#Para_sport

Para sportchilarimiz ham musobaqalarda birinchi

Toshkent tumani "Inson" ijtimoiy xizmatlar markazi tashabbusi bilan tumanda istiqomat qiluvchi nogironligi boʻlgan shaxslarga sport bilan shugʻullanish uchun zarur shart-sharoitlarni kengaytirish hamda ular oʻrtasida sport bilan shugʻullanuvchilar qamrovini yanada oshirish maqsadida ijtimoiy himoyaga muhtoj shaxslarga sport bilan shugʻullanishlari uchun sharoit yaratib kelmoqda.

Birgina misol, kuni kecha Toshkent shahri Shayxontohur tumanida Parabadminton sport turi boʻyicha oʻtkazilgan musobaqada Toshkent tumani sport maktabi tarbiyalanuvchisi Dildora Isroilova 1-oʻrinni qoʻlga kiritib, musobaqa gʻolibi boʻlishga erishdi.

Dildoraning gʻolib boʻlganligi, mamlakatimizda nogironligi boʻlgan shaxslarni qoʻllab-quvvatlash, ularning huquq va qonuniy manfaatlarini himoya qilish borasida amalga oshirilayotgan keng koʻlamli ishlar, ular oʻzlarini yolgʻiz his etmasligi, zarur bilim va kasb-hunarlarni egallashi, jismoniy tarbiya va sport bilan shugʻullanishi uchun barcha sharoitlar yaratilganligini yana bir marotaba isbotlamoqda.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website