#SPHMMC

ነዋሪነታቸው በአሜሪካ ሀገር ቨርጅኒያ የሆኑት ትውልደ ኢትዮጵያዊው አቶ አንተነህ ብርሀኑ እና ጓደኞቻቸው ለቅዱስ ጳውሎስ ሆስፒታል ሚሊኒየም ሕክምና ኮሌጅ ግምቱ አንድ ሚሊዮን ብር(1,000,000 ብር) የሚያወጣ ለቀዶ ሕክምና የሚያስፈልጉ ቁሳቁሶችን ለግሰዋል፡፡ አንተነህ ብርሀኑ በራሳቸው የትራንስፖርት ወጪ ወደ ኮሌጁ አምጥተው አስረክበዋል፡፡ የሕክምና ቁሳቁሶቹ ለቀዶ ህክምና ክፍሉ በጣም አስፈላጊ የሆኑና እና አንዳንዶቹ በኮሌጁ የሌሉ ናቸው፡፡ አንተነህ ብርሀኑ እና በዚህ በጎ ተግባር የተሳተፉ ወገኖቻችንን ምስጋና ይገባቸዋል፡፡

(SPHMMC)

@tsegabwolde @tikvahethiopia

#SPHMMC

የዱከም ነዋሪ የሆኑት 65 ዓመት ሴት በሌላ ተጓዳኝ ሕመም ምክንያት በቅዱስ ጳውሎስ ሆስፒታል ሚሊኒየም የህክምና ኮሌጅ ለአንድ (1) ቀን ቆይተው ነበር፡፡

ይሁን እንጂ የኮሮና ቫይረስ [COVID-19] በሽታ ምልክት በማሳየታቸው የላቦራቶሪ ምርመራ ተደርጎላቸው ቫይረሱ አንዳለባቸው ተረጋግጧል፡፡ ታማሚዋ በአሁኑ ሰዓት በኮተቤ ኤካ ሆሰፒታል ቀጣይ ሕክምናቸውን አንዲከታተሉ ተልከዋል፡፡

ለታማሚዋ የሕክምና አገልግሎትን ሲሰጡ ከነበሩ በርካታ የጤና ባለሙያዎች መካከል በወቅቱ አስፈለጊውን አልባሳት (PPE) አልተጠቀምንም ወይም አጠቃቀማችን በቂ አይደለም ያሉ ሰባት (7) ባለሙያዎች ተለይተው ክትትል እየተደረገላቸው ይገኛል፡፡ ከእነዚህ ባለሙያዎች መካከል ሁለቱ (2) ታማሚዋን በቅርብ ሲከታተሉ የነበሩ ናቸው፡፡

እኝሁ ሴት በዛሬው የጤና ጥበቃ ሚኒስትርዋ ዶ/ር ሊያ ታደሰ መግለጫ የተገለጹት 44ኛዋ ታማሚ መሆናቸው ይታወቃል፡፡

(ቅዱስ ጳውሎስ ሆስፒታል)

@tikvahethiopiaBot @tikvahethiopia

#SPHMMC

የቅዱስ ዻውሎስ ሆስፒታል ሚሊኒየም ሜዲካል ኮሌጅ (SPHMMC) ለ3 ወር ያህል አቋርጦት የነበረውን ህክምና መስጠት እንደጀመረ የኢትዮጵያ ብሮድካስቲንግ ኮርፖሬሽን ዘግቧል።

ሆስፒታሉ የኮሮና ወረርሽኝን በመከላከል ረገድ ምርመራዎች ማካሄድና ታካሚዎችን ከመንከባከብ ጋር ተያይዞ ወደ 25 ሺህ የሚጠጉ ምርመራዎችን እንዳከናወነ ነው የገለፀው።

270 አልጋዎችንም በማዘጋጀት ከኮሮና በሽታ ጋር ተያይዞ የተለየ ህክምና የሚያስፈልጋቸውን ታካሚዎች በመቀበል አገልግሎት ሲሰጥ እንደነበር ተጠቅሷል።

ከኮሮና ቫይረስ ወረርሽኝ ጋር በተያያዘ እስከ 900 ሰዎችን በመቀበል 640 ድነው መውጣታቸውና አሁን ላይ ደግሞ 150 ሰዎች በህክምና ላይ የሚገኙ እንደሆኑ ተጠቁሟል።

@tikvahethiopiaBot @tikvahethiopia

#SPHMMC

የቅዱስ ጳውሎስ ሚሊኒየም ህክምና ኮሌጅ በቅድመ ምረቃ 140 ፣ በድህረ ምረቃ 340 በአጠቃላይ 480 ተማሪዎችን በስካይ ላይት ሆቴል ዛሬ አስመርቋል።

ከዕለቱ ተመራቂዎች 141 ሴቶች መሆናቸው ታውቋል።

የምረቃ ሥነ ሥርዓቱ የኢፌድሪ ጤና ሚኒስቴር ሚኒስትር ዴኤታ ዶ/ር ደረጀ ድጉማ በክብር እንግድነት በተገኙበት ተካሂዷል።

መረጃውን ያደረሰን የቅዱስ ጳውሎስ ሚሊኒየም ህክምና ኮሌጅ ነው።

@tikvahethiopiaBOT @tikvahethiopia

የዛሬ እውነታዎች (መጋቢት 2/March 11) ፦

የኮቪድ ነገር እጅግ በጣም አሳሳቢ ነው። ዛሬ በተደረገው ምርመራ እንደ ሀገር በሽታው የመገኘት ምጣኔ 19 በመቶ ሲሆን በሽታው የመግኘት ዕድል በጣም ከፍተኛ የሆነበቸው አራት ከተሞች ፦
1. ሐዋሳ - 42%
2. ድሬዳዋ - 27%
3. አሶሳ - 23.5%
4. አዲስ አበባ - 20%

ሁሉም (17) ሞቶች ከአዲስ አበባ ናቸው።

እነዚህ ቁጥሮች በዓለም ጤና ድርጅት መመዘኛ ወደ complete shutdown የሚወስዱ እና እጅግ ከፍተኛ የጥንቃቄ እርምጃ የሚያስፈልጋቸው ናቸው::

አሁንም ፦

1. የአፍ እና አፍንጫ መሸፈኛ በአግባቡ መጠቀም
2. የእጅ ንፅህና መጠበቅ
3. አላስፈላጊ መሰባሰብ መተው
4. ርቀትን ጠብቆ መንቀሳቀስ ያስፈልጋል።

ያዕቆብ ሰማን
የሕክምና አገልግሎት ዳይሬክተር
ጤና ሚኒስቴር

#SPHMMC
@tikvahethiopiaBot @tikvahethiopia

የዛሬ መጋቢት 5 ሁኔታ ፦

24% national positivity rate.The higest so far!

በሀገር አቀፍ ደረጃ ከአራት ሰው አንድ ሰው በኮቪድ ተይዞዋል ወይም ኮቪድ ሊኖርበት ይችላል እንደማለት ነው።

ከ20% በላይ የበሽታው ስርጭት የሚታይባቸው ክልሎች/ከተማ አስተዳደሮች ፦
1. ሲዳማ-39%
2. ኦሮሚያ-38%
3. ድሬዳዋ-25%
4. ሐረር-25%
5. አዲስ አበባ-24%

እነዚህ ቁጥሮች ምን ማለት እንደሆኑ አለመገንዘብ በእራስ እና በሀገር ላይ ሞት እንደማወጅ ይቆጠራል።

ያዕቆብ ሰማን
የሕክምና አገልግሎት ዳይሬክተር
ጤና ሚኒስቴር

#SPHMMC
@tikvahethiopiaBOT @tikvahethiopia