#Rasmiy_munosabat

Mohinaga himoya orderi berildimi?

@Sizdantelegram - telegram ijtimoiy tarmogʻi orqali Toshkent tumani Osiyo-1 koʻchasida yashovchi fuqaro Murodxoʻjayeva Mohina murojaat qilib, turmush oʻrtogʻi tomonidan kaltaklanganligi va unga hali hamon himoya orderi berilmaganini maʼlum qilgan.

Ushbu murojaat yuzasidan quyidagilarni maʼlum qilamiz:

Holat, Toshkent tumani hokimligi Oila va xotin-qizlar boʻlimi hamda tuman Ichki ishlar boshqarmasi tomonidan oʻrganildi.

Oʻrganish davomida Mohina Saidikrom qizi A.A. ga 2014 yilda turmushga chiqqanligi, uch nafar voyaga yetmagan farzandi borligi, oilaning sharoitidan mahalladagi profilaktika inspektori, mahalla raisi, xotin-qizlar faolining xabari borligi, Mohinaning turmush oʻrtogʻi profilaktika inspektori chaqiruviga rioya qilmaganligi sababli, oila ishini koʻrishni imkoni boʻlmaganligi va ijtimoiy tarmoqda tarqalgan rasmdagi holat joriy yil fevral oyida boʻlganligi aniqlandi.

Bugun, Rahbarobod mahallasi Osiyo-1 koʻchasida yashovchi Murodxoʻjayeva Mohinaga turmush oʻrtogʻi tomonidan tazyiq va ruhiy zoʻravonlik oʻtkazilganligi sababli Toshkent tumani IIB JXX XPB XQMB katta inspektori N. Dexkanova tomonidan ayol huquqlari tushuntirildi va himoya orderi berildi. Shu bilan birga onaga farzandlarini qaytarib olishga koʻmaklashish maqsadida vasiylik organiga kerakli hujjatlar topshirildi.

📷Jarayon fotolavhada.

✅Telegram 💬Facebook 📸Instagram 📹YouTube 🌍Website

#Rasmiy_munosabat

Youtube ijtimoiy tarmogʻida fuqaro Shuhrat Qoʻchqorov tomonidan huquqni muhofaza qiluvchi organ xodimlarining xatti-harakatlaridan norozi boʻlib tarmoqqa joylagan audioyozuv yuzasidan munosabat.

Toshkent tumani Nurhayot mahallasi Iqbol koʻchasida yashovchi fuqaro Sh.Qoʻchqorov aslida Qozogʻiston Respublikasi fuqarosi boʻlib, Toshkent tumani Maktabgacha va maktab taʼlimi boʻlimiga qarashli bir nechta, shu jumladan 4-sonli umumtaʼlim maktabi oshxonasini ijara shartnomasi asosida yuritadi.

Tumandagi 4-sonli maktab bilan bogʻliq holat yuzasidan, shularni maʼlum qilamizki, “Elektron-onlayn auksionlarni tashkil etish markazi” DUK tomonidan 2023-yil 6-oktyabr kuni oʻtkazilgan “E-onlayn auksion” savdo platformasi orqali auksion savdosiga chiqarilgan 4-sonli umumiy oʻrta taʼlim maktabi balansidagi 72 kv.m boʻlgan maktab oshxonasi Sh. Qoʻchqorovning onasi fuqaro Mavluda Qoʻchqorova tomonidan yutib olingan va DA 218-990570-sonli gʻoliblik bayonnomasi rasmiylashtirilgan.

Biroq, Qoʻchqorov Shuxratning onasi Qoʻchqorova Mavluda shartnomada belgilangan shartlarni 8 oydan beri bajarmasdan kelmoqda.

👉 Batafsil

✅Telegram 💬Facebook 📸Instagram 📹YouTube 🌍Website

#Rasmiy_munosabat

"Yoshlar kundaligi" rasmiy telegram kanalida ""TEZ YORDAM"GA TEZ YORDAM CHAQIRISHDI" mazmunida eʼlon qilingan xabar yuzasidan munosabat.

Joriy yil 1-iyun kuni soat 16:35 da Toshkent tumani Chuvalachi hududi Dilkash ko‘chasi 15-uydan 1998–yilda tug‘ilgan Odiljonov Jasur Jahongir o‘g‘li ismli fuqarodan bosh og‘rig‘i shikoyati bilan murojaat kelib tushgan. Chaqiruv soat 16:39 da eng yaqin “Yangiobod” shaxobcha brigadasiga uzatilgan. Shifokor Rajabov Temur va feldsher O‘lmasova Naziradan iborat brigada manzilga soat 16:45 da yetib borgan. Bemor shifokorga bosh og‘riʼg‘i, bezovtalik, umumiy xolsizlik, shikoyatlari borligini va buyrak kasalligi bo‘yicha davolanayotganini aytgan.

Shifokor birlamchi tekshiruvdan AQB120/80, Puls 75ta, T-36,6 C aniqlangan va og‘riqni qoldirish uchun feldsherga og‘riq qoldiruvchi dori vositasini shpritsga tortib taxlashini aytgan. Shu vaqtda shifokor bemorga qo‘shimcha kasalliklari bo‘yicha savollar berayotgan vaqtda, bemor shifokorga qarab “SAN KIMSAN, ISHINGNI TEZROQ QIL” deya xaqoratlay ketib o‘rnidan turib, to‘satdan shifokorning yuziga musht bilan urgan. Shifokorning labi va pastki jag‘ sohasidan qon ketishni boshlagan va biroz vaqtga shifokorda karaxtlik xolati kuzatilgan. Holat bo‘yicha hudud profilaktika inspektori Q. To‘rayevga xabar berilgan.

Shifokor boshqa brigada bilan TTA-3 Yuz-jag‘ jarrohligi bo‘limiga olib kelingan. Jaroxat joyi tikilib, qon oqishi to‘xtatilgan. Shifokor ishini davom ettirish maqsadida ish joyiga qaytgan. Biroz vaqtdan so‘ng, shifokorda bosh og‘rig‘i, bosh aylanishi, ko‘ngil aynishi, umumiy xolsizlik kuztila boshlagan va zudlik bilan TTA-2 klinikasiga gospitalizatsiya qilingan. TTA-2 Neyroxirurgiya bo‘limiga soat 23:45 da quyidagi tashxis bilan yotqizilgan: “Bosh miya yopiq jarohati. Bosh miya chayqalishi. O‘ng tomon pastki lab sohasida tikilgan jarohati. O‘ng pastki jag‘da yumshoq to‘qimalar lat yeyishi”. Hozirgi vaqtda bemor-shifokor bo‘limda tibbiy muolajalarni qabul qilmoqda.

Shu o‘rinda, shifokor ariza bilan tegishli organlarga murojaat qilgan taqdirda, shifokorni kaltaklagan fuqaroga nisbatan qasddan jarohat yetkazganlik uchun jinoiy ish qo‘zg‘atilishini maʼlum qilamiz.

✅Telegram 💬Facebook 📸Instagram 📹YouTube 🌍Website

#Rasmiy_munosabat

“Qonun yo‘q. Hammang yo‘qol O‘zbekistondan. Toshkent tumanida BEZPREDEL. Hasanboy” nomi bilan Youtube ijtimoiy tarmog'ining “Sirojiddin Media” sahifasida eʼlon qilingan video yuzasidan:

Kuni kecha, Youtube ijtimoiy tarmog‘iga joylashtirilgan va Sirojiddin ismli bloger tomonidan tayyorlangan videolavhani ko‘rib, savodi chalaroq blogerning masalaga bir tomonlama yondashishi va Toshkent tumani Bahor mahallasi aholisini “provokatsiyaga" chorlayotganining guvohi bo‘ldik.

Ushbu videolavha yuzasidan quyidagilarni maʼlum qilamiz:

Toshkent tumani Hasanboy hududida joylashgan Bahor mahallasida qurilayotgan ko‘p qavatli, ko‘p xonadonli turar joy “Toshkent Mega Stroy” MChJsi tomonidan qurilib, ushbu qurilish ishlari Toshkent viloyati qurilish va uy-joy kommunal xo‘jaligi bosh boshqarmasi qoshidagi shaharsozlik kengashi umumiy majlis yig‘ilishining 2023-yildagi 29-son bayoni hamda Bahor mahallasi jamoatchilik kengashi aʼzolarining navbatdan tashqari yig‘ilishi, shuningdek “ToshkentboshplanLITI” DUKning tegishli xulosasi asosida o‘z hududida qo‘shimcha binolar qurish uchun № 1727265-112308-sonli ruxsatnoma asosida qad rostlamoqda.

Tuman hokimligida yoki tuman qurilish va uy-joy kommunal xo‘jaligi bo‘limida ushbu qurilishni to‘xtatish, hujjatlarni bekor qilish yoki tadbirkorga biror-bir talab qo‘yish vakolati mavjud emas. Agarda MChJ ushbu qurilish ishlarini noqonuniy tarzda, o‘zboshimchalik bilan va davlat qonunlarini mensimagan holda amalga oshirayotgan bo‘lganida, tuman hokimligi korxonani sudga berish orqali qurilishni to‘xtatish choralarini ko‘rish harakatini qilar edi. Hujjatlarni o‘rganish davomida qurilish tashkilotida ko‘p qavatli uy-joylarni qurishga barcha zaruriy hujjatlar mavjudligi aniqlangan.

Videolavhada o‘zining shaxsiy fikrini bayon qilgan fuqaro va youtube ijtimoiy tarmog‘ining "Sirojiddin Media" sahifasini yurituvchisi Sirojiddin ismli blogerga esa, eng avvalo “bespredel” so‘zining maʼnosi, uni ishlatish o‘rni, har qanday bo‘hton va yolg‘on uchun jazo muqarrar ekanligini eslatib, "mavjud muammo" yuzasidan fuqarolar tomonidan sudga daʼvo arizasi kiritish masalaga eng to‘g‘ri yechim bo'lishini maʼlum qilamiz.

✅Telegram 💬Facebook 📸Instagram 📹YouTube 🌍Website

⚡️Rasmiy munosabat

Nazorat uz | rasmiy kanali orqali yo‘llangan murojaat Kadastr agentligi Toshkent viloyati boshqarmasi hamda Toshkent tuman bo‘limi tomonidan holislar ishtirokida o‘rganilib, tumanning Tutzor MFY, Qadrdonlar ko‘chasi, 1-uy manzilida joylashgan mulk egasi M.X ga nisbatan Maʼmuriy javobgarlik to‘g‘risidagi kodeksning 60-modda 3-qismi bilan maʼmuriy jarima jazosi qo‘llanildi hamda 15 kunlik muddat ichida qurilmalarni bartaraf etish yuzasidan rasmiy ogohlantirish berildi.

Batafsil videoda
#rasmiy_munosabat
Kanalga ulanish: https://t.iss.one/tvkad
Facebook Instagram

#Rasmiy_munosabat

Tilla topdi koʻchasi qachon asfalt qilinadi?

YouTube ijtimoiy tarmogʻida eʼlon qilingan videolavha yuzasidan munosabat:

Toshkent tumani Bogʻizilol mahallasi Tilla topdi koʻchasida haqiqatdan ham 800 metr koʻcha asfalt qilinmasdan qolib ketgan.

Bunga sabab u yerda istiqomat qiluvchi aholining kam sonligi hamda aholi oʻrtasida nizo mavjudligi.

Maʼlumki, hozirgi kunda mahallalardagi ichki koʻchalarni asfaltlashtirish "Tashabbusli byudjet" jarayonlari orqali moliyalashtiriladi. Bu yili tuman hokimligi tomonidan "Tashabbusli byudjet" portaliga 17 milliard soʻm pul mablagʻlari qoʻyilgan va gʻolib boʻlgan mahalla ushub mablagʻlar evaziga oʻz tashabbusini moliyalashtirish imkoniyatiga ega.

Bloger va fuqarolar bilan boʻlgan suhbat davomida tuman hokimi O.Rustamov va tuman deputati M.Usmonov fuqarolarga "Tashabbusli byudjet" jarayonlarining shaffofligi va bugungi kunda tuman hokimligi tomonidan tashabbuslarni moliyalashtirish faqatgina "Ochiq byudjet" portali orqali amalga oshirilishi tushuntirildi.

✅Telegram 💬Facebook 📸Instagram 📹YouTube 🌍Website

#Rasmiy_munosabat

Kuni kecha ijtimoiy tarmoqlarda "Biz ularni koʻchalarni ozodaligiga qarayapti deb oʻylasak, aslida koʻchani chiqindilarga toʻldirishayotgan shular ekan..." sarlavhasi ostida eʼlon qilingan va muhokamalarga sabab boʻlgan holat yuzasidan munosabat:

Ushbu holat yuzasidan quyidagilarni maʼlum qilamiz:

Haqiqatdan ham Toshkent tumani Fayzobod mahallasida koʻchani tozalayotgan tuman Obodonlashtirish boshqarmasi xodimlari maishiy chiqindilarni yigʻib, shamoldan uzoqroqga toʻplagan.

Bundan asosiy maqsad, chiqindi tashuvchi yuk mashinasi "musor" toʻplangan joyga yetib kelgunicha, ularni shamoldan tarqalib, koʻchalarga yoyilib ketishini oldini olish boʻlgan.

Bugun, koʻchalar tozalanib, chiqindilar olib ketildi.

📹Batafsil videolavhada.

✅Telegram 💬Facebook 📸Instagram 📹YouTube 🌍Website

#Rasmiy_munosabat

Tutzor MFY da TABAQA devori qurilganmi?!

Aynan shu mavzuda Nazorat.uz ijtimoiy tarmogʻi orqali tarqalgan xabar yuzasidan quyidagilarni maʼlum qilamiz.

Joriy yil 30- iyul kuni Toshkent tumani hokimligi qurilish boʻlimi, arxitekturasi, tuman FVB va boshqa mutasaddilar ishtirokida holat oʻrganildi.

Aslida, ilgari ushbu koʻchada mahalla fuqarolari oʻtishi uchun bosh rejaga asosan yoʻl mavjud emas. Oʻzbekiston Respublikasi Vazirlar Mahkamasi qarori bilan aholi yashashi va yer uchastkalaridan foydalanishi uchun yer ajratilganidan soʻng ushbu yer maydonlariga uchastkalar qurilgan va oʻtish yoʻli barpo qilingan.

Aslida bu muammo fuqarolar oʻrtasidagi muammo hisoblanib tumanda istiqomat qiluvchi bir guruh fuqarolarning foydasiga tumanda yashovchi boshqa fuqarolar noroziligin keltirib chiqarmaslik maqsadida sud organlariga murojaat qilish maqsadga muvofiq ekanligini bildiramiz.

Shu bilan birga, aholi eʼtirozini inobatga olgan holda hamda fuqarolarga qulaylik yaratish maqsadida bosh rejada belgilangan, mavjud boʻlgan ushbu yoʻlga yopib qo'yilgan yo'lni qoʻshish maqsadida viloyat hokimligi va viloyatning tegishli tashkilotlarga murojaat qilish belgilandi.

📹Jarayon videolavhada.

✅Telegram 💬Facebook 📸Instagram 📹YouTube 🌍Website

#Rasmiy_munosabat

"Milliy" telekanalining "Millar" dasturida Toshkent tumani Chigʻatoy mahallasida mavjud muammoga doir efirga uzatilgan lavha yuzasidan munosabat:

Toshkent tumani Chigʻatoy mahallasida Oʻzbekiston Respublikasi Prezidentining 2022-yil 25-oktabrdagi "2022-2023-yillarda mahallalar infratuzilmasini yanada yaxshilash boʻyicha qoʻshimcha chora-tadbirlar toʻgʻrisida"gi PQ-408-son qaroriga muvofiq, aholining koʻp yillik murojaatlari inobatga olinib, Toshkent tumani Chigʻatoy va Diydor mahallalari hududida yangi oqava suv tarmoqlari qurilishi belgilangan.

2023-yil mart oyida loyiha boʻyicha ishlar boshlangan, joriy yilning oxiriga qadar ishlarni yakuniga yetkazish rejalashtirilgan.

Hozirgi vaqtda Chigʻatoy mahallasi Ozod 2-berk koʻchasi-murojaat qilingan koʻcha boʻyicha mavjud muammolar, yaʼni 40 metr qismi yaxshi zichlanmaganligi va yer choʻkishi yuzaga kelganligi munosabati bilan koʻchaning bu qismidagi muammolarni bartaraf etish choralari belgilangan. So'ng, quruvchi-pudratchi tashkilot tomonidan joriy yil avgust oyining 10 kunlik ish kuni davomida asfaltlashtirish ishlari amalga oshiriladi.

✅Telegram 💬Facebook 📸Instagram 📹YouTube 🌍Website