📆Bugun, 2024- yilning 1-may kuni, Toshkent shahridagi Prezident maktabining 5-"Blue", 7-"Green" hamda 9-"Green" sinf o'quvchilari o'rtasida, ya'ni finalist jamoalararo Antuan de Sent Ekzyuperining "Kichkina shahzoda" asari bo'yicha Kitobxonlik tanlovi o'tkazildi.

➡️Musobaqa ishtirokchilari quyidagi shartlar asosida bellashdilar:
- tanishtiruv;
- asar syujeti yuzasidan savol - javoblar;
- sahna ko'rinishi;
- asardan olingan xulosalar.

➡️Qizg'in bahsda 7-"Green" sinfining "Unutilgan bolalik" jamoasi g'oliblikni qo'lga kiritdi. Ammo shuni ham alohida ta'kidlash kerakki, jamoalar natijasi bir-biridan atigi 1 yoki 0,5 ballga farq qildi.

✅Hakamlar hay'ati a'zosi sifatida taklif etilgan mehmon - filologiya fanlari nomzodi, Alisher Navoiy nomidagi O'zbek tili va adabiyoti universiteti dotsenti Iroda Azimova o'quvchilarning asarni tushuna olishi, sahnadagi o'ziga xos talqini, ijro mahorati tahsinga sazovor ekanligini alohida ta'kidlab o'tdi.

📚Shuning bilan maktabning ona tili va adabiyot fani oʻqituvchisi Zulfiya Rashidova tomonidan tashkillashtiriladigan Kitobxonlik tanlovining 2023-2024 o'quv yiliga mo'ljallangan mavsum musobaqalari nihoyasiga yetdi.

🏛Toshkent shahridagi Prezident maktabining rasmiy sahifalari:
🌐Telegram  | 🌐Instagram  | 🌐Facebook