ከአዲስ አበባ ያመለጠው የኮቪድ-19 ታማሚ!

የደቡብ ክልል ጤና ቢሮ በክልሉ በኮቪድ-19 መያዛቸው የተረጋገጠ ሰዎች ሰባት (7) መሆናቸውን ገልጿል።

ከነዚህ ሰባት (7) ሰዎች መካከል አንደኛው ከአዲስ አበባ ከተማ #አምልጦ የተያዘ እንደሆነ ቢሮው በዛሬው ዕለታዊ መግለጫው ጠቁሟል።

ይህ ከአዲስ አበባ ከተማ አምልጦ የተያዘው ግለሠብ #በትላንትናው ዕለት የጤና ሚኒስቴር አዲስ በቫይረሱ መያዛቸው ካረጋገጠው 61 ሰዎች ውስጥ አንደኛው ነው።

ግለሠቡ በጉራጌ ዞን ማረቆ ወረዳ ላይ ተይዞ እዛው በይቶ ማቆያ እንዲቆይ ተደርጓል። ከግለሰቡ ጋር ንክኪ የነበራቸው 30 ያህል ሰዎች ተለይተው በማቆያ ውስጥ እንደሚገኙ የክልሉ ጤና ቢሮ አሳውቋል።

በነገራችን ላይ በደ/ብ/ብ/ህ/ክ መንግስት ባለፉት 24 ሰዓት 76 የላብራቶሪ ምርመራ ተደርጎ በቫይረሱ የተያዘ ሰው #አልተገኘም። እስካሁን በአጠቃላይ ለ1,072 ሰዎች ምርመራ ተደርጓል።

@tikvahethiopiaBot @tikvahethiopia