ፎቶ፦ የ2016 ዓ/ም የአክሱም ፅዮን ንግስ በዓል እጅግ በድመቀ ሁኔታ ተከብሯል።

የዘንድሮው በዓል ጦርነት እንዲቆም የሰላም ስምምነት ከተፈረመ ወዲህ ሁለተኛው ሲሆን ካለፈው አመት የበለጠ ቁጥር ያለው ምዕመን በዓሉን መታደሙ ተነግሯል።

ወደ ከተማው የገቡ ቱሪስቶችም ካለፈው ዓመት የተሻለ ነው።

የፎቶ ባለቤቶች ፦ ሚካኤል መታፈሪያ እና ትግራይ ቴሌቪዥን

@tikvahethiopia

#ሱማሌ_ክልል

" እስካሁን ከ700 በላይ ሰዎች በኮሌራ ተጠቅተዋል። 23 ሰዎች መሞታቸው ተረጋግጧል። ከ23ቱ ወደ 11 የሚሆኑት #ህፃናት ናቸው " - አቶ አብዲሪዛቅ አህመድ

በሱማሌ ክልል በሚገኙ ተፈናቃዮች ላይ የከፋ ኮሌራ ወረርሽኝ መከሰቱን፣ ወረርሽኙን ለመከላከል የመድኃኒት እጥረት ፈተና በመሆኑ ርብርብ ካልተደረገ ከ500,000 በላይ ተፈናቃዮች በወረርሽኙ የመጠቃት ዕድላቸው ሰፊ መሆኑን ሴቭ ዘ ችልድረን (Save the children) የሱማሌ ክልል ቅርንጫፍ ለቲክቫህ ኢትዮጵያ አረጋግጧል።

የሱማሌ ክልል ሴቭ ዘ ችልድረን ቅርንጫፍ ዳይሬክተር አቶ አብዲሪዛቅ አህመድ ምን አሉ ?

- እስካሁን #ከ700 በላይ ሰዎች በኮሌራ ተጠቅተዋል። 23 ሰዎች መሞታቸው ተረጋግጧል። ከ23ቱ ወደ 11 የሚሆኑት ህፃናት ናቸው። ከ700ዎቹ ተጠቂዎች መካከል 319ኙ ህፃናት ናቸው።

- በተከሰተው የጎርፍ አደጋ ምክንያት ብዙ መጸዳጃ ቤቶች ወድመዋል። የተፈናቀሉ ሰዎች መጸዳጃ ቤት የላቸውምና ይሄ ሁኔታ በጣም አሳሳቢ ሆኗል። ተፈናቃዮቹ የሚኖሩበት ቤት የላቸውም።

ኮሌራ የተከሰተው መቼ ነው ?

- ኮሌራ ከተከሰተ ከሁለት እስከ ሦስት ወራት አስቆጥሯል። ሆኖም ግን ዝናብ መዝነብ ከጀመረ በኋላ ነው ኬዞቹ በጣም እየበዙ የመጡት።

- ሕክምና ካላገኙ #ይሞታሉ። ኮሌራ በጣም መጥፎ ተላላፊ በሽታ ነው። መድኃኒት እንዴት ይገኛል የሚለው ግን አሁንም አጠያያቂ ጥያቄ ነው። 

- በተለይ ቀላፎ ወረዳ መንገዱ ስለተጎዳ አክሰስ የለም፣ የመድኃኒት እጥረት ሲያጋጥም ለማድረስ እንኳ ለትራንስፖርት ያስቸግራል። ተፈናቃናቃዮቹ በጠባብ መጠለያ ውስጥ ከአሥር ሰዎች በላይ ሆነው ተጣበው ነው የሚኖሩት። መጸዳጃ ቤት የላቸውም፣ ኮሌራው የመዛመት ዕድሉ ከፍተኛ ነው።

በጎርፍ ሳቢያ የተፈናቃዮችና የተጎጂዎች ቁጥር  ጨመረ ወይስ ቀነሰ ?

-የተፈናቃዮች ቁጥር ከ300,000 ወደ #500,000፣ የተጎጂዎች ቁጥር ከ600,000 ወደ #1.4 ሚሊዮን ደርሷል። ካሉበት ቦታ እስከመቼ እንደሚቀመጡ አይታወቅም፣ ምክንያቱም ጎርፉ እስካሁን እንደቀጠለ ነው።

- ከእነዚህ ተጎጂዎች መካከል እስካሁን ድጋፍ ያገኙት #10 በመቶዎቹ ብቻ ናቸው። ቀሪዎቹ #90 በመቶዎች አፋጣኝ ድጋፍ ያስፈልጋቸዋል።

- የጎርፍ አደጋው እስካሁን እየተስፋፋ ነው። ብዙዎች እየተጎዱና እየተፈናቀሉ ነው።  ሰሞኑን ዝናቡ ስለቀነሰ ምናልባት ከዚህ በኋላ አደጋው ሊቀንስ ይችላል የሚል ተስፋ አለ።

ምን ተሻለ ?

ከፍተኛ የሆነ እንቅስቃሴ ስላለ ማኅበረሰቡ የሚዛመትበትን መንገድ እንዲያውቅ አዌርነስ እንዲፈጠር፣ መድኃኒትና ነርስ በቂ ስላልሆነ እንዲጨመር፣ ኬዙ ያለባቸው ቦታዎች ኮሌራ ትሪትመንት ሴንተር እንዲገነባ፣ የታመመ ሰው ቶሎ ወደ ሆስፒታል እንዲደርስ የሚያስችል ቲም እንዲቋቋም አቶ አብዲሪዛቅ ጠይቀዋል።

የተከሰተው ኮሌራ ዋና ምንጩ ምን እንደሆነ መለየትና በአፋጣኝ ከምንጩ ማድረቅ ዋነኛው ተግባር መሆን እንዳለበት ጠቁመው፣ ንጹህ የውሃ ችግር ስላለ ተፈናቃዮች የተበከለ ውሃ እንዳይጠቀሙ የውሃ ሳኒታይዘር እንደሚያስፈልግም አክለዋል።

ድጋፍ ካልተገኘ በቀጣዮቹ ሳምንታት ብዙ ሰዎች ሊሞቱ ይችላሉ ያሉት ዳይሬክተሩ፣ ችግሩ ሰፊና የከፋ፣ ከመንግሥት አቅም በላይ ስለሆነ አለም አቀፍ ኤጀንሲዎች ጋር ድጋፍ እንዲያደርጉ ጥሪ አቅርበዋል።

መረጃውን የላከው የአ/አ ቲክቫህ ኢትዮጵያ ቤተሰብ ነው።

@tikvahethiopia

" 4 ሰዎች ወዲያው ሲሞቱ ፤ 18 ሰዎች ከባድና ቀላል ጉዳት ደርሶባቸዋል " - ዶክተር ዑቕባይ ሓጎስ

ዛሬ ህዳር 21/2016 ዓ.ም ጠዋት በትግራይዋ የሓውዜን ከተማ አጠገብ የ4 ሰዎች ህይወት የቀጠፈ ከባድ የመኪና አደጋ አጋጥመዋል።

የሓውዜን ከተማ ኮሙኒኬሽን ጉዳዮች ባለሞያ  ተኽለማርያም ተካ ፤ አደጋው በትግራይ ምስራቃዊ ዞን ሓውዜን ወረዳ ልዩ ቦታ " ቀያሕታይ " በጭነት ሲኖ መኪናና 5L የህዝብ ማመላለሻ ሚኒባስ መካከል በተፈጠረ ግጭት የተከሰተ ነው ብለዋል።

የሓውዜን ከተማ ዋና ፓሊስ አዛዥ ሻምበል ተኽላይ እንዳሉት ደግሞ ፤ በተለያዩ አቅጣጫዎች ሲጓዙ የነበሩት ሲኖ ትራክ የጭነት መኪናና 5L ሚኒባስ የህዝብ ማመላለሻ በቁልቁለት ቦታ በመጋጨታቸው የተፈጠረ አደጋ ነው። 

የአደጋው መነሻ ምክንያት በመጣራት ያለ ቢሆንም ፍጥነትና በማጠፍያ ቦታ የትራፊክ ህግ ባለማክበር የተከሰተ አደጋ መሆኑ አመላካች መረጃዎች አሉ ፤ ስለሆነም አሽከርካሪዎች መስመራቸው ይዘው በሃላፊነት መንፈስ መንዳት አለባቸው ሲሉ አክለዋል የከተማው ፓሊስ አዛዥ። 

የሓውዜን የፍረሰማእታት ሆስፒታል ሜዲካል ዶክተር ዑቕባይ ሓጎስ አደጋው አስመልክተው በሰጡት ሞያዊ መረጃ ፤ በአሰቃቂ አደጋው 4 ሰዎች ወድያው ሲሞቱ ፤ 18 ሰዎች ከባድና ቀላል ጉዳት ደርሶባቸዋል።

ከከተማው ሆስፒታል አቅም በላይ የሆኑት 8 የአደጋው ሰለባዎች ሪፈር ተብለው ዓይደር መቐለ ሆስፒታል እንደተላኩ የገለፁት ሜዲካል ዳይሬክተሩ ፤ የሓውዜን ከተማ ህዝብ የአደጋው ሰለባዎች ለማዳን ያደረገው ያላሰለሰ ጥረት ምስጋና አቅርበዋል።

መረጃው በመቐለ የቲክቫህ ኢትዮጵያ ቤተሰብ አባል ተዘጋጅቶ የተላከ ነው።

@tikvahethiopia