#БЕШ_МУҲИМ_ТАШАББУС

🟢УМУМТАЪЛИМ МАКТАБЛАРИ ЎҚУВЧИЛАРИ ЎРТАСИДА “БЕШ МУҲИМ ТАШАББУС ОЛИМПИАДАСИ”ГА СТАРТ БЕРИЛДИ

➡️Маълумки, мамлакатимиз аҳолисининг 30 фоизи 14 дан 30 ёшгача бўлган ёшлардир. Уларнинг таълим олиши, касб-ҳунар эгаллаши учун замонавий шароит ва имкониятлар яратилган. Шу билан бирга, ёшларнинг бўш вақтини мазмунли ўтказишни ташкил этиш долзарб масала ҳисобланади. Ёшлар қанчалик маънавий баркамол бўлса, турли ёт иллатларга қарши иммунитети ҳам шунча кучли бўлади.
➡️Хабарингиз бор, 2019 йил 19 март санасида Ўзбекистон Республикаси Президенти Шавкат Мирзиёев раислигида ёшларга эътиборни кучайтириш, ёш авлодни маданият, санъат, жисмоний тарбия ва спортга кенг жалб этиш, уларда ахборот технологияларидан тўғри фойдаланиш кўникмасини шакллантириш, ёшлар ўртасида китобхонликни тарғиб қилиш, хотин-қизлар бандлигини таъминлаш масалаларига бағишланган видеоселектор йиғилиши бўлиб ўтган эди.
➡️Давлатимиз раҳбари ушбу йиғилишда ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббусни илгари сурган эди.
‼️Жумладан,
🔼Биринчи ташаббус ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишга, истеъдодини юзага чиқаришга хизмат қилади;
🔼Иккинчи ташаббус ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратишга йўналтирилган;
🔼Учинчи ташаббус аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилган;
🔼Тўртинчи ташаббус ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларни ташкил этишга йўналтирилган;
🔼Бешинчи ташаббус хотин-қизларни иш билан таъминлаш масалаларини назарда тутилган эди.

➡️Жорий йил 17 август куни “Беш ташаббус олимпиадаси” доирасида Мактабгача ва мактаб таълими вазирлиги тизимидаги умумтаълим мактаб ўқувчилари ўртасида оммавий спорт мусобақаларини ўтказиш бўйича ташкилий қўмита тузилиб, чора-тадбирлар режаси ишлаб чиқилди.
➡️Унга кўра, 2023 йил 1 апрель куни тасдиқланган "Мактабгача ва мактаб таълими вазирлиги муассасалари ўқувчилари ўртасида "Беш ташаббус олимпиацаси" доирасида спорт мусобақаларини ўтказиш тўғрисида"ги Низомга ўзгартириш ва кўшимчалар киритилди.
🔴Эндиликда, Стол тенниси бўйича мусобақаларда 14 ёшдан 17 ёшгача бўлган ўғил ва қиз бола ўқувчиларнинг иштирок этишига рухсат этилади.
🔴 Волейбол бўйича 16 ёшдан 17 ёшгача бўлган ўгил болалар жамоаси ҳамда қиз болалар жамоаси, бир жамоада 18 нафар ўқувчилар шундан 9 нафар ўғил бола, 9 нафар қиз бола иштирок этиши кўзда тутилди.
🔴Ундан ташқари турли ёш тоифасида тасдиқланган низомга кўра, мусобақалар таълим муассасалари ўқувчилари ўртасида спортнинг шашка, енгил атлетика, мини-футбол, ҳамда "Қувноқ стартлар" бўйича 3 босқич (мактаб, туман-шаҳар, ҳудудий)да ўтказилади.

➡️Мусобақаларнинг 1- мактаб босқичи 202З йил 11 -20 сентябрь кунлари барча таълим муассасаларида белгиланган ёш кесими бўйича ички чемпионат сифатида синфлараро ўтказилиб, барча спорт турлари бўйича якка ва жамоавий тартибда бўлиб ўтиши режалаштирилган.
➡️Бугун мазкур “Беш ташаббус олимпиадаси”нинг биринчи-мактаб босқичи старт олди.
🟢Вилоятдаги 887 та умумтаълим мактабларида “Беш ташаббус олимпиадаси” доирасида ўқувчилар “Қувноқ стартлар” (1-4 синфлар), “Енгил атлетика” (8-9 синфлар) ҳамда “Заковат” интеллектуал турнири (1-11 синфлар)да мусобақаларда куч синашмоқда.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook

#БЕШ_МУҲИМ_ТАШАББУС

🏆ОЛИМПИАДАСИ
ИККИНЧИ КУН: мактаб босқичи

➡️Аввал хабар берганимиздек, Мактабгача ва мактаб таълими бошқармаси тизимидаги таълим муассасалари ўқувчилари ўртасида “Беш ташаббус олимпиадаси” доирасидаги спорт мусобақалари ҳамда “Заковат” интеллектуал ўйинларининг биринчи-мактаб босқичи бўлиб ўтмоқда.

➡️Куни кеча “Қувноқ стартлар” (1-4-синфлар), “Енгил атлетика” (8-9-синфлар) ҳамда “Заковат” интеллектуал турнири (1-11-синфлар) вилоятдаги 887 та умумтаълим мактабларида ўтказилди.

➡️Бугун- 12сентябрь куни Шахмат (1-4, 5-11-синфлар), Шашка (5-11-синфлар) ҳамда Стол тенниси (8-11-синфлар) мусобақалари бўлиб ўтади.

🖊Тошкент вилояти мактабгача ва мактаб таълими бошқармаси матбуот хизмати
——————————————————-
Канални яқинларингиз билан улашинг
Telegram | Facebook