ኢትዮ ቴሌኮም‼️

ኢትዮ ቴሌኮም ያለፉት ስድስት ወራት የስራ አፈጻጸም ክንውኑን አስመልክቶ ባወጣው መግለጫ፥ በስድስት ወራት ውስጥ 20 ነጥብ 86 ቢሊየን ብር ገቢ ለማግኘት አቅዶ 16 ነጥብ 71 ቢሊየን ብር ማግኘቱን #አስታወቀ። ይህም የእቅዱን 80 ነጥብ 1 በመቶ መሆኑን በመግለጫው አመላክቷል።

ተቋሙ ባለፉት ስድስት ወራት የተጠቃሚውን #ፍላጎት ለማሟላት የሚያግዙ የተለያዩ የማሻሻያ ስራዎች መስራቱንም ጠቅሷል። በዚህም በቴሌኮም አገልግሎት ላይ ቅናሽ በማድረግ ተጨማሪ ተጠቃሚዎችን የማፍራትና ደንበኞች አገልግሎቱን በብዛት እንዲጠቀሙ የማድረግ ስራዎች ተሰርተዋል ነው ያለው።

ከዚህ ባለፈም የአገልግሎት ጥራት ላይ የማሻሻያ ስራዎች መስራቱንም በመግለጫው አንስቷል። በስድስት ወራት ውስጥም የቴሌኮም አገልግሎት ተጠቃሚዎችን 44 ነጥብ 91 ሚሊየን ለማድረስ ታቅዶ 41 ነጥብ 1 ሚሊየን አፈጻጸም በማሳየት፥ የእቅዱን 91 ነጥብ 5 ማሳካት መቻሉንም ነው ያነሳው።

ከዚህ ውስጥ የሞባይል 39 ነጥብ 54 ሚሊየን፣ ዳታና ኢንተርኔት 426 ሺህ፣ መደበኛ ስልክ 1 ነጥብ 14 ሚሊየን እንዲሁም የዳታ እና የኢንተርኔት ተጠቃሚ ብዛት 19 ነጥብ 49 ሚሊየን ደርሷል ብሏል።

የቴሌኮም ሽፋኑም አሁን ላይ 43 በመቶ የደረሰ ሲሆን፥ በስድስት ወራት ውስጥ 4 ነጥብ 17 ሚሊየን ደንበኞች ጥሪ አድርገዋል።

በሰጠው አገልግሎትም 16 ነጥብ 71 ቢሊየን የሰበሰበ ሲሆን፥ ሞባይል 63 ነጥብ 2 በመቶ፣ ዳታ እና ኢንተርኔት 18 ነጥብ 7 በመቶ እና አለም አቀፍ ጥሪዎች 5 ነጥብ 5 በመቶ ድርሻ አላቸው።

ካገኘው ገቢ ውስጥም ያልተጣራ ትርፍ 11 ነጥብ 8 ቢሊየን ብር ሲሆን ይህም የእቅዱን 91 በመቶ መሆኑንም ገልጿል።

ከማሻሻያ ስራዎች ጋር በተያያዘም የተንቀሳቃሽ ስልክ ጥሪ የመገኘት አቅም 91 ነጥብ 33 ሲሆን፥ የአዲስ አበባ 98 ነጥብ 49 እንዲሁም የክልሎች ደግሞ 88 ነጥብ 47 መሆኑም ተነስቷል።

የጥሪ መውደቅ ወይም አለመሳካት መጠን ደግሞ 0 ነጥብ 57 በመቶ ሲሆን የኢንተርኔት አገልግሎት የመገኘት መጠን 97 ነጥብ 12 በመቶ ሆኗል።

በስድስት ወራት ውስጥ የፋይበር መስመር መቆራረጥ፣ የቴሌኮም ማጭበርበር፣ የሃይል መቆራረጥ እና የሰው ሃይል አቅም ውስንነቶች የተቋሙ ተግዳሮቶ ነበሩ ተብሏል።

ምንጭ፦ ፋና ብሮድካስቲንግ
@tsegabwolde @tikvahethiopia

#update በክቡር የኢፌድሪ ጠ/ሚንስተር #አብይ_አህመድ(ዶ/ር) ሃሳብ አመንጪነት በአዲስ አበባ ከተማ አስተዳደር ሊተገበር የታቀደው የወንዝ ዳርቻ ፕሮጀክትን ለመደገፍ የቻይና መንግስት #ፍላጎት እንዳለው ገለፀ፡፡ ለዚህም የቻይና መንግስት የባለሞያ ልዑካን ቡድን የከተማ አስተዳደሩ የጀመረውን የወንዝ ዳርቻ ፕሮጀክትን በገንዘብ እና የቴክኒክ ዕገዛ በሚደረግበት ሁኔታ ላይ ከኢ/ር #ታከለ_ኡማ ጋር በዛሬው ዕለት ተወያይተዋል፡፡ በዚህም የቴክኒክ ቡድኑ የቻይና መንግስት ፕሮጀክቱን የሚደግፍበት ሁኔታ ላይ ጥናት የሚያደርግ ይሆናል፡፡

Via @mayorofficeAA
@tsegabwolde @tikvahethiopia