ተጀመረ !

በከፍተኛ ጉጉት ሲጠበቅ የነበረው የ10,000 ሜትር የሴቶች ፍፃሜ ውድድር ተጀምሯል።

ሀገራችን ፦

- በአትሌት ጉዳፍ ፀጋይ ፣
- በአትሌት ለተሰንበት ግደይ ፣
- በአትሌት እጅጋየሁ ታዬ
- በአትሌት ለምለም ሀይሉ ተወክላለች።

ውድድሩን በብሔራዊ ቴሌቪዥን መዝናኛ ቻናል እንዲሁም በDSTV 226 ላይ መመልከት ይቻላል።

ድል ለሀገራችን !
ድል ለአትሌቶቻችን !

@tikvahethiopia

ፎቶ ፦ ሀገራችን #ኢትዮጵያ ❤️ ዛሬ በተጀመረው የዓለም አትሌቲክስ ሻምፒዮና በ10 ሺህ ሜትር የሴቶች ፍፃሜ የወርቅ ፣ ብር ፣ ነሃስ ሜዳሊያዎችን አስመዝግባለች።

በሀንጋሪ የሚገኘው የቲክቫህ ኢትዮጵያ ቤተሰብ የስፖርት ባልደረባ ከላይ የተያያዙትን ፎቶዎች አድርሶናል።

More 👇
https://t.iss.one/+VvwzStMNcNHmhK0x

@tikvahethiopia

" የህዝባችን ፀሎት ሰምሯል " - ጉዳፍ ፀጋይ

የወርቅ አሸናፊዋ አትሌት ጉዳፍ ፀጋይ ከድሏ በኃላ ስለ ቡድን ስራ እንዲሁም ደግሞ አጠቃላይ የተሰማትን ስሜት ተጠይቃ ተከታዩን ብላለች።

ጉዳፍ ፀጋይ ፦

" ተነጋግረን ነበር የገባነው።

ዋናው ነገር #ወርቁን ማምጣት ስለሆነ ተነጋግረን እኔ 16 እና 17 ፤ ከዛ ሁለት ዙር ሲቀር በራሳችንን አቅም መሄድ ነበርና ወርቁ ከራሳችን እንዳይወጣ ነበር ጥረት ስናደርግ የነበረው።

እግዚአብሔርም ሲጨመርበት ነውና ውጤት የሚያምረው የህዝባችን ፀሎት ሰምሯል። "

ጉዳፍ ውድድሩን በበላይነት ያጠናቀቀችው እግሯ እየደማ ሲሆን ይህ እንዴት እንደተፈጠረ ተጠይቃ መልሳለች።

" ሩጫ ላይ እንዲህ ያለው ነገር ያጋጥማል። በሩጫው መሃል ላይ ተነክቼ ነው እንደዛ የሆነው። 17 ወይም 18 ላልፍ አካባቢ ነው እግሬ የደማው " ብላለች።

ምናልባት ሲፋን ሀሰን ባትወድቅ ኖሮ ውጤቱ ይቀየር ነበር ? ተብላ ተጠይቃም መልሳለች።

ጉዳፍ ፀጋይ ፥

" እኔ እስከመጨረሻው ድረስ በጭራሽ እጅ አልሰጥም ብዬ ነው የገባሁት። ምክንያቱም እኔ ህዝቤ ይደግፈኛል ከሚገባው በላይ ፤ ወርቅ ማምጣት ምን ያህል እንደሆነ የህዝቡን ስሜት አይቻለሁ ፤ ከጎኔ ሆነው የሚደግፉኝ የኢትዮጵያ ህዝብ አሉና እነሱን ለማስደሰት ፣ ለራሴም ታሪክ ስለሆነ እስከመጨረሻው ተስፋ አልቆረጥኩም " ብላለች።

ሲፋን ሀሰን ምን አለች ?

በመጨረሻ ጥቂት ሰደንዶች ላይ ወድቃ ተሸናፊ የሆነችው ሲፋን ሀሰን " ተገፍቼ ነበር " ስትል ቃሏል ለቢቢሲ ሰጥታለች።

" እሷ ወደ ውጭ እየሮጠች ነበር እናም ተዘግቶብኝ ነበር " ያለችው ሲፈን ፤ " ግን ምን ታደርጋለህ ስፖርት ነው፣ ሊከሰት ይችላል " ስትል ተናግራለች።

የመጨረሻውን ትንቅንቅ በዚህ ይመልከቱ ፦ https://t.iss.one/+rbdEU4UaEdQxYWFk

የቪድዮ ባለቤት ፦ አረጋ ከፈለው
ፎቶ ፦ @tikvahethsport

@tikvahethiopia

" ውጤት የሚያስቀይር ስህተት የለም "

ከ10,000 ሜትር ሴቶች ውድድር በኃላ በሲፋን ሀሰን ጉዳይ የሀገሯ ሆላንድ አትሌቲክስ ፌዴሬሽን ወደ ዓለም አትሌቲክስ የዳኞች ቡድን ስለተፈጠረው ነገር ማረጋገጫ ለማግኘት ሄደው የነበረ  ቢሆንም ፤ ውጤት ሊያስቀይር የሚችል ስህተት እንደሌለ ተነግሯቸው መመለሳቸው ተሰምቷል።

Credit ፦  ሀይለ እግዚአብሔር አድሀኖም

More 👇
https://t.iss.one/+VvwzStMNcNHmhK0x

@tikvahethiopia

እገዳው ተነሳ።

የሞተር ብስክሌት ማሽከርከር ላይ ተጥሎ የነበረው እግድ ተነሳ፡፡

በአዲስ አበባ የሚገኙ የሞተር ብስክሌት አሽከርካሪዎችና ባለንብረቶች በሙሉ ከነገ ነሐሴ 15/2015 ዓ.ም ከጠዋቱ 12:00 ጀምሮ ከአሽከርካሪው ውጪ ሌላ ተጨማሪ ተሳፋሪ ሳይጨምሩ የሞተር ብስክሌት ማሽከርከር እንደሚቻል የአዲስ አበባ ትራንስፖርት ቢሮ አሳውቋል፡፡

ከተፈቀደው የሰው መጫን አቅም በላይ በሚጭኑ ማህበራትና አሽከርካሪዎች ላይ ቢሮው ጥብቅ እርምጃ የሚወሰድ መሆኑን ገልጿል።

አሽከርካሪዎችም ለትራፊክ አደጋ መንስኤ ከሆኑ ከፍጥነት በላይ ማሽከርከር፣ የራስ ቆብ መከለያ (ሄልሜት) አለመጠቀም፣ ከወንጀል ድርጊት በመራቅና ወንጀል የሚፈጽሙ ሲያጋጥሙም ለጸጥታ አካላት ጥቆማ እንዲሰጡ ቢሮው አሳስቧል።

@tikvahethiopia