" ምዕራቡ ዓለም ወደ ድሀ አገራት የሚልከውን እርዳታ ወደ አውሮፓ ማዞሩን ያቁም " -የኖርዌይ የስደተኞች ምክር ቤት

የዩክሬን ስደተኞችን ለመርዳት የሚጣደፈው ምዕራቡ ዓለም ወደ ድሀ አገራት የሚልከውን እርዳታ ወደ አውሮፓ ማዞሩን እንዲያቆም የኖርዌይ የስደተኞች ምክር ቤት ጠየቀ።

የኖርዌይ የስደተኞች ም/ቤት ዋና ፀሐፊ ያን ኢግላንድ " ዩክሬንን እርዱ ነገር ግን በሌላው የዓለም ክፍል ያለውን ቀውስም አትዘንጉ " ሲሉ ጠይቀዋል።

ሃላፊው ምዕራባውያን በጎ ፈቃደኞችና ፣ መንግሥታዊ ያልሆኑ ድርጅቶች የዩክሬን ስደተኞችን ለመርዳት የሚያደርጉት ጥረት የሚደነቅ መሆኑን ገልጸው ለዩክሬን የተጠየቀው 1.7 ቢሊዮን ዶላር በቀናት ውስጥ ሲደርስ ለየመንም እንዲሰጥ የጠየቅነው ገንዘብ እንዲህ በፍጥነት ቢደረሰ ምንኛ ደስ ባለን ነበር ብለዋል።

ኢግላንድ እንዳሉት ፤ ለየመን እርዳታ ከተጠየቀው 4.2 ቢሊዮን ዶላር ውስጥ የተገኘው ለዩክሬን ከተፈቀደው ያነሰ 1.3 ቢሊዮን ዶላር ነበር ብለዋል።

የዩክሬን ጦርነት ሳህል አካባቢ ለሚኖሩ ሀገራት መጥፎ ዜና መሆኑን የገለጹት ኢገላንድ ዛሬ በነዚህ አካባቢዎች የምግብ እና የነዳጅ ዋጋ እንዲንር ማድረጉንም ተናግረዋል።

አንዳንድ እርዳታ ሰጭ ድርጅቶች ለድሀ ሀገራት ይለግሱ የነበረውን እርዳታ ወደአውሮፓ ማዞራቸው ችግሩ ይበልጥ እንዲባባስ አድርጓል ብለዋል።

ኢግላንድ በአውሮጳ በተለይም በዩክሬን የሚፈለገውን እርዳታ ከመስጠት ጎን ለጎን የሌሎች ሀገራትን የእርዳታ ጥያቄዎችንም በእኩል ሁኔታ ማስተናገድ ይገባል ሲሉ ማሳሰባቸውን AFPን ዋቢ አድርጎ ዶቼ ቨለ ዘግቧል።

@tikvahethiopia

#Update

በአሜሪካ የህግ መወሰኛ ምክር ቤት የውጭ ግንኙነት ኮሚቴ ሊቀመንበር ሮበርት ሜንዴዝ የቀረበው S.3199 ረቂቅ ህግ ዛሬ ማለፉ ተሰምቷል።

ኮሚቴው ፤ "በኢትዮጵያ ሰላምና ዴሞክራሲ ለማበረታታ " በሚል ርዕስ የቀረበው S.3199 ላይ ተወያይቶ ማማሻያ ካደረገ በኃላ ነው ማሳለፉ የታወቀው።

የአሜሪካ የህግ መወሰኛ ምክር ቤት የውጭ ጉዳይ ግንኙነት ኮሚቴ ተመልክቶ ያሳለፈው S.3199 ረቂቅ ህግ በጠቅላላ የምክር ቤቱ አባላት እንዲፀድቅ የሚመራ ሲሆን ህግ ሆኖ ለመውጣት የህግ አውጪው ምክር ቤት ድምፅ እና የፕሬዜዳንቱን ፊርማ ማግኘት አለበት።

S.3199 ረቂቅ ህግ ለመጀመሪያ ጊዜ የቀረበው ባለፈው ዓመት ህዳር ወር ላይ ሲሆን ከዚህ ረቂቅ ጎን ለጎንም HR.6600 የተሰኘ " በኢትዮጵያ መረጋጋት፣ ሰላምና ዴሞክራሲ ለማስፈን " በሚል ርዕስ የቀረበ የውሳኔ ሃሳብ በህግ አውጪው ምክር ቤት የውጭ ጉዳይ ቋሚ ኮሚቴ እንዲያየው መላኩን ቪኦኤ ዘግቧል።

የኢትዮጵያ ምክትል ጠ/ሚ አቶ ደመቀ መኮንን ሊፀድቁ በመንገድ ላይ ናቸው የተባሉት S.3199 እና HR.6600 ፤ ኢትዮጵያን ከሌሎች አገራት ጋር የሚኖራትን የጸጥታ፣ የኢኮኖሚና የፖለቲካ ግንኙነት በሌሎች ኃይሎች በጎ ፈቃድ እንዲንጠለጠል እና ራሷን የማትከላከል ሽባ አገር የሚያደርጋት በመሆኑ በአሜሪካ የሚኖሩ ኢትዮጵያውያን ረቂቅ ህጎቹ እንዳይፀድቁ ከፍተኛ ዘመቻ እንዲያደርጉ ጥሪ አቅርበው እንደነበር ይታወሳል።

@tikvahethiopia

ሴኔጋል ለ2022 ዓለም ዋንጫ አለፈች።

የአፍሪካ ዋንጫ ባለድሏ ሴኔጋል በፍፃሜው ያገኘቻትን ግብፅን በድጋሚ በመለያ ምት በማሸነፍ ለኳታሩ 2022 ዓለም ዋንጫ ማለፏን አረጋግጣለች።

በመጀመሪያው ዙር ጨዋታ ሴኔጋል ካይሮ ላይ 1 ለ 0 በሆነ ውጤት ተሸንፋ ነበር።

ዛሬ በሀገሯ ላይ በተካሄደው የመልስ ጨዋታ አንድ ጎል አስቆጥራ በመደበኛው እና ተጨማሪው ሰላሳ ደቂቃ በድምር ውጤት 1-1 ከተጠናቀቀ በኋላ ጨዋታው በመለያያ የፍፁም ቅጣት ምት በሴኔጋል 3-1 ውጤት ተጠናቋል።

ሴኔጋላዊው ኮከብ ማኔ በዓለም ዋንጫው ላይ የሚታይ ሲሆን ግብፃዊው ኮከብ ሳላህ በዓለም ዋንጫው ድንቅ ብቃቱን የሚያሳይበት ዕድሉ መክኗል።

@tikvahethsport

#ETHIOPIA

ኢትዮጵያ ከሳዑዲ ተመላሽ ዜጎቿን መቀበል ጀምራለች።

በዛሬው ዕለትም 157 ህፃናት እና 314 ሴቶች በድምሩ 498 ዜጎች በሰላም ወደ ሀገራቸው ተመልሰዋል።

በቀጣይ ከ7 እስከ 11 ወር ባለው ጊዜ ውስጥ ከ100 ሺህ በላይ ዜጎችን ለመመለስ እቅድ ተይዟል።

Via @tikvahethmagazine

" ለምን ? ብለን ስንጠይቅ ነፃ ገበያ ነው፤ ካዋጣችሁ መግዛት ካልሆነ መተው ትችላላችሁ ይሉናል " - የብረት ነጋዴ

በግንባት እቃዎች ላይ ከፍተኛ የዋጋ ጭማሪ እየታየ መሆኑ ከተነገረ ወራት አልፈዋል ይህ ጉዳይ አሁን ድረስ መፍትሄ ሳያገኝ ቀጥሏል።

ዛሬ የአዲስ ዘመን ጋዜጣ ይዞት በወጣው መረጃ ላይ እደተመለከትነው ከግንባታ እቃዎች አንዱ በሆነው ፌሮ ብረት ላይ በሳምንት ውስጥ ብቻ የ300 ብር ጭማሪ ታይቷል።

ጋዜጣው ያነጋገራቸው በአዲስ አበባ መገናኛ አካባቢ በረት ሻጭ የሆኑ አንዲት ነጋዴ ፤ የፌሮ ዋጋ በየዕለቱ፣ በየሰዓቱ ይጨምራል ያሉ ሲሆን ደንበኞች የዋጋ ጭማሪውን ፈርተው መግዛት አቁመዋል ብለዋል።

እኚሁ ብረት ሻጭ እንዳሉት የፌሮ አከፋፋዮች በማንአለብኝነት የውጭ ምንዛሬ ጨምሯል፣ ነፃ ገበያ ነው በማለት አሳማኝ ያልሆኑ ምክንያቶች እያቀረቡ ደስ ባላቸው ዋጋ ይሸጣሉ ሲሉ ተናግረዋል።

ሌላ ለጋዜጣው ቃላቸውን የሰጡት የብረት ሻጭ ፤ ከ3 ዓመት በፊት 75 ብር የነበረውና ከ1 ወር በፊት 200 ብር የነበረው ባለ8 ተብሎ የሚጠራ ፌሮ አሁን 500 ብር ገብቷል ብለዋል።

በዋጋ ንረቱ የደንበኞቻቸው ቁጥር መቀነሱንም ገልፀዋል። አሁን ያለው ሁኔታ ከቀጠለ ስራውን ጥለው ሊወጡ እንደሚችሉ ተናግረዋል።

የፌሮ ዋጋ በየጊዜው የሚጨምረው ከፋብሪካው ነው የሚሉት የብረት ሻጯ ፤ " ጠዋት ገዝተን ዕቃውን ለማስጫን ስንሄድ ጨምሯል፤ ብር ጨምሩ እንባላለን " ሲሉ አስረድተዋል።

ምክንያት ሲጠይቁም " ነፃ ገበያ ነው ፤ ካዋጣችሁ መግዛት ካልሆነ መተው ትችላላችሁ የሚል መልስ እንደሚሰጣቸው ገልፀዋል።

ያንብቡ https://telegra.ph/EPA-03-30

@tikvahethiopia

#Freedom_and_Equality

ነፃነት እና እኩልነት ፓርቲ መጋቢት 18 ካካሄደው አንደኛ ጠቅላላ መደበኛ ጉባኤ በኃላ ባለ10 ነጥብ የአቋም መግለጫ አውጥቷል።

ነእፓ በዚህ የአቋም መግለጫው ላይ ካነሳቸው ጉዳዮች ቀዳሚዎቹ የሰሜን ኢትዮጵያው ጦርነት እና በሌሎች አካባቢዎች ያሉ የፀጥታ ችግሮች ናቸው።

ፓርቲው በሰሜኑ የሀገራችን ክፍል ላይ የተለኮሰው የጦርነት እሳት ሙሉ ለሙሉ ይቆም ዘንድ ሁሉም አካላት ግጭቱን ለማስቆም ኃላፊነታቸውን እንዲወጡ ጥሪውን አቅርቧል።

መንግስት በቅርቡ ለትግራይ ክልል ተጨማሪ ሰብአዊ ድጋፍ ከወትሮው በተሻለ መጠን እና ስፋት እንዲደርስ ለማድረግ ያሳየውን ተነሳሽነት እንደሚያደንቅ የገለፀው ነእፓ ውሳኔው በተቻለ ፍጥነት ተግባራዊ ይሆን ዘንድ የሚመለከታቸው አካላት የድርሻቸውን እንዲወጡ ጠይቋል።

ነእፓ ፤ ምንም እንኳን በሰሜኑ የሀገራችን ክፍል ያለው ግልጽ እና ሰፊ ጦርነት የተለየ ትኩረት ያገኘ ቢሆንም፣ በሀገራችን የተለያዩ ግጭቶች እንዳሉ ይታወቃል ያለ ሲሆን በእነዚህ ግጭቶች ምክንያት በሰላማዊ ዜጎች ላይ ግድያ፣ መፈናቀል እና የንብረት ውድመት ዛሬም ድረስ ሊቆም አልቻለም ብሏል።

መንግስት በሰሜኑ የሀገራችን ክፍል ላይ የተፈጠረውን ችግር እልባት ለመስጠት ከሚያደርገው እንቅስቃሴ ጎን ለጎን በሌሎች የሀገራችን ክፍሎች የሚገኙ ዜጎችን ሰላም እና ደህንነት ለመጠበቅ በቂ ትኩረት ሊሰጥ ይገባል ሲል አሳስቧል።

(ሙሉ መግለጫው ከላይ ተያይዟል)

@tikvahethiopia

" የኢኮኖሚ ቀውሱን ለማስተካከል መንግስት አፋጣኝ የማሻሻያ እርምጃዎች ይውሰድ " - ነእፓ

መንግስት እየናረ የሚገኘውን የዋጋ ግሽበት ለመቆጣጠር እና የኑሮ ውድነትን ለመቀነስ እርምጃ እንዲወስድ ተጠየቀ።

ነፃነት እና እኩልነት ፓርቲ ካካሄደው አንደኛ ጠቅላላ ጉባኤ በኃላ ባወጣው የአቋም መግለጫ መንግስት በየጊዜው እየናረ የሚገኘውን የዋጋ ግሽበት ለመቆጣጠር እና የኑሮ ውድነትን ለመቀነስስ አፋጣኝ እና ተገቢ የማክሮ ኢኮኖሚ ማሻሻያ ሊያደርግ ይገባል ብሏል።

ፓርቲው የዋጋ ግሽበቱን ከሚያባባሱት ኢኮኖሚያዊ እና አስተዳደራዊ ምክንያቶች መካከል ፦

👉 በመረጃ እና እውቀት ላይ ያልተመሰረቱ ፖሊሲዎች እና መመሪያዎች፣

👉 ወጥነት የጎደለው እና ያልተቀናጀ የመንግስት አሰራር፣

👉ሙስና ይገኙባቸዋል ብሏል።

በሀገራችን በፍጥነት እያደገ ለሚሄደው የዋጋ ንረት እና የኑሮ ውድነት ዋነኛ ተጠያቂ መንግስት ነው ያለው ነእፓ የተፈጠረውን አጠቃላይ የኢኮኖሚ ቀውስ ለማስተካከል መንግስት አፋጣኝ የማሻሻያ እርምጃዎች እንዲወስድ አሳስቧል።

@tikvahethiopia

#AddisAbaba🪧

በአዲስ አበባ ከተማ ህገወጥ የውጭ ማስታወቂያ ሰሌዳዎች እየተነሱ ነው።

የአዲስ አበባ ከተማ አስተዳደር ግንባታ ፈቃድ እና ቁጥጥር ባለስልጣን ዛሬ በለሚ ኩራ ክ/ከተማ ወረዳ 02፣ 08፣ 10 እና 13 በህገ ወጥ መንገድ መሰረተ ልማት አውታሮች እና የዋና መንገድ ኤልክትሪክ ፖሎች ላይ የተሰቀሉ ህገ ወጥ የውጭ ማስታውቂያ ማንሳቱን አስታውቋል።

ህገ ወጥ የውጭ ማስታወቂያዎች የተነሱባቸው ቦታዎች ፦

👉 ከሳህሊተ ምህረት እስከ የተባበሩት ግራ እና ቀኝ ፣
👉 ከተባበሩት እስከ ፍየል ቤት ፤
👉 ከፍየል ቤት እስክ ፊጋ
👉 ከተባበሩት እስከ አያት አደባባይ
👉 ከአያት አደባባይ እስከ ጣፎ አደባባይ ድረስ በግራና በቀኝ በኩል ተሰቅለው የነበሩ ህገ ወጥ የውጭ ማስታወቂያ ሙሉ በሙሉ መነሳቱን አሳውቋል።

በቀጣይም በሌሎች ክፍለ ከተሞች የተሰቀሉ ህገወጥ የውጭ ማስታወቂያ ሰሌዳዎች የማንሳት ስራው ተጠናክሮ ይቀጥላል ተብሏል።

መረጃው የአዲስ አበባ ከንቲባ ፅ/ቤት ነው።

@tikvahethiopia