ኣብ ትግራይ ዝዕቆርን መጠን ዝወሃብ  ልቓሕን ኣመልኪቱ  ውቐሳታት ዝለዓለሉ ጉዳይ   ክእረም ፕሬዜዳንት ጊዝያዊ ምምሕዳር ጌታቸው ረዳ ሓቲቶም ።

ፕሬዜዳንት ጌታቸው ረዳ እዚ ዝበሉ ባንኪ ንግዲ ኢትዮጵያ "መዓልቲ ደንበኛታት" ብዝብል ኣብ ዝፀወዖ መድረኽ ኣብ ዘሕለፍዎ መልእኽቲ እዩ።

ኣብ ዝሓለፉ ዓመታት ኣብ ቁጠባ ትግራይ ዝበፅሐ ዕንወት ክመሓየሽ ባንኪ ንግዲ  ኢትዮጵያ ዝገብሮ ዘሎ ፃዕሪ እውን ፕሬዜዳንት ጌታቸው ረዳ ንኢዶም ።

ባንኪ ንግዲ ኢትዮጵያ ኣብ ምንቕቓሕ ቁጠባ ፣ ኢንቨስትመንት ትግራይን ተሳትፍኡ ዝያዳ ከሐይል እቶም ፕሬዜዳንት ተላብዮም  ።


ኣብ ትግራይ ማሕበራዊ ሓላፍነት ምውፃእ ዳግመ ህንፀት ጥራሕ እንተይኮነስ በቲ ኩናት ምኽንያት ኣብ ፀበባ ዝርከብ ማሕበረሰብ ንግዲ ትግራይ እግሪ ዝተኽለሉን ናብ ንቡር ምንቅስቓስ ዝምለሰሉን ኩነታት ንምፍጣር  እቲ ባንኪ ዝጀመሮም  ነገራት ዋላ እንተሃለው ተጠናኺሩ ክቕፅል ፀዊዖም ፕሬዜዳንት ጌታቸው  ።

ዳይሬክተር ባንኪ ንግዲ ኢትዮጵያ ዲስትሪክት መቐለ ኤልያስ ልሳነወርቅ ብወገኖም ኣብ ዝሓለፉ ሰለስተ ዓመታት ዓሚል ተኮር ግልጋሎት ኣወሃህባ ብምትእትታው ውፅኢት ምምፅኡ ብምግላፅ : ሕዚ እውን ኣብ ኣወሃህባ ኣገልግሎት ደንበኛታት ተኸታታሊ ምምሕያሽ ከምዘድሊ ስለዝደሊ ተዛሪቦም ።

ወርሒ ኣገልግሎት ደንበኛታት ባንኪ ንግዲ ኢትዮጵያ  ካብ 24 ታሕሳስ ክሳብ ጥሪ 25 / 2017 ዓ/ም ጀሚሩ ን30 መዓልቲ " ብሉፅ ኣገልግሎት ነወሕጉስ ደንበኛ " ብዝብል መሪሕ ይኽበር ከምዘሎ  ድወት ፀብፂቡ። 
 @tikvahethiopiatigrigna

መርሲፉል ፓራዳይዝ ኣካዳሚ ተሸሊሙ።

ኣብ ዘበነ ትምህርቲ 2016 ዓ.ም ከይዲ ምምሃር ምስትምሃር ተምሃሮ 12 ክፍሊ ካብ 278 ተምሃሮ 12 ክፍሊ ሙሉእ ብሙሉእ ዘሕለፈ ኣብ ከተማ መቐለ ዝርከብ ቤት ትምህርቲ መርሲፉል ፓራዳይዝ ኣካዳሚ ተሸሊሙ።

መርሲፉል ፓራዳይዝ ኣካዳሚ ኣብ ናይ ኢትዮጵያ ብሔራዊ ናይ ተምሃሮ ዓመታዊ ሽልማት  " ብዘፈር ምሩፅ ቤት ትምህርቲ " ተዓዋቲ ኮይኑ ኣሎ። 
 @tikvahethiopiatigrigna

# Update !!

ካልኣይ ብርኪ ቤት ትምህርቲ ኣክሱም ኣብ ልዕሊ ተምሃሮ ኣንስትዮ ኣክሱም ዘንበሮ ክልከላ ምኽዳን ሒጃብ ከልዕል ቢሮ ትምህርቲ  ትግራይ ንኻልኣይ ጊዜ ሓቲቱ።

እቲ ቢሮ ሎሚ ጥሪ 8 / 2017 ዓ.ም ኣብ ዝፀሓፎ ደብዳበ : ካልኣይ ብርኪ ቤት ትምህርቲ ኣክሱም ዘንበሮ ክልከላ ከልዕል ዝተኣጓጎላ ተምሃሮ ናብ መኣዲ ትምህርተን ክምለሳ ኣተሓሳሲቡ ኣሎ። 
 @tikvahethiopiatigrigna

ኣብ ኣመራርሓን ኣባላተይን ጭውያን መውቃዕትን ቀፂሉ ክብል ወድብ ናፅነት ትግራይ ከሲሱ።

እቲ ውድብ በቲ ጭውያን መጥቃዕትን ንአመራርሓን አባላትን ህወሓት ተሓተትቲ ጌሩ።


ላዕለዋይ ኣመራርሓ ውድብ ናፅነት ትግራይ (ውናት) ንቲክቫህ ኢትዮጵያ ቤተሰብ መቐለ ጥሪ 8/2017 ዓ.ም ኣብ ዝሃብዎ ሓበሬታ : ኣብ ዞባታት ምብራቕ : ማእኸል :  ሰሜናዊ ምዕራብን  ወረዳን ከተማን ሓውዜን : ቀይሕ ተኽልን እንዳስላሰ-ሽረን ኣብ ልዕሊ ዝርከቡ ኣመራርሓን ኣባላትን እቲ ውድብ ዓፈናን መጥቃዕቲ ኣካልን በፂሑ እዩ።

 
ቅድሚ መዓልታት ጥሪ 6/2017 ዓ.ም ኣብ ልዕሊ ኣቦ-መንበር ውናት ጨንፈር ከተማ ሓውዜን  ካሕሳይ ተ/ሃማኖት ናብ ፈተና ቅትለት ዝተፀገዐ ኣካላዊ ጥቕዓት ተፈፂሙ ዝበለ ውናት : እዚ ተግባራት ብኣመራርሓ ህወሓት እቲ ከባቢ ዝተዋደደ እዩ ክብል ከሲሱ።


ቲክቫህ ኢትዮጵያ ቤተሰብ መቐለ ናብ ፈተነ ቅትለት  ዝፅጋዕ ጥቕዓት በፂሑዎ ናብ ዝተብሃለ  ኣቦ-መንበር ውናት ጨንፈር ከተማ ሓውዜን  ካሕሳይ ተ/ሃማኖት ሰልኪ ደዊሉ ብዝረኸቦ ሓበሬታ : እቲ ኣቦ-መንበር ጨንፈር " መሬት ጊዜ እናሃለወ እወ ተጠቒዐ ፈተነ ቅትለት ተጌሩለይ " ክብል ኣረጋጊፁ።

መንግስቲ ኢትዮጵያ ስምምዕነት ፕሪቶሪያ ብቕኑዕ ልቦና ከፍፅምን ካብ ዘይግባእ ኢድ እእታውነት ተቖጢቡ ዘላቒ ሰላም ንምርግጋፅ ክሰርሕ ህወሓት ፃውዒት ኣቕሪቡ።

በኣቦ-መንበር ደብረፅዮን ገ/ሚካኤል (ዶ/ር) ዝምራሕ ማእኸላዊ ኮሚቴ ህወሓት ካብ 5-7 ጥሪ / 2017 ዓ.ም ድሕሪ ዘካየዶ ኣኼባ ኣብ ዘውፅኦ መግለፂ : ቦርድ መረፃ ዘውፅኦ መኸተን መስዋእትን ህዝቢ ትግራይ ዘራኽስ ናይ ተናፀል ውሳነ ኣይቅበልን ኢሉ።  

" ይኣክል ! ናብ መረበትና መልሱና !" ብዝብል መሪሕ ቃል ዝተኻየደ ሰላማዊ ሰልፊ ተቓውሞ ከምዝድግፍ ዝገለፀ እቲ መግለፂ : ጊዚያዊ ምምሕዳር ንምጥንኻርን ንምቁፅፃርን ተባሂሉ ከጣይሽ ኣብ ዝሕሰብ ዘሎ ካውንስል ኣካል ኣይከውንን ክብል ኣፍሊጡ።

በኣቦ-መንበር ደብረፅዮን ገ/ሚካኤል (ዶ/ር) ዝምራሕ ማእኸላዊ ኮሚቴ ህወሓት ጥሪ 8/2017 ዓ.ም ዘውፅኦ መግለፂ ዝስዕብ እዩ።  
 @tikvahethiopiatigrigna

ኣብ ዕደና  ዝርአ ዘሎ  ዘይሕጋውን ሓደገኛን ኣካይዳ ከምኡ እውን ምስ ምጥቃም ኬሚካላት ተኣሳሲሩ ዝበፅሕ ዘሎ ከቢድ ጉድኣት መልክዕ ንምትሓዝ ልዑል ትኹረት ሂብካ ምስራሕ የድሊ ።

እዚ ዝተገለፀ ምድረ ገነት ሲቪል ማሕበረሰብ ዞባ ሰሜናዊ ምዕራብ ትግራይ መስራታይ ጉባኤኡ ሎሚ ኣብ ከተማ ሽረ እንዳስላሰ እንተሳልጥ እዩ ።

እቲ ሲቪል ማሕበረሰብ ካብ ዝኾነ ይኹን ፖለቲካዊ ውግንና ናፃ ኮይኑ ኹለ መዳያዊ ረብሓታት ህዝቢ ንምርግጋፅን ኣብ ከይዲ ዝርኣዩ ፀገማት ሰናይ ምምሕዳር ንምእላይን ኣብ ዝግበር ፃዕሪ ግዲኡ ንምብርካት ብዕቱብ ከምዝሰርሕ ተሓቢሩ 'ሎ።

ብፍላይ ኣብ ዕደና ማኣድን ዝርአ ዘይሕጋውን ሓደገኛን ኣካይዳ ከምኡ 'ውን ምስ ምጥቃም ኬሚካላት ተኣሳሲሩ ዝበፅሕ ዘሎ ከቢድ ጉድኣት መልክዕ ንምትሓዝ ልዑል ትኹረት ሂብካ ምስራሕ ከምዘድሊ ተሰሚሩሉ እዩ።

ኣብ ዝሓለፈ ወርሒ ሕዳር ሕጋዊ ኣፍልጦ ዝረኸበ ምድረ ገነት ሲቪል ማሕበረሰብ ዞባ ሰሜናዊ ምዕራብ ትግራይ ሎሚ ዕለት 9 ጥሪ 2017 ዓ/ም ኣብ ዘሳለጦ መስራታይ ጉባኤኡ ዕድመ ዝተገበረሎም ነበርቲ፣ካብ ውሽጢ ዓድን ወፃእን ዝመፁ ተወለድቲ እቲ ዞባን ኣካላት ኣመራርሓ ወረዳታትን ተረኺቦም እዮም ክብል ድወት ፀብፂቡ። 
 @tikvahethiopiatigrigna