#Yer_nazorati

⚡️Dehqon xo‘jaligi yeriga qurilish qilish holati aniqlandi

Kadastr agentligining Toshkent viloyati boshqarmasi tomonidan olib borilgan nazorat tadbirlari davomida Toshkent tumanining Choshtepa hududida dehqon xo‘jaligi yeriga qurilish qilish holati aniqlangan.

Maʼlum qilinishicha, Zangiota tumani hokimining 2016-yildagi tegishli qarorlari asosida 4 nafar fuqarolarga Choshtepa hududidagi qishloq xo‘jaligi haritasining 141-konturida joylashgan 44,5 ball bonitetli 1,16 gektar sug‘oriladigan ekin yer maydoni "Dehqon xo‘jaligi" tashkil qilish uchun ajratilib, 2017-yildagi qarori asosida maʼsuliyati cheklangan jamiyatiga biriktirib berilganligi hamda turar-joy binolari qurilishiga ruxsat berilganligi aniqlangan.

✔️Aniqlangan holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida Toshkent viloyati prokuraturasiga yuborilishi taʼminlandi.

Ma‘lumot uchun, mazkur yer maydoni O‘zbekiston Respublikasi Prezidentining 03.11.2017-yildagi PQ-3375-sonli qaroriga asosan Zangiota tumani tasarrufidan Toshkent tumani tasarrufiga o‘tkazib berilgan.

Yuqoridagi holatda esa MCHJ tomonidan qurilish ishlari olib borilishi natijasida qishloq xo‘jaligi ekin yer maydoni noqishloq xo‘jaligi toifasiga o‘tib ketishiga sabab bo‘lmoqda.

❗️Hurmatli fuqarolar! Dehqon xo‘jaligi uchun ajratilgan yer maydoni oldi-sotdi, garov, xadya qilinmaslik, begonalashtirilmaslik, shuningdek, qurilish qilmaslik sharti bilan berilishini unutmang !

✅Telegram 💬Facebook 📸Instagram 📹YouTube 🌍Website

#Yer_nazorati

💠IJTIMOIY TARMOQLARDA BAHSLARGA SABAB BO‘LAYOTGAN MAVZU HAQIDA.

🌐“O‘zboshimchalik bilan egallangan yer uchastkalari hamda ularda qurilgan bino va inshootlarga bo‘lgan huquqlarni eʼtirof etish to‘g‘risida”gi O‘zbekiston Respublikasining Qonuni loyihasi ijtimoiy tarmoqlarda har xil tushunchalar bilan talqin qilinmoqda.

‼️Bu esa ayrim fuqarolarning yer qonun buzish holatlarini sodir etishiga sabab bo‘lishi mumkin.

✅Shu sabab Qonun loyihasi haqida ayrim maʼlumotlarni berib o‘tamiz:

🔰Qonun loyihasida 8 ta yo‘nalishdagi holatlar ko‘rib chiqishi nazarda tutilgan. Ushbu holatlarning barchasiga huquq eʼtirof etiladi deb tushunmaslik kerak.

❌Loyihada kadastr hujjatlarini rasmiylashtirish emas, balki huquq belgilovchi hujjatlari bo‘lmaganligi uchun yer va binolariga huquqni eʼtirof etish masalasi ko‘zda tutilmoqda.

☢️Shuningdek, tadbirkorlik subyektlari tomonidan o‘zboshimchalik bilan qurilgan imoratlarga emas, balki tadbirkorlik subyektlariga tuman hokimliklari tomonidan yer ajratilib, viloyat darajasida tasdiqlanmagan holatlar hamda tadbirkorlik subyektlari kichik sanoat zonalariga joylashtirilib, hokim qarori chiqarilmay qolgan holatlar ko‘rib chiqilishi nazarda tutilgan.

⁉️Loyihada kadastr hujjatlari rasmiylashtirmaganlik uchun emas, yerni o‘zboshimcha egallaganligi uchun va ushbu yerga huquqlar eʼtirof etilgan taqdirdagi maʼmuriy javobgarlik masalalari yoritilgan.

🔞Hozirda ayrim yurtdoshlarimiz tomonidan “qurilishi mavjud bo‘lsa eʼtirof etilar ekan” deb bo‘sh yerga tezroq imorat qurish holatlari kuzatilmoqda.

‼️Ogohlantirib aytishimiz kerakki, qonun loyihasida 2018-yil 1-mayga qadar qurilgan obyektlar ko‘rib chiqiladi deb ko‘rsatilgan.
Agarda qurilma o‘zboshimchalik bilan belgilangan davrdan keyin qurilgan bo‘lsa, bunday imoratlar belgilangan tartibda bartaraf etiladi hamda maʼmuriy va jinoiy javobgarlikka sabab bo‘ladi.

🚫Shu sababli, fuqarolarimizdan o‘zboshimchalik bilan yerlarni egallash va unga imorat qurmasliklarini so‘rab qolamiz.

❕Yana shuni ham eʼtiborga olish kerakki, hozir biz qonun loyihasi haqida gapiryapmiz va loyihaga muhokama jarayonlarida o‘zgarishlar kiritilishi mumkin.

✅Telegram 💬Facebook 📸Instagram 📹YouTube 🌍Website

#OAV_nigohida
#Yer_nazorati

Davlat tasarrufidagi yer maydonlariga noqonuniy qurilma qurish taqiqlanadi.

Bu haqida Kadastr agentligi Toshkent tumani bo‘limi xodimlari fuqarolarni ogohlantirib kelsa-da, noqonuniy qurilma quruvchilar topilmoqda.

📹Batafsil "Milliy" telekanalining "Millar" dasturida.

✅Telegram 💬Facebook 📸Instagram 📹YouTube 🌍Website

#Yer_nazorati

❗️O‘ZBOSHIMCHA QURILMALAR QILMANG !

Ayni kunlarda “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi Qonun loyihasi aholi orasida ko‘plab muhokamalarga sabab bo‘lmoqda.

Ular orasida mazkur Qonun loyihasi “Aksiya” mazmunini to‘liqligicha bilmay turib, noto‘g‘ri talqin qilish holatlari va shuning asnosida yerlarni o‘zboshimcha egallash, pala-partish va poydevorsiz qurilishlar qilib, tom qismini yopib olishga urinishlar soni ortmoqda. Bu kabi holatlar dronlar yordamida aniqlanib, kosmik suratlar bilan taqqoslanmoqda va o‘z-o‘zidan maʼmuriy va jinoiy javobgarlik oqibatlarini kelib chiqishiga sabab bo‘lmoqda.

Kadastr agentligi tomonidan eʼlon qilingan “Dolzarb 40 kunlik” doirasida olib borilayotgan nazorat tadbirlari davomida bu kabi qurilmalar bartaraf etilmoqda va yer qonunbuzilishini sodir etgan shaxslarga nisbatan keskin choralar ko‘rilmoqda.

❗️Hurmatli fuqarolar va viloyat aholisi !
Sizlardan “Aksiya”da hujjat qilib olaman deb o‘zboshimcha qurilishlar qilmasligingizni, amalda hujjatlari yo‘q bo‘lgan xonadon egalaridan esa Qonun imzolanishini va rasman kuchga kirishini kutishlarini so‘rab qolamiz !

🔖Ayna paytda mazkur Qonun Oliy Majlis Qonunchilik palatasi deputatlari tomonidan qabul qilinganligini, biroq hukumat tomonidan tasdiqlanmaganini, tasdiqlanib rasman eʼlon qilingachgina kuchga kirishini maʼlum qilamiz. (Jarayonda loyihaga o‘zgartirish va qo‘shimchalar kiritilishi mumkin)

❗️Shuni unutmangki, yer qonunchiligini buzganlik uchun maʼmuriy va jinoiy javobgarlik mavjud !

Kadastr agentligi
Toshkent tumani bo'limi

✅Telegram 💬Facebook 📸Instagram 📹YouTube 🌍Website

#Yer_nazorati

⚡️O'zboshimchalik bilan egallangan yer maydonida qurilgan inshoot buzildi

✅Toshkent tumani hokimining o'rinbosari va tuman Kadastr Agentligi bo'limi boshlig'i boshchiligida yana bir noqonuniy qurilgan imorat buzilib, qishloq xo'jaligiga mo'ljallangan yer maydoni o'z holiga qaytarildi.

❗️Eslatib o'tamiz, o‘zboshimchalik bilan egallangan yerga, unda qurilgan har qanday bino va inshootlarga nisbatan mulk huquqini yoki boshqa mulkiy huquqlarni belgilashga yo‘l qo‘yilmaydi.

📃 Yerni o‘zboshimchalik bilan egallagan, qishloq xo‘jaligiga mo‘ljallangan, qurilish uchun ajratilmagan yer uchastkasida qonunga xilof qurilish qilgan shaxslar insofli mulkdor deb tan olinmaydi.

🚫 O‘zboshimchalik bilan egallangan yerdagi qonunga xilof qurilish obyektlarini suv taʼminoti, oqova suv, elektr, issiqlik energiyasi va gaz tarmoqlariga ulash taqiqlanadi.

📹Batafsil videolavhada.

✅Telegram 💬Facebook 📸Instagram 📹YouTube 🌍Website

#yer_nazorati
#OAV_nigohida

⚡️Hududlarda yer nazorati tadbirlari davom etmoqda. Toshkent tumani.

✅ Telegram 💬Facebook 📸Instagram 📹YouTube 🌍Website

#Yer_nazorati

❤️‍🔥Korrupsiya bu - davlat va jamiyatning rivojiga, xalqning adolatga bo‘lgan ishonchiga jiddiy putur yetkazadigan xavfli jinoyatdir.

❤️‍🔥Agarda siz kadastr sohasida o‘z mansabini suiisteʼmol qilish va korrupsiyaga qo‘l urish holatlarini sezsangiz Kadastr agentligining 📞 1097 ishonch telefoni orqali xabar bering.

📌Korrupsiyaga qarshi birgalikda kurashamiz.

✅Telegram 💬Facebook 📸Instagram 📹YouTube 🌍Website