#AddisAbaba

" ስፖኪዮ የተሰረቀባችሁ ማስረጃ በማቅረብ ንብረታችሁን መውሰድ ትችላላችሁ "

የአዲስ አበባ ከተማ ፖሊስ ፤ በተለያዩ ጊዜያት የተሰረቁ ከ200 በላይ የተሽከርካሪ ስፖኪዮ ጉድጓድ ውስጥ ተደብቀው መገኘታቸውን አስታውቋቃ።

ስፖኪዮዎቹን እየተቀበሉ በማከማቸት የተጠረጠሩ 2 ግለሰቦች በቁጥጥር ስር ውለው ምርመራ እየተጣራባቸው ይገኛልም ብሏል።

ግለሰቦቹ በቁጥጥር ስር የዋሉት በአዲስ ከተማ ክፍለ ከተማ ወረዳ 1 በተለምዶ አሜሪካን ግቢ እየተባለ በሚጠራው አካባቢ ነው።

ተጠርጣሪዎቹ በአካባቢው በላስቲክ ተወጥሮ በተሰራ መኖሪያ ቤት ውስጥ ጉድጓድ ቆፍረው በተለያዩ ጊዜያት ከተለያዩ አካባቢዎች የተሰረቁ በርካታ የመኪና ስፖኪዮዎችን አከማችተው የተገኙ ናቸው።

ህብረተሰቡ ለፖሊስ በሰጠው ጥቆማና ፖሊስ ባደረገው ክትትል 2 ግለሰቦችን ከነኤግዚቢቶቹ በቁጥጥር ስር ማዋል እንደተቻለ የገለፀው ፖሊስ በተከናወነው ምርመራ የማስፋት ስራ የተሰረቁ ተጨማሪ ስፖኪዮዎች በልደታ ክ/ከተማ ወረዳ 7 ልዩ ቦታው ጎላ ሚካኤል ተብሎ ከሚጠራው አካባቢ እንደተመለሱ እና በአጠቃላይ 202 ስፖኪዮዎች ከነመፍቻዎቹ እንደተያዙ አሳውቋል።

የአዲስ አበባ ፖሊስ ፤ በተለያዩ ጊዜያት ስፖኪዮ የተሰረቀባቸው ባለንብረቶች ማስረጃዎቻቸውን በማቅረብና አዲስ ከተማ ክፍለ ከተማ ፖሊስ መምሪያ በአካል እየቀረቡ ንብረታቸው ስለመኖሩ አረጋግጠው እንዲረከቡ መልዕክቱን አስተላልፏል።

(አዲስ አበባ ፖሊስ)

@tikvahethiopia

ፎቶ ፦ በአማራ ክልል፣ ሰሜን ወሎ ዞን ከወልድያ ወደ ቆቦ በሚወስደው መንገድ ላይ የሚገኘው የ " አለውሃ " ወንዝ የብረት ድልድይ ስራ ተጠናቆ ዛሬ ታህሳስ 1 ቀን 2015 ዓ/ም አገልግሎት መስጠት መጀመሩን የኢትዮጵያ መንገዶች አስተዳደር (ERA) አሳውቋል።

Credit : https://telegra.ph/ERA-12-10

@tikvahethiopia

የት ገቡ ?

(በባይሽ ኮልፌ)

#እስካሁን_አልተገኙም !

👉 ወጣት አብርሀም በየነ ከ3 ዓመት በፊት ከሚኖርበት ሀዋሳ ወደ ወልቂጤ ሚቄ የሚባል ቦታ መጥቶ ወረዳ ውስጥ ስራውን እየሰራ መስከረም 25 " እናቴ ናፍቃኛለች አይቻት ልምጣ " ብሎ ለጓደኞቹ ነግሮ ከቢሮና ከተከራየበት ቤት ቢወጣም እናቱ ጋር ሳይደርስ ወደ ቤቱም ሳይመለስ የት እንደገባ ጠፍቶ 2 ወር አልፎታል። በየቀኑ ይደውልላት የነበረው እናት " የምሄድበት ግራ ገባኝ ምን ልሁን? " እያለች ቤተክርስቲያን እየዞረች በፀሎት እያነባች ነው 😭 ስልኳ-0985132283 (እልፍነሽ-እናት)

👉 የኢትዮጵያ አየር መንገድ ግራውንድ ቴክንሽያን ዳዊት ምትኩ ከሚኖርበት አምባሳደር ኮንዶሚኒየም አካባቢ ድንገት እንደወጣ ሳይመለስ 24 ቀናት ተቆጥረዋል። እናትና አባት እንዲሁም እህቱ እያለቀሱ መንገድ ለመንገድ እየተንከራተቱ ነው። (0941213747-የእህቱ ስልክ)

👉 የ2 ህፃናት አባት በሙያው ጎበዝ ሼፍ የሆነው ዘሪሁን ቢሰጥ ሀያት አካባቢ የሚከፈት አዲስ ሆቴል ውስጥ ስራ ሊጀምር እንደሆነ ለባለቤቱ ነግሯት ሰኞ ህዳር 12 ዓ/ም በስራው ዙሪያ ለመነጋገር ቀጠሮ እንዳለውና በዛውም ኬጂ የምትማረው የመጀመሪያ ልጁን ኮተቤ የሚገኘው አፕል አካዳሚ ላድርሳት ብሎ እንደወጣ ሳይመለስ ቀርቷል። 18 ቀናት ተቆጥረዋል ፤ ባለቤቱ "መቋቋም አቃተኝ፣ አመመኝ ድፍን ያለነገር ሆነብኝ " እያለች ነው። (0920181284-ሰብለ ባለቤቱ)

መልዕክቱን ሼር በማድረግ ያፋልጉን !

(ባየሽ ኮልፌ)

@tikvahethiopia

ፕሬዜዳትን ዶ/ር ዊሊያም ሩቶ ኤርትራ ይገኛሉ።

የኬንያው ፕሬዝዳንት ዶ/ር ዊሊያም ሩቶ በኤርትራ የሁለት ቀን የስራ ጉብኝት እያደረጉ መሆኑ ታውቋል።

ፕሬዜዳንቱ ትላንት አስመራ ኤርፖርት ሲደርሱ በፕሬዜዳንት ኢሳያስ አፈወርቂ አቀባበል ተደርጎላቸዋል።

ሩቶ በኤርትራ የስራ ጉብኝት ላይ የሚገኙት በፕሬዜዳንት ኢሳያስ ግብዣ ሲሆን ትላንት ከቀትር በኃላ የሁለትዮሽ ውይይት ከፕ/ት ኢሳያስ አፈወርቂ ጋር አድርገዋል።

የተደረገው ውይይት ሰፊ እንደነበር የተገለፀ ሲሆን ውይይቱ ያተኮረው የሁለትዮሽ ግንኙነታቸውን ወደ ላቀ ደረጃ ማሸጋገር እና ቀጠናዊ አጋርነትን ማጠናከር ላይ እንደበር ከኤርትራ መንግስት በኩል ተሰምቷል።

ፎቶ ፦ Yemane G. Meskel

@tikvahethiopia

#ዓለም_ዋንጫ

አፍሪካዊቷ ሀገር ሞሮኮ ደማቅ አዲስ ታሪክ ፅፋለች !

በአሰልጣኝ ዋሊድ ሬግራጉዊ የሚመራው የሞሮኮ ብሔራዊ ቡድን በየሱፍ ኤል ነስሪ ብቸኛ ግብ ፖርቹጋልን በመርታት ግማሽ ፍፃሜውን ተቀላቅለዋል።

⚽️ የሞሮኮ ብሔራዊ ቡድን በዓለም ዋንጫው ታሪክ ግማሽ ፍፃሜውን መቀላቀል የቻለች ቀዳሚዋ አፍሪካዊት ሀገር ሆናለች።

⚽️ የሞሮኮ ብሔራዊ ቡድን በኳታሩ የዓለም ዋንጫ #በተጋጣሚ_ቡድን #ተጫዋች አንድም ግብ ከመረብ አላረፈባቸውም።

⚽️ ክርስቲያኖ ሮናልዶ ለፖርቹጋል ብሔራዊ ቡድን 196 ጨዋታዎችን ማድረግ ችሏል።

⚽️ የሱፍ ኤል ነስሪ በዓለም ዋንጫው ሶስት ጎሎችን ማስቆጠር የቻለ በታሪክ የመጀመሪያው #ሞሮካዊ ተጫዋች ሆኗል።

https://t.iss.one/tikvahethsport

@tikvahethiopia

" በዝቋላ አቡነ ገብረ መንፈስ ቅዱስ ገዳም ተከስቶ የነበረው የጸጥታ ችግር ለጊዜው ተቀርፏል " - ኢኦተቤ

ቅዳሜ ታሕሣሥ  2 /2015 ዓ.ም  ታጣቂዎች ወደ ዝቋላ ደብረ ከዋክብት አቡነ ገብረ መንፈስ ቅዱስ ገዳም ገብተው ነበር።

የገዳሙ አበምኔት መምህር አባ ገብረሕይወት የተከሰተውን ክስተት በተመለከተ ለኢኦተቤ ቴሌቪዥን በሰጡት ቃል ፤ ታጣቂዎች የገዳሙን መነኮሳት የሞባይል ስልኮች የጥበቃ መሣሪያዎች እና ሦስት መነኮሳትን አርብሮብ ወደ ተባለ ቦታ ከወሰዱ በኋላ  በሰላም እንደለቀቋቸውና የወሰዱትን ንብረት መመለሳቸውን ገልፀዋል።

" ታጣቂዎቹ የመንግሥት ተቃዋሚዎች " ይሆናሉ  የሚል ግምት እንዳላቸው የገለጹት አበምኔቱ በገዳሙ በአሁኑ ሰዓት ሰላማዊ እንቅስቃሴ መቀጠሉን ገልጸውዋል።

@tikvahethiopia