Konstantinopolni egallagan. Konstantinopolning qulashi Vizantiya deb ham ataluvchi Sharqiy Rim imperiyasining yo‘q qilinishini anglatadi. Konstantinopol himoyachilarining umumiy soni sakkiz ming kishiga yetgan, ammo Usmonlilar armiyasi ularning sonidan ancha ustun edi: Mehmed II ning sakson mingga yaqin askari va bir yuz yigirmatadan ortiq kemalari bor edi. So‘nggi Vizantiya imperatori Konstantin XI jangda halok bo‘lgan. G‘olib Mexmed II Konstantinopolni o‘z imperiyasining yangi poytaxtiga aylantirgan. G‘alaba Usmonlilarning Sharqiy O‘rta yer dengizi havzasida hukmronlik qilishini ta’minlagan;

🤴1660 yil — Angliyada Styuartlar sulolasi hokimiyatini tiklash ishlari amalga oshirilgan. Charlz II tantanali ravishda o‘zining o‘ttizinchi tug‘ilgan kunida Londonga qaytib kelib qirol deb e’lon qilingan;

⚔️1780 yil — AQSH mustaqillik urushi paytida Veks'haus jangi sodir bo‘lgan;

👑 1807 yil —Mustafo IV Usmonli imperiyasining sultoni bo‘lgan;

🤴 1825 yil— Reyms soborida Fransiya qirolining toj kiyish marosimi oxirgi marta bo‘lib o‘tgan;

🇺🇸1848 yil— Viskonsin AQSH tarkibidagi shtatiga aylangan;

✈️🚆 1910 yil —samolyot va poyezd o‘rtasida bo‘lib o‘tgan tezlik bo‘yicha poygada Albani va Nyu-York orasidagi masofani birinchi bo‘lib Glenn Kurtiss boshqargan samolyot bosib o‘tgan va 10 ming dollar mukofotga sazovor bo‘lgan;

📜 1911 yil — AQSH Oliy sudi monopolist deb tan olingan Amerikaning eng yirik tamaki kompaniyasi "American Tobacco"ni sun’iy ravishda bo‘lib yuborish to‘g‘risida qaror chiqargan;

📌 1916 yil — AQSH Prezidentining rasmiy bayrog‘i tasdiqlangan;

👨‍🔬 1919 yil— Artur Eddingtonning Quyoshning to‘liq tutilishini kuzatishlari Albert Eynshteynning nisbiylik nazariyasini to‘liq tasdiqlagan;

⚽️1924 yil— Ispaniyaning "Rayo Velekano" futbol klubiga asos solingan;

⛓1945 yil — yozuvchi, Nobel mukofoti sovrindori Knut Hamsun Norvegiyada fashistlar bilan hamkorlik qilgani uchun hibsga olingan;

🚫1947 yil — Hindiston Ta’sis yig‘ilishi "tegib bo‘lmaydigan" kasta— chandallarni bekor qilgan;

🏔 1953 yil — Sherpa Tenzing Norgay va yangi zelandiyalik Edmund Hillari Everestga ko‘tarilgan ilk odamlar bo‘lgan;

⚖️ 1959 yil —AQSH Oliy sudi Luiziana shtati ma’muriyatining turli irq vakillari o‘rtasidagi boks uchrashuvlarini taqiqlash to‘g‘risidagi qarorini noqonuniy deb topgan;

📌1964 yil — Falastin milliy kengashi Falastinni ozod qilish tashkiloti tashkil etilganligini e’lon qilgan;

🇺🇸 1988 yil —AQSH prezidenti Ronald Reyganning SSSRga tashrifi boshlangan;

🗳 1990 yil —Boris Yelsin RSFSR Oliy Kengashining raisi etib saylangan;

🇺🇿1997 yil— Toshkentda jahonning 32 davlati va 8 xalqaro tashkilotining madaniyat va sanoat arboblari ishtirokida "Umuminsoniy qadriyatlar va milliy taraqqiyot" XII Xalqaro Toshkent kinofestivali bo‘lib o‘tgan;

🇷🇺🇺🇿2003 yil— SHHTning Moskvadagi sammitida Toshkentda Mintaqaviy aksilterror tuzilmasi ijroiya qo‘mitasini ishga tushirishga qaror qilingan;

🗳 2005 yil — Fransiyadagi referendumda ko‘pchilik Yevropa konstitutsiyasiga qarshi ovoz bergan;

💻🛡 2009 yil — AQSH Prezidenti Oq uyda kiberxavfsizlik bo‘limi tashkil etilganligini e’lon qilgan.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRAT_VAQTI

Keksa otaxondan so‘radilar:
- Bolalaringizni sog‘inasizmi?
Otaxon javob berdi:
- Men bolalarimning bolaligini sog‘inaman... Chunki, u vaqtlarda bolalarim uzoqqa ketsam meni yig‘lab sog‘inishar edilar. Eshikdan kirsam, kulib kutib olishardi. Men uyda bo‘lmasam meni qidirishar, mensiz ovqat ham yegilari kelmas edi... Endichi... Hammasi aksi..."

Ota-onalarimiz ham shu ko‘yga tushib qolishmasin. Illo, qaytar dunyoligini unutmaylik!

Ota-onalarimizni qadrlaylik!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#RASMIY_MUNOSABAT

Joriy yil 3-avgust kuni Ijtimoiy tarmoqlarda Chirchiq shahar 1-sonli umumta’lim maktabining futbol maydonchasida kechgi soan 23:15 larda futbol o‘yini aks etgan video va shu yerda joylashgan ko‘p qavatli uyda istiqomat qiluvchi fuqaroning murojaati e’lon qilingan edi.
Holatni to‘laqonli o‘rganish maqsadida Chirchiq shahar Maktabgacha va maktab ta’limi bo‘limi boshlig‘i tomonidan ishchi guruh tuzildi. Mas’ullar murojaat qilgan fuqaro bilan bog‘lanib, batafsil ma’lumot olishdi.
Murojaatda iddao qilingan holatlar, xususan, pul yig‘imlari amalga oshirilmagan, bu vaziyat doimiy emasligi aniqlandi.
Shu kuni sport maydonchasida bo‘lgan shaxslar kechgi soatlarda aholiga noqulaylik to‘g‘dirmasligi kerakligi ogohlantirildi.

Ayni paytda holat Chirchiq shahar 1-sonli umumiy o‘rta ta’lim maktab rahbariyati tomonidan nazoratga olingan.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook

#IBRATI

Bir kuni ko‘chada sayr qilib yurgan kishi yo‘l chetida o‘tirgan keksa odamni ko‘rib qoldi. U mo‘ysafidning qarshisiga kelib, murojaat qildi:
– Otaxon, ulug‘ yoshli inson ekansiz, anchagina uzoq hayot yo‘lini bosib o‘tgansiz. Shubhasiz, juda dono bo‘lsangiz kerak. Ayting-chi, mana, men yosh va kuchliman-u, ammo hech qayerdan ish topa olmayapman, o‘g‘lim giyohvandlikka berildi, qizimni ham yaxshi tarbiyalay olmayapman, ayolim esa kun bo‘yi uyda o‘tirsa ham, hech qayerga qaramaydi. Xo‘sh, men bu vaziyatda qanday yo‘l tutishim kerak? Nima qilsam, bularning hammasini o‘zgartira olaman?
Qariya javob berdi:
– Eshiging ustiga kichkinagina taxtacha osib, unga “Hamisha shunday bo‘lavermaydi” deb yozib qo‘y.
– Shu xolosmi? – hayron bo‘ldi erkak.
– Shu xolos, – javob qildi keksa kishi.
U uyiga borib, qariya aytgandek qildi. Bir qancha vaqt o‘tgach, uning o‘g‘li giyohvandlikni tashladi va hatto qilgan ishi gunoh ekanini tan olib, tavba qila boshladi. Qizi yosh bilan yigit bilan yaxshi ko‘rishib, oila qurdi. Ayoli ham o‘zgardi va risoladagi bekaga aylandi. Erkakning o‘zi esa serdaromad ishga joylashdi va ko‘p o‘tmay, hatto mashina sotib oldi.
Kunlarning birida u tanish ko‘chadan o‘tib borayotib, ikki yilcha oldin keksa mo‘ysafidni uchratgan joyida to‘xtadi. Qariya hali ham shu yerda o‘tirgandi. Erkak uning oldiga yaqinlasharkan, mashinadan tushmagan holda, uning oynasini ochib, so‘z qotdi:
– Ha, boboy, haliyam o‘tiribsizmi? Men bo‘lsa, ko‘rib turganingizdek, ancha narsaga erishdim. O‘g‘lim giyohvandlikni tashladi, endi u taqvoli yigit, qizim sevib, sevilib turmushga chiqdi. Ayolim ham yaxshi rafiqaga aylandi. O‘zim ishga joylashdim va endi ishxonamda martabali boshliqman. Siz esa haliyam o‘shandek o‘tiribsiz, no‘noq chol! Xo‘sh, endi menga nima deb maslahat berasiz?
Bu gaplardan qariyaning chehrasi o‘zgarmadi, aksincha, u suhbatdoshiga xotirjam tikilgancha, dedi:
– Haligi taxtacha bor edi-ku, shuni olib tashlamagin…

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
Telegram   |   Facebook