#Rasmiy_munosabat

Gʻisht-koʻprikka ichimlik suvi qachon beriladi?

Toshkent tumani Gʻishtkoʻprik mahallasi fuqarolarining aholini ichimlik suvi taʼminlash boʻyicha "Nurafshon TV" telekanaliga yoʻllagan murojaatlari yuzasidan quyidagilarni maʼlum qilamiz.

“Toshkent viloyati suv taʼminoti” AJ Toshkent tuman filiali mutaxassislari tomonidan holat oʻrganilib, fuqarolar Oʻzbekiston Respublikasi Prezidentining PQ-2818 qaror loyihalari asosida ichimlik suv tarmoqlari tortish ishlari olib borilganligi lekin ushbu loyihadan Gʻishtkoʻprik mahallasi Sulola koʻchasi qolib ketganligi aniqlandi.

Aholi bilan uchrashuv davomida suv taʼminoti korxonasi mutaxassislari tomonidan Toshkent tumani Gʻisht-koʻprik mahallasi Sulola koʻchasini qoʻshimcha loyiha dasturiga kiritilganligi, hozirgi kunda aholini uzluksiz ichimlik suvi bilan taʼminlash maqsadida qoʻshimcha loyihalar amalga oshirilayotganligi tushuntirildi.

Gʻisht-koʻprik mahallasi Sulola koʻchasida koʻcha joʻmragi mavjud boʻlib, aholiga tasdiqlangan jadval asosida ichimlik suvi beriladi, maʼlum sabablarga koʻra ichimlik suvida uzilishlar boʻlgan vaqtda “Toshkent viloyati suv taʼminoti” AJ Toshkent tuman filiali tomonidan aholiga maxsus avtoulovlarda ichimlik suvi yetkazib turiladi.

✅Telegram 💬Facebook 📸Instagram 📹YouTube 🌍Website

#Rasmiy

Xalq deputatlari Toshkent tumani kengashining navbatdan tashqari sessiyasi to‘g‘risida axborot

Ayni paytda Xalq deputatlari Toshkent tumani kengashining navbatdan tashqari sessiyasi bo‘lib o‘tmoqda.

Sessiya kun tartibiga tashkiliy masala kiritilgan.

Sessiya ishida Toshkent viloyati hokimi Zoyir Mirzayev ishtirok etmoqda.

Kun tartibidagi masala yuzasidan viloyat hokimi tanqidiy-tahliliy nutq so‘zlamoqda.

Xususan, tumanning iqtisodiy salohiyatidan yetarli darajada foydalanilmayotgani oqibatida qoloqlik vujudga kelgani, buning oqibatlari atroflicha tanqidiy tahlil qilindi.

Achinarlisi shundaki, dedi Zoyir Mirzayev, joriy yilning 1-iyul holatiga tumanda mavjud 4508 ta kichik tadbirkorlik sub’yektidan 43,7 foizi faoliyatini to‘xtatgan. Biroq, bu raqamlar xalqdan yashirilgan, tuman gazetasida, hokimlik veb saytida bu ochiq ma’lumotlar chop etilmagan, holat mahalliy Kengashda muhokama qilinmagan.

Sessiya ishi davom etmoqda.

✅Telegram🌐Website📹YouTube✅Facebook🕊Twitter

#Rasmiy

Avval xabar berganimizdek, ayni paytda Xalq deputatlari Toshkent tumani kengashining navbatdan tashqari sessiyasi boʻlib oʻtmoqda.

Sessiyada Toshkent viloyati hokimi Zoyir Mirzayev, viloyat sektor rahbarlari, faollar ishtirok etmoqda.

Viloyat hokimi tumandagi ijtimoiy sohada toʻplanib qolgan muammolarga toʻxtalar ekan, maktab ishini tashkil etishda mahalliy hokimlikning oʻrni sezilmayotganiga eʼtibor qaratdi.

Sogʻliqni saqlash sohasida ham vaziyat qoniqarli emasligi taʼkidlandi. Masalan, 2023-yilning 6 oyida tumanda 18 ta holatda bolalar oʻlimi yuz bergan boʻlsa, joriy yil 6 oylik yakunlariga koʻra, mazkur koʻrsatkich oshgan.

Yoshlar bilan ishlash sohasida ham ahvol maqtanarli emas, dedi Zoyir Mirzayev. Jumladan, rahbarlar oʻziga biriktirilgan yoshlar bilan astoydil ishlamagan, ularning 77 foizida muammolari hal etilmagan, rahbarlar bevosita uchrashmagan.

Sessiya oʻz ishini davom ettirmoqda.

✅Telegram🌐Website📹YouTube✅Facebook🕊Twitter

#Rasmiy

Xalq deputatlari Toshkent tumani kengashining navbatdan tashqari sessiyasi davom etmoqda.

Kun tartibidagi masala yuzasidan tanqidiy tahliliy nutq soʻzlayotgan Zoyir Mirzayev tumanda aholi murojaatlari bilan ishlash borasidagi vaziyatga toʻxtaldi.

Xususan, joriy yil boshidan buyon aholidan 985 ta murojaat kelib tushgan boʻlsa, bunda muammo “koptok” qilinayotgani, aksariyat qismi hal etilmay, qogʻozbozlik avj olgani fuqarolarning gʻashini keltirayapti, ishonchiga darz ketayapti.

Vaholanki, ular koʻtarayotgan masalalarning koʻpi lokal darajada hal qilsa boʻladigan muammolardir.

Masalan, fuqaro Xoʻjayev Said tomonidan mahallani shagʻallashtirishni soʻrab ariza yozilgan. Ariza 60 kunda ham koʻrib chiqilmagan va fuqaro yuqori turuvchi idoralarga yozishga majbur boʻlgan. Yoki fuqaro Roʻzmatova Raʼno tomonidan transport masalasida soʻrab qilgan murojaati 70 kunda ham koʻrib chiqilmagan.

Tumanda yerdan foydalanish achinarli ahvolga kelgan. Mavjud bogʻ-rogʻlarning 67 foizi yaroqsiz holatga kelgan. Fermer xoʻjaliklarini toʻliq xatlovdan oʻtkazish zarurati kelganligi qayd etildi. Tumandagi fermer xoʻjaliklarining 74 foizida aqalli bittayam texnika yoʻq. Yerning haqiqiy egasi dalaga umuman bormaydi, xoʻjasizlik oddiy holga aylangan.

✅Telegram🌐Website📹YouTube✅Facebook🕊Twitter

#Rasmiy

Xalq deputatlari Toshkent tumani Kengashining sessiyasi oʻz ishini davom ettirmoqda.

Tumanni ijtimoiy-iqtisodiy rivojlantirishga bagʻishlangan muhokama yigʻilishi tanqidiy ruhda oʻtmoqda.

Tuman hokimi vazifasida ishlab kelayotgan Odilxon Rustamov yoʻl qoʻygan bir qator kamchiliklari uchun lavozimidan ozod qilingan edi.

Sessiya ishidan tashkiliy masala koʻrildi. Zoyir Mirzayev Toshkent tumani hokimi lavozimiga Sardorbek Ergashev nomzodini tavsiya qildi.

Kun tartibidagi masala yuzasidan soʻzga chiqqanlar, tumanda vaziyatni yaxshilash boʻyicha oʻz taklif va mulohazalarini bildirdilar.

Xalq deputatlari Toshkent tumani Kengashining qarori bilan Ergashev Sardorbek Qodirovich Toshkent tumani hokimi etib tayinlandi.

✅Telegram🌐Website📹YouTube✅Facebook🕊Twitter

#Rasmiy_munosabat

Toshkent tumani Chuvalachi mahallasi Mahorat koʻchasida yashovchi bir guruh fuqarolarning ijtimoiy tarmoqlar orqali yoʻllagan murojaati yuzasidan:

Toshkent tumani Chuvalachi mahallasi hududida 2021-2022 yillarda "Loyihachi OMAD ISHONCH LOYIHA" MCHJ quruvchi "STEM QURILISH" XK tomonidan 7.5 km ichimlik suv tarmoqlari tortilib, 53 dona suv nazorat quduqlari oʻrnatilgan.

Chuvalachi suv inshootida suv quduqlarini qurish va 2 ta koʻtarma nasos stansiyasi qurish ishlari rejalashtirilgan boʻlib, hozirgi kunda qurilish ishlari tugatilmaganligi sababli aholi tomonidan noroziliklar koʻpaymoqda.

Murojaatlarning aksariyatida suv tarmoqlari oʻtkazish ishlarini tezroq yakunlab, toza ichimlik suvi berilishi va koʻchalarni taʼmirlash soʻralmoqda.

Shu sababli 2024-yil 2-chorakdan boshlab “Toshkent viloyati suv taʼminoti” AJ Toshkent tuman filial xodimlari tomonidan tarmoq tortish va quduqlarni oʻrnatish ishlari boshlangan.

Bir soʻz bilan aytganda, Toshkent tumani Chuvalachi hududi aholisini tez kunda toza ichimlik suvi bilan taʼminlash choralari koʻrilmoqda.

✅Telegram 💬Facebook 📸Instagram 📹YouTube 🌍Website