" ... ካልተጨበጠ መረጃ በቀር የሶማሊያ ወታደሮች በኢትዮጵያው ጦርነት ላይ ተሳትፈዋል የሚል መረጃ  ተመልክታችኋል? " - አብዲካሪም አሊ ካር

አዲሱ የሶማሊያ ፕሬዝዳንት ሐሰን ሼይክ ሞሐመድ አስተዳደር በኤርትራ ስልጠና ሲወስዱ የነበሩት የሃገሪቱ ወታደሮች በኢትዮጵያ የእርስ በእርስ ጦርነት አልተሳተፉም አለ።

የተመድ እና ህወሓት የሶማሊያ ወታደሮች በሰሜን ኢትዮጵያ ጦርነት ከፌደራል መንግሥቱ ጎን ተሰልፈው ተዋግተዋል ማለታቸው ይታወሳል።

ይሁን እንጂ የቀድሞ የሶማሊያ መንግሥት ፕሬዝዳንት አስተዳደርም ሆነ አዲሱ መንግሥት፤ የሶማሊያ ወታደሮች በሰሜን ኢትዮጵያው ጦርነት አልተሳተፉም ብለዋል።

የኢትዮጵያ መንግሥት የሶማሊያ ወታደሮች በትግራዩ ጦርነት ተሳትፈዋል የሚለውን ክስ ማስተባበሉን አይዘነጋም።

ትናንት ሐምሌ 12/2014 ዓ.ም. የፕሬዝዳንት ሐሰን ሼክ ሞሐመድቃል አቀባይ በሰጡት መግለጫ የሶማሊያ ወታደሮች በኢትዮጵያው ጦርነት ተሳትፈዋል መባሉ ያልተረጋገጠ መረጃ ነው ብለዋል።

ቃል አቀባዩ አብዲካሪም አሊ ካር ፥ " ካልተጨበጠ መረጃ በቀር የሶማሊያ ወታደሮች በኢትዮጵያው ጦርነት ተሳትፈዋል የሚል መረጃ  ተመልክታችኋል? " ሲሉ በጋዜጣዊ መግለጫው ላይ ጠይቀዋል።

በርካታ ሶማሊያውያን ወታደሮች ፤ መቼ እና በምን ሁኔታ ወደ ሶማሊያ እንደሄዱ ሳይገለጽ ቆይቶ ሰሞኑን የፕሬዝዳንት ሐሰን ሼክ ሞሐመድ ጉብኝትን ተከትሎ የኤርትራ መንግሥት ሐምሌ 3/2014 ዓ.ም ለሶስት ዓመታት ያህል ወታደራዊ ሥልጠና ሲወስዱ የነበሩት የሶማሊያ ወታደሮች ተመርቀዋል ተብሏል።

ተቀናቃኞች በበኩላቸው የቀድሞ ፕሬዝዳንት ፋርማጆ ወታደሮቹን ወዳልታወቀ ስፍራ ልከው በኢትዮጵያ የእርስ በእርስ ጦርነት ላይ ማግደዋቸዋል በሚል ሲወቅሷቸው ቆይተዋል።

የወታደሮቹ ቤተሰብ አባላትም ስለልጆቻቸው ሁኔታ በመጠየቅ መንግሥትን አስጨንቀው ነበር።

የሶማሊያው ፕሬዜዳንት ቃል አቀባይ አብዲካሪም አሊ ካር ፤ በኢትዮጵያ ተሰልፈው ተጋዋግተዋል የሚለው ብቻ ሳይሆን የሶማሊያ ወታደሮች በኤርትራ የቆዩት ሶማሊያ የሚጠበቅባትን ገንዘብ መክፈል ባለመቻሏ ወታደሮቹ እንደመያዣነት ተይዘው ነው የሚባለውም ሐሰት ነው ብለዋል።

አብዲካሪም አሊ ካር ፦

" ... ሐሰት ነው ወታደሮቹ እንደመያዣነት አልተያዙም። ለማንም መክፈል ያለብን ገንዘብ የለም።

እንደ ተርኪዬ ፣ ኡጋንዳ እና ኢትዮጵያ ያሉ ሃገራት የሶማሊያንወታደሮች ያሰለጥናሉ።

ስልጠና የሚሰጣቸው ለገንዘብ አይደለም " ብለዋል።

በአሁኑ ወቅት ኤርትራ ውስጥ የሚገኙት የሶማሊያ ወታደሮች ብዛት 5 ሺህ መሆኑን ጠቅሰው፤ የሞቃዲሹ መንግሥት ወታደሮቹን ወደ ሃገር ቤት ለመመለስ እየሠራ ይገኛል ማለታቸውን ቢቢሲ በድረገፁ ላይ አስነብቧል።

@tikvahethiopia

#Update #ጋምቤላ

" የሰዓት እላፊ ገደቡ ተነስቷል "

ከሰሞኑን በጋምቤላ ከተማ ካለው ወቅታዊ ሁኔታ ጋር ተያይዞ ከቀናት በፊት ተጥሎ የነበረው የሰዓት እላፊ ገደብ መነሳቱን የክልሉ ኮሙኒኬሽን ጉዳዮች ጽህፈት ቤት አስታውቋል።

@tikvahethiopia