#WolaitaSodo

በወላይታ ሶዶ ከተማ "መርካቶ ገበያ" ዛሬ መንስኤ ለጊዜው ባልታወቀ ሁኔታ የእሳት አደጋ ተከስቷል።

የወ/ሶዶ ከተማ እሳት አደጋ መከላከያ ቡድን የበኩሉን ጥረት እያደረገ የሚገኝ ቢሆንም ካለው ከባድ ነፋስ የተነሳ እዘሳቱ በከፍተኛ ፍጥነት እየተዛመት በመሆኑ ተጨማሪ ኃይል እንደሚያስፈልግ የከተማዋ ነዋሪዎች እየገለጹ ይገኛሉ።

Via Wolaita Zone Communication
@tikvahethiopiaBOT @tikvahethiopia

#WolaitaSodo

ዛሬ ጥዋት በወላይታ ሶዶ "መርካቶ ገበያ" የደረሰው የእሳት አደጋ ሙሉ በሙሉ ማለት በሚችል ደረጃ ከፍተኛ ውድመት አድርሷል።

አደጋው በበርካታ የንግድ ሱቆች እና ተቋሟት ላይ ውድመት አስከትሏል።

ጥዋት የተነሳውን የእሳት አደጋ መቆጣጠር እንደተቻለ የከተማው አስተዳደር ያሳወቀው ከ6:20 በኃላ ነው።

እሳቱ ወደ ሌሎች አከባቢዎች እንዳይዛመት የወላይታ ሶዶ ህብረተሰብ ከፍተኛ ርብርብ አድርጓል።

የከተማ አስተዳደሩ ህብረተሰቡ ላደረገው ቀና ትብብር ምስጋውን አቅርቧል።

የአደጋውን መንስኤ ፖሊስ እያጣራው ይገኛል።

Via Wolaita Sodo Administration
@tikvahethiopia @tikvahethiopiaBot

#WolaitaSodo

ትላንት በወላይታ ሶዶ ከተማ 'መርካቶ ገበያ' በደረሰው የእሳት አደጋ ጉዳት የደረሰባቸውን ነጋዴዎች የዞኑ አስተዳደር ከመላው የወላይታ ህዝብ ጋር በመሆን ለመደገፍ ትኩረት ሰጥቶ እንደሚሰራ የወላይታ ዞን ዋና አስተዳዳሪ የሆኑት ዶክተር እንድርያስ ጌታ አሳውቀዋል።

በአደጋው የተጎዱ ዜጎችን መልሶ ለማቋቋምና ዘላቂ መፍትሔ ለመፍጠር አንድ አቢይ እና የተለያዩ ንዑሳን ኮሚቴዎችን ተቋቁሟል ፤ ከነገ ጀምሮ ወደ ሥራ ይገባል።

የመርካቶ ገበያ መቃጠል የንግዱ ማህበረሰብን ብቻ ሳይሆን በአመዛኙ የሶዶ ከተማ ገቢ የሚመነጨው ከገበያ ማዕከሉ በመሆኑ በከተማይቱ ኢኮኖሚ ላይ ከፍተኛ ጉዳት አድርሷል።

የትላንቱ የእሳት አደጋ ከባድ በመሆኑ ወደተለያዩ የከተማው ክፍሎች እና አካባቢዎች እንዳይዛመት ፦

- የሐዋሳ ከተማ እሳትና ድንገተኛ አደጋ ማጥፊያ ቡድን፣
- የወላይታ ሶዶ ከተማ አስተዳደር እሳትና ድንገተኛ አደጋ ማጥፊያ ቡድን፣
- የሲዳማ ክልል መንግስት ፣
- የፀጥታ አካላት፣
- የግል ባለሀብቶች እና መላው የወላይታ ሶዶ ነዋሪዎች ላደረጉት ከፍተኛ አስተዋጽኦ ምስጋና ቀርቧል።

ዛሬ የክልል ፣ የዞን እና የወላይታ ሶዶ ከተማ ከፍተኛ አመራሮች በመርካቶ ገበያ የእሳት አደጋው ያደረሰውን ጉዳት ተመልክተዋል።

ወላይታ ሶዶ ከዚህ በፊት አራት ጊዜ እንዲህ አይነት ተመሳሳይ የእሳት አደጋ አስተናግዳለች። የትላንቱ ለአምስተኛ ጊዜ የተከሰተ አደጋ ነው።

ምንጭ፦ የወላይታ ዞን ኮሚኒኬሽን
@tikvahethiopiaBOT @tikvahethiopia

የጥምቀት በዓል ዝግጅት !

#Hawassa

በሀዋሳ ከተማ አስተዳደር የጥምቀት በዓል ካለምንም የጸጥታ ችግር እንዲከበር የሚመለከታቸው አካላትን ያሳተፈ ግብረ ሃይል ተቋቁሞ እየሰራ ነው።

ግብረ ሀይሉ የጸጥታ ሃይሎች ፣ የመንግስት የሥራ ሃላፊዎች ፣ የአገር ሽማግሌዎች እንዲሁም የእምነት አባቶችን ያካተተ ነው።

በዓሉ በድምቀት እንዲከበር ከተማዋን የማጽዳትና የማስዋብ ሥራ በወጣቶች እየተካሄደ መሆኑንም ተገልጿል።

የከተማው ሰላምና ፀጥታ መምሪያ ፥ "በየክ/ከተማ ከሚገኙ የወጣት አደረጃጀቶች በአሉ በሰላም እንዲከበር ከጸጥታ ሀይሉ ጋር እየሰሩ ነው” ብሏል።

በሐዋሳ ከተማ እንግዶች ካለምንም የፀጥታ ስጋት ከተማዋን ጎብኝተው እንዲወጡ የተቀናጀ የጸጥታ የማስከበር ስራ እየተሰራ መሆኑን አሳውቋል።

#WolaitaSodo

የሶዶ ከተማ ሰላምና ፀጥታ ጽ/ቤት የጥምቀት በዓል በሰላም እንዲከበር ቅድመ ዝግጅት መጠናቀቁን አሳውቋል።

ከከተራ ጀምሮ በዓሉ እስኪጠናቀቅ መከናወን በሚገባቸው ተግባራት ዙሪያ የፀጥታ አካላት ጋር በመወያየት በየአካባቢው ምደባ መደረጉ ተገልጿል።

#DireDawa

የድሬዳዋ ፖሊስ ኮሚሽን ከህብረተሰቡና ከሀይማኖት አባቶች ጋር ተወያይቶ በዓሉ ያለምንም የጸጥታ እና ደህንነት ችግር በድምቀት እንዲከበር ለማድረግ ዝግጅት እንዳጠናቀቀ አሳውቋል።

የጸጥታ ማስከበር ስራው በድሬደዋ ፖሊስና በፌደራል ፖሊስ ቅንጅት የሚከናወን ነው ተብሏል።

በጸጥታ ማስከበር ስራው በየቀበሌው እና በየአካባቢው የተደራጁ ወጣቶችም ተሳታፊ ይሆናሉ ተብሏል። ~ ENA

PHOTO : FILE
@tikvahethiopiaBot @tikvahethiopia