#Topshiriq_va_ijro

Topshiriqlar egalariga yetkazildi

Toshkent tumani hokimi boshchiligida qishloq xoʻjaligidagi muammolar va "Yashil makon" aksiyasi ijrosi yuzasidan tanqidiy yigʻilish oʻtkazildi.

Kecha, Prezident Shavkat Mirziyoyev raisligida meva-sabzavot mahsulotlarini yetishtirish, qayta ishlash va eksport qilishni koʻpaytirish chora-tadbirlari yuzasidan videoselektor yigʻilishi boʻlib oʻtgan edi.

Unda fermerlarga tadbirkorlar reytingini hisoblashda qoʻshimcha ball berilishi, ichki fitosanitar sertifikati bir yil davomida bepul taqdim qilinishi. Fermerlarga barcha yerlari uchun yer soligʻini ikki yilga boʻlib toʻlashga ruxsat berilishi singari imtiyozlar maʼlum qilinib, “Oilaviy tadbirkorlik” dasturidagi 100 million soʻmgacha boʻlgan kreditlar soddalashtirilgan tartibda ajratilishi, dala cheti hisobi, nima mahsulot yetishtirilgani va qancha mahsulot olingani “e-Fito” portali orqali nazorat qilib borilishi bildirildi.

Shuningdek, "Yashil makon" umummilliy harakati ijrosi yuzasidan fermer xoʻjaliklariga berilayotgan imtiyozlar eʼlon qilingan edi.

Shu munosabat bilan, bugun Toshkent tumani hokimi Sardorbek Ergashev fermer va dehqon xoʻjaliklari rahbarlari bilan uchrashib, topshiriq ijrosini taʼminlash muddatlari haqida kelishib oldi.

📹Jarayon video va fotolavhalarda.

✅Telegram 💬Facebook 📸Instagram 📹YouTube 🌍Website

#Topshiriq_va_ijro

Mahalla yettiligi faoliyati tanqidiy muhokama qilindi

Bugun, Toshkent tumani hokimi Sardorbek Ergashev boshchiligi va boshqa sektor rahbarlari hamkorligida tumandagi 70 ta mahalla yettiligi faoliyati tanqidiy muhokama qilindi.

Xususan yigʻilishda, Oʻzbekiston Respublikasi Prezidenti Shavkat Mirziyoyev raisligida 28-noyabr kuni meva-sabzavot yetishtirish, qayta ishlash va eksportini koʻpaytirish chora-tadbirlari yuzasidan oʻtkazgan videoselektor yigʻilishida berilgan topshiriqlar ijrosini taʼminlashda amalga oshiriladigan chora-tadbirlar rejasi muhokama qilindi.

Shu jumladan tomorqa va uylar oldi, mahalladagi koʻchalar boʻyi, dala cheti va kanallar atrofida oziq-ovqat mahsulotlari va daraxtlar ekish uchun mavjud imkoniyatlardan samarali foydalanish masalalari koʻrib chiqildi.

Mahalla yettiligiga topshiriqlar berilib, aholisi oʻz tomorqasidan samarali foydalangan mahalla yettiligini ragʻbatlantirish, aksincha topshiriq ijrosini bajarmagan mahalla yettiligiga qonun doirasida jazo choralarini qoʻllashni yoʻlga qoʻyish haqida soʻz yuritildi.

📹Batafsil video va fotolavhalarda.

✅Telegram 💬Facebook 📸Instagram 📹YouTube 🌍Website

#Topshiriq_va_ijro

Qoraboʻrik va natijalar

Toshkent tumani Qoraboʻrik mahallasida boʻlib oʻtgan sayyor qabuldan koʻpchilik xabardor.

Unda mahalla yettiligi hisoboti eshitilib, soʻng aholining eʼtirozlari tinglangan edi. Shuningdek tuman hokimining topshirigʻiga asosan ushbu mahallada aholining yashash sharoitini yaxshilash uchun barcha zaruriy choralar koʻrishga vaʼda berilgani barchaga maʼlum.

Hozirgi kunda Qoraboʻrik mahallasida tuman hokimiga yoʻllangan murojaatlar bosqichma-bosqich oʻz yechimini topmoqda.

Jumladan, koʻchalar obodonlashtirilib, koʻcha yoritgichlari oʻrnatildi. Eski yogʻoch stolbalar olinib, yangi beton stolbalar oʻrnatilmoqda. Transformator taʼmirlandi. Undan tashqari toza ichimlik suvi yetib bormagan mahallalarga suv yetkazib berilmoqda.

Qoraboʻrikda amalga oshirilayotgan ishlar hokim nazoratida va biz mahalladagi yangiliklar haqida Sizlarni boxabar qilib turamiz.

📸Jarayonlar fotolavhalarda.

✅Telegram 💬Facebook 📸Instagram 📹YouTube 🌍Website

#Topshiriq_va_ijro

Obodlik koʻngildan boshlanadi

Xabaringiz bor kecha, tuman hokimi Sardorbek Ergashev bir guruh masʼullarga Iftixor va Sohibkor mahallalariga qarashli boʻlgan yoʻllarni, koʻprik tagi va atroflarini obodonlashtirish boʻyicha bir qator topshiriqlar bergan edi. Bugun erta tongdan, hududda obodonlashtirish ishlari boshlab yuborildi.

Obodlik koʻngildan boshlanadi, deydi dono xalqimiz. Albatta, koʻngil toza boʻlsa, u mudom ozodalik, saranjomlik, tozalik va koʻrkamlikni xohlaydi. Bunday ishlarni amalga oshirilayotganligi albatta quvonarli, agar barchamiz birgalikda mehnat qilsak, tozalik, ozodalikni turmush tarzimizga aylantirsak, hayotimiz yanada goʻzal va farovon boʻladi.

Har kuni ishga, oʻqishga yoʻl olar ekanmiz oyoq ostida boʻsh plastik shisha, sigareta, pista poʻchoq qoldiqlari, muzqaymoq qogʻozlari va shu kabi narsalarga koʻzimiz tushadi. Tan olish kerak, koʻpda chiqindilar har joyga tashlab ketiladi. Shuning uchun ham fuqarolarda tozalash-obodonlashtirish ishlariga, ozodalikka, saranjom-sarishtalikka, soha fidoyilarining mehnatiga va yaratilgan sharoitlarga hurmat, daxldorlik hisini uygʻotish zarur.

Aslida shu joylarning shu koʻrinishga kelishiga oʻzimiz sababchi emasmizmi? Bugun har birimiz jamoatchi, har birimiz bir muammoni koʻtarguvchimiz. Biroq, chiqindini koʻcha chetlariga, ariq va zovur boʻylariga tashlab ketayotgan odamlarni bu ishni qilmaslikga chaqirish ham daxldorlik hisiga kirishini unutib qoʻyayotgandaymiz goʻyo.

Toshkent tumani Obodonlashtirish boshqarmasi xodimlariga va oʻz farzandiga jamoat joylarga chiqindi tashlamaslikga oʻrgatayotgan ota-onalarga rahmat.

📸Jarayon fotolavlavhalarda.

✅Telegram 💬Facebook 📸Instagram 📹YouTube 🌍Website