" እኚህ በመቂ መንገድ ላይ ከትላንት በስቲያ ሰኞ ዕለት የተቃጠሉት ተሽከርካሪዎች ናቸው ። " - SA (የቲክቫህ ቤተሰብ አባል)

@tikvahethiopia

#ሰላም

"ለስምምነቱ ለተግባራዊነት ጠንክረን እንሰራለን"

ትግራይ ክልል ያሉ የሃይማኖት ተቋማት በፕሪቶሪያ የተፈፀመውን የሰላም ስምምነት እንደሚደግፉና ለተግባራዊነቱ እንደሚሰሩ አሳውቀዋል።

ይህን ያሳወቁት በሃይማኖት ተቋማቱ ጉባኤ በኩል በሰጡት መግለጫ ነው።

የሃይማኖት ተቋማቱ፤ ሰላም የሁሉም ነገር መሰረት ነው ያሉ ሲሆን፥ በባለፈው ጊዜ በጦርነት በደረሰው ጥፋት/ጉዳት፣ በወደመው መሰረተ ልማት እንደሚያዝኑ ገልፀው በደቡብ አፍሪካ የተደረሰው የሰላም ስምምነት ተስፋ ሰጪ ነው ብለዋል።

ስምምነቱንም እንደሚደግፉ እና ለተፈፃሚነቱም ጠንክረው እንደሚሰሩ አሳውቀዋል።

የሃይማኖት ተቋማቱ ጦርነት የጭንቅ እንጂ የመጀመሪያ ሆነ የመጨረሻ አማራጭ ሊሆን እንደማይገባው አስገንዝበው " ጦርነት የማይተካውን የሰው ህይወት የሚበላ፣ ሀብት እና ንብረትን አውዳሚ እንደሆነ ሁሉም ቢገነዘበው አይደለም ጦርነት ወዳዛ የሚገፋፋና ከአንዳንድ ግለሰቦች የሚወጣው መርዛማ ቃላት አስፈላጊ አልነበሩም " ብለዋል።

እስካሁን በጦርነት የጠፋውን በጀት ለሰላም እና ለልማት ቢውል በሀገሪቱ ምን ያህል ለውጥ ሊያመጣ ይችል ነበር ? ብለን ማሰብ አለብን ያሉት የሃይማኖት ተቋማቱ ወደፊትም ችግሮች ቢያጋጥሙ በጦርነት ሳይሆን በሰላማዊ ውይይት፣ በትዕግስት፣ በመቀራረብ፣ በህግ ብቻ ሊፈቱ ይገባል ብለዋል።

የሃይማኖት ተቋማቱ ከአሁን በኃላ ጦርነት እና ወደጦርነት የሚገፋፉ ነገሮች ሊኖሩ እንደማይገባና ሁሉም ያለአንዳች እንቅፋት ለሰላም ለልማት፣ ለሀገር እድገት እንዲሰራ ጥሪ አቅርበው ከአሁን ሰዓት ጀምሮ የኤርትራ ሰራዊት ከትግራይ መሬት እንዲወጣ ሲሉ አሳስበዋል።

የሃይማኖት ተቋማቱ በመግለጫቸው ከአሁን በኃላ ከሁሉም አጎራባች ክልሎች እንዲሁም ከሀገራት ጋር ስለ #ሰላም እንደሚወያዩ አመልክተዋል።

@tikvahethiopia

" ... መገናኛ ብዙሃን ጦርነትን ማራገብን ትተው ሰላምን እና መረጋጋትን መዘገብ ይገባቸዋል " - አምባሳደር መለስ አለም

የኢትዮጵያ መንግሥት እና ህወሃት ከፍተኛ ወታደራዊ መሪዎች በናይሮቢ እያደረጉ የሚገኙት ምክክር አሁንም መቀጠሉን የውጭ ጉዳይ ሚኒስቴር ዛሬ በሰጠው ጋዜጣዊ መግለጫ አስታውቋል።

የውጭ ጉዳይ ሚኒስቴር ቃል አቀባይ አምባሳደር መለስ ዓለም ፤ የተለያዩ ሀገራት በሰላም ስምምነቱ ላይ ያላቸውን ደስታ እየገለፁ መሆኑን ገልፀው ወዳጅ ሀገራት የተጎዱ ወገኖችን መልሶ ለማቋቋም እና የወደሙ ንበረቶችን ወደ አገልግሎት ለመመለስ  ፍላጎታቸውን እያሳዩ ነው ብለዋል።

ቃል አቀባዩ ፤ በስምምነቱ ላይ እንደተገለፀው መገናኛ ብዙኃን ስም ማጥፋትን እና ጦርነትን ማራገብን ትተው ሰላምን እና መረጋጋትን መዘገብ ይገባቸዋል ያሉ ሲሆን ለዚህ ደግሞ ሁሉም አስተዋፅኦ ማድረግ እንዳለበት አስገንዝበዋል።

Credit : AMC
Photo : Citizen TV Kenya

@tikvahethiopia

#Oromia

በኦሮሚያ ክልል፣ በምስራቅ እና ምዕራብ ወለጋ ቤተሰቦቻቸው ያሉ የቲክቫህ ቤተሰብ አባላት በግጭት ቀጠናዎች ሰዎች ህይወታቸው እያለፈ መሆኑን፣ የዩኒቨርሲቲ ተማሪዎችም መንገድ በማጣታቸው ባሉበት ለመሆን መገደዳቸውን፣ በአንዳንድ ከተሞችም መሰረታዊ አገልግሎት ሰጪዎች መመዘጋታቸውን በመግለፅ መፍትሄ እንዲፈለግ ጥሪ አቅርበዋል።

አንድ የቲክቫህ ቤተሰብ አባል፤ እናት እና አባቱ በምዕራብ ወለጋ ውስጥ እንደሚኖሩ ገልጾ በፀጥታው ችግር ሳቢያ ሊያገኛቸው እንዳልቻለ አመልክቷል።

ከታጣቂዎች ጋር ያለው ግጭት የአየር ጥቃትንም ያካተተ እንደሆነ በመግለፅ በግጭቱ ንፁሃን ሰለባ እየሆኑ እንዳለ አመልክቷል።

ባለው ከፍተኛ የፀጥታ ችግር መሰረታዊ የፍጆታ እቃዎች ዋጋ መናሩንና ዜጎች ሰላም ፍለጋ ቄያቸውን ለቀው እንዳይወጡ እንኳን መንገድ መዘጋቱን ትራንስፖርትም ማግኘት አዳጋች መሆኑን ገልጿል።

ላለፉት ዓመታት በኦሮሚያ ክልል ያለው የፀጥታ ችግር ይህ ነው የሚባል ዘላቂ መፍትሄ ሳያገኝ ቆይቷል፣ ህዝቡ ሰለምን ተርቧል ፣ ገበሬው ማረስ፣ መላው የወለጋ ህዝብ እድገትን ይሻል፣ ሁሌ የግጭት ቀጠና ሆኖ መቀጠል ለህዝቡ አይገባም አስቸኳይ መፍትሄ ይፈለግ ሲል ይኸው የቤተሰባችን አባል ጥሪ አቅርቧል።

ከጥቂት ቀናት በፊት በምዕራብ ወለጋ በተለይ መንዲና አካባቢው ላይ የፀጥታ ችግር መኖሩን በዚህም የአገልግሎት ሰጪ ተቋማት ዝግ እንደሆኑና ከአሶሳ - መንዲ የህዝብ ትራንስፖርት እንደተቋረጠ በክስተቱ ንፁሃን ሰለባ እየሆኑ እንዳለ ቤተሰቦቻችን መግለፃቸው ይታወሳል።

የፀጥታ ችግር ባለባቸው የወለጋ አካባቢዎች በመንግስት የፀጥታ ኃይሎች እና የህ/ተ/ም/ቤት አሸባሪ ብሎ የፈረጀው " ሸኔ " እራሱን የኦሮሞ ነፃነት ሰራዊት እያለ በሚጠራው የታጠቀ ቡድን መካከል ግጭቶች መሆናቸውን ለማውቅ ችለናል።

@tikvahethiopia

#እንድታውቁት

በአዲስ አበባ ከ4 ወራት በላይ ተቋርጦ የነበረዉ የመታወቂያ #እድሳት አገልግሎት በዛሬው ዕለት በይፋ ተጀምሯል።

@tikvahethiopia

#Oromia

የኦሮሞ ፌዴራሊስት ኮንግረስ ም/ ሊቀመንበር አቶ ጃዋር መሀመድ በኦሮሚያ ያለው ጦርነት በዜጎች ላይ የሚያደርሰው ጉዳት ከጊዜ ወደ ጊዜ እየጨመረ መጥቷል አሉ።

አቶ ጃዋር ፤ ባለፉት ጥቂት ሳምንታት ውስጥ በጮቢ እና በሜታ ወልቂጤ (ምዕራብ ሸዋ)፣ በነቀምቴ (ምስራቅ ወላጋ)፣ ቢላ፣ ናጆ፣ ማንዲ (ምዕራብ ወለጋ) በመቶዎች የሚቆጠሩ ንፁሀን ዜጎች ተገድለዋል ብለዋል።

ንፁሃን በሚደረገው የተኩስ ልውውጥ ከሚደርስባቸው ጉዳት በተጨማሪ ያለ ልዩነት በሚፈፀመው የአየር ጥቃት የንፁሃንን ጉዳት በከፋ ሁኔታ እየጨመረው ነው ሲሉ ገልፀዋል።

አቶ ጃዋር ካለንበት የፖላቲካ ቀውስ ልንወጣ የምንችለው በኃይል አይደለም ያሉ ሲሆን ይህ ባለፉት አራት ዓመታት ውስጥ አልሰራም፤ ዛሬ ወይም ነገ አይሰራም ይልቅ ነገሩን የበለጠ ያባብሰዋል ብለዋል።

በኦሮሚያ የእርስ በርስ ጦርነት መንስኤው የፖለቲካ ልዩነት ነው ሲሉ የገለፁት ምክትል ሊቀመንበሩ የሚፈታው መሪዎች በጠረጴዛ ዙሪያ ተቀምጠው ለመወያየት እና በጋራ ተቀባይነት ያለው ስምምነት ላይ ሲደርሱ ብቻ ነው ብለዋል።

በአንድ የሀገሪቱ ክፍል ሰላም አምጥቶ ሌላው ጥግ እየደማ ዘላቂ ሰላም ሊመጣ ይችላል ብሎ ማሰብ ሞኝነት ነው ብለው ኢትዮጵያ ሁሉን አቀፍ ሰላም ያስፈልጋታል ሲሉ አስገንዝበዋል።

@tikvahethiopia