#Tigray , #Mekelle 📍

አሚና መሐመድ ትግራይ ክልልን ጎብኝተዋል።

የተባበሩት መንግስታት ድርጅት (UN) ምክትል ዋና ፀሀፊ አሚና መሐመድ የተመራ ልዑክ ዛሬ በትግራይ ክልል መቐለ ጉብኝት አድርጓል።

የልዑካን ቡድኑ በመቐለ ከተማ ዓይደር ሪፈራል ሆስፒታልን ተዘዋውሮ ጎብኝቷል ፤ የጤና ባለሞያዎችን አነጋግሯል።

ከዚህ በተጨማሪም በመቐለ የሚገኙ በጦርነት የተፈናቀሉ ወገኖች የሚገኙባቸውን ካምፖች ተመልክቷል ፤ የጦርነት ተጎጂዎችንም አነጋግሯል።

በአሚና መሐመድ የተመራው ልዑክ ዛሬ ጥዋት አማራ ክልል የኮምቦልቻ ከተማ ተገኝቶ ጉብኝት ማድረጉን መግለፃችን ይታወሳል።

ስለ ዛሬው የአማራ እና ትግራይ ክልሎች ጉብኝት የተባበሩት መንግስታት ድርጅት ምክትል ዋና ፀሀፊ አሚና መሐመድ / በተመድ የሚሰጥ ማብራሪያ ካለ ተከታትለን የምናሳውቅ ይሆናል።

@tikvahethiopia

#AFCON

የአፍሪካ ዋንጫ በዛሬው ዕለት ይጠናቀቃል።

የውድድሩ ፍፃሜ ጨዋታ ተፋላሚዎች #ሴኔጋል እና #ግብፅ ሲሆኑ ጨዋታው ተጀምሯል።

ይህ ጨዋታ በመላው አፍሪካ እንዲሁም በዓለም አቅፍ ደረጃ እጅግ በጉጉት የሚጠበቅ ነው።

የዋንጫው 🏆 ባለቤት ማን ይሆናል ?

@tikvahethiopia

#Senegal🏆

ሴኔጋል የአፍሪካ ዋንጫ አሸናፊ ሆነች።

@tikvahethiopia

#AFCON

ከፍተኛው ተጋድሎ በሴኔጋል አሸናፊነት ተደምድሟል።

በጨዋታው መጀመሪያ ላይ ሰኢዶ ማኔ የፍፁም ቅጣት ምት መሳቱ የሴኔጋሉን ፕሬዜዳንት ማኪ ሳል በድንጋጤ አስጩሆ ከመቀመጫቸው ያስነሳ ፤ የጨዋታው ፍልሚያ ከቴሌቪዥን ስክሪን ላይ ለአፍታ አይንን የማያስነቅል፤ እጅግ አጓጊ ተጋድሎ የተደረገበት ነበር።

የግብፁ ግብ ጠባቂ ጋባስኪ በፍልሚያው ያሳየው ተጋድሎ በርካቶችን ያስጨበጨበ ነበር።

ሁለት አሸናፊ አይኖርምና ፍልሚያው በመለያ ምት ሲለይ ግብፅ 4 - 2 ሽንፈትን ስትቀምስ ሴኔጋል በታሪኳ የመጀመሪያ ዋንጫውን አግኝታለች።

በዘንድሮው ውድድር እስከመጨረሻው የደረሱት ግብፃውያን ተጫዋቾች ፣ አሰልጣኞች፣ ደጋፊዎች አነቡ ፤ ዋንጫውን በመነጠቃቸው አዘኑ ፤ በውድድሩ ግን 2ኛ ደረጃን ይዘው አጠናቀዋል።

@tikvahethiopia

#AU2022Summit

ኢትዮጵያ በዛሬው ዕለትም እንግዶቿን እየሸኘች ነው።

የሴኔጋል ፕሬዚዳንትና የአፍሪካ ህብረት የወቅቱ ሊቀመንበር ማኪ ሳልን ጨምሮ የተለያዩ ሀገራት መሪዎች ወደ ሀገራቸው ተመልሰዋል።

@tikvahethiopi

#Update

ኦባሳንጆ ኮምቦልቻ ገብተዋል።

የአፍሪካ ህብረት የአፍሪካ ቀንድ ልዩ መልዕከተኛ ኦሊሴንጎን አባሳንጆ ዛሬ ኮምቦልቻ ገብተዋል።

በትላንትናው ዕለት የሰላም እና ጸጥታ ምክር ቤት ኮሚሽነር አምባሳደር ባንኮሌ አዴኦዬ ፤ የአፍሪካ ህብረት የኢትዮጵያ ቀውስ በሰላማዊ መንገድ እንዲቋጭ የሚያደርገውን ጥረት አጠናክሮ መቀጠሉን በመግለፅ ኦሉሴጉን ኦባሳንጆ በአማራ እና በአፋር ክልሎች በሚገኙ የተለያዩ አካባቢዎች ጉብኝት እንደሚያደርጉ ማሳወቃቸው አይዘነጋም።

ዛሬ ኮምቦልቻ የገቡት ኦሊሴንጉን ኦባሳንጆ በከተማው ያለ የጅምላ መቃብር ስፍራ እና የወደሙ ተቋማትን ተዘዋውረው ተመልክተዋል።

@tikvahethiopia

#SomaliPP

በሶማሌ ክልል ብልፅግና ፓርቲ ምን ተፈጠረ ? ፓርቲው ለሁለት ተከፍሏል ?

የሶማሌ ክልል የኮሚኒኬሽን ምክትል ኃላፊ አቶ መሀመድ ሮብሌ ፦

" ... ከዚህ በፊት በተለያዩ ቦታ ተሰጥቷቸው በክልሉ በቢሮ ኃላፊ እና በምክትል ኃላፊነት ደረጃ የነበሩና ከዛ በኃላ በነበሩ ግድፈቶች እና ድክመቶች ስራቸውን በትክክል አለመስራት ፣ በሙስና፣ በተለያዩ ምክንያቶች ከስልጣን የተባረሩ ሰዎች ናቸው።

ተሰባስበው Issue ለመፍጠር ሲሉ ነው እንጂ በፓርቲው መሃል ምንም የተፈጠረ ችግር የለም።

እነዚህ Alredy ከሲስተም የወጡ ሰዎች ናቸው። ምናልባት አንዳንድ በትክክለኛ መንገድ ተገምግመው ያልተባረሩ ሰዎች እዛ ውስጥ ሊኖሩ ይችላሉ ፤ ሌላው ግን በትክክል ከሲስተም የወጡና ህብረተሰቡን ማገልገል ሳይችሉ ፣ የተሰጣቸውን ስራ መስራት ሳይችሉ ቀይርተው የተባረሩ ናቸው። "

የሶማሌ ክልል የብልፅግና ፓርቲ የፅ/ቤት ኃላፊ እንጂነር መሀመድ ሻሌ ፦

" ... እኛም በሶሻል ሚዲያ ያየነው ነገር አለ። የነበረ ነገር ግን ከለውጡ ወዲህ የተለያዩ እርምጃዎች ሲወሰዱ ነበር ከስነምግባር እና ከሙስና ጋር በተያያዘ በዚህም ከስልጣን የተነሱ ሰዎች አሉ።

ትላንትና መግለጫ አውጥተዋል ተብለው በሶሻል ሚዲያ ያየኃቸው ሰዎች ነበሩ። አብዛኛው የካቢኔ አባል የክልሉ ማዕከላዊ ኮሚቴ ያኔ የለውጡ ጅምር አካባቢ የነበሩ ሰዎች ናቸው ነገር ግን በስራ ከኃላፊነት እንዲነሱ እና እንዲታገዱ ተደርጎ ነበር። ከአንድ አመት ተኩል ይሆናል።

አንዳንዶቹ የ #ኢዜማ እጩ ነበሩ የምርጫ አካባቢ፤ አሁን ትላንት ብቻ ነው በድንገት ያየናቸው እኛ ፓርቲ አባል ነን ብለው ፤ ከእኛ ጋር ከታገዱ እና ከስራ ከተነሱ ግማሹ ሁለት ዓመት ሆኖታል ግማሹ አንድ አመት ተኩል ፣ አንዳንዶቹ የሌላ ፓርቲ ዕጩ የነበሩ ናቸው።

ጉባኤ ላይ ውሳኔ የሚጠብቁ አሉ፤ እገዳ የተጣለባቸውም አሉ፤ አንዳንዶቹ ግን ጭራሽ አይመለከቱንም የኢዜማ እጩ የነበሩትን ዛሬ ላይ አባል ነው አይደለም ማለት ተገቢም አይመስለኝም "

አቶ ሲራጅ አደን (የሶማሌ ክልል የብልፅግና ፓርቲ አባል ነኝ ያሉ ሲሆን ፓርቲው ለሁለት መከፈሉን ይናገራሉ ) ፦

" የተፈጠረው የፓርቲው ለሁለት ተከፍሏል። የዚህ ምክንያት ያለ ግምገማ እና በብዛት በዝምድና እና በጋብቻ የተሳሰረ ስለሆነ ብዙ ጊዜ ህግ እና ደንብ አይከተልም በዛ ምክንያት ፓርቲው በሁለት በኩል ተከፍሏል።

አንድ ሰው ላይ በፓርቲ እርምጃ መውሰድ የሚቻለው በህግ እና ደንብ አሰራሩ ነው። ያለ ጉባኤ አንድ የአስፈፃሚ ኮሚቴ ወይም አንድ የማዕከላዊ ኮሚቴ አንድ ሰው ውስኖ ከህግ ውጭ አንድን ሰው ከፓርቲ ውጭ ነው ማለት አይችልም በጉባኤ ነው የሚችለው።

የተፈጠረው የ12 አባላት የፓርቲው ማሀከለኛ እና ሁለት የአስፈፃሚ ኮሚቴ ለፌዴራል የፓርቲው ፅ/ቤት አዲስ አበባ ደብዳቤ በመፃፍ ጣልቃ እንዲገባ ጠይቋል።

... ረብሻ አይደለም ህግ እና ደንቡን መከተል ነው። "

NB : የሶማሌ ክልል ብልፅግና ፓርቲ ፅ/ቤት ዛሬ መግለጫ እንደሚሰጥ ይጠበቃል።

ሁሉም አካላት ለሸገር ኤፍ ኤም ሬድዮ ጣቢያ ከሰጡት ቃል የተወሰደ።

@tikvahethiopia

" እኔ የምመርጠው እኔ ያገኘሁትን ህዝቦቼ በጥቂቱም ቢሆን እንዲያገኙ ነው " - ሳዲዮ ማኔ

የሊቨርፑል ሴኔጋላዊው 🇸🇳 የፊት መስመር ተጫዋች ሳዲዮ ማኔ ከውድ ቀሳቁሶችን ከመግዛት ለሀገሪቱ ሰዎች እርዳታን ማድረግ ምርጫው እንደሆነ ይገልጻል።

ሳዲዮ ማኔ ፦

" ... ለምን አስር ፌራሪዎችን ፣ ሀያ ውድ ሰዓቶቾን አልያም የግል አውሮፕላኖችን እመኛለው።

ትምህርት ቤቶችን፣ ስታዲየሞችን እገነባለው፤ እኛ አልባሳትን እና ምግቦችን በድህነት ላይ ለሚገኙ ሰዎች መስጠት አለብን።

እኔ የምመርጠው እኔ ያገኘሁትን ህዝቦቼ በጥቂቱም ቢሆን እንዲያገኝ ነው "

የሴኔጋላዊውን ኮከብ ሳድዮ ማኔን ህይወት ውጣ ውረድ ጉዞ ለማንበብ https://t.iss.one/tikvahethsport/25770

More : @tikvahethsport