#DESSIE የዘመን መለወጫ በዓልን ምክንያት በማድረግ በደሴ ከተማ ለሚገኙ የኢኮኖሚ አቅም ለሌላቸው አረጋዊያን የምሳ ግብዣ ተደረገ። የደሴ ከተማ አስተዳደር ከንቲባ ዶክተር መለስ መኮንን በእዚህ ወቅት እንደገለጹት ግብዥው የተደረገው አረጋዊያን በዕድሜ ዘመን ቆይታቸው ለሃገራቸው ያበረከቱትን ውለታ በማሰብ የተደረገ ነው። አረጋዊያን መደገፍና ማገዝ የወጣቱን የመርዳት ባህል ከማሳደጉም ባለፈ በዕድሜ ቆይታ ጉልበታቸው የደከመ አረጋዊያን በህዝባቸው ኩራትና ደስታ እንዲሰማቸው የሚያደርግ መሆኑን ተናግረዋል። ከንቲባው እንዳሉት ለአረጋዊያኑ የምዛ ግብዥ ከማድረግ በተጨማሪ የአልባሳት ድጋፍ ተደርጓል። ድጋፉን ከተማ አስተዳደሩ ከወሎ ዩኒቨርሲቲና ከፍሬው የአረጋውያን በጎ አድራጎት ማህበር ጋር በጋራ ያዘጋጁት መሆኑንም ተናግረዋል።

Via #ENA
@tsegabwolde @tikvahethiopia

#WolaitaSodo #Dessie

በወላይታ ሶዶና በደሴ ከተማ የታየው የመጠጥ ውሃ ጥራት በሌሎችም ከተሞች ሊታይ እንደሚገባ የውሃ ልማት ኮሚሽን አስታወቀ። የወላይታ ሶዶ ከተማ ውሃና ፍሳሽ አገልግሎት ለህብረተሰቡ የሚያሰራጨውን ውሃ በኢትዮጵያ ተስማሚነትና ምዘና ድርጅት ተመርምሮ የኢትዮጵያ የመጠጥ ውሃ የተቀመጠለት መስፈርት በማሟላቱ የ ሲኢኤስ - 58 አይሶ ፡ 2019 (CES-58 ISO :2019) ጥራት ማረጋገጫ ሰርተፍኬት አገኘ። የኮሚሽኑ ኮሚሽነር ዶክተር በሻህ ሞገሴ የሰርተፍኬት ማግኘቱን ምክንያት በማድረግ ትናንትና በብሉ ስካይ ሆቴል የዕውቅና አሰጣጥ ፕሮግራም ላይ እንደገለፁት በሀገራችን በሁለቱ ከተሞች የታየው የውሃ ጥራት በኢትዮጵያ ተስማሚነትና ምዘና ድርጅት ተመርምሮ አልፏል፤ ይህ ተሞክሮ ሌሎች የሀገራችን ከተሞች ሊተገብሩት ይገባል ብለዋል።

Via EPA
@tsegabwolde @tikvahethiopia

#DESSIE

በሞጣ ከተማ የደረሰውን የመስጂዶችና ንብረት ቃጠሎ የደሴ ከተማ ነዋሪዎች አወገዙ!

በምሥራቅ ጎጃም ዞን ሞጣ ከተማ አስተዳደር ታኅሣሥ 10 ቀን 2012ዓ.ም በመስጅዶችና ንብረት ላይ የደረሰውን ቃጠሎ የደሴ ከተማ አስተዳደር ሙስሊሞች በሠላማዊ ሰልፍ አወገዙ፡፡ ነዋሪዎቹ ከጠዋቱ 12፡00 ጀምሮ በደሴ ከተማ ሠላማዊ ሰልፍ እያካሄዱ ነው፡፡

(AMMA)
@tikvahethiopia @tikvahethiopiaBot

#DESSIE

በደሴ ከተማ አስተዳደር በከተሞች ምግብ ዋስትና እና ሥራ እድል ፈጠራ ፕሮግራም አንድ ሺህ የጎዳና ተዳዳሪዎችን ከጎዳና የማንሳት ስራ መጀመሩን የከተማው ምክትል ከንቲባ አስታውቀዋል።

@tikvahethiopia @tikvahethiopiaBot

#Dessie : የደሴ ከተማ ፀጥታ ምክር ቤት ከዚህ ቀደም ካሳለፋቸው ውሳኔዎች በተጨማሪ ሌሎች ውሳኔዎችን በዛሬው ዕለት አሳልፋል።

ከዚህ ቀደም የተላለፈው የሰዓት እላፊ ገደብ ባለበት የሚቀጥል ሲሆን ማንኛውም የንግድ ድርጅትም ሆነ የሰዎች እንቅስቃሴ ከምሽቱ 2፡ዐዐ ሰዓት ጀምሮ በተጣለው የሰአት እላፊ ገደብ መሠረት ቁጥጥሩ ተጠናክሮ ስለሚቀጥል ማህበረሰቡ ለፀጥታ ሃይሎች ተባባሪ እንዲሆን ተጠይቋል።

የፀጥታ ም/ቤት በከተማው ከፍተኛ ቁጥር ያለው ተፈናቃይ በመኖሩ እና የከተማውን ደህንነት ለማስጠበቅ ሲባል ያልተፈቀዱ ስብሰባዎች እና ህገ-ወጥ ሰልፎች ማድረግ በጥብቅ መከልከሉ አሳውቋል።

ማንኛውም ሰው ከተፈቀደለት የፀጥታ ሃይል ውጭ የጦር መሳሪያ ይዞ መንቀሳቀስም ሆነ በመዝናኛ ቦታ ይዞ መገኘት የተከለከለ መሆኑን ም/ቤቱ አሳስቧል።

በተከለከለ ቦታ ባጃጅ ማሽከርከር፣ ያለ ሰሌዳ ተሽከርካሪ ማሽከርከርና ከተፈቀደላቸው ተሽከርካሪ ውጭ ሰአት እላፊ ማሽከርከር በጥብቅ የተከለከለ መሆኑ የደሴ ከተማ አስተዳደር ጸጥታ ም/ቤት አሳውቋል።

* ሙሉ የደሴ ከተማ ፀጥታ ም/ቤት መግለጫ ከላይ ተያይዟል።

@tikvahethiopia

#Dessie : ዛሬ ሮይተርስ በድረገፁ ከደሴ ከተማ የተሰራ ሰፋ ያለ ዘገባ አስነብቧል።

በዚሁ ዘገባ አንዲት ሀብታም አከለ የምትባል እናት በምግብ እጥረት ምክንያት ልጇን እንዳጣች ተናግራለች።

ሀብታም የ3 ዓመት ህፃን ልጇን በተመጣጠነ የምግብ እጥረት ባለፈው ወር ነው ያጣችው (ከቆቦ) ወደ ደቡብ የአማራ ክልል ክፍል ከመሸሻቸው በፊት።

ሀብታም ፥ ዶክተሮች ልጇ በምግብ እጥረት በጣም እንደተጎዳች በዚህም ምክንያት ልጇን ሊረዷት እንዳልቻሉ እንደነገሯት ተናግራለች። ዶክተሮቹ መድሃኒት ቢሰጧትም ትንሿ የሀብታም ልጅ ከሳምንት በኃላ ህይወቷ አልፏል።

ሀብታም የሰሜኑን ጦርነት ሽሽት ወደ ደሴ ከተሰደዱ በሺዎች ከሚቆጠሩ የአማራ ቤተሰቦች አንዷ እንደሆነች ሮይተርስ ፅፏል።

በደሴ ተፈናቃዮች በትምህርት መማሪያ ክፍል ውስጥ በተጨናነቀ ሁኔታ በረድፍ ነው የሚተኙት ዳግም በከፍተኛ ሁኔታ ያገረሸው ግጭት ደግሞ ይህን ያባብሰዋል ተብሎ ይሰጋል።

ሀብታም በትግራይ ኃይሎች ቁጥጥር ስር ባሉ አካባቢዎች አነስተኛ ምግብ እንዳለ እንዲሁም የትግራይ ኃይሎች በአካባቢው ከሚገኙ ፋርማሲዎች ያለውን አነስተኛ መድኃኒቶችን እንደዘረፉ ተናግራለች።

የህወሓቱ ቃል አቀባይ ጌታቸው ረዳ ይህንን ክስ እንደማይቀበሉ ለሮይተርስ ተናግረዋል፤ ይልቁንም ሃብታም ትኖር በነበረበት አካባቢ በጄኔሬተር ያለውን ውሃ እጥረት ለመቅረፍ መስራታቸውን ገልፀዋል።

ሌላ በካምፕ ውስጥ የምትገኝ እና ሮይተርስ ያነጋገራት አንዲት ሴት በታጠቀ የትግራይ ኃይል መደፈሯን ገልፃለች። ይህ የተፈፀመባት በትግራይ ኃይሎች ስር ባለ የአማራ ክልል አካባቢ ነው።

ስሟ ሰዓዳ ይባላል እድሜዋ 26 ሲሆን ከደሴ 80 KM በምትገኘው በመርሳ ከተማ ቤቷ ውስጥ እያለች ነው ይህ ፆታዊ ጥቃት የደረሰባት።

ሰዓዳ ትክክለኛውን ቀን ባታስታውሰው። ድርጊቱ ነሐሴ መጨረሻ አካባቢ መፈፀሙን ተናግራለች።

ሰዓዳ እንደደፈራት የገለፀችው የትግራይ ኃይል ፥ " እኛ ቤታችንን ጥለን የወጣነው ለመግደልም ለመሞትም ነው። እኔ ከጫካ ነው የመጣሁት የፈለኩትን የማድረግ ሙሉ መብት አለኝ፤ ልግድልሽም ሁሉ እችላለሁ" ብሎ ጠመንጃውን ከፍ አድርጎ ካስፈራራት በኃላ እንደደፈራት ለሮይተርስ ተናግራለች።

ሰዓዳ ሮይተርስ ሙሉ ስሟን እንዳይጠቀም የጠየቀች ሲሆን ከተደፈረች በኃላ ለህክምና ደሴ አጠቃላይ ስፔሻላይዝድ ሆስፒታል መሄዷንም የሚያሳይ ካርድ አሳይታለች።

የደሴ ሆስፒታል ሜዲካል ዳይሬክተር የሆኑት አቶ ልዑል መስፍን ስለሲቪል ጉዳት፣ ስለ አስገድዶ መድፈር ወይም ስለ ግለሰብ ጉዳይ ለሚነሱ ጥያቄዎች መልስ ከመስጠት ተቆጥበዋል ፤ ለዚህ ምክንያታቸው የውጭ ጋዜጠኞችን ስለማያምኑ መሆኑ እንደገለፁ ሮይተርስ ፅፏል።

https://telegra.ph/Dessie-10-18-2

@tikvahethiopia

#Dessie📍

ደሴ ከተማን ሙሉ በሙሉ ማዳረስ የሚያስችል ከ605 ሺህ ሊትር በላይ ዘይት ከፌቤላ የዘይት ማምረቻ ኢንዱስትሪ ጋር በመተባበር በተያዘው ሳምንት ለነዋሪዎች እንደሚከፋፍል የከተማዋ ንግድና ገበያ ልማት መምሪያ ማስታወቁን ኤፍ ቢ ሲ ዘግቧል።

የዘይት አቅርቦቱ በ 'ሸማች ማህበር' በኩል ይቀርባል የተባለ ሲሆን በገበያው ላይ የሚስተዋለውን የዋጋ ንረት ለመከላከል የቁጥጥር ስራም እየተሰራ ነው ተብሏል። 

በከተማዋ በሸማች ማህበራት በኩል የሚቀርበው የዘይት ዋጋ ፡-

1. ባለ 3 ሊትር 👉 290 ብር ከ06 ሳንቲም

2. ባለ 5 ሊትር 👉 474 ብር ከ40 ሳንቲም

3. ባለ10 ሊትር 👉 936 ብር ከ69 ሳንቲም

4. ባለ 20 ሊትር 👉 1 ሺህ 834 ብር ከ66 ሳንቲም

5. ባለ 25 ሊትር 👉 2 ሺህ 277 ብር ከ90 ሳንቲም መሆኑ ተገልጿል፡፡

 @tikvahethiopia