Қозоғистон президенти Қасим-Жомарт Тоқаев мамлакат пойтахти номини Нурсултондан Остонага ўзгартиришга розилик билдирибди. Ушбу масала конституциявий қонун лойиҳасига киритилибди.

Ўзбекистоннинг Украинадаги элчихонаси Украина Ташқи ишлар вазирлигига расмий нота юборди

Ижтимоий тармоқларда Украина қуролли кучлари томонидан ушбу мамлакат ҳудудида жанг қилган гўёки икки ўзбекистонлик қўлга олингани акс этган видео тарқалмоқда. Шу муносабат билан батафсил ва ишончли маълумот олиш мақсадида Ўзбекистон Республикасининг Украинадаги элчихонаси Украина Ташқи ишлар вазирлигига расмий нота юборди.

Олдиндан тўлов йўқ, 24 ойгача кредит олиш имконияти, Ўзбекистон бўйлаб тез етказиб бериш — барчаси “Chakana” маркетплейсида

Ушбу маркетплейс ҳар қандай дид ва бюджет учун Ўзбекистон бўйлаб онлайн харид қилишнинг янги даражаси. Фойдаланувчи учун қулай интерфейс, китоблардан тортиб маиший техникагача бўлган керакли маҳсулотларнинг кўплаб тоифалари ва буларнинг барчаси биргина “Chakana” иловасида.


✅ Ўзбекистон бўйлаб тезкор етказиб бериш;
✅ Тўғридан-тўғри сотувчидан нархлар;
✅ 50 миллион сўмгача, тўлов муддати 24 ойгача бўлган кредит олиш имконияти;
✅ Масофадан туриб скорингдан ўтиш ва онлайн лимит олиш.

Батафсил: 📞 +998 78-777-88-99

📲 Ҳозироқ иловани юклаб олинг ва ортиқча оворагарчиликлардан халос бўлинг: Android | iOS

Telegam | Instagram | Facebook | Сайт

Туркияда 29–30 сентябрь кунлари қардош халқларнинг миллий мусиқа ва рақс санъати намойишига бағишланган фестиваль бўлиб ўтади.

«Ғарб ва Европа кучлари Афғонистон ҳудудини тарк этгач, ШҲТ учун тўсиқсиз имконият юзага келди», – сиёсатшунос Фарҳод Толипов

Сиёсий фанлар бўйича фалсафа доктори Фарҳод Толиповнинг айтишича, ШҲТнинг Афғонистон бўйича ҳаракатлари энди янада яхшироқ самара бериши мумкин. У буни Ғарб ва Америка ҳарбийлари мамлакатдан чиқиб кетгани билан изоҳлади.

«Афғонистондаги барқарорлик, тинчлик ва хавфсизлик Ўзбекистон учун стратегик аҳамиятга эга. Шунинг учун ҳам Ўзбекистон ушбу масалани турли даражадаги форумларда, платформаларда муҳокама қилиб келади. Табиийки, ШҲТ саммитида ҳам кун тартибидаги бошқа масалалар қаторида Афғонистон мавзуси ҳам кўтарилади.

Таъкидлаш керакки, ШҲТ доирасида анча йиллардан бери «ШҲТ–Афғонистон» контакт гуруҳи мавжуд. Ушбу гуруҳнинг асосий мақсади — Афғонистон билан мулоқот ўрнатиш ва мавжуд муаммоларни муҳокама қилиш.

Агар шу пайтга қадар бу вазифани бажариш мушкул бўлган бўлса, бугун яхши имконият пайдо бўлди. Яъни, Афғонистон ҳудудини Ғарб ва Америка кучлари тарк этгач, бошқалар, дейлик ШҲТ учун бетакрор ва ноёб имконият, тўсиқсиз шароит яратилди», – дея таъкидлади Толипов.

#SCO2022Samarkand

Ўзбекистон Республикаси Президенти Шавкат Мирзиёев Самарқандга келди. Давлатимиз раҳбари Имом Бухорий мақбараси ва Биринчи Президент Ислом Каримов қабрини зиёрат қилди.

Содиқ Сафоев: «ШҲТнинг мақсади – янги деворлар эмас, янги кўприклар қуриш»

Сенат раиси ўринбосари Содиқ Сафоевга кўра, ШҲТнинг асосий кучи – у қандайдир блок ёки ёпиқ тузилма бўлишдан йироқлиги. Бу ташкилот ҳамиша турли кўринишдаги ҳамкорликлар учун очиқ ва Самарқанд саммити ҳам ташкилот халқаро ўзаро тушуниш, ишонч ва ҳамкорлик барпо этиш учун платформа эканини исботлаши керак.

«ШҲТ саммити қандайдир қарама-қаршиликларни кучайтириш ёки янги деворларни барпо этиш, янги чегараларни белгилаш эмас, балки янги кўприкларни қуриш, халқларни бир-бирига яқинлаштиришга қаратилган анжуман бўлади», – дея қайд этди Сенат раиси ўринбосари.

#SCO2022Samarkand

⚡️⚡️ Мўғулистон Президенти Ухнаагийн Хурелсух Самарқандга етиб келди.

#SCO2022Samarkand

Бугун Эрон, Хитой ва Қирғизистон етакчилари Самарқандга етиб келади

Президент Матбуот котиби Шерзод Асадов ШҲТ саммитига ташриф буюраётган меҳмонлар бўйича маълумот берди.

Саммитнинг биринчи олий мартабали меҳмони – Мўғулистон Президенти Ухнаагийн Хурэлсух Самарқандга етиб келди.

Шунингдек, айни дақиқаларда Бирлашган Миллатлар Ташкилоти Бош котиби ўринбосари Розмари Ди Карлонинг ташрифи кутилмоқда.

Бугун Эрон Ислом Республикаси Президенти Иброҳим Раисийнинг расмий ташрифи бошланади. У Самарқандга тушдан сўнг етиб келади, олий даражадаги музокаралар бугуннинг ўзида бўлиб ўтади. Учрашув якунида савдо, кооперация, инновациялар, транспорт, энергетика, туризм ва бошқа йўналишларда ҳужжатлар имзоланиши режалаштирилган.

Шунингдек, бугун куннинг иккинчи ярмида Хитой Халқ Республикаси Раиси Си Цзиньпин ва Қирғиз Республикаси Президенти Садыр Жапаровлар ҳам Самарқандга етиб келади.

Қолган барча меҳмонлар ташрифи эса эртага, 15 сентябрь куни кутилмоқда.

#SCO2022Samarkand

Ўзбекистон Республикаси Президенти Шавкат Мирзиёевнинг таклифига биноан Мўғулистон Президенти Ухнаагийн Хурэлсух Шанхай ҳамкорлик ташкилоти саммити тадбирларида иштирок этиш учун Самарқанд шаҳрига келди.

#SCO2022Samarkand