የሰሞኑ ጉንፋን!

የሰሞኑ ጉንፋን ለየት የሚያረገው ግን ከፍተኛ ትኩሳት እና ጠንከር ያለ ሳል አለው በተጨማሪም እነዝህ ምልክቶች ይታዩበታል፡፡

• ብርድ ብርድ ማለት
• የመገጣጠሚያ ህመም
• የጀርባ ህመም
• የጡንቻ ህመም
• ምግብ ፍላጎት መቀነስ
• ኃይለኛ ራስ ምታት
• ፍዝዝ ማለት

ምክንያቱ ምን ሊሆን ይችላል ?

ጉንፋን ዋና መንስኤዎቹ በትንፋሽ በሳል እና በማስነጠስ የሚተላለፉ ቫይረሶች ናቸው። ለምሳሌ÷ ኮሮና ቫይረስ ፣ራይኖ ቫይረስ፣ ኢንፍሉዌንዛ አዴኖ ቫይረስ እና የመሳሰሉት ጉንፋንን ሊያመጡ ይችላሉ፡፡ ስለዚህ የሰሞኑ ጉንፋን ኮሮና ይሁን አይሁን የሚታወቀው በምርመራ ብቻ ነው። ስለዚህ ምን እናድርግ?

• የመከላከያ መንገዶቹን ይተግብሩ
• ሁሌም የአፍ እና አፍንጫዎን ይሽፍኑ
• የእጅ እና አካል ንክኪ ይቀንሱ
• ሰዉ የሚሰበብበት ቦታ አይገኙ
• ስያስሉ እና ሲያስነጥሱ አፍ እና አፍንጫዎን በክንድዎ/በጨርቅ ይሸፍኑ
• መንግስት በነፃ ያቀረበውን የኮሮና ክትባትን ይውሰዱ

ለልጆች እና ህፃናት የቤት ዉስጥ ሕክምናው ምንድነው?

• ለብ ያለ ዉሃ ዉስጥ ትንሽ ጨው አርጎ አፍንጫቸው ቀዳዳ ዉስጥ 2 ጠብታ ማድረግ በመቀጠልየአፍንጫ ቀዳዳዎችን በመምጠጫ ማጽዳት
• ትኩሳትን የሚቀንስ መድሃኒት መጠቀም ፣
• ትኩስ ትኩስ ነገሮችን ማጠጣት
• ተጨማሪ ምግቦችን በደንብ መመገብ
• የሕፃኑን ክፍል በደንብ ማፅዳት ማናፈስ
• ቤቱን በውሀ እንፋሎት ማጠን
• ንፍጥ እና ትኩሳት በጣም አስፈላጊ ፈሳሾችን እና ንጥረ ነገሮችን ይዘው ስለሚወጡ ተጨማሪ ፈሳሽ ነገሮችን ማግኘት ይኖርባቸዋል።

ለታዳጊ ህፃናት እና ለአዋቂዎችስ የቤት ዉስጥ ሕክምናው ምንድነው ?

• ከላይ ከተዘረዘሩት በተጨማሪ ራስን በአንድ ክፍል ማግለል
• ትኩስ ፈሳሽ ነገሮችን ደጋግሞ መውሰድ
• ነጭ ሽንኩርት ማር እና ዝንጅብል መጠቀም
• በቂ እረፍት ማድረግ
• የትኩሳት እና ራስ ምታት ማስታገሻ መውሰድ
• እነዚህን መፍትሄዎ እያረጋችሁ ምንም ለውጥ ከሌለው እና ሳሉ የመባስ ትኩሳቱ የመጨመር ባህሪ ካለው ወይም ትንፋሽ የማጠር ምልክት በህፃንም ሆነ በአዋቂ ላይ ካለ በአፋጣኝ ሆስፒታል መሄድ ያስፈልጋል፡፡

ዶ/ር ፋሲል መንበረ
በቅዱስ ጳውሎስ ሆስፒታል ሚሊኒየም ሕክምና ኮሌጅ ረዳት ፕሮፌሰር እና የሕጻናት ስፔሻሊስት ሐኪም

Credit : ቅዱስ ጳውሎስ ሆስፒታል ሚሊኒየም ሕክምና ኮሌጅ

@tikvahethiopia

#ALERT🚨

በሀገራችን ኢትዮጵያ በአንድ ቀን 5,185 ሰዎች በኮቪድ-19 መያዛቸው ተረጋገጠ።

ባለፉት 24 ሰዓት ውስጥ ከተደረገው 13,280 የላብራቶሪ ምርመራ 5,185 ሰዎች ለቫይረሱ ተጋላጭ ሆነው ተገኝተዋል።

በተመሳሳይ በ24 ሰዓት የ7 ሰዎች ሞት ተመዝግቧል።

የፅኑ ታማሚዎች ቁጥር በእጅጉ የጨመረ ሲሆን አሁን ላይ 232 ሰዎች በፅኑ ታመዋል።

@tikvahethiopia

#Ethiopia : አጫጭር መረጃዎች፦

- በአማራ ክልል ከውጭ የሚመጡ እንግዶችን ለመቀበል እየተደረገ ያለው ዝግጅት እየተጠናቀቀ መሆኑን የአማራ ክልል ቱሪዝም ቢሮ ለኢዜአ አሳውቋል። ቢሮው እንግዶችን ተቀብሎ ለማስተናገድ በአዲስ አበባ፣ ደሴ ፣ ላልይበላ ፣ ጎንደር እና ባህር ዳር በሚገኙ የቱሪዝም ጽ/ቤቶች ምዝገባ መጀመሩን ገልጿል።

- ወደ ሀገር ቤት ለመጡ ዳያስፖራዎች ዛሬ በወዳጅነት ፓርክ ይፋዊ የእንኳን ደህና መጣችሁ መርሃ ግብር ይካሄዳል።

- የኢትዮጵያ አየር መንገድ ከሚበርባቸው መዳረሻዎች ወደ አ/አ በሚጫኑ የእርዳታ ጭነቶች ላይ የ20% የታሪፍ ቅናሽ አድርጓል፤ እስከ መጋቢት 6/2014 ይቆያል።

- ንግድ ባንክ በደሴ ዲስትሪክት ስር ያሉ እና በወረራ ጉዳት የደረሰባቸውን 34 ቅርንጫፎች ዳግም ስራ አስጀምሯል። ከ34ቱ መካከል ደሴ፣ ኮምቦልቻ ፣ መቅደላ ፣ መካነሰላም ፣ ባቲ ...ቅርንጫፎች ይገኙበታል።

- የሶማሊ ክልል የአርብቶ አደር ልማት ቢሮ ከአደጋ ስጋት አመራር ቢሮ ጋር በመሆን ድርቅ በተከሰተባቸው 5 ዞኖች የእንስሳት መኖ አድርሷል። መኖው በ400 ሄክታር ማሳ ላይ የተገኘ በቆላማ አካባቢ አርብቶ አደር ልማት ማሻሻያ ፕሮጀክት ድጋፍና 250 ሄክታር የክልሉ አርብቶ አደር ልማት ቢሮ በምዕራብ ጎዴ ከዘራው ማሳ የተሰበሰበ፣ 150 ሄክታር በክልሉ እርሻ እና ምርምር የተገኘ ሲሆን አጠቃላይ 150 መኪና የእንስሳት መኖ ለ14 ወረዳዎች መላኩን SRTV ዘግቧል።

- የጤና ባለሙያዎች የብቃት ምዘና ፈተና ነገ ይጀምራል። ተመዛኞች ዛሬ ከቀኑ በ8፡00 ሰዓት ላይ በሚፈተኑበት ጣቢያ በመገኘት ስለፈተናው አሰጣጥ ቅድመ ገለጻ ወይም orientation መከታተልና የመፈተኛ ክፍላቸውን መለየት እንዳለባቸው ጤና ሚኒስቴር አሳውቋል።

@tikvahethiopia

ቪድዮ : ቡጢ የተሰናዘሩት የጆርዳን ፓርላማ አባላት !

የጆርዳን የፓርላማ አባላት በቀጥታ ስርጭት ላይ እየተላለፈ በነበረ ስብሰባ ላይ ክርክራቸው እና የቃላት ምልልሳቸው ወደከፍተኛ ፍጥጫ ተቀይሮ ወደ ድብድብና ቡጢ መሰናዘር ሲገቡ ታይተዋል።

ይህም ከፍተኛ መነጋገሪያ ሆኗል።

አባላቱ የሁሉንም ዜጎች የእኩልነት መብት በሚያረጋግጥ የሕገ መንግሥቱ ክፍል ላይ የሕገ መንግሥት ማሻሻያዎች እንዲደረጉ (የሴቶች እኩልነትን ጨምሮ) ሲወያዩ ነበር ተብሏል።

ክርክሩ የተነሳው 'የጆርዳ ሴቶች' የሚለው ቃል የሁሉንም ዜጎች የእኩልነት መብት በሚያረጋግጠው የሕገ መንግሥቱ ምዕራፍ ላይ በማከል ማሻሻያ እንዲደረግ ውይይት ሲደርግ ነው።

አንዳንድ የፓርላማው አባላት፣ በተለይም ሴቶች፣ ማሻሻያው በጆርዳናውያን መካከል በፆታ ላይ የተመሰረተ መድልዎ ይፈጥራል ብለውታል።

በርካታ የፓርላማ አባላት ማሻሻያውን “ ጥቅም የለውም ” ሲሉ በቁጣ ተቃውመዋል።

የቀረበውን ማሻሻያ በማስረዳት የምክር ቤቱ ህግ ኮሚቴ ሃላፊ አብዱልሙኒም ኦድዳት ' የጆርዳን ሴቶች ' የሚለው ቃል በህገ መንግስቱ ላይ ምንም አይነት አዲስ ድንጋጌ እንሌለውና ' የቋንቋ እኩልነት ' ለመፍጠር ታስቦ የተደረገ ብቻ ነው ብለዋል።

ነገር ግን ኦድዳት በማስረዳታቸው ሊቀጥሉ አልቻሉም ብዙ የህግ አውጭዎች ማሻሻያውን በመቃወም ' የጆርዳን ሴቶች ' የሚለው ቃል እንዲሰረዝ ጠይቀዋል።

በኃላም በፓርላማው ውስጥ የነበረው የቃላት ምልልስ ተካሮ ፤ በአፈ ጉባኤው እና ምክትል አፈጉባኤው መካከል የስድብ ቃላት ልውውጥ ተደርጎ በቅፅበት ፓርላማው በቪድዮው ላይ እንደሚታየው ወደ ድብደብና ቡጢ መድረክ ተቀይሯል።

ሌሎች የተያዙ መርሀግብሮችም ተሰርዘዋል።

@tikvahethiopia

#ችሎት

3 የአዲስ አበባ ፖሊስ ኮሚሽን አባላት ላይ ክስ መሰረተ።

ዐቃቤ ህግ የ #አስቸኳይ_ጊዜ_አዋጁን ተገን በማድረግ ስልጣንን አላግባብ በመገልገል የሙስና ወንጀል የፈፀሙ 3 የአዲስ አበባ ፖሊስ ኮሚሽን አባላት ላይ ክስ መስርቷል።

ክስ የተመሰረተባቸው ፦
1ኛ ተከሳሽ ኮንስታብል ተሰማ መለሰ በዲስፕሊን ጥፋት ከስራ የተሰናበተ
2ኛ ተከሳሽ ዋ/ሳጅን ፈንቴ ፈይሳ የፖሊስ መኪና ሾፌር
3ኛ ተከሳሽ ረ/ሳጅን ተስፋዬ በላይ የፖሊስ መኪና ተወርዋሪ ናቸው።

ተከሳሾች ምንድነው የፈፀሙት ?

ተከሳሾቹ በጥቅም በመመሳጠር ህዳር 03 ቀን 2014 ዓ/ም ከጠዋቱ ከ12፡30 - 1፡00 ባለው ጊዜ ውስጥ በኮልፌ ቀራንዩ ክ/ከተማ ኪዳነ ምህረት ቤተክርስቲያን አካባቢ የሰሌዳ ቁጥር 0228 በሆነችና 2ኛ ተከሳሽ በሚያሽከረክራት የፖሊስ መኪና የግል ተበዳይ አቶ ዘሪሁን ሀይሉ ወደሚኖርበት መኖሪያ ቤት ይሄዳሉ።

1ኛ ተከሳሽ የፖሊስ አባል በመምሰል 2ኛ እና 3ኛ ተከሳሾች ደግሞ የፖሊስ አባልነታቸውን ሽፋን በማድረግ ምርመራ የማከናወን እና የግል ተበዳይን የመያዝ የስራ ድርሻ ሳይኖራቸው እና ምንም አይነት ትዕዛዝ ሳይሰጣቸው 2ኛ ተከሳሽ የግል ተበዳይን “በወቅታዊ ጉዳይ ትፈለጋለህ” በማለት 1ኛ እና 3ኛ ተከሳሾች ወደ ግል ተበዳይ መኪና በመግባት 1ኛ ተከሳሽ ተበዳይን ያለምንም ጥያቄ 6 ወር ትታሰራለህ እኛ እንድንተባበርህ ከፈለክ 200 ሺ ብር ስጠን ብለው ይጠይቁታል።

በመጨረሻም 120 ሺ ብር እንዲሰጣቸው ተስማምተው 60 ሺ ብሩን 1ኛ ተከሳሽ ወደሚጠቀምበት በኢትዮጵያ ንግድ ባንክ ሞባይል ባንኪንግ ገቢ እንዲያርግ በማድረግ እና 10 ሺህ ብር በጥሬው በአንደኛ ተከሳሽ አማካኝነት ተቀብለው ከተከፋፈሉ በኋላ ቀሪውን ገንዘብ ሊቀበሉ ሲሉ በማህበረሰቡ እና በህግ አስከባሪ አካላት ተይዘዋል።

በፍትህ ሚኒስቴር የሙስና ወንጀሎች ዐቃቤ ህግ ክስ ተመስርቶባቸዋል። 

ዐቃቤ ህግ ከዚህ በፊት ታህሳስ 4/2014 ዓ.ም ተመሳሳይ ወንጀል በፈፀሙ አራት የፌደራል ፖሊስ አባላት ላይ ክስ መስርቶ ተከሳሾች ባቀረቡት የክስ መቃወሚያ ላይ መልስ በመስጠት የችሎቱን ብይን ለመስማት ተለዋጭ ቀጠሮ መሰጠቱ የሚታወስ ነው።

ያንብቡ : https://telegra.ph/Ministry-of-Justice-12-29

#Update

የህዝብ ተወካዮች ምክር ቤት የአገራዊ የምክክር ኮሚሽን ማቋቋሚያ አዋጅን በአብለጫ ድምፅ አጽድቋል፡፡

የኢትዮጵያ አገራዊ ምክክር ኮሚሽን ለማቋቋም የወጣው አዋጅ በ13 ተቃውሞ እና በአንድ ድምጸ ተዓቅቦ በአብላጫ ድምጽ ነው የጸደቀው።

@tikvahethiopia