#Oʻrganish

⚡️Toshkent tumanida "Energetika xavfsizligi oyligi" oʻtkazilmoqda

▪️Joriy yilning noyabr oyi "Energetika xavfsizligi oyligi" deb eʼlon qilinganligi munosabati bilan Toshkent tumanida Bosh prokuratura ishchi guruh aʼzosi Ye.Auyezov, viloyat prokuraturasi Gʻ.Tulakov hamda tuman prokuratura xodimlari tomonidan kuz-qish mavsumini betalafot oʻtkazish uchun tashkil etilgan shtab faoliyati oʻrganildi.

▪️Xususan, "Energetika xavfsizligi oyligi" doirasida Toshkent tumani Kensoy mahallasida faoliyati yoʻlga qoʻyilgan podstansiyaning ish rejimi koʻzdan kechirildi.

▪️Oʻrganish natijalari yuzasidan shtab aʼzolari bilan yigʻilish oʻtkazilib, shtab faoliyatini favqulodda ish rejimida davom ettirish hamda aniqlangan kamchiliklarni zudlik bilan bartaraf etish haqida masʼullarga tegishli topshiriq va koʻrsatmalar berildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Tuman hokimi qurilish obyektlarini oʻrgandi

Toshkent tumani hokimi Sardorbek Ergashev Xalimkoʻp mahallasidagi yangidan barpo qilinayotgan 330 oʻrinli oʻrta taʼlim maktabining qurilish jarayoni bilan tanishishi uchun hududga bordi.

Obyekt qurilishi uchun ajratilgan mablagʻ 12 mlrd.dan ziyod boʻlib, bugungi kunda kunda bajarilgan ishlar hajm 70 foizni tashkil qiladi.

Ushbu qurilish obyektida oʻrganish ishlarini oʻtkazishdan maqsad, qurilish ishlari sustlashtirilganligi hamda baʼzi quruvchilarning oylik maoshlari oʻz vaqtida toʻlab berilmaganligi boʻldi.

Tuman hokimi binoni koʻzdan kechirar ekan, u yerdagi kamchiliklar toʻgʻrisida oʻz fikr va mulohazalarini bildirdi hamda mavjud muammolarni tezkorlik bilan bartaraf ilish boʻyicha tegishli oʻrinbosarga topshiriq berdi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Tozalik, ozodalik-salomatlik garovi

Bugun, bir guruh masʼullar Toshkent tumani hokimi Sardorbek Ergashev boshchiligida Ozodlik va Huvaydo mahallalarida boʻldilar.

Maqsad, aholining tomorqasidan samarali foydalanayotganini oʻrganish, tomorqalarida toʻqsonbosti ekinlarini va limon koʻchatlarini, ochiq maydonlarga daraxt koʻchatlarini ekishga chaqirishdan iborat boʻldi.

Biroq, tuman hokimi mahalla koʻchalarining deyarli har bir burchagida uyulib yotgan maishiy chiqindi qoplari, keraksiz mebellarni koʻchaga uloqtirilganligining guvohi boʻldi va ushbu holatni tezkorlik bilan bartaraf qilish boʻyicha masʼullarga topshiriq berdi.

Umuman olganda atrof- muhit tozaligiga masʼuliyat bilan yondashish madaniyati bizda nechogʻli ekanini, koʻp qavatli uylar hovlisida betartib sochilib yotgan chiqindilar, har xil idishlaru, mahsulotlarning qogʻoz qoldiqlaridan bilib olish mushkul emas. Bu haqida qancha gapirilmasin, yozilmasin toki har bir oʻzini madaniyatli deb biladigan shaxs oʻzini tabiatga daxldor hisoblamas ekan, koʻzda tutilgan natijaga erishish qiyin.

Atrof-muhitning tozaligi, musaffo va xushmanzaraligi, qolaversa tuman hokimi aytganlaridek, hududlarimizni "Yashil makon"ga aylantirish eng avvalo kishining kayfiyati va salomatligiga foydali. Qolaversa, madaniyatli kishilar yashaydigan hudud hamisha toza, orasta va keraksiz chiqindilardan xoli boʻladi. Shuningdek, oʻzini madaniyatli, maʼnaviyatli va chin insoniy fazilat sohibi sanagan odam hech qachon toʻgʻri kelgan joyga axlat tashlab ketavermaydi.

Shunda ekan, oziq-ovqat xavfsizligini taʼminlash, toza havodan toʻyib nafas olish singari tushunchalarni toʻgʻri qabul qilgan holda, tumanda yashovchi fuqarolardan, qolaversa mahalla raislari va masʼul tashkilot rahbarlaridan koʻchalarga tashlangan chiqindilarga befarq boʻlmasliklarini, "Yashil makon" umummilliy aksiyasida faol boʻlishlarini va boʻsh yer maydonlari va tomorqadan unumli foydalanishlarini soʻrab qolamiz.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

4-sektor rahbari hududda

Toshkent tumani 4-sektor rahbari S.Abduvaliyev Koʻksaroy hududidagi chekka mahallalarda boʻldi.

U yerda sektor rahbari aholi vakillari bilan uchrashib, xonadonlarda gaz bosimining pasayganligini oʻrgandi va tushuntirish ishlarini oʻtkazdi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Bozordagi narx-navo oʻrganildi

Bugun, Toshkent tumani hokimi Sardorbek Ergashev "Keles dehqon bozori"da boʻlib, arzonlashtirilgan yarmarkadagi mahsulotlarning narx-navosini oʻrgandi.

Xususan, tuman hokimi bozor maʼmuriyati bilan narx-navoni sunʼiy oshirilishini oldini olish, aholiga sifatli va arzon mahsulot yetkazish haqida suhbatlashgan boʻlsa, bozorda savdo-sotiq bilan shugʻullanadigan savdogarlar va dehqonlar bilan savdodagi muammolar haqida suhbatlashdi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Maktab qurilishi oʻrganildi

Bugun erta tongdan, Toshkent tumani hokimi Sardorbek Ergashev tumandagi 26-umumtaʼlim maktabida qurilayotgan qoʻshimcha bino holatini oʻrgandi.

Qoʻshimcha binoning qurilishi 2024-yil iyun oyida boshlangan boʻlib, bugungi kunda yakunlanish ishlar muddatidan kechikganligi sababli, tuman hokimi tomonidan qurilish obyekti shaxsan oʻrganildi.

Hozirgi kunda maktabda 2 ming nafar oʻquvchi taʼlim oladi, biroq maktab 660-oʻringa moʻljallangan boʻlganligi sababli qoʻshimcha binoga ehtiyoj tugʻilgan.

Shuningdek, ushbu taʼlim muassasasida 30ta mahallada istiqomat qiluvchi o'g'il-qizlar taʼlim oladi.

Mana shu oʻgʻil-qizlarning taʼlim olish sharoitini yanada yaxshilash maqsadida qurilishi boshlangan binoning kamchiliklari, topshirilish muddatining kechikishi sabablari tuman hokimi tomonidan oʻrganilib, pudrat tashkilotga zaruriy chora-tadbirlarni amalga oshirish boʻyicha topshiriq hamda yangi binoning topshirilishi muddatini tezlashtirish boʻyicha qatʼiy ogohlantirish berildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Inson qadri uchun...

Toshkent tumani Koʻk terak hududida joylashgan "Koʻk terak" dehqon bozori aynan shu atrofdagi mahallalarda istiqomat qiluvchi aholining roʻzgʻor uchun oldi-sotdi qiladigan asosiy bozori hisoblanadi.

Fuqarolarning ijtimoiy tarmoq orqali tuman hokimi Sardorbek Ergashevning shu bozordagi holatni oʻrganishini soʻrab yoʻllagan murojaatlari hokim eʼtiboridan chetda qolmadi.

Aynan shu murojaatlarga asos nima boʻlayotganligini oʻrganish maqsadida joriy yil 9-yanvar kuni tuman hokimi "Koʻk terak" dehqon bozorida boʻldi.

U yerda sotuvchi va dehqonlar bilan suhbatlashdi. Bozorda mavjud bir nechta talabga zid holatlarning guvohi boʻldi. Oʻrganishdan soʻng, bozor rahbariyatiga bir qancha topshiriqlar berilib, mavjud talablar ijrosini taʼminlash, ham sotuvchi ham oluvchiga qulaylik yaratish choralarini koʻrish boʻyicha topshiriqlar berildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Aholi tomorqasi qay ahvolda?

Tomorqa-daromad manbai ekanligi hech kimga sir emas. Biroq bugungi kunda tomorqasidan unumli foydalanmasdan, uni oʻz holiga tashlab qoʻyayotgan aholi vakillari ham yoʻq emas.

Fuqarolarning tomorqadan unumli foydalanishi nazorat qilish ham hokimlikning qolaversa hokim yordamchilarining vazifalaridan biri hisoblanadi.

Shu munosabat bilan, kuni kecha Gultepa mahallasida joylashgan xonadonlarning birida boʻlgan Toshkent tumani hokimi Sardorbek Ergashev tomorqasi achinarli ahvolda boʻlgan xonadon egalari bilan suhbatlashib, shu hududga masʼul boʻlgan hokim yordamchisiga nisbatan qatʼiy ogohlantirish berdi.

Yuqoridagilarni inobatga olgan holda, fuqarolardan oʻz tomorqalarini daromad manbaiga aylantirishni va undan unumli foydalanishni soʻrab qolgan boʻlar edik.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Vaʼdaga muvofiq hokim Qoraboʻrik mahallasida boʻldi

Xabaringiz bor, kecha Toshkent tumani hokimi Sardorbek Ergashev Qoraboʻrik mahallasi fuqarolari bilan uchrashib, yigʻilib qolgan masalalarni birma-bir eshitish va mahalla yettiligi faoliyati yuzasidan hisobotni eshitish maqsadida hududdagi 3-umumtaʼlim maktabida yigʻilish oʻtkazgan edi.

Kechagi yigʻilishda aholi tomonidan hokimga mahallaga kelib, muammolarni shaxsan oʻrganish boʻyicha taklif berilgan edi. Bugun, vaʼdaga muvofiq hokim Qoraboʻrik mahallasida boʻldi va Chinor 7-berk, Chinor 6-berk va Chinor shoh koʻchalarini mahalla yettiligi va aholi hamkorligida oʻrganib, tegishli muammolarni bartaraf qilish maqsadida zudlik bilan taklif kiritish boʻyicha masʼullarga topshiriq berdi.

Shuningdek, tuman hokimi mahalla yettiligiga aholi tomorqasidan unumli foydalanishini yoʻlga qoʻyish, boʻsh dala chetlariga toʻqsonbosti ekinlarini ekish, kam taʼminlangan oilalarning daromadini oshirish uchun ularga nafaqat yerdan foydalanishni oʻrgatish, balki oʻrdakchilik bilan shugʻullanishlariga sharoit yaratish, hududda tadbirkorlikni rivojlantirish boʻyicha oʻz taklif va tavsiyalarini berdi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Qoraboʻrikda yashovchi yolgʻiz ayollar oʻrganildi

Ikki kun ilgari Qoraboʻrik mahallasida boʻlgan yigʻilishda tuman xokimi tomonidan berilgan topshiriqqa asosan Oila va xotin qizlar boʻlim boshligʻi L.Qoraboyeva mahallada yashovchi muammosi bor oilalar bilan uchrashdi.

Uchrashuvda U.Sattarova bandligini taʼminlash, uyda oʻtirib daromad topishga yoʻnaltirish tushuntirdi.

Boquvchisi boʻlmagan M.Azimovaning xonadoniga kirib oilaviy masalasi oʻrganildi.

Boquvchisi boʻlmagan O. Sadikova ham xonadoni oʻrganilib daromad topishi va kambagʻallikdan farovonlik sari dasturiga asosan oilalarda daromadlarni oshirish ishlari tushuntirildi.

Mahalla yettiligiga "Ayollar daftari"ga kiritiladigan ayollarni roʻyxatini shakllantirish va ehtiyojmand xotin-qizlarni qamrab olish topshirigʻi berildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

Hokim hududda

Bugun, Toshkent tumani hokimi Sardorbek Ergashev bir guruh masʼullar bilan sayyor qabuldan soʻng, Zaxariq mahallasi sharoitini oʻrgandi.

Xususan, mahalladagi "Qizgʻaldoq" oilaviy shifokorlik punktida aholiga xizmat koʻrsatish uchun yaratilgan sharoitlar bilan tanishdi.

Shuningdek, Shifokorlar koʻchasining asfalt masalasini hal qilish yuzasidan masʼullarga bir qator topshiriqlar berdi.

Oʻrganish davomida Mahalla uyushmasi raisi, Kambagʻallikni qisqartirish va bandlik boʻlimi, Obodonlashtirish boshqarmasi boshliqlariga koʻcha chetlarini tozalash, "Yashil makon" umummilliy loyihasini amalga oshirish, aholi tomorqalarini tartibga keltirish boʻyicha vazifalar yukladi.

📸O'rganish jarayoni fotosuratlarda.

✅Telegram 💬Facebook 📸Instagram 📹YouTube 🌍Website