#Investitsiya

Maqsad: Investitsiya jalb qilish

Kuni kecha, Toshkent tumani hokimi Sardorbek Ergashev Xitoy Xalq Respublikasining Ichki Moʻgʻuliston avtonom viloyatining Savdo departamenti direktori Pan Yuemei boshchiligidagi delegatsiya vakillari bilan uchrashdi.

Oʻzbekiston Respublikasi Savdo sanoat palatasi Toshkent tumani boʻlimi boshligʻi tomonidan tashkil qilingan uchrashuv davomida Oʻzbekiston, shu jumladan Toshkent tumani ichki bozorini rivojlantirish, ikki davlat tadbirkorlari oʻrtasidagi aloqalarni yaxshilash va tumanga investitsiya kiritish masalalari muhokama qilindi.

Xususan, qishloq xoʻjaligi texnikalarini ishlab chiqarish korxonasi rahbari bilan boʻlib oʻtgan suhbat davomida qishloq xoʻjaligida foydalaniladigan texnikalarni tumandagi fermer va dehqon xoʻjaliklari rahbarlariga taklif qilish va bu bilan ikki davlat oʻrtasida hamkorlik aloqalarini yaxshilash boʻyicha taklif va mulohazalar yuritildi.

📹Jarayon video va fotolavhalarda.

✅Telegram 💬Facebook 📸Instagram 📹YouTube 🌍Website

#Yongʻin_xavfsizligi_oyligi

🔥Joriy yilning 15-noyabrdan 15-dekabr  kuniga qadar Oʻzbekiston Respublikasi hududida "Yongʻin xavfsizligi oyligi" oʻtkazilmoqda.

✅Oylik doirasida tuman FVB xodimlari Toshkent tumanida joylashgan “Uzyarn House Textile”da yongʻin xavfsizligi hamda is gazidan zaharlanishni oldini olish boʻyicha tushuntirish ishlari olib borildi va ishchilarni qiziqtirgan savollarga javob berildi.

‼️ Oylik davomida mahallalar, qurilish obyektlari taʼlim muassasalari, korxona va tashkilotlarda yongʻin xavfsizligi boʻyicha oʻquv mashgʻulotlari oʻtkazmoqda. Ushbu yoʻnalishdagi ishlar davom etmoqda.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Sardorlar_saylovi

Kuni kecha, Oqqoʻrgʻon tumanidagi “Ishga marhamat” monomarkazida sardorlar saylovining Toshkent viloyati bosqichi boʻlib oʻtdi.

Unda Toshkent tumanidagi 26-maktabdan 2 nafar, 4-maktabdan 1 nafar, 31-maktabdan 1 nafar, 9- maktabdan 2 nafar va 17-maktabdan 1 nafar sardorlarimiz faol qatnashdi.

Sardorlikka nomzodlarning amalga oshirmoqchi boʻlgan tashabbuslari ularni yana koʻproq oʻqib-oʻrganishiga undashi hamda kelajakdagi oʻz orzularini amalga oshirishda alohida maktab vazifasini oʻtashiga ishonamiz.

Saylov jarayonlari asnosida yoshlar bilan boʻlgan muloqotimizda oʻz rejalarini amalga oshirishga qiynalayotgan bolalarga eʼtibor qaratish, ularni kelajakda oʻz oʻrnini topishiga sardorlar bilan birga koʻmaklashishni maqsad qildik.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#2_SEKTOR
#SAYYOR_QABUL

✅Bugun, Toshkent tumani prokurori, 2-sektor hududida sayyor qabul o'tkazildi.

✅Hududning Ibrat, Bog‘bon, Darxon mahalla aholisi murojaatlari prokuratura xodimlari tomonidan tinglandi.

♻️Aholining ijtimoiy himoyaga muhtoj oilalari muammolarini manzilli hal etish, kerakli huquqiy maslahatlar berish maqsadida o‘tkazilgan ushbu sayyor qabulda ishtirokchilarning savollariga mutaxassislar tomonidan javob berildi.

✔️Sayyor qabulda murojaatlarning aksariyati joyida hal etilib, qolganlari tegishli tashkilotlar elektr energiya ta'minoti, suv oqova, yo‘l qurilish, kadastr, sog‘liqni saqlash, obodonlashtirishdan biriktirilgan mas'ullar tomonidan ijrosi ta'minlanishi nazoratga olindi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website