#MeningKonstitusiyam
#Muhokama

«TOSHKENT SHAHAR ELEKTR TARMOQLARI KORXONASI» AJ DA O'ZBEKISTON RESPUBLIKASINING KONSTITUSIYAVIY QONUN LOYIHASI MUHOKAMA QILINDI

Kecha, «Toshkent shahar elektr tarmoqlari korxonasi» AJning majlislar zalida Tadbirkorlar va ishbilarmonlar harakati – O'zbekiston Liberal-demokratik partiyasi Toshkent shahar Kengashi va O'zLiDeP Mirobod tuman Kengashi hamda «Toshkent shahar elektr tarmoqlari korxonasi» AJ qoshida ochilgan boshlang'ich partiya tashkiloti hamkorlikda «Konstitusiyaning yagona manbai va muallifi – xalqdir» mavzusida davra suhbati tashkil etildi.

Tadbirda, O'zbekiston Respublikasi Oliy Majlisi Qonunchilik palatasi Fan, ta'lim, madaniyat va sport masalalari qo'mitasi raisi Erkin Zaxidov, O'zbekiston Respublikasi Oliy Majlisi Qonunchilik palatasi deputati Sanjar Xamidullaev, O'zLiDeP Siyosiy Kengashi Ijroiya qo'mitasi Siyosiy ta'lim markazi rahbari Nasimjon Alimov, O'zLiDeP Toshkent shahar Kengashi raisining birinchi o'rinbosari-apparat rahbari Jasur Achildiev, bo'lim mudirlari va Mirobod tuman Kengashi xodimlari, Toshkent shahar va tuman Kengashi deputatlari, «Toshkent shahar elektr tarmoqlari korxonasi» AJ qoshida ochilgan Boshlang'ich partiya tashkiloti raisi Asqarali Maxsudov va BPT a'zolari, «Toshkent shahar elektr tarmoqlari korxonasi» AJ rahbariyati va xodimlari, partiya faollari va ommaviy axborot vositalari vakillari ishtirok etdilar.

Yig`ilishda so'zga chiqqanlar quyidagilarni alohida ta'kidlab o'tishdi: O'zbekiston Respublikasi Prezidenti Shavkat Mirziyoevning O'zbekiston Respublikasi Konstitusiyasiga o'zgartirish kiritish va tashkiliy chora-tadbirlarni amalga oshirish yuzasidan Konstitusiyaviy komissiya a'zolari bilan uchrashuvidagi nutqi hamda «O'zbekiston Respublikasi Konstitusiyasiga o'zgartish va qo'shimchalar kiritish to'g'risida»gi O'zbekiston Respublikasining Konstitusiyaviy qonun loyihasining mazmun-mohiyati hamda konstitusiyaga kiritilayotgan qo'shimcha o'zgartishlar bo'yicha alohida ta'kidlab o'tildi va tadbir ishtirokchilariga ushbu masalalar yuzasidan keng ma'lumotlar berildi.

Ta'kidlash joizki, xalqimiz tomonidan berilgan takliflar, Davlatimiz Rahbarining Komissiya a'zolari bilan uchrashuvda «insonning qadr-qimmati, sha'ni va g'ururi bundan buyon barcha sohalarda birinchi o'rinda turishi kerak» degan tamoyil asosida berilgan takliflardan kelib chiqib «O'zbekiston Respublikasi Konstitusiyasiga o'zgartish va qo'shimchalar kiritish to'g'risida»gi O'zbekiston Respublikasining Konstitusiyaviy qonuni loyihasi tayyorlandi. Mazkur qonun loyihasini tayyorlash doirasida insonning asosiy huquq va erkinliklarini ta'minlash soxasidagi asosiy xalkaro standartlar, ilg'or xorijiy tajriba - 100 dan ortiq mamlakatlarning konstitusiyaviy tajribalari o'rganib chiqilgan. O'zbekiston Respublikasi Konstitusiyaga o'zgartish va qo'shimchalar kiritish bo'yicha Konstitusiyaviy qonun loyihasini xalqimiz, jamoatchiligimiz bilan keng muhokama qilish Bosh qomusimizning pishiq-puxta, yanada xalqchil, tom ma'noda xalqimiz xohish-irodasining ifodasi – haqiqiy xalq Konstitusiyasi bo'lishiga xizmat qiladi,- deydi Oliy Majlisi Qonunchilik palatasi Fan, ta'lim, madaniyat va sport masalalari qo'mitasi raisi Erkin Zahidov.

Shuningdek, O'zbekistonda erkin va adolatli fuqarolik jamiyatining rivojlanishiga, insonparvar, demokratik huquqiy davlat barpo etishga yordam beradi. Darhaqiqat, bugun barcha sa'y-harakatlar, muxtasar aytganda, inson qadrini yuksaltirishga qaratilgan ekan, Bosh qomusimizga kiritiladigan barcha o'zgartishlarning negizida ham O'zbekistonda kechayotgan islohotlar mohiyatini belgilovchi «Inson qadri uchun» ulug'vor g'oyasi yotganligini ko'rishimiz mumkin. Tadbir ishtirokchilari o'z takliflarini va fikr-mulohazalarini bildirdilar. Tadbir savol-javoblar bilan ko'tarinki ruhda bo'lib o'tdi.

✍️«Toshkent shahar elektr tarmoqlari korxonasi» AJ
Matbuot xizmati

Rasmiy kanalimiz👇👇👇
➡️ https://t.iss.one/toshetk

#yangi_qaror_loyihasi
#muhokama

Oʻzbekiston Respublikasi Energetika vazirligi tomonidan Oʻzbekiston Respublikasi Vazirlar Mahkamasining “Elektr, issiqlik energiyasi, gazdan foydalanish qoidalarini buzish bilan bogʻliq huquqbuzarliklar toʻgʻrisidagi fotosuratlar va (yoki) videoyozuvlarni qabul qilish, koʻrib chiqish hamda ularni taqdim etgan shaxslarni ragʻbatlantirish tartibi haqidagi nizomni tasdiqlash haqida”gi qarori loyihasi tayyorlanib, https://regulation.gov.uz/oz/d/81778 manzilida joylashtirildi.

Qaror loyihasi boʻyicha muhokamalar 12-iyul soat 23:59 ga qadar davom etadi.

Agar Sizning ham ushbu qaror loyihasi boʻyicha biron-bir fikr-mulohazangiz yoki taklifingiz boʻlsa, https://regulation.gov.uz saytida avtorizatsiyadan oʻtib, koʻrsatilgan link ostidagi maxsus belgilangan maydonchada yozib qoldirishingiz mumkin.

Barchangizdan isteʼmolchi sifatidagi huquqingizga daxldor boʻlgan ushbu qaror loyihasini yanada mukammallashtirish yuzasidan takliflarni kutib qolamiz.

➡️ https://t.iss.one/toshetk