#SUDAN #DrWorknehGebeyhu

የምስራቅ አፍሪካ የልማት በይነ መንግስታት (ኢጋድ) ዋና ፀሐፊ ዶ/ር ወርቅነህ ገበየሁ በሱዳን የአንድ ቀን የስራ ጉብኝት አድርገዋል።

ዋና ፀሀፊው በስራ ጉብኝታቸው ከሱዳን ጦር አዛዥ እና የሃገሪቱ ሉዓላዊ የሽግግር ምክር ቤት ሊቀመንበር ሌ/ጄ አብዱል ፈታህ አል ቡርሃን ጋር ተገናኝተው መወያየታቸውን አሳውቀዋል።

በውይይቱ ኢጋድ ማክሰኞ ዕለት በኬንያ፣ ናይሮቢ ስለሚያካሂደው ስብሰባ የተነሳ ሲሆን ዶ/ር ወርቅነህ ከውይይቱ በኃላ በሰጡት መግለጫ በኢጋድ ስብሰባ ላይ የሁሉም አባል ሀገራት መሪዎች እንደሚገኙ ማረጋገጠናቸውን ገልፀዋል።

ስብሰባው እጅግ በጣም በወሳኝ ሰዓት የሚደረግ ስብሰባ ነው ተብሏል።

ስብሰባውን በተመለከት ዶ/ር ወርቅነህ ገበየሁ ፤ " እጅግ በጣም ወሳኝ ስብሰባ ነው " ያሉ ሲሆን " የሁሉም አባል ሀገራት መሪዎች እንደሚመጡ አረጋግጠውልናል ፤ የቀጣናው ጉዳይ በመሪዎችችን አማካኝነት ይመከርበታል ይህ እጅግ በጣም ትልቅ ዜና ነው " ብለዋል።

" መሪዎቻችን ቀጠናውን በሚያሳስቡ ጉዳዮች ላይ ፣ ለሰላም እና ደህንነት እንቅፋት ስለሆኑ ጉዳዮች ፣ በድርቁ ሁኔታ ላይ " ይመክራሉ ሲሉም ገልፀዋል።

ሱዳን የወቅቱ የኢጋድ ሊቅመንበር መሆኗ ይታወቃል።

@tikvahethiopia

#Somalia

የግብፁ " Banque Misr " እና የቱርኪዬ " Ziraat Katilim " ባንኮች ሶማሊያ ውስጥ እንዲሰሩ ፍቃድ ፀደቀላቸው።

ጎረቤት ሶማሊያ ለግብፅ እና ቱርኪዬ ባንኮች የስራ ፍቃድ አፅድቃለች።

የሶማሊያ ማዕከላዊ ባንክ ቦርድ ትላንት ባካሄደው መደበኛ ስብሰባ መስፈርት አሟልተው ለተገኙት ሁለት ዓለም አቀፍ ባንኮች በሀገሪቱ ውስጥ ቅርጫፎቻቸውን እንዲመሰርቱ እና እንዲንቀሳቀሱ ፍቃድ አፅድቋል።

ፍቃዱ ረጅም ወራት ከወሰደ ሂደት በኃላ ነው የፀደቀው።

ፍቃድ የፀደቀላቸው ባንኮች የግብፁ " Banque Misr " እና የቱርኩ " Ziraat Katilim " ሲሆኑ በሶማሊያ የፋይናንስ ሴክተር እና በሀገሪቱ የኢኮኖሚ እድገት ላይ ትልቅ አስተዋጽኦ እንደሚኖራቸው ፍቃዱን ያፀደቀው CBS ገልጿል።

ሁለቱ ባንኮች ሶማሊያ ውስጥ እንዲሰሩ ፍቃድ ያገኙ #የመጀመሪያዎቹ ዓለም አቀፍ ባንኮች ሆነው ተመዝገበዋል።

@tikvahethiopia

#Update

ጤና ሚኒስቴር " የዝንጀሮ ፈንጣጣ " በሽታ በኢትዮጵያ አልተከሰተም የተለየም ሰው የለም ሲል አሳወቀ።

ሚኒስቴሩ የሪፖርተር ጋዜጣን ዘገባም ትክክለኛ እንዳልሆነ ገልጿል።

" የዝንጀሮ ፈንጣጣ በኢትዮጵያ ተከስቶ ሁለት ሰዎች ተለይተዋል (ኳረንቲን ገብተዋል) የሚል መረጃ በሪፖርተር ጋዜጣ ወጥቶ በማህበራዊ ሚዲያ እየተሰራጨ ነው " ያለው ሚኒስቴሩ " በሽታው በሌሎች ሀገራት ቢከሰትም በኢትዮጵያ እስካሁን የተያዘም ሆነ የተለየ ሰው የለም " ብሏል።

የሚዲያ አካላት ያልተረጋገጠና በሚመለከተው አካል ያልቀረበ መረጃን ከማሰራጨት ይቆጠቡ ሲልም አሳስቧል።

ወቅታዊ የጤና መረጃዎችን እንዲሁም የማህበረሰቡ የጤና ስጋት የሚሆኑ ወረርሽኞችን በተመለከተ ትክክለኛ መረጃ ከጤና ሚኒስቴር እና የኢትዮጵያ ህብረተሰብ ጤና ኢንስቲትዩት ብቻ ማግኘት ይገባል ብሏል።

ሪፖርተር ጋዜጣ ትላንት ታትሞ በተሰራጨው እትሙ በኢትዮጵያ ከዝንጀሮ ፈንጣጣ ጋር በተያያዘ ሁለት ሰዎች ተለይተው መቀመጣቸውን አስነብቧል።

ጋዜጣው ስማቸውን እንዲጠቀስ ያልፈለጉ አንድ የጤና ሚኒስቴር ባለስልጣንን ዋቢ አድርጎ ባስነበበው ዘገባው የግለሰቦቹ ናሙና ወደ ውጭ ሀገር መላኩን አመልክቷል።

ነገር ግን ጤና ሚኒስቴር ዛሬ ባወጣው መረጃ በኢትዮጵያ የተያዘም ሆነ የተለየ (ኳራንቲን) የገባ ሰው የለም ሲል የሪርተር ጋዜጣን ዘገባ ስህተት መሆኑን ገልጿል።

@tikvahethiopia

" ተጨንቀናል ያሉበትን አሳውቁን " ቤተሰቦች

ከቀናት በፊት ሲቪል በለበሱ ሰዎች ከቤቱ የተወሰደው ጋዜጠኛ ያየሰው ሽመልስ እስካሁን ያለበትን ማወቅ እንዳልቻሉ ቤተሰቦቹ ገለፁ።

ቤተሰቦቹ ዛሬ በላኩልን መልዕክት ሰኔ 21 ቀን 2014 ዓ/ም 7 ሲቪል የለበሱ ሰዎች ከቤቱ ከወሰዱት በኃላ እስካሁን ድረስ ያለበትን ለማወቅ እንዳልቻሉ አስረድተዋል።

" ፌዴራል ፖሊስ እና አዲስ አበባ ፖሊስ ብንፈልገውም ልናገኘው አልቻልም ፤ ለኢትዮጵያ ሰብዓዊ መብቶች ኮሚሽን ብናመለክትም ከፌዴራል ፖሊስ እና አዲስ አበባ ፖሊስ ውጭ እንደሆኑ ነው የነገረን " ሲል አሳውቆናል ሲሉ ገልፀዋል።

ቤተሰቦች በያየሰው ሽመልስ ቦታ አለመታወቅ ከፍተኛ ጭንቀት ላይ መሆናቸውን ገልፀው የወሰዳቸው አካል ያለበትን ብቻ እንዲያሳውቃቸው ተማፅነዋል።

ጋዜጠኛ ያየሰው ከጥቂት ቀናት በፊት ነበር በ10 ሺ ብር ዋስ ፍርድ ቤት ከእስር እንዲለቀቅ ወስኖለት የተለቀቀው። ከዚህ በኃላ ነው በድጋሚ የተያዘው።

በተመሳሳይ ጋዜጠኛ ያየሰው ሽመልስ በተወሰደ ከአንድ ቀን በኃላ ጋዜጠኛ አበበ ባዩ ምሽት 4:30 ሲቪል በለበሱ ሰዎች የተወሰደ ሲሆን ቤተሰቦቹ እሱንም እካሁን ማግኘት እንዳልቻሉ አመልክተዋል።

ፌዴራል ፖሊስ እና አ/አ ፖሊስ መጠየቃቸውን ነገር ግን እንዳላገኙት ፤ ያለበትን ለማወቅም ለኢሰመኮ ቢያመለክቱም ያለበትን ለማግኘት እንዳልተቻለ ገልፀዋል።

የአበበ ባዩ ቤተሰቦችም ጭንቀት ላይ መሆናቸውን ገልፀው የወሰዳቸው አካል ያለበትን ቦታ እንዲያሳውቃቸው ተማፅነዋል።

ጋዜጠኛ አበበ ባዩ ከጥቂት ወራት በፊት ለእስር ተዳርጎ መፈታቱ የሚታወስ ነው።

@tikvahethiopia

#Update

ኢዜማ የፓርቲውን ከፍተኛ አመራሮች እየመረጠ ነው።

የኢትዮጵያ ዜጎች ለማህበራዊ ፍትህ (ኢዜማ) ትላንት ቅዳሜ ሰኔ 25/2014 ዓ/ም የጀመረውን አንደኛ መደበኛ ጠቅላላ ገባኤው በዛሬው ዕለት ቀጥሏል።

በአሁን ሰዓት የፓርቲውን ከፍተኛ አመራሮች የመምረጥ ሂደት እየተካሄደ እንደሚገኝ ታውቋል።

Photo Credit : EZEMA

@tikvahethiopia

ፎቶ ፦ የኢትዮጵያ ዜጎች ለማህበራዊ ፍትህ ፓርቲ (ኢዜማ) ከፍተኛ አመራሮችን ለመምረጥ ሚስጥራዊ የድምፅ አሰጣጥ በመካሄድ ላይ ይገኛል።

ፓርቲውን ለመምራት እየተወዳደሩ የሚገኙት እጩዎች ባለፉት ሳምንታት ቅስቀሳ ሲያደርጉ የነበረ ሲሆን ዛሬ የመጨረሻው ውጤት የሚለይበት ነው።

በተለይም ደግሞ ለፓርቲው መሪነት የሚወዳደሩት ፕሮፌሰር ብርሃኑ ነጋ እና አቶ አንዱአለም አራጌ ውጤትን በርካታ የፓርቲው ደጋፊዎች የሚጠብቁት ነው።

Photo Credit : EZEMA

@tikvahethiopia