#Jarayon

Amfiteatrda taʼmirlash ishlari avjida

Xabaringiz bor, ayni kunlarda Oʻzbekiston Respublikasi Mustaqilligining 33 yilligi arafasida turibmiz.

Istiqlolning 33 yillik bayramini munosib kutib olish maqsadida tumanimizda keng miqyosda obodonlashtirish ishlari amalga oshirilmoqda.

Xususan, asosiy bayram tadbiri oʻtkaziladigan joy, yaʼni tuman Amfiteatri ham taʼmirlanmoqda.

Oʻylaymizki, bayram tadbirlari yangilangan Amfiteatrda yanada jozibador koʻrinishda va yuqori kayfiyatda oʻtadi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Jarayon

Mahalla obod-yurt obod yoxud tinib-tinchimagan odamlar

Har bir mahallaning oʻzgacha fayzi, oʻzgacha tarovati bor. Uning gullab-yashnashi va obod boʻlishi, koʻchalardan oʻtayotganingda bagʻri diling ochilishi avvalo mahalla raisi va faollariga, qolaversa hududda istiqomat qiluvchi aholiga bogʻlik.

Oʻz xonadonini toza tutishni bilmagan odamda koʻchalarni tozalashga ularni obod qilishga ishtiyoq boʻlmaydi albatta.

Yurt koʻrki, degan balandparvoz gaplar ham yoʻq emas xalq orasida. Ammo, yurt koʻrkam boʻlishi uchun har bir shaxs shuni istashi va obod mahallada yashashga orzu-havasi boʻlmogʻi darkor.

Baʼzan mahalla oralab yurganda, bejirim koʻchalar, oqlagan daraxtlar-u, chiroyli qilib ekib qoʻyilgan gullarni koʻramiz. Baʼzi koʻchalarda esa qurigan daraxtlar va sargʻayib ketgan oʻtlar. Shunda shu mahallada yashovchilarga bir savol bilan yuzlangingiz keladi. Siz, obod mahallada yashashga hissa qoʻshdingizmi?

Bugun, koʻp korxona-tashkilotlar uchun dam olish kuni boʻlishiga qaramasdan, kimdir ish joyida, kimdir esa oʻz tinchini oʻylab dam olmoqda, yana kimlardir koʻcha tozalashga, gul ekib, atrof-muhitni saranjom-sarishta qilishga kirishgan.

Toshkent tumanidagi Zarbdor mahallasida rais boshchiligida aholiga toza ichimlik suvini oʻtkazish harakatida boʻlsalar, Kensoy mahalla yettiligi hududni tozalash bilan ovora.

Siz-chi? Siz ham koʻchangizga qarab, tozalab, suv sepib, ekilgan gullarni parvarish qildingizmi? Yoki kimdir kelib, qilib berishini poylab oʻtiribsizmi?

📸Fotosuratlarda Zarbdor va Kensoy mahallasidagi ish jarayoni.

✅Telegram 💬Facebook 📸Instagram 📹YouTube 🌍Website

#Jarayon

✅Loyihalar yoshlar orasida

📚Toshkent tumanida joylashgan 9-maktabning o‘quvchi yoshlariga A.Navoiy mahalla yoshlar yetakchilari tomonidan Ibrat tillari, Uzchess, Mutolaa, UstozAI loyihalarining targ‘iboti jadal suratlarda olib borilmoqda.

📚Quvonarlisi, yoshlar orasida bu loyihalar katta qiziqishga sabab bo‘ldi va ular barcha loyihalar bepul berilayotganligidan xursand.

♻️Targibot davomida A.Navoiy mahalla yoshlar yetakchisi tomonidan 9-maktabda joylashgan yoshlar markazi kutubxonasida Ibrat farzandlari loyihasi doirasdai "Do'stlik daraxti" portreti ham yoshlar tomonidan tashkil etilib kutubxona devoriga ilib qo'yildi.

🟢O‘quvchi yoshlar, Yoshlar ishlari agentligiga o‘z minnatdorliklarini bildirib, davlat ularga bepul o‘qish tizimini yaratib kelajak uchun qayg‘urayotgan paytda ular ham davlatimiz kelajagi uchun bor bilimlarini sarflab katta yutuqlarga erishishga va'da berdilar.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Jarayon

Forum ishtirokchilari kutib olindi

Maʼlumki, BMT Bosh assambleyasining 62/136-son yigʻilishida eʼlon qilingan 15-oktyabr - "Xalqaro qishloq ayollari kuni" mamlakatimizda keng nishonlanib kelinmoqda.

Joriy yilda ham Oʻzbekiston Respublikasi Oliy Majlisi Senati, qishloq xoʻjaligi vazirligi, Oʻzbekiston Kasaba uyushmalari Federatsiyasi, Oila va xotin-qizlar qoʻmitasi, Oʻzbekiston "Agrar soha ayollari" uyushmasi hamkorligida "Fan va qishloq xoʻjaligi ishlab chiqarish integratsiyasiga bagʻishlangan Markaziy Osiyo ayollari forumi" tashkil etilmoqda.

Ushbu Forumga Markaziy Osiyo davlatlaridan qishloq xoʻjaligi sohasida faoliyat yuritib kelayotgan ayollar taklif qilingan.

Forum mehmonlariga hurmat va ehtirom koʻrsatish maqsadida kuni kecha Toshkent tumani hokimining oʻrinbosari, Oila va xotin-qizlar boʻlimi boshligʻi Lola Qoraboyeva Qozogʻiston Respublikasidan kelayotgan bir guruh ayollarni bojxona chegara postida kutib oldi.

Qoʻshni Qozogʻistondan Forumga kelayotgan delegatsiya vakillari oʻzbek xalqining mehmondoʻst ekanligiga yana bir marotaba ishonch hosil qilib, bu singari doʻstona munosabat uchun minnatdorchilik bildirdilar.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Jarayon

"Ulugʻ ajdodlar ilmiy merosi kelajak mayogʻi"

Toshkent tumanidagi 1-son kasb-hunar maktabida Imom Termiziy tavalludining 1200 yilligiga bagʻishlangan maʼnaviy tadbir oʻtkazildi.

Unda Eshonguzar jome masjidi imom xatibi Boboravshan Rasulov, tarixshunoslar va kasb-hunar maktabining 120 dan ziyod oʻquvchilari qatnashdi.

Davlatimiz rahbarining joriy yil 15-avgustidagi "Imom Termiziy tavalludining 1200 yilligini keng nishonlash toʻgʻrisida"gi qarorining ijrosi taʼminlash hamda ulgʻayib kelayotgan avlodga islom dini ilmi rivojiga beqiyos hissa qoʻshgan buyuk olim, Vatandoshimiz Imom Abu Iso Muhammad Termiziyning ulkan ilmiy merosi haqida soʻzlab berildi.

Tadbirda, Xalqimiz va jahon jamoatchiligi oʻrtasida uni keng targʻib etish, ushbu yoʻnalishda olib borilayotgan tadqiqotlarni qoʻllab-quvvatlash, yosh avlodni maʼnaviy-ruhiy olamni boyitish, ularni qalbida milliy iftixor, Vatanga muhabbat va sadoqat tuygʻusini yanada kuchaytirilganidagina yuksak marralarga erishish mumkin ekanligi aytildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Jarayon

“Milliy armiyamiz – Yangi Oʻzbekistonning mustahkam qalqonidir”

Aynan shu shior ostida joriy yil 22-noyabr kuni 65921-harbiy qismida Toshkent tumanidagi inspektor-psixologlari-mayor A.Namozov, leytenant A. Mamajonov va K.Orzuqulovlar tumandagi 1, 23,24,26,28-maktab oʻquvchilari hamda Toshkent tumanidagi Mudofaa Vazirligiga qarashli 9-maktab qoshidagi “Jasorat vatan tayanchi harbiylashtirilgan taʼlim maktabi” oʻquvchilarini jalb etgan holda “Uch avlod uchrashuvi” oʻtkazildi.

Tadbirda, Oʻzbekiston faxriylarini ijtimoiy faoliyatini qoʻllab-quvvatlash nuroniylar jamgʻarmasi Qibray tumani raisi Sayfullo Temirov, Oʻzbekiston davlat muassasalari va jamoat xizmati xodimlari, FVV faxriysi Xamidullo Orifjonovlar ishtirok etdi.

Tadbir soʻngida Milliy gvardiya AHNKO musiqiy konsert dasturini namoyish etdi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Jarayon

Taʼlim muassasalarida profilaktik tadbirlar oʻtkazilmoqda

2024-yil 28-noyabr kuni yoshlar orasida jinoyatchilikni va huquqbuzarlikni oldini olish maqsadida profilaktik tadbir oʻtkazildi.

Toshkent tumani MMTB boʻlimiga qarashli 3-umumiy oʻrta taʼlim maktabida oʻtkazilgan tadbir Oʻzbekiston Respublikasi Prezidentining 2017-yil 14-martdagi "Huquqbuzarlik profilaktikasi va jinoyatchilikka qarshi kurashish tizimini takomillashtirish chora-tadbirlari toʻgʻrisida"gi PQ-2833-sonli qarori ijrosiga qaratilib, unda Toshkent tumani FVB boʻlimi xodimi B.Perenboev, MG inspektor-psixologi leytenant B. Mamajonov hamkorlikda yuqori sinf oʻquvchilari bilan tigʻ tadbir oʻtqazildi va oʻquvchilardan taqiqlangan buyumlar aniqlandi.

Tadbir davomida aniqlangan buyumlar yuzasidan tushuntirish ishlari oʻtkazilib, oʻquvchilarning ota-onalari bilan suhbatlashildi hamda ogohlantirish berildi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Jarayon

Yo‘llarda hushyor bo‘laylik!

🌨Ayni kunlarda yurtimizda yuzaga kelgan noqulay ob-havo sharoiti tufayli yo'llarda qor va muzlamalar hosil bo'lgan.Toshkent tumani bo‘ylab yo‘llarni qordan tozalash ishlari jadallik bilan davom etmoqda.

❄️Hududlarda Obodonlashtirish bo'limi hamda Yoʻllardan foydalanish davlat muassasalari ishchi-xodimlari tomonidan qatnov harakati mavjud joylarda haydovchi va yo'lovchilarga qulaylik yaratish hamda yoʻl-transport hodisalarining oldini olish maqsadida, avtomobil yoʻllariga qum-shagʻal aralashmasini sepish ishlari amalga oshirilmoqda.

Tasvirlarda Toshkent tumanining deyarli barcha ko‘chalarida amalga oshirilayotgan ishlar.

✅Telegram 💬Facebook 📸Instagram 📹YouTube 🌍Website