#Xotira_bor_ekan_millat_barhayot

🟢9-may-Xotira va qadrlash kuni

✨Jafokash oʻzbek xalqi boshidan ne-ne qora kunlarni oʻtkazmadi, qanchadan-qancha ota-bobolarimiz el-yurt tinchligi uchun jonlarini fido qilishmadi. Bugun sizu biz yashab turgan dorilamon kunlarga yetib kelishimiz oson boʻlmaganini shonli tariximiz isbotlab turibdi. Ularning koʻrsatgan qahramonliklari qalbimizda abadiy yashaydi.

✨Har yili 9 may – Xotira va qadrlash kuni munosabati bilan ayniqsa, ikkinchi jahon urushi qatnashchilari xotirlanadi, tiriklar holidan xabar olinadi, hurmat bajo keltiriladi. Xotirlash va qadrlash xalqimizga xos azaliy qadriyatdir.  

✨Ushbu sana munosabati bilan Toshkent viloyati, Toshkent tumani 12-umumtaʼlim maktab oʻquvchilari hamda Respublika maʼnaviyat markazi tuman boʻlimi bilan hamkorlikda tumanimiz joylarida sharaf lentalari loyihasi oʻtkazildi. Maqsad qahramonlarimiz xotirasini abadiylashtirishdir.

📹Tafsilotlar videolavhada.

✅ Telegram 💬Facebook 📸Instagram 📹YouTube 🌍Website

#Xotira

El-yurtining tinchligi va ozodligi uchun kurashgan insonlar abadiylashtirildi

Xotira va qadrlash – xalqimizning asriy qadriyatlari, ulugʻ fazilatlaridandir. El-yurtining tinchligi, osoyishtaligi, erki va ozodligi uchun kurashgan insonlar hamisha xalqimiz ardogʻidadir. Ana shunday mardlik va jasorat namunasini koʻrsatgan bobolarimiz, sabr-bardosh bilan katta qiyinchiliklarni yengib oʻtgan nuroniy momolarimizni sharaflash, xotirasini abadiylashtirish, ularga gʻamxoʻrlik va eʼtibor koʻrsatish bugungi kunda yangicha maʼno-mazmun bilan boyidi.

Shu munosabat bilan kuni kecha, Toshkent tumani Masalboy hududida II-Jahon urushi vaqtida shahid ketganlar xotirasini abadiylashtirish maqsadida qad rostlagan Xotira maydonining ochilish marosimi boʻlib oʻtdi.

Tadbirda tuman hokimi, tuman Xalq qabulxonasi mudiri, Nuroniylar jamg'armasi raisi, tuman deputatlari, nuroniylar va mahalla faollari ishtirok etdi.

📹Batafsil yuqoridagi videolavhada.

✅Telegram 💬Facebook 📸Instagram 📹YouTube 🌍Website

#Xotira_va_qadrlash

Xotira-muqaddas, qadr-aziz

9-may – “Xotira va qadrlash kuni” mamlakatimizda umumxalq bayrami sifatida keng nishonlanadi. Inson xotira bilan tirik, qadr bilan ulugʻ. Oʻtganlarni, ularning xayrli ishlarini, jasoratini yodga olmoq, eʼzozlamoq xalqimizga xos ezgu fazilatlardandir.

Xotira, bu – unutmaslik, deganidir. Ikkinchi jahon urushida halok boʻlgan minglab yurtdoshlarimiz xotirasini yod etish, olovli janggohlardan omon qaytgan bobolarimizga, ogʻir kunlarni sabr-bardosh bilan yenggan, mashaqqatli daqiqalarda ham oʻzligini yoʻqotmagan, imoni butun yurtdoshlarimizga hurmat-ehtirom koʻrsatish tom maʼnoda milliy qadriyatga aylandi.

Shu maʼnoda 9-may – “Xotira va qadrlash kuni” Oʻtganlarni, ularning xayrli ishlarini, jasoratini yodga olib, hurmat koʻrsatib Toshkent tumani hokimligi, tuman prokuraturasi, Ichki ishlar boshqarmasi, Soliq inspeksiyasi, Maktabgacha va maktab taʼlimi boʻlimi, Oila va xotin-qizlar boʻlimi, Qishloq xoʻjaligi boʻlimi, Yoshlar ishlari Agentligi, Favqulodda vaziyatlar boʻlimi xodimlari, Tibbiyot birlashmasi, Tuman Madaniyat boʻlimi xodimlari, hokim yordamchilari va mahalla raislari Motamsaro ona haykali poyiga gul qoʻydilar.

📹Tadbir tafsilotlari videolavhada.

✅Telegram 💬Facebook 📸Instagram 📹YouTube 🌍Website