💫O'zbek tiliga davlat tili maqomi berilganligining 34 yilligi munosabati bilan 19-oktyabr kuni Toshkent shahridagi Prezident maktabida "O'zbek tili- milliy o'zligimiz va mustaqil davlatchiligimiz timsoli" shiori ostida tantanali til bayrami kechasi tashkil etildi.

Tadbirda maktab o'quvchilari tomonidan har bir millatning o'zligini anglatuvchi xush kalomlar sof o'zbek tilida yangradi. Til sha'niga atab she'rlar ijro etildi, dil torlarini chertuvchi qo'shiqlar yangradi.

✅Bundan tashqari, bayram kechasi davomida "Savodxonlik tanlovi" ning so'nggi final bosqichi o'tkazilib, ushbu musobaqaning mutlaq g'olibi 10-"Blue" sinfi o'quvchisi G'ulomov Abdullohga "Yilning eng savodxon o'quvchisi-2023" kubogi hamda maxsus sovg'alar taqdim etildi.

📝Hazrat Alisher Navoiy aytganlaridek,
«Ko'ngul maxzanining qulfi til va ul maxzanning kalitin so'z bil». 
Zero, Ona tilimiz – millatimizning ruhi, tariximizning ko‘zgusi, milliy ma’naviyatimizning asosidir.

Shunday ekan, ona tilimizni e’zozlash, munosib hurmat ko‘rsatish barchamizning muqaddas burchimiz va majburiyatimizdir! 

💐Bayramingiz muborak bo‘lsin, aziz hamyurtlar!


🏛 Toshkent shahridagi Prezident maktabining rasmiy sahifalari:
✝️ Telegram | 💟 Instagram | ☮️ Facebook

💫 Ayni damda Toshkent shahridagi Prezident maktabida Modul BMT tadbiri bo'lib o'tmoqda


🔴Toshkent shahridagi Prezident maktabi o'quvchilari tashabbusi bilan "Yaqin kelajakda yuz berishi mumkin bo'lgan dunyo muammolari va ularni bartaraf etish yo'llari" mavzusida bo'lib o'tayotgan Modul BMT tadbirida Ixtisoslashtirilgan ta'lim muassasalari agentligi tizimidagi Prezident maktablari o'quvchilari ishtirok etmoqda.


✅Ushbu tadbirda
"O'rta Osiyodagi suv yetishmovchiligi", " Muhojirlarga yordam berish yo'llari" va "Su'niy intellekt sababli kelajakda ko'payadigan ishsizlik muammolari va ularning yechimi" mavzularida muhokamalar bo'lib o'tishi ko'zda tutilgan.

🏛 Toshkent shahridagi Prezident maktabining rasmiy sahifalari:
✝️ Telegram | 💟 Instagram | ☮️ Facebook