#Ethiopia

ትላንትና የፍትህ ሚኒስትር ዶክተር ጌዴዎን ጢሞቲዮስ እና የጠ/ሚ ፕሬስ ሴክሬተሪያት ለአሜሪካ ውጭ ጉዳይ ሚኒስትር እንዲሁም ለሌሎች አለም አቀፍ ተቋማት በወቅታዊ ሁኔታ ዙሪያ በኦን ላይን ማብራርያ ሰጥተው ነበር።

የትላንቱ ማብራሪያ አላማ ኢትዮጵያ አሁን ያለችበትን ውስብስብ ሁኔታ ለዓለም አቀፉ ማህበረሰብ ማስረዳት ነው።

የፍትህ ሚኒስትሩ ዶ/ር ጌዴዎን የሰሜን ኢትዮጵያ ጦርነት መናሻውን እና ሂደቱን በዝርዝር ያብራሩ ሲሆን በፍቃደኝነት ህወሓት ጦርነቱን ሙሉ በሙሉ አቁሞ ከወረራቸው የአማራ እና አፋር ክልሎች ካልወጣ ምንም አይነት ድርድር እንደማይኖር አስረግጠው ተናግረዋል።

ሚኒስትሩ ህወሓት በአዲስ አበባና በሌሎች ከተሞች ጥቃት ለማድረስ እያሴረ መሆኑን መንግስት የተረጋገጠ መረጃ እንዳለው አሳውቀዋል።

" ህወሓት በአዲስ አበባ እና በሌሎች ከተሞች ጥቃት የማድረስ ሙኩራ እንደሚያደርግ የተረጋገጠ የደህንነት መረጃ ደርሶናል " ሲሉ ነው የተናገሩት ሚኒስትሩ።

ቢልለኔ ስዩም ፥ የፌዴራሉን መንግስት እና ህወሓትን እኩል ደረጃ ታይተው ለድርድር እንዲቀርቡ መጠየቁ ስህተት ነው ብለዋል።

የሀገሪቱ መንግስት በሽብርተኝነት የፈረጀውን ታጣቂ ቡድን የሚያደርሰው ጥቃት በዓለም አቀፉ ህብረተሰብ ዘንድ በበቂ ሁኔታ ባለመወገዙ ወቅሰዋል።

ቢልለኔ የኢትዮጵያ መንግስት ዴሞክራሲያዊ በሆነ መንገድ የተመረጠ እና ሰፊ ድጋፍ ያለው መሆኑን ገልፀው የተጠና በሚመስል መልኩ የሚቀርበው ክስ አሳሳቢ መሆኑን ተናግረዋል።

መንግስት የተናጠል ተኩስ አቁም ካደረገ በኃላ የእርዳታ እቃዎች ወደትግራይ እንዲገቡ ቢያደርግም ህወሓት ለውጊያ ተግባር እንዳዋላቸው ገልፀዋል።

ሁለቱም የኢትዮጵያ ተወካዮች ህገመንግስቱ በኢትዮጵያ ውስጥ ጦር ማደራጀት ስልጣን የሰጠው ለፌዴራል መንግሥት ብቻ መሆኑን የገለፁ ሲሆን ከህወሓት ጋር ድርድር እንዲደረግ ህወሓት የያዘውን ትጥቅ መፍታቱ የማያደራድር ቅድመ ሆኔታ መሆኑን አበክረው ተናግረዋል።

ያንብቡ 👉https://telegra.ph/ETHIOPIA-11-06

#Update

" ሰልፉ በሰላም ተጠናቋል " - የአዲስ አበባ ፖሊስ

በመስቀል አደባባይና በዙሪያው የተካሄደው ሰላማዊ ሰልፍ #በሰላም መጠናቀቁን የአዲስ አበባ ፖሊስ አስታውቋል፡፡

ፕሮግራሙ በሰላም እንዲጠናቀቅ የከተማው ነዋሪ በተለይ ደግሞ የሰላማዊ ሰልፉ ታዳሚዎች ከፀጥታ አካላት ጎን በመቆም ተገቢውን ትብብር በማድረጋቸው ፖሊስ ምስጋና አቅርቧል።

በተጨማሪ ኃላፊነታቸውን በአግባቡ እየተወጡ ላሉ የፀጥታ አካላት እንዲሁም ሰልፉን ላስተባበሩ እና ለመሩ አካላት በሙሉ የአዲስ አበባ ፖሊስ ምስጋናውን አቅርቧል።

@tikvahethiopia