የአመቱ ምርጥ አትሌት እጩዎች ይፋ ሆኑ !

የአለም አትሌቲክስ የ 2024 ከስታዲየም ውጪ በተደረገ የሩጫ ውድድር ዘርፍ የአመቱ ምርጥ አትሌት እጩዎችን ይፋ አድርጓል።

በወንዶች ኢትዮጵያዊያን አትሌቶች ታምራት ቶላ እና ዮሚፍ ቀጄልቻ በምርጥ አምስት በእጩዎች ውስጥ መካተት ችለዋል።

አትሌት ታምራት ቶላ በአመቱ ውስጥ የኦሎምፒክ ሪከርድ በማሻሻል የኦሎምፒክ ወርቅ ሜዳልያ ማሸነፉ ይታወሳል።

አትሌት ዮሚፍ ቀጄልቻ በበኩሉ በአመቱ የአለም ግማሽ ማራቶን ሪከርድ በማሻሻል ማሸነፍ ችሏል።

በሴቶች አትሌት ሱቱሜ አሰፋ እና አትሌት ትግስት ከተማ በእጩነት መቅረብ የቻሉ ኢትዮጵያዊያን አትሌቶች ናቸው።

አትሌት ሱቱሜ አሰፋ የቶኪዮ ማራቶን አሸናፊ ስትሆን በ 2024 ምርጥ ሁለተኛ የማራቶን ሰዓት ማስመዝገብም ችላለች።

አትሌት ትግስት ከተማ በበኩሏ የበርሊን እና ዱባይ ማራቶንን በበላይነት ማጠናቀቅ የቻለች አትሌት ነች።

ተመልካቾች የአመቱ ምርጥ አትሌቶችን በአለም አትሌቲክስ የማህበራዊ ትስስር ገፆች እየገቡ ድምፅ መስጠት እንደሚችሉ ተገልጿል።

ሙሉ የእጩዎች ዝርዝር ከላይ በምስሉ ላይ ተያይዟል።

@tikvahethsport     @kidusyoftahe