" የትኛውም ቦታ የሚፈፀም የንፁሃን ግድያ ለሁለት እና ሶስት ቀን አጀንዳ ሆኖ ሊያልፍ አይገም " Tikvah Family

ባለፉት ዓመታት በአራቱም የሀገሪቱ አቅጣጫ በርካታ ከግጭ ነፃ የሆኑ፣ ስለ ፖለቲካ ሆነ በሀገሪቱ ስላለው ነገር በቅጡ መረጃው የሌላቸው ንፁሃን ገበሬዎች፣ ህፃናት፣ ሴቶች፣ አዛውንቶች፣ ታዳጊዎች ፣ ነገ የተሻለ ህይወት ለመኖር የሚያስቡ በርካታ ወጣቶች ሲገደሉ፣ ከቤታቸው ሲፈናቀሉ፣ ሲሳደዱ ተመልክተናል።

በዚህ ጊዜ ውስጥ ለየትኛው ጉዳይ #በሰብዓዊትነት መርህ አንድ ላይ ተቁሞ እንደተወገዘ ፤ ለተጠናቂነት እና ለመፍትሄ ሁሉም እንደጮኸ ለማስተወስ ይከብዳል።

ለአብነት አንድ ቦታ ላይ ችግር ሲፈጠር ከዚህ በፊት ከነበረው ጋር በማወዳደር ፤ ያኔ እናተ መቼ አወገዛችሁ ይባላል ፤ በዚህኛው በኩል ችግር ሲፈጠር እናተስ ባለፈው መቼ አወገዛችሁ ፤ መቼ ስለኛ ተናገራችሁ ይባላል ፤ ሌላም ቦታ እንዲሁም ያለፈውን በማወዳደር አጀንዳ ሲሆን ይከርምና የንፁሃን ደም ከንቱ ሆኖ ይቀራል።

በእጅ አዙር ጥፋተኛው እንዳይጣየቅ ሽፋን ይሰጣል (ለምን ? ምክንያቱም የአንዱ ወገን ስለሆነ፤ ከሰውነት ብሄር ስለገነነ) ፣ ስልጣን ላይ የተቀመጠውም ደጋፊ ስላለው ስለተጠናቂነት ቢናሳ ሊከላከልለት ብቅ የሚለውም ብዙ ነው። ይሄ መቼ ነው የማቆመው ?

" ተቀዳሚ ስራህ የዜጎችን ደህንነት ማስጠቅ ነው ፣ ሰላም ማረጋገጥ " ነው የተባለው መንግስት በየጊዜው ተመሳሳይ ነገር ይናገራል ግድያ እና ሞት ግን ይኸው ዛሬም ድረስ ቀጥሏል።

በተለይም በታጣቂዎች የሚፈፀም ጥቃት በሚገርም ሁኔታ አሁን ድረስ ቀጥሏል፤ በመጀመሪያ ለውጥ በተባለ ሰሞን መንግስት አልተረጋጋም ጊዜ ይፈልጋል ሲባል ከረመ ፤ አመታት አለፉ ሁኔታዎች አልተቀየሩም ዛሬም ሰው በወጣበት ይቀራል ፤ ቤቱ በተቀመጠበት ይገደላል።

በዚህ ሁሉ ሁኔታ ምን ያህል እንባ እንደታበሰ ፣ ምን ያህል ዜጋ ፍትህ እንዳጋኘ በቅጡም አይታወቅም።

ይበልጥ ችግሩን እያባባሰው ያለው መርጦ የማዘኑ ፤ የኔ ወገን ፣ ሃይማኖት ተናካ ሲባል ብቻ ወጥቶ መናገሩ ፣ ግፍን ማወዳደሩ፣ ያለፈውን ስላልተናገራችሁ አሁን ይበላችሁ የሚል አዙሪት ውስጥ መገባቱ ነው።

ስለንፁሃን ሲነገር እርግማን መብዛቱ፣ ስም መለጠፉ፣ ማሸማቀቁ እስካልቆመ ድረስ ፤ ሁሌም ግፎችም እያወዳደሩ ከሰውነት ተራ መውጣቱ እስካልቆመ ፣ ሁሉም ነግ በእኔ ነው ብሎ ስለፍትህ ካልጠየቀ ፤ እንዴት ችግር ይፈታል ?

ግድያ እና ግፍ የንፁሃን ሞት የሁለት እና የሶስት ቀን አጀንዳ ሆኖ መቅረት የለበትም። ዛሬ መፍትሄ ካላገኘ ነገ መቀጠሉ አይቀርም ፤ በእርግጥ በማህበራዊ ሚዲያ ላይ የሚታየው ሌላ ነው ዛሬ ይጮሃል ነገር ይረሳል።

ቤተሰቦቹን በግፍ ያጣ ፣ የሚወደን ከጎኑ የተነጠቅ ፣ የተገደለበት፤ የነገ ተስፋው የጨለመበት እንዲሁ የሚረሳው ይመስለናል ? እነዚህ ወገኖች ስለሀገራቸው ምን ይሰማቸዋል ? ብለን መጠየቅ አለብን።

ትላንት የሆነውን እኛ ብንረሳው ፤ ዘለለማዊ ጠባሳን በህይወታቸው ላይ ጥሎ የሚያልፍ ሰዎች በየጊዜው ቁጥራቸው እየበዛ ነው።

ከዚህ በፊት በታሪክ ፣ በፅሁፍ ነበር ግፍ እና በደልን ሲሰማ የነበረ አሁን ግን በቪድዮ/በፎቶ እየተቀረፀ ሰው በግፍ እየተረሸነ፣ የሰው ልጅ በቁሙ እየተቃጠለ በቪድዮ እየተቀረፀ፣ እጁ ላይ አንዳች ነገር ያልያዘ ሰው በጥይት ተደብድቦ እየተገደለ በቪድዮ የተቀረፀ ቀጣዩ ትውልድ ይህን እያየ እንዲያድግ ከተፈረደበት ነገ ከዛሬውም እጅግ በጣም የከፋ እንደሚሆን አያጠራጥርም።

ያለንበትን ሁኔታዎች በፍጥነት ማስተካከል ለዚህም መረባረብ እና ሌላ ለትውልድ #ጥላቻን እና #ቂምን ሊያወርስ የሚችል ተጨማሪ ችግር ከመደራረቡ በፊት ያሉትን መፍታት፣ የተበደሉትን እምባ ማበስ፣ ፍትህ ማስፈን ይጋባል።

#TikvahFamily

@tikvahethiopia

#Update #Android

ከአንድ ቀን በፊት ቴሌግራም ለIOS (አይፎን ስልክ) ተጠቃሚዎች ' ቴሌግራም ፕሪሚየም ' የተካተተበትን መተግበሪያ #Update ማድረጉ ይተወሳል።

ትላንት ለሊት የአንድሮይድ ተጠቃሚዎች አገልግሎቱ እንዲደርሳቸው ሆኗል።

ዋናውን በድርጅቱ በኩል የሚቀርበው የቴሌግራም መተግበሪያ (ባለ ሰማያዊ ምልክቱ) ይጠቀሙ። #Update ለማድረግ ሊንክ ይኸው https://play.google.com/store/search?q=telegram&c=apps

" ቴሌግራም ፕሪሚያም " አሁን በነፃ እየተሰጠ ካለው አገልግሎት በተጨማሪ አዳዲስ አገልግሎቶች የተካተቱበት ሲሆን በወር 5.99 ዶላር ያስከፍላል።

በአዲሱ #Update በነፃ በሚሰጠው አገልግሎት ላይ ከዚህ በፊት ከነበረው ማሻሻያ እና የነበሩትን ችግሮች የመቅረፍ ስራ መሰራቱ ድርጅቱ አሳውቋል።

@tikvahethiopia

ከሰኔ 11ዱ ጥቃት የተረፉ ወገኖች ችግር ላይ ናቸው !

በምዕራብ ወለጋ ዞን በጊምቢ ወረዳ ፣ ቶሌ ቀበሌ የሚገኙ ነዋሪዎች ከሰኔ 11ዱ ጥቃት የተረፉ ነዋሪዎች አስፈላጊውን የምግብ እርዳታ ስላላገኙ ችግር ላይ ይገኛሉ።

ነዋሪዎቹ ቤት ንብረታቸው ከመውደሙ ባሻገር ንግዳቸው እንዲሁም የቀንድ ከብቶቻቸው ስለተዘረፉ የምግብ ችግር እንደገጠማቸው እየተናገሩ ነው።

ቤት ንብረታቸው የወደመባቸው ሰዎች ዘመዶቻቸው ጋር ተጠልለው እንደሚውሉና የተወሰኑት ምሽት ላይ በመስጅዶች ውስጥ እንደሚጠለሉ ገልፀዋል።

በቶሌ ቀበሌ በሚገኙት ፦
- ጉቱ፣
- ጨቆርሳ፣
- ስልሳው፣
- በገኔ፣
- ጫካ ሰፈር እና ሀያው በተባሉ መንደሮች (ጎጦች) ሰኔ 11 ቀን 2014 ዓ. ም. በታጣቂዎች በተፈጸመ ጥቃት ከ300 የሚልቁ ንጹሀን ሰዎች መገደላቸውን የዐይን እማኞች ተናግረዋል፤ ቁጥሩ ከዚህም ከፍ ሊል እንደሚችል ይገለፃል።

“ እየራበን እየጠማን ተቀምጠናል ”

የሰባት ልጆች እናት የሆኑት ወ/ሮ ፎዚያ * ወንድማቸው ቤት ተጠልለው እንደሚገኙ ተናግረዋል።

የአራት ዓመቱ የመጨረሻ ልጃቸውን ጨምሮ በአንድ ቤት ውስጥ አምስት ቤተሰብ እየኖረ ነው።

በግብርና ይተዳደሩ የነበሩት ወ/ሮ ፎዚያ በጥቃቱ ቤታቸው ሙሉ በሙሉ ወድሟል። ስልሳው በሚባለው መንደር ይኖሩ የነበረ ሲሆን፣ ሁለት ጥማድ በሬ፣ ሦስት ላሞች እና አንድ ጎተራ እህል ወድሞባቸዋል።

ዛሬ ለልጆቻቸው ንፍሮ ቢያበሉም፣ ነገ እና ከዚያ ወዲያ ያሉት ቀናት እንደሚያሰጓቸው ገልጸዋል።

“ ቤተሰቦቻችን አልቀው ብቻችንን እያለቀስን፣ እየራበን እየጠማን ተቀምጠናል” ብለዋል ወ/ሮ ፎዚያ።

" ያንን ሁሉ ሬሳ አይተን ልቦናችን ወደ ሥራ አይመራንም "

የቶሌ ቀበሌ ነዋሪ አቶ አሕመድ " ወደ 10 ይሁን 20 ኩንታል የሚጠጋ ስንዴ መጥቷል። ስድስት ካርቶን ኮቾሮ ነበር ልጆች በልተውታል። ስኳርም የተወሰነ ከረጢት መጥቷል። ሰው እናክማለን ብለውም ቦታ እየያዙ ነው " ብለዋል።

በግብርና የሚተዳደሩት አቶ አሕመድ እንደሚሉት፣ የአካባቢው ነዋሪዎች ወደ እርሻቸው ለመመለስ ቸግሯቸዋል።

“. . . ያንን ሁሉ ሬሳ አይተን ልቦናችን ወደ ሥራ አይመራንም። ሰው ዝም ብሎ ሐዘኑን እየተካፈለ ነው። ቅዳሜ ከሞተው ሰው መካከል የተቀበረ፣ አሞራ የጎተተውም አለ” ሲሉ ያሉበትን ሁኔታ ገልጸዋል።

ጥቃቱ በተፈጸመበት ዕለት ማሳ ውስጥ ተደብቀው ሕይታቸውን እንዳተረፉ ተናግረዋል።

አሁን መከላከያ ሠራዊት እና የኦሮሚያ ክልል ልዩ ኃይል በመኖሩ መረጋጋት ቢመለሰም፣ ሙሉ በሙሉ ከስጋት እንዳልተላቀቁ ገልጸዋል።

" ይሄ ማስጠንቀቂያ ነው፣ ከሦስት ቀን በኋላ ወደ አገራችሁ ግቡ፣ እዚህ እንዳትቀመጡ፣ መጨረሻ ላይ ስንመጣ የሚተርፍ ሰው የለም ብለውናል። መንግሥት ከዚህ ያንሳን " ሲሉ ተማጽነዋል።

“ ሰባት ልጆቼን ምን ላብላቸው ? ”

በቶሌ ቀበሌ፣ ጨቆርሳ መንደር የሚኖሩት የሰባት ልጆች አባት የሆኑት አቶ አብዱ* አሁን በአካባቢው የመከላከያ ሠራዊት እና ልዩ ኃይል በመግባቱ ሰላም ቢመለስም፣ ልጆቻቸውን የሚያበሉት ምግብ እንደሌላቸው ተናግረዋል።

አርሶ አደሩ አቶ አብዱ በጥቃቱ የአጎቶቻቸውን ልጆች አጥተዋል። ቤት ንብረታቸውም ተዘርፏል።

ከመጋዘናቸው 110 ኩንታል በቆሎ እና 15 ኩንታል ሩዝ እንዲሁም አምስት በሬን ጨምሮ በግ እና ፍየል እንደተዘረፉ ተናግረዋል።

“የተፈጸመው አሰቃቂ፣ ዘግናኝ ጥቃት ነው። ትላንትም ሰው ቀብረናል። ሳይቀበር ጫካ የቀረም አለ። አንድ ጉድጓድ ውስጥ 63 ሰው የተቀበረበት ቦታ አለ። ከእነዚህ 40 የሚሆኑት ሕጻናት ናቸው” ይላሉ።

ጨምረውም “. . . አሁን እኮ አንድ ኪሎ ምግብም የለንም። ልብስም ጫማም የለንም። መንግሥትም አልረዳንም። ከዝርፊያ የተረፈውን እህል ቀቅለን ንፍሮ ነው የምንበላው። ተጨፈጨፍን አሁን ደግሞ የረሃብ ጦር እየወጋን ነው ” ብለዋል።

አቶ አብዱ፣ ልጆቻቸውን መመገብ እንዳልቻሉና በአካባቢው የተሰማሩት የመከላከያ ሠራዊት አባላት ለሕጻናት ብስኩት እየሰጧቸው እንደሚገኙ ተናግረዋል።

“መከላከያዎች የተወሰነ ኮቾሮ እየሰጧቸው ነው እንጂ ሰባት ልጅ እንዴት ይደረጋል? ገና ዓመት ያልሞላት ልጅ አለችኝ. . . ረሃቡ አሳሳቢ ነው።”

ጥቃቱ የተፈጸመ ዕለት እሳቸው ከቀበሌው ወጥተው እንደነበርና ባለቤታቸው እና ልጆቻቸው ማሳ ተደብቀው እንደተረፉ ተናግረዋል።

አቶ አብዱ ከቤተሰቦቻቸው ጋር ሰው ቤት ተጠልለው እንዳሉና እናቷ የተገደለችባት የ15 ቀን ልጅን ጨምሮ በአንድ ቤት ውስጥ በርካቶች እንደሚገኙ ገልጸዋል።

“አሁን እኮ አባ ወራ ብቻውን፣ እማወራ ብቻዋን ቀርተዋል። ምን ተረፍን ይባላል? ከዚያም ብሶ ረሃብ ሊጨርሰን ነው” በማለት እርዳታ እንዲደረግላቸው ተማጽነዋል።

“ ለምን እናርሳለን ? ”

ስልሳው የተባለ መንደር ውስጥ ተወልዶ ያደገው ከማል* በጥቃቱ ወንድሙን አጥቷል።

የሸቀጥ ሱቁ እንደተዘረፈ እና ዘመድ ቤት ተጠልሎ እንደሚገኝ ተናግሯል።

“ዘመድ ቤት፣ ጓደኛ ቤት፣ በየበረንዳው፣ በየመስጆዱ ነው ተጠልለን ያለው” ብሏል።

ከማል ያሳርሰው የነበረው መሬት እንደነበረው፣ ከጥቃቱ ወዲህ ግን ወደ እርሻ የተመለሰ ሰው በመንደራቸው እንደሌለ ገልጿል።

“ለምን እናርሳለን? ወቅቱ እኮ ታርሶ፣ ነጭ ማዳበሪያ የሚደረግበት ነበር። ግን ስንት ንብረት ቀለጠ! 4 ሄክታር በቆሎ እና አንድ ሄክታር ሩዝ አዘርቼ ነበር። ያው ቀልጦ ቀረ።

እና ለምን ብዬ ነው ሁለተኛ ወጪ አውጥቼ ማዳበሪያ የማስረጨው ? ለምን አስኮተኩታለሁ። ላስኮትኩት ብልስ መቼ ገንዘብ አለን? ገንዘባችን፣ ንብረታችን ተወስዷል። ሰው እንዲሁ እየተንቀዋለለ ነው።”

ከማል እንደሚለው ከሆነ ፣ ከየትኛውም የመንግሥት አካል የምግብ እርዳታ እስካሁን አልደረሳቸውም። የመከላከያ ሠራዊት አባላት ለሕጻናት ብስኩት ሲሰጡ መመልከቱን ጠቅሷል።

“የተራረፈ በቆሎ እየቀቀልን ተካፍለን ነው የምበላው። ጨው እንኳን የለንም። መከላከያዎች ከቀለባቸው አዋጥተው ለሕጻናት እና ለእናቶች ጠዋት አንድ፣ ማታ አንድ ብስኩት ሲሰጡ አይቻለሁ። ግን ይሄ እስከ መቼ ያዘልቃል?” ይላል።

የሰኔ ወር ሰብል የሚኮተኮትበት እንደነበረ፣ በጥቃቱ ሳቢያ ሥራ በመስተጓጎሉ ግን አዝመራው በአረም እየተበላ መሆኑን ተናግሯል።

“. . .ሰብል መኮትኮቱ ቀርቶ እኛ ሰው አጥተናል። ስለ በቆሎ አዝመራ ማን ያስባለል? ነፍስ ይቀድማል። የሞተው ሰው ወደ 500 ደርሷል እየተባለ ነው።”

ማኅበረሰቡ አሁን ያለውን ምግብ ተካፍሎ ቢበላም፣ ከጥቂት ቀናት በላይ እንደማያልፍ ይናገራል። እርዳታ በአፋጣኝ እንዲሰጣላቸውም ይጠይቃል።

“መከላከያ ስላለ አሁን ሰላም ነን። መከላከያ ከወጣ ግን ራሱን መከላከል የሚችል ሰው የለም። አሁንም ፈርተን ግማሻችን ስንተኛ፣ ግማሻችን እንጠብቃለን። አንድ ሸንኮራ ‘በሥነ ሥርዓት ተጠቀሙ’ ተብሎ ለሁለት ተካፍለን እንበላለን። በቋፍ ነው ያለነው” ሲል አክሏል።

* ቃላቸውን የሰጡ ግለሰቦች ለደኅንነታቸው ሲባል ስማቸው ተቀይሯል።

Credit : ቢቢሲ አማርኛው አገልግሎት

@tikvahethiopia

#DoubleA

የ “Double A QR Ethiopia” የሞባይል መተግበርያን በስልክዎ  በመጫን በትክክለኛው የ Double A  ወረቀት ካርቶን ላይ የሚገኘውን የ  QR ኮድ የሞባይል መተግበሪያውን ተጠቅመው ስካን በማድረግ ልዩ ልዩ ስጦታዎችን ይሸለሙ::

መተግበርያውን ለማውረድ:
Link: https://bit.ly/3KGYCxC  Or
https://da-cloud.advanceagro.net/index.php/s/WYovIsmE4u2Kz6y

ለተጨማሪ መረጃ: https://DoubleArewards.com/Ethiopia

#ፍርድ

በጉራ ፈርዳ የእርስ በርስ ግጭት በማስነሳት በሰው ሕይወትና በንብረት ላይ ከፍተኛ ጉዳት አንዲደርስ ያደረጉ 45 ተከሳሾች እንደ ወንጀል ተሳትፏቸው እስከ 23 ዓመት በሚደርስ ፅኑ እስራት አንዲቀጡ መወሰኑን የፍትህ ሚኒስቴር አሳውቋል።

በደቡብ ክልል በቤንች ሸኮ ዞን በጉራ ፈርዳ የእርስ በርስ ግጭት በማስነሳት በሰው ሕይወትና በንብረት ላይ ከፍተኛ ጉዳት አንዲደርስ ያደረጉ 45 ተከሳሾች እንደ ወንጀል ተሳትፏቸው እስከ 23 ዓመት በሚደርስ ፅኑ እስራት አንዲቀጡ ተወሰኖባቸዋል ።

የቅጣት ውሳኔውን ያሳለፈው የፌደራሉ ከፍተኛ ፍርድ ቤት ልደታ ምድብ የሚዛን -ቦንጋ-ጋምቤላ ተዘዋዋሪ ወንጀል ችሎት ነው ።

ተከሳሾች ከ2011 ዓ.ም መጨረሻ ጀምሮ እስከ ጥቅምት 11/2013 ዓ.ም ባሉ ጊዚያት የተለያዩ አጋጣሚዎችን በመጠቀም በወረዳው የሚኖሩ የአማራ ብሔር ተወላጆች ምንም መሬት የላቸውም፤ መሬታችንን ለቀው መሄድ አለባቸው በማለት በደቡብ ክልል በቤንች ሸኮ ዞን በጉራ ፈርዳ ወረዳ የሚኖሩ የሸኮና የመዠንገር ብሔረሰቦች በአማራ ብሔር ላይ የጦር መሳሪያ አንስተው የእርስ በርስ ጦርነት እንዲነሳ ለማድረግ በማሰብ ጥቅምት 6 ቀን 2013 ዓ.ም በጉራ ፈረዳ ወረዳ ጌኒቃ ቀበሌ ሌንጣ መንደር አንድ የሸኮ ብሔረሰብ ተወላጅ ተገድሎ በመገኘቱ ይህን እንደ ምቹ አጋጣሚ በመጠቀም ገዳዩ ማን እንደሆነ ባልታወቀበት ሁኔታ ልጃችንን የገደሉት አማራዎች ናቸው፤ የእኛ ሰው ሞቶ አማራ እዚህ ሀገር ቆሞ አይሄድም በማለት ሌሎች የጦር መሳሪያ እንዲያነሱ በማድረግ ፦

- የ30 (ሰላሳ) ሰዎች ሕይወት በአሰቃቂ ሁኔታ አንዲጠፋ፤

- 14 (አስራ አራት) ሰዎች የአካል ጉዳት እንዲደርስባቸው ፤

- 3,930,850. (ሶስት ሚሊዮን ዘጠኝ መቶ ሰላሳ ሺህ ስምንት መቶ ሀምሳ ብር የሚገመት ንብረት እንዲወድም

- 5,273 (አምሰት ሺ ሁለት መቶ ሰባ ሶስት ) የሚሆኑ የአከባቢው ነዋሪዎች ከመኖሪያ ቀያቸው እንዲፈናቀሉ ያደረጉ በመሆኑ ተከሳሾች በህብረትና በዋና ወንጀል አድራጊነት በፈፀሙት የእርስ በርስ ጦርነት ማስነሳት ወንጀል በጠቅላይ አቃቤ ህግ ዘርፍ የተደራጁና ደንበር ተሻጋሪ ወንጀሎች ዳይሬክቶሬት ጄነራል ዐቃቤ ህግ ክስ ተመስርቶ ነበር።

ዐቃቤ ህግ ወንጀሉ በተፈፀመበት ቦታ በመገኘት ከፖሊስ ጋር በመሆን ከወንጀል ምርመራው አንስቶ ክስ መስርቶ ሲከራከር እንዲሁም የፌደራሉ ከፍተኛ ፍርድ ቤት ልደታ ምድብ የሚዛን -ቦንጋ-ጋምቤላ ተዘዋዋሪ ወንጀል ችሎት ጉዳዩን ሲመለከተው ከቆየ በኋላ በ45 ተከሳሾች ላይ እንደ ወንጀል ተሳትፏቸው የጥፋተኝነት ውሳኔ ተላልፎባቸዋል።

በዚህም መሰረት የፌዳ,ደራሉ ከፍተኛ ፍርድ ቤት ልደታ ምድብ የሚዛን -ቦንጋ-ጋምቤላ ተዘዋዋሪ ወንጀል ችሎት በ45 ተከሳሾች ላይ የሚከተለውን የቅጣት ወሳኔ አስተላልፏል።

➡️ ኮ/ብል ኢሳቅ ጃፍሮ የተባለ #ፖሊስን ጨምሮ ስምንት ተከሳሾች እያንዳንዳቸው በ23 ዓመት ፅኑ እስራት፤

➡️ ሶስት ተከሳሾች በ18 ዓመት፣

➡️ አራት ተከሳሾች በ16 ዓመት ፣

➡️ አራት ተከሳሾች በ15 ዓመት ፣

➡️ ሰባት ተከሳሾች እያንዳንዳቸው በ10 ዓመት

➡️ አስራ ዘጠኝ ተከሳሾች እያንዳንዳቸው ከ8 ዓመት ከ5 ወር እስከ 3 ዓመት በሚደርስ ፅኑ እስራት እንዲቀጡ ተወስኗል።

#ፍትህ_ሚኒስቴር

@tikvahethiopia

የነዳጅ ድጎማው መነሳት !

የገንዘብ ሚኒስትር ዴኤታ ዶ/ር እዮብ ተካልኝ (ከቀናት በፊት በብሄራዊ ቴሌቪዥን ጣቢያ/ኢቲቪ ላይ ቀርበው የተናገሩት) ፦

" ነዳጅ ላይ መንግስት እያደረገው ያለው ድጎማ ብንፈልገውም ይዘነው መቀጠል የምንችለው አይደለም። ስለ 100 ቢሊዮን፣ 130 ቢሊዮን ነው እያወራን ያለነው።

ይሄ የስንት ድሃ ጎሮሮ ይዘጋ፣ ስንት ት/ቤት ይከፍታል፣ ስንት መንገድ ይሰራል የሚለውን ማሰብ ነው ያለብን። በጣም የተሳሳተ አቅጣጫ ነው።

የአሜሪካ ኤምባሲን ነዳጅ ምንደጉመው ለምንድነው ? የመንግስትም ተቋማት በጀታቸውን ይዘው በስነስርዓት ባለው ቆጥበው መጠቀም እየቻሉ እንደገና በተዘዋዋሪ የምንደጉማቸው ለምንድነው ? ከዚህኛው ኪዝ አውጥቶ ወደ ሌላኛው ኪስ ይሄ ደግሞ ምን ይፈጥራል የተዝረከረከር አሰራር ሁል ጊዜ ለስርቆት መንገድ ይከፍታል።

ወደ ጎረቤት ሀገሮች ነዳጅ በጄሪካን፣ በቦቴ እየተጫነ የሚሄደው ለምንድነው ? ይሄ ከአንዲት ድሃ እናት በመጣ ገንዘብ የሚገዛ ነው። ይሄ ፖሊስ (የድጎማው መነሳት) የሚጠቅመው በዋነኝነት ድሃውን የኢትዮጵያን ህዝብ ነው ብሎ ማሰብ በጣም ጠቃሚ ነው።

እንደጉማቸው የነበሩ ሰዎች መግዛት የሚችሉ ናቸው። ግን ይሄ ፖሊሲ Targeted ነው። አሁንም ሁሉንም በጥቅሉ መደጎም ትተን የሚገባውን እንደጉም ነው ዋናው የፖሊሲው ሀሳብ የማይገባው አቅም ያለው ገዝቶ ይጠቀም አነስተኛ ገቢ ያለውን ግን እንደጉም ነው። በዚህ አንፃር በጣም የታሰበበት ትክክለኛ ፖሊሲ ነው።

... የኑሮው ውድነት ላይ ያለው expectation direct impact የሚያደርጋቸው ነገሮች አሉ። እንዱሁ ግን የእኛ የንግድ ስርዓት ችግር ስለበት አንድ ይሄ ነገር ጨመረ ሲባል ሌላውን 10 ብር ስለሚጨምር ችግር ነው እሱን መቆጣጠር አለብን እንጂ ልክ ድጎማው ስለተነሳ አጠቃላይ የዋጋ ጭማሪ ይመጣል ማለት አይደለም መሆንም የለበትም እሱን መቆጣጠር አለብን።

ፖሊሲው ግን ለነገ የምናቆየው አይደለም በጣም important የፖሊሲ እርምጃ ነው። ታስቦበት የተሰራ ነው።

እርግጠኛ ነኝ ህዝቡም ውጤቱን እያየው ሲመጣ እውነትም ይሄ የዘገየ ፖሊሲ ነው ይላል። እንዴያውም ለምን እስካሁን አቆያችሁ ነው ጥያቄው መሆን ያለበት እሱን ሳይጠይቁን ያለፈው አልፏል ቶሎ ወደ ስራ ማስገባት ያለብን ነው የሚመስለኝ። "

@tikvahethiopia

#ZH

ያገለገሉ እና አዲስ ካሜራ እና የካሜራ እቃዎችን እንገዛለን እንሸጣለን ከታች ባለው ቴሌግራም ሊንክ ያገኙ https://t.iss.one/joinchat/AAAAAEUTeB3LSYVFukiuQw

ይደውሉልን 0911284905

አድራሻ= ቦሌ ወሎ ሰፈር HMM ህንፃ 2ኛ ፍቅ 205