ፎቶ ፦ የቤኒሻንጉል ሕዝብ ነጻነት ንቅናቄ (ቤሕነን) ታጣቂ ቡድን ከቤኒሻንጉል ጉሙዝ ክልል መንግሥት ጋር የሰላም ስምምነት መፈራረሙና ወደ ሀገር መግባቱ ዛሬ ክልሉ አሳውቋል።

የቤሕነን ታጣቂ ቡድን እና የቤኒሻንጉሙዝ ክልል መንግሥት የሰላም ስምምነት ላይ የደረሱት በሱዳን #ካርቱም መሆኑ የተገለፀ ሲሆን በዚህም ቡድኑ የሰላም አማራጮችን በመከተል ወደ ክልሉ ተመልሷል ተብሏል።

በሰላም ስምምነቱ መሠረት የቡድኑ አባላት ትጥቃቸውን ፍትተው ተሃድሶ በመውሰድ በክልሉ የሰላም እና የልማት ሥራዎች ላይ እንደሚሰማሩ ክልሉ ገልጿል።

(የቤኒሻንጉል ጉሙዝ ክልል ኮሚኒኬሽን)

@tikvahethiopia

#Update

የኢትዮጵያ የዓይን ባንክ ፤ ዛሬ ከሰዓት ባወጣው መግለጫ ፤ በታዋቂው እና ተወዳጁ አርቲስት ታሪኩ ብርሃኑ (ባባ) ህልፈት ሀዘን እንደተሰማው ገልጿል።

በመግለጫው ፤ አርቲስት ታሪኩ ብርሃኑ (ባባ) በህይወት በነበረበት ወቅት የዓይን ባንኩ አምባሳደር እንደነበርና ህልፈት በሚያጋጥምበት ጊዜ የዓይን ብሌኑን ለመለገስ ቃልገብቶ እንደነበር ጠቁሟል።

አርቲስቱ በገባው ቃል መሰረትም በቤተሰቦቹ እና በጓደኞቹ ቀና ትብብር ቃሉ ተፈፃሚ መሆኑን ባንኩ አሳውቋል።

የኢትዮጵያ ዓይን ባንክ ፤ አርቲስት ታሪኩ ብርሃኑ (ባባ) " ስሙንም ብርሃኑንም ከመቃብር በላይ ህያው አድርጎ ያለፈ መልካም አርቲስት " ሲል ጠርቶታል።

በሌላ በኩል ፤ የአርቲስት ታሪኩ ብርሃኑ (ባባ)ን ስርዓተ ቀብር ለማስፈፀም ኮሚቴ ተዋቅሮ እየሰራ ሲሆን ይኸው ኮሚቴ የአርቲስቱ ስርዓተ ቀብር ነገ ታህሳስ 3 ቀን 2015 ዓ/ም ከቀኑ 9:00 ሰዓት በመንበረ ጸባዖት ቅድስት ሥላሴ ካቴድራል ወዳጅ ዘመዶቹ በተገኙበት እንደሚፈፀም ገልጻል።

ከስርዓተ ቀብሩ ቀደም ብሎ ከጠዋቱ 5:00 ሰዓት ጀምሮ በኢትዮዽያ ብሔራዊ ቴአትር ሽኝት ይደረጋልም ተብሏል።

@tikvahethiopia

#Update

የክቡር ዶ/ር ቄስ በሊና ሳርካ ስርዓተ ቀብር ዛሬ ይፈፀማል።

ከግማሽ ምዕተ ዓመት በላይ የኢትዮጵያ ወንጌላዊት ቤተክርስቲያን መካነ ኢየሱስ አገልጋይ የነበሩት ቄስ ዶ/ር በሊና ሳርካ ባለፈው ህዳር 27 ቀን 2015 ዓ.ም ማረፋቸው ይታወሳል።

የእኚህ በቤተከርስቲያንም ሆነ በአገር ደረጃ ተወዳጅ የነበሩት አባት አሸኛኘት አገልግሎት ዛሬ ሰኞ ታህሣሥ 3 ቀን 2015 ዓ/ም ይካሄዳል ፤ ከአሸኛኘት ስነ ስርዓቱ በኃላ ስርዓተ ቀብራቸው ይፈፀማል።

ለቄስ ዶ/ር በሊና ሳርካ የቀብር ስርዓትን ለማስፈፀም በወጣውና በተመለከትነው መርሃ ግብር መሰረት ፦ በአሁን ሰዓት (እስከ 4:00 ድረስ) አስክሬናቸው ከመኖሪያ ቤታቸው ወደ እንጦጦ ማህበረ ምዕመናን እየተሸኘ ነው።

ከ4:00 - 6:00 የአስክሬን ሽኝት በኢትዮጵያ ወንጌላዊት ቤተክርስቲያን መካነ ኢየሱስ እንጦጦ ማ/ምዕመናን ይደረጋል።

በተጨማሪ በወጣው መርሃግብር መሰረት በወዳጅነት አደባባይ ሽኝት የሚደረግ ሲሆን ከዚህ በኃላ ከ9:00 - 10:00 አስክሬናቸው በጴጥሮስ ወ. ጳውሎስ መካነ መቃብር በክብር ያርፋል።

ፎቶ ፦ የክቡር ቄስ ዶ/ር በሊና ሳርካ የሽኝት ኘሮግራም በመኖሪያ ቤታቸው

@tikvahethiopia

#Update

ከአርቲስት ታሪኩ ብርሃኑ (ባባ) ስርዓተ ቀብር ጋር በተያያዘ #ካሜራ ይዘው ቪድዮ ለመቅረፅ እና በየማህበራዊ ሚዲያው ለማስራጨት የሚሞክሩ ከድርጊታቸውን እንዲታቀቡ ስርዓተ ቀብሩን ለማስፈፀም የተቋቋመው ኮሚቴ አሳስቧል።

ከኮሚቴው አባላት አንዱና የአርቲስቱ የቅርብ ወዳጅ ዲጄ ቢቢ ለኢትዮ ኤፍ ኤም ሬድዮ በሰጠው ቃል ፤ " ከማህበራዊ ሚዲያ ጋር በተለይም ፌክ ኒውስ፣ የተለያዩ ቪድዮ እየቀረፁ ፣ ፎቶዎችን እያነሱ ርዕስ እየሰጡ የሚለጥፉ አሉ ወጣቶቻችን ፤ ታናናሾቻችን በዚህ ላይ ጥንቃቄ ያድርጉ። " ብሏል።

ትላንት የስርዓተ ቀብሩ አስፈፃሚ ኮሚቴ አባላት በአርቲስት ታሪኩ (ባባ) መኖሪያ ቤት በነበሩበት ሰዓት ካልተጠበቁ ሰዎች ቪድዮ ተቅርፆ ርዕስ እየሰጡ በቲክቶክ ...በማህባዊ ሚዲያ ላይ ሲለጥፉ እንደነበር ፤ ይህም የአካባቢውን ልጆች ፣ አብሮ አደጎቹንና የኮሚቴውን አባላት እንዳስደነገጠ ገልጿል።

ወጣቶች እንዲያህ ያለውን ነገር እንዳያደርጉ ሲልም ጥሪ አቅርቧል።

የአርቲስት ታሪኩ ብርሃኑ (ባባ) ስርዓተ ቀብር ለማስፈፀመው በወጣው መርሃ ግብር ዛሬ ጥዋት 5:00 ላይ በብሄራዊ ትያትር አዳራሽ የሽኝት ፕሮግራም ይኖራል ፤ ፕሮግራሙ ላይ የሞያ አጋሮቹ፣ ጓደኞቹ ፣  የመንግስት ከፍተኛ ባለስልጣናት ይገኛሉ።

ከዚህ በኃላ ከቀኑ 9:00 ሰዓት በመንበረ ጸባዖት ቅድስት ሥላሴ ካቴድራል ወዳጅ ዘመዶቹ በተገኙበት ይፈፀማል።

@tikvahethiopia

#ተጠንቀቁ

• " የአንድ ብሩን ሳንቲም በሺዎች በሚቆጠር ገንዘብ እንገዛለን ከሚሉ አጭበርባሪዎች ራሳችሁን ጠብቁ " - ብሄራዊ ባንክ

• " ድርጊቱ በህግ የሚያስጠይቅ ነው " - ፖሊስ

የኢትዮጵያ ብሄራዊ ባንክ " የአንድ ብሩን ሳንቲም በሺዎች በሚቆጠር ገንዘብ እንገዛለን " ከሚሉ አጭበርባሪዎች ኅብረተሰቡ ራሱን እንዲጠብቅ አሳስቧል።

የኢትዮጵያ ብሔራዊ ባንክ ለብሄራዊ ቴሌቪዥን ጣቢያ በሰጠው ቃል ፤ ከሰሞኑ በተለያዩ ማኅበራዊ ድረገፆች " አራት የግዕዝ ፊደላት ያሉትን የአንድ ብር ሳንቲም በ2 ሺህ ብር እና ከዚያም በላይ እንገዛለን " የሚሉ ከእውነት የራቁ ሀሰተኛ ማስታወቂያዎች በስፋት ተስተውለዋል ብሏል።

ማስታወቂያዎቹ ኅብረተሰቡን ለማጭበርበር እየተነገሩ ያሉ እና ከእውነት የራቁ በመሆናቸው ፤ ኅብረተሰቡ ራሱን ከአጭበርባሪዎች ሊጠብቅ እንደሚገባ ገልጿል፡፡

የአዲስ አበባ ፖሊስ በበኩሉ፣ ድርጊቱ በሕግ የሚያስጠይቅ መሆኑን ገልጾ በዚህ ማጭበርበር ላይ እየተሳተፉ የሚገኙ ግለሰቦች ከድርጊታቸው ሊቆጠቡ እንደሚገባ ማስጠንቀቁን ቴሌቪዥን ጣቢያው ዘግቧል።

@tikvahethiopia

ፎቶ ፦ የአርቲስት ታሪኩ ብርሃኑ (#ባባ) ሥርዓተ ቀብር በዛሬው እለት ቤተሰቦቹ ፣ አብሮ አደጎቹ ፣ የስራ ባልደረቦቹ ፣ ወዳጅ ዘመዶቹና አድናቂዎቹ በተገኙበት በመንበረ ጸባኦት ቅድስት ስላሴ ካቴድራል ተፈጽሟል።

Credit : ETHIOPIA PRESS AGENCY

@tikvahethiopia