#ቴስት_ኦፍ_አዲስ

ቴስት ኦፍ አዲስ የምግብ ፌስቲቫል ተመልስዋል::የፊታችን ቅዳሜ እና እሁድ ግንቦት 14 እና 15 በ ግዮን ሆቴል በሚዘጋጀው በዚህ አስደሳችና አዝናኝ ፕሮግራም ላይ በከተማችን የሚገኙ የተለያዩ ሬስቶራንቶች እና ኬክ ቤቶች ተወዳጅ የሆኑ ጣፋጭ ምግቦቻቸውን የሚያቀርቡ ሲሆን፤  የጊዜያችን ምርጥ የባንድ እና የዲጄ ሙዚቃዎችን እያጣጣሙ ከቤተሰብዎ ጋር ይዝናኑ:: የመግቢያ ዋጋ 200 ብር:: 

አዘጋጅ ብሉ ሚድያ
@TasteofAddisFams

ነገ የሚዘጉ መንገዶች !

ነገ ሚያዚያ 24 ቀን 2014 ዓ.ም ዓ.ም በአዲስ አበባ የዒድ ሶላት ተጀምሮ እሰከሚጠናቀቀ ለተሽከርካሪ ዝግ የሚሆኑ መንገዶች ይፋ ተደርጓል።

በዚህም መሰረት፡-

🛣 ከቦሌ አየር መንገድ በሚሊኒየም አዳራሽ ወደ ስታዲዩም የሚወስደው መንገድ ደንበል ሲቲ ሴንተር ኦሎምፒያ አደባባይ አከባቢ፤

🛣 ከመገናኛ ፣ በሃያ ሁለት ወደ መስቀል አደባባይ እንዲሁም ከቦሌ መድሃኒያለም፣ በአትላስ ሆቴል ወደ መስቀል አደባባይ የሚወስደው መንገድ ኡራኤል ቤተ-ክርስቲያን አካባቢ፤

🛣 ከአራት ኪሎ ወደ መስቀል አደባባይ የሚወስደው መንገድ ባሻ ወልዴ ችሎት ወይም ፓርላማ መብራት፤

🛣 ከፒያሣ አካባቢ ወደ መስቀል አደባባይ የሚወስደው መንገድ ቸርችር ጎዳና ቴዎድሮስ አደባባይ፤

🛣 ከተክለ ሀይማኖት በሜትሮሎጂ ወደ ስታዲየም የሚወስደው መንገድ ሜትሮሎጂ መስሪያ ቤት አካባቢ፤

🛣 ከተክለ ሀይማኖት ፣ በጥቁር አንበሳ ሆስፒታል የሚወስደው መንገድ ጥቁር አንበሳ የኋላ በር አካባቢ፤

🛣 ከሲኒማ ራስ በጎላ ሚካኤል ወደ መስቀል አደባባይ የሚወስደው መንገድ ጎላ ሚካኤል መስቀኛ፤

🛣 ከጌጃ ሰፈር ፣ ጤና ጥበቃ፣ ብሄራዊ ቲያትር የሚወስደው መንገድ ጎማ ቁጠባ፤

🛣 ከባሻ ወልዴ ችሎት በኦርማ ጋራዥ ወደ ፍል ውኋ መስኪድ የሚወስደው መንገድ ንግድ ማተሚያ ቤት፤

🛣 ከጎፋ በቅዱስ ቂርቆስ ቤ/ክ ወደ ለገሐር አዲሱ መንገድ የሚወስደው መንገድ ቅዱስ ቂርቆስ ቤ/ክ መስቀለኛው ላይ፤

🛣 ከጦር ኃይሎች፣ ልደታ፣ ፖሊስ ሆስፒታል ሜክሲኮ አደባባይ፤

🛣 ከሳሪስ በጎተራ ወደ መስቀል አደባባይ የቀድሞ አራተኛ ክፍለ ጦር አካባቢ መንገዱ የሚዘጋ ሲሆን

ይለፍ ለሌላቸው ተሽከርካሪዎች ከለሊቱ 10:00 ሰዓት ጀምሮ ዝግጅቱ እስከሚጠናቀቅ ድረስ ዝግ ሲሆን ከዚህ በተጨማሪ ከሳሪስ እና ከጎተራ ወደ አዲስ አበባ ስታዲዩም ለሚመጡ ከባድ ተሸከርካሪዎች መንገዱ አጎና ሲኒማ ጋር የሚዘጋ ይሆናል፡፡

ህብረተሰቡ ይህንን ተገንዝቦ የትራፊክ ፖሊስ አባላት በሚጠቁሙት አማራጭ መንገዶች እንዲጠቀም እና ለትራፊክ ፖሊስ አባላት ትዕዛዝ አስፈላጊውን ትብብር እንዲያደርግ የአዲስ አበባ ፖሊስ ጥሪ አቅርቧል፡፡

@tikvahethiopia

#እንድታውቁት

ነገ የሚከበረውን 1 ሺህ 443ኛው ዓመተ ሂጅራ የዒድ አል-ፈጥር በዓልን በማስመልከት ነገ ከንጋቱ 12:00 ሰዓት ላይ 9 ጊዜ መድፍ የሚተኮስ መሆኑን መከላከያ ሚኒስቴር አስታውቋል።

@tikvahethiopia

#ዛየን_ፊዚዮቴራፒ

ዛየን የፊዚዮቴራፒ ህክምና ልዩ ክሊኒክ
በማንኛውም የእድሜ ክልል ያሉ ሰዎች ለሚያጋጥማቸው የጡንቻ ፣ የነርቭ ፣ የጅማት ፣ የአጥንት ፣ የመገጣጠሚያ ህመሞች ፣ ለፊት መጣመም ፣ ለራሰ ምታት ፣ ለስትሮክ ፣ ለዲስክ መንሸራትና ተመሳሳይ ችግሮች ብቁ ባለሙያዎችንና ዘመናዊ የህክምና ቴክኖሎጂን በመጠቀም የፊዚዮቴራፒ ህክምና አገልግሎት እንሰጣለን።

4ኪሎ ብርሃንና ሰላም ማተሚያ ፊት ለፊት ቅዱስ ፕላዛ ህንፃ ፡- 0969696924/ 0111265926
ፌስቡክ : WWW.FACEBOOK.COM/ZIONPHYSIOTHERAPY/
ቴሌግራም @zionclinic2012

#Tigray

• በሚያዚያ ወር 170 ተሽከርካሪዎች ትግራይ በሰላም ደርሰዋል።

• እስካሁን 158 ተሽከርካሪዎች ተመልሰዋል።

የዓለም ምግብ ፕሮግራም ፤ ከትላንት በስቲያ ተጨማሪ 27 ተሽከርካሪዎች የሰብዓዊ እርዳታ ጭነው ትግራይ፣ መቐለ ማድረሳቸውን ገልጿል።

ድርጅቱ ፥ በሚያዚያ ወር ውስጥ 170 ተሽከርካሪዎች መግባታቸውን የገለፀ ሲሆን ይህም በምግብ ተደራሽ ለማድረግ ካቀደው ህዝብ ውስጥ 8 በመቶ የሚሸፍን መሆኑን አመልክቷል።

ዛሬም የሰብዓዊ ድጋፍ የያዘ ኮንቮይ ወደ ትግራይ ጉዞ እንደሚጀምር አሳውቋል።

ሚያዚያ ወር ላይ ትግራይ ከገቡ 170 ተሽከርካሪዎች መካከል ይህ መረጃ ክፋ እስከሆነበት ሰዓት ድረስ 158 ተሽከርካሪዎች መመለሳቸውን የዓለም ምግብ ፕሮግራም ገልጿል።

@tikvahethiopia

ኡስታዝ አቡበከር አህመድ ፦

" . . . ልክ ወደ መጨረሻው ፕሮግራም ላይ ልንገባ ስንል ነው ድንገት ድምፅ ሰማን፤ እየተረበሸ እንደሆነ ተነገረን።

ምንድነው ? ብዬ የሚመለከተው የመንግስት የስራ ኃላፊ ከፀጥታ መዋቅር ውስጥ አንዱ አመራር ጋር ደውዬ ስጠይቅ ያለው ነገር ' ሀያት ሬጀንሲ አካባቢ ጭስ ነው ' ይረጋጉ አሉኝ።

ሰው ይረጋጋ ብዬ ለመድረክ አስተባባሪው ነገርኳቸው ፤ ሰውን አረጋጋነው ፤ መልሶ ግን ቀጠለ ረብሻው ፣ ድምፁም የሚረብሽ ስለነበር ትንሽ ጥሩ አልነበረምና ምንድነው በሚል ጉዳዮችን ለመከታተል ሞከርን።

መልሼ ስጠይቅ ፤ ' አይ አስለቃሽ ጋዝ ከአንድ ፖሊስ በአጋጣሚ አምልጦት ፤ ድንገት ባርቆበት ' ተባለ ፤ ይህንን የሰማሁት ከፀጥታ መዋቅሩ ነው።

...በጣም ደስ የሚል እና ያማረ ፣ በጣም በጥሩ ሁኔታ ያሳለፍንበት ኢድ ነበር ነገር ግን ይሄ ክስተት መጥቶ ትንሽ ነገሮችን ረባበሻቸው።

በትክክል ለማጣራት ሞክሪያለሁ አንድ የፀጥታ ኃላፊ ከሚመለከታቸው ኮሚሽነር ጋር ተነጋግሬ የነገሩኝ ' ፌዴራል ፖሊሱ ባርቆበት ነው ' አሉ።

ከዛም ደግሞ በትክክል አካባቢው ላይ የመደብናቸው የእኛ አስተናጋጆች በአጋጣሚ ሴቶች ያሉበትና የሚሰግዱበት ቦታ ነበር።

የ 'ሰማዕታት ሀውልት' አካባቢ ላይ ነው፤ ሚኒስትሮች ሳይቀሩ የመንግስት ሙስሊም ሴት ሚኒስትሮች ቦታው ላይ የነበሩ አግኝቻቸው ያዩትን ክፍተት ነግረውኛል።

ከአንድ የ 'ፌዴራል ፖሊስ' ነው ተወርውሯል የሚሉት ምክንያቱም ፤ የሚባርቅ ነገር ዝም ብሎ የሚወድቅ አይደለም ፤ ተፈቶ መለቀቅ አለበት አስለቃሽ ጭሱ ፤ ተፈቶ ነው የተለቀቀው ወደ ሰው ነው የተጣለው።

ሴቶችና ህፃናቶች ወዳሉበት ቦታ ነው የተወረወረው።

ሰው በዛ ሰዓት ወደ መራባበሽ ስሜት ውስጥ ገባ ፤ ሴቶችም በድንጋጤ መሮጥ፤ መነሳት ያፍናል አይነት ሁኔታ ተፈጠረ።

በዚህ ሂደት ላይ እያሉ ሰውን አትውጣ ወደዛ አትሂድ የሚለው ግፊት መጣ ፤ በዚህ መካከል ሰውየውንም ይዘውት ነበር ፤ የእኛ አስተባባሪዎች ከያዙት በኃላ ሌሎች ፌዴራል ፖሊሶች ልቀቁት ብለው ያስለቀቁት፤ እሱም ይቅርታ ጠይቋል ' እኔ ባርቆብኝ ነው፤ ሳላስብ ነው ' ብሎ ደንግጦ የተናገረበት ሂደት ነበር የነበረው።

ያ ሁኔታ ተከሰተ ሰው ስሜት ውስጥ ገባ ፤ እንደገና መገፋት ፣ ወደዛ አትሄድም ወደዚህ አትመጣም ፣ ሶላት አልሰገደም በዚህ አይነት ነገር ውስጥ ሲገባ ተኩስ ተጀመረ ወደ አየር ፤ አስለቃሽ ጭሶች መሰል ነገራቶች እየተደረጉ ሲሄዱ አቅጣጫ ስተው ረብሻዎች ደስ የማይል ነገር ተከስቷል።

እስካሁን ባለኝ መረጃ የሞተ ሰው የለም። የተጎዱ ሰዎች አሉ።

የተለያዩ ሆስፒታሎች ውስጥ የገቡ አይናቸው አካባቢ ተመተው...በተለያየ ነገር የተመቱ ሰዎች ሆስፒታል የገቡ አሉ። ይሄ ነው ክስተቱ።

መጣራት አለበት ለምን ?፤ ማን ?፤ እንዴት ? የሚሉት ነገሮች መታየት አለባቸው። ይሄ በጣም ትልቅ የሆነ ታሪካዊ የሆነ፣ እንደ አትዮጵያ ያለ ሙስሊም የውጭ እንግዳ ጠርተን ፣ በልዩ ሁኔታ ያከበርነው ኢድ ስለነበር እነዚህ ነገሮች ከባድ ናቸው። "

@tikvahethiopia