Yakkasaroy tumanida “Gender tenglik faoli” milliy tanlovining tuman bosqichi bo‘lib o‘tdi

💠 Yurtimizda xotin-qizlarning ijtimoiy-iqtisodiy faoliyatini qo‘llab-quvvatlash, ularning jamiyatdagi o‘rnini yanada yuksaltirish, har jihatdan ibratli ayollarimizni muntazam rag‘batlantirib borish, gender tenglikni ta’minlash borasida olib borilayotgan islohotlarni jamoatchilikka yetkazish maqsadida “Gender tenglik faoli” milliy tanlovi o‘tkazib kelinmoqda.

📎 Bugun Yakkasaroy tumanidagi Toshkent davlat o‘zbek tili va adabiyoti universitetida “Gender tenglik faoli” milliy tanlovining tuman bosqichi bo‘lib o‘tdi.

💠 Unda Yakkasaroy tuman hokimi o‘rinbosari – Oila va tuman xotin-qizlar bo‘limi boshlig‘i D.Rasulmuxamedova, mahalla raislari, mas’ul tashkilot rahbarlari ishtirok etdilar.

💠 Tumanda faoliyat olib borayotgan gender tenglikni ta'minlash sohasida yuqori natijalarga erishgan, ushbu yo'nalishda jamiyat rivoji yo'lida tashabbus ko'rsatayotgan, xotin-qizlar huquqlarini himoya qilish, o'z sohasiga tegishli yo'nalishlarda dolzarb vazifalarni amalga oshirayotgan tashkilot vakillari ishtirok etdilar.

💠 Tadbir yakunida “Gender tenglikni ta’minlashda eng faol davlat tashkiloti” nominatsiyasi bo‘yicha Toshkent To'qimachilik va Yengil sanoat instituti;

“Gender tenglikni ta’minlashda eng faol respublika darajasidagi davlar organi” Toshkent davlat O'zbek tili va Adabiyoti universiteti nominatsiyalari bo‘yicha gender tengligini ta’minlashda olib borilayotgan ishlari va targ'ibotlari samarali deb topildi va shu bilan birgalikda tanlovning shahar bosqichiga yo‘llanmalarni qo‘lga kiritdilar.

✍️ Yakkasaroy tuman hokimligi Matbuot xizmati