#Muqobil_energiya

Tadbirkorlar ham muqobil energiyadan foydalanadi

Bu haqida Toshkent tumani Davlat soliq inspeksiyasi boshligʻi, 4-sektor rahbari S.Abuvaliyev boshchiligida oʻtkazilgan yigʻilishda soʻz bordi.

Tumandagi 4-va 2-sektor rahbarlari Toshkent tumanidagi toʻy marosimlarini oʻtkazuvchi tadbirkorlar (to'yxona egalari) bilan quyosh panellarini oʻrnatish orqali elektr tejamkorligiga erishish va davlat siyosatini qoʻllab-quvvatlash borasida suhbatlashar ekanlar, bu yoʻnalishda tadbirkorlik subyektlariga yaratilgan imtiyozlar haqida gapirib oʻtdilar.

Bir soʻz bilan aytganda, sohada olib borilayotgan iqtisodiy islohotlar aholining energiya resurslariga boʻlgan talabini qanoatlantirishga, sanoat korxonalarining ishlab chiqarish quvvatini yanada oshirishga xizmat qilishi haqida tadbirkorlarga tavsiya va tushunchalar berildi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Muqobil_energiya

Energiya tejovchi texnologiyalarga oʻtish dolzarb masala

Bu haqida bugun, Toshkent tumanida joylashgan Kichik sanoat zonasida, tadbirkorlar bilan boʻlib oʻtgan uchrashuvda soʻz yuritildi.

Muqobil energiya oʻzi nima degani? Muqobil energiya bu qayta tiklanuvchi energiya manbalari, yaʼni quyosh panellari. Oʻzbekistonda deyarli 365 kuni quyoshli kun boʻlganligi sababli, undan unumli foydalanishni yoʻlga qoʻyish bugun, kun tartibidagi masalaga aylangan.

Qolaversa, quyosh panellari, ekologik muhitni yaxshilashga, gazni tejashga va aholini elektr energiyasi bilan uzluksiz taʼminlashga xizmat qiladi. Qanaqa qilib deysizmi?

Birgina misol, Toshkent tumanidagi Kichik sanoat zonasi. Bu yerda ayni kunlarda 8 dan ziyod korxonalar faoliyat yuritadi. Ularning har bir soatiga kamida 10 kVt elektr energiyasi sarflaydi. Agarda u kichik korxona boʻlsa. Boʻlmasa, soatiga 20 kVt isteʼmol qilinishi shubhasiz. Agarda, ishlab chiqarish korxonalarining har birida 20 kVt quyosh panellari oʻrnatilsa bu kamida 8ta xonadon uchun elektr energiyasi iqtisod qilindi degani. Bu esa oʻz oʻrnida bir oyda minglab xonadonlarga elektr energiyasini yetkazishdagi muammolarni bartaraf qilishga xizmat qiladi.

Kichik sanoat zonasida Toshkent tumani hokimining oʻrinbosari O. Kenjayev, tuman Favqulodda vaziyatlar boʻlimi, elektr taʼminoti va gaz taʼminoti xodimlari ishtirokida boʻlib oʻtgan bugungi yigʻilishda aynan shu haqida soʻz yuritildi.

Shuningdek, muqobil energiyadan foydalanishni yoʻlga qoʻygan tadbirkorlik subʼektlariga yaratilgan imtiyozlar va ortgan energiyani 1kVt ni 1000 soʻmdan davlatga sotish tartibi boʻyicha tushuncha va tavsiyalar berildi.

📷Jarayon fotolavhalarda.

✅Telegram 💬Facebook 📸Instagram 📹YouTube 🌍Website