#Update

ከቀናት በፊት ወደ ኢትዮጵያ እንደሚመጡ የተገለፀው የአውሮፓ ህብረት የዓለም አቀፍ አጋርነት ኮሚሽነር ጁታ ኡርፒላይነን ከኢትዮጵያ ባለስልጣናት ጋር ተወያዩ።

ጁታ ኡርፒላይን ትላንት ከጠ/ሚ ዶ/ር ዐቢይ አህመድ፣ ከፕሬዜዳንት ሳህለወርቅ ዘውዴ፣ እና ከምክትል ጠ/ሚ እና የውጭ ጉዳይ ሚኒስትር አቶ ደመቀ መኮንን ጋር መነጋገራቸውን አሳውቀዋል።

ባለስልጣኗ ባይፋዊ የትዊተር ገፃቸው ባወጡት ፅሁፍ ፥ " በሀገሪቱ የፖለቲካ እና ኢኮኖሚ ማሻሻያ አጀንዳዎች፣ በሰሜን ኢትዮጵያ እየተካሄደ ስላለው ግጭትና ስለሰብዓዊ ቀውስ ጉዳይ ገንቢ ውይይት አድርገናል" ብለዋል።

ኡርፒላይን ፥ ከላይ የተገለፁትን ተግዳሮቶች ለመፍታት ከኢትዮጵያውያን አጋሮቻችን ጋር አብሮ መስራታችንን ለመቀጠል ቁርጠኛ ነኝ ሲሉም ፅፈዋል።

በቅርቡ ዳግም ወደ ኢትዮጵያ እንደሚመለሱም አሳውቀዋል።

እንደ አውሮፓ ህብረት መረጃ ባለስልጣኗ በቀጣይ የአፍሪካ ህብረት እና የአውሮፓ ህብረት የሚኒስትሮች ስብሰባን ለመካፍል ኪጋሊ እንደሚገቡ ይጠበቃል።

ቀደም ብሎ በወጣው መርሃ ግብር በመጨረሻ የስራ ቆይራቸው ሱዳን ካርቱም እንደሚገቡ የታቀደ ቢሆን በሱደን አሁን ካለው ወቅታዊ የፖለቲካ ሁኔታ ጋር በተያያዘ እና በተደረገው መፈንቅለ መንግስት ምክንያት ወደ ሱዳን ያቀናሉ የሚለው አልታወቀም።

ባለስልጣኗ ወደ ሱዳን ሄደው የሽግግሩን አመራሮች ሊያገኙ መርሀ ግብር ተይዞላቸው የነበረ ሲሆን የአውሮፓ ህብረት እና ሱዳን የፖለቲካ ውይይትን ያስጀምራሉ ተብሎም ነበር።

@tikvahethiopia

#HappeningNow : 9ኛ ዙር የአማራ ልዩ ሀይል ፓሊስ የምረቃ ስነ ስርዓት በመካሄድ ላይ ይገኛል።

በአሁን ሰዓት በደብረማርቆስ ከተማ የአማራ ክልል ፓሊስ ኮሌጅ የ9ኛ ዙር የአማራ ልዩ ሀይል ምልምል ፓሊስ ሰልጣኞችን እያስመረቀ ነው።

@tikvahethiopia

#SUDAN : የሱዳን መዲና ካርቱም ትላንት ለሊቱን በአብዛኛው ፀጥ ብላ አሳልፋለች።

የሱዳን ጦር መፈንቅለ መንግስት ማድረግን ተከትሎ የተቋረጠው የኢንተርኔት ፣ የስልክ ግንኙነት አሁንም አልተመለሰም።

የሱዳን ጦር ያደረገውን መፈንቅለ መንግስት ለመቃወም አደባባይ በወጡ እና በጦሩ መካከል በተፈጠረ ግጭት 7 ሰዎች መገደላቸውን እና ከ140 በላይ መቁሰላቸውን የሀገሪቱ ጤና ሚኒስቴር አስታውቋል።

በካርቱም በአሁን ሰዓት ሱቆች፣ የንግድ ተቋማት ፣ አገልግሎት ሰጪዎች እንደተዘጉ ሲሆን የተወሰኑ መንገዶች አሁንም በሱዳን ጦር እንደተዘጉ ናቸው።

ትላንት ሌተናንት ጀነራል አብዱል ፈታህ አልቡርሀን በሰጡት መግለጫ የሉአላዊ ምክር ቤት እና ሚኒስትሮች ምክር ቤት መፍረሱን ፤ የክልሎች አሰተዳዳሪዎች እና ሌሎች አመራሮች ከስልጣን መነሳታቸውን፤ በሀገሪቱም የአስቸኳይ ጊዜ አዋጅ መታወጁን ማስታወቃቸው አይዘነጋም።

ቡርሃን እ.ኤ.አ.በጁላይ 2023 ምርጫ ለማካሄድ እና ለተመረጠ የሲቪል መንግስት ስልጣን እንደሚያስረክቡ ቃል ገብተዋል።

አሁንም ድረስ በእስር ላይ ለሚገኙት ጠ/ ሚ አብደላ ሀምዶክ ታማኝ የሆነው የሱዳን የማስታወቂያ ሚኒስቴር በይፋዊ ፌስቡክ ገጹ ፥ የሽግግር ህገ መንግስቱ የአስቸኳይ ጊዜ አዋጅ የማወጅ መብት የሰጠው ለጠቅላይ ሚኒስትሩ ብቻ ነው ፤ የወታደሩ እርምጃ ወንጀል ነው " ብሎታል።

ሚኒስቴሩ አብደላ ሃምዶክ አሁንም ህጋዊ የሽግግሩ ባለስልጣን ናቸው ሲልም አክሏል።

መረጃው የአልአረቢያ ነው።

@tikvahethiopia

ባድመ እና የአሜሪካ አቋም ?

በኤርትራ፣ አስመራ የሚገኘው የአሜሪካ ኤምባሲ ዛሬ በይፋዊ ማህበራዊ ትስስር ገፁ ባድመን በሚመለከት አንድ አጭር ፅሁፍ አሰራጭቷል።

" ባለፉት ጥቂት ሳምንታት ውስጥ ብዙዎቻችሁ በባድመ ላይ የአሜሪካ ፖሊሲ ምን እንደሆነ ጠይቃችሁ ነበር " ያለው ኤምባሲው በባድመ ጉዳይ የአሜሪካንን አቋም አሳውቋል።

እኤአ በ2002 የኤርትራ - ኢትዮጵያ የድንበር ኮሚሽን ባድመ እና ተጓዳኝ አወዛጋቢ አካባቢዎችን ለኤርትራ ሰጥቷል የሚለው የአሜሪካ ኤምባሲ ፥ ኢትዮጵያ እና ኤርትራ እኤአ በ2018 የሰላም ስምምነት ወቅት የኤርትራ እና ኢትዮጵያ የድንበር ኮሚሽን ውሳኔንን ተግባራዊ ለማድረግ ቁርጠኛ መሆናቸው ገልፀዋል ብሏል።

አሜሪካ ፥ ሁለቱ ሀገራት ይህን ለማድረግ ሁሉንም አስፈላጊ ቀሪ እርምጃዎች እንዲወስዱ ታሳስባለች ብሏል በአስመራ የሚገኘው የአሜሪካ ኤምባሲ።

@tikvahethiopia

#SUDAN : " ጠ/ሚ አብደላ ሀምዶክ እኔ ቤት ነው ያለው " - ሌ/ጀነራል አብዱል ፈታህ አልቡርሀን

የሱዳን ጦር አዛዥ ሌተናንት ጀነራል አብዱል ፈታህ አልቡርሀን ዛሬ መግለጫ ሰጥተዋል።

ሌተናንት ጀነራል አብዱል ፈታህ አልቡርሀን በመግለጫቸው በሱዳን ጦር በቁጥጥር ስር የዋሉት ጠቅላይ ሚኒስትር በአብደላ ሀምዶክ ያሉበትን አስታውቀዋል።

አልቡርሃን ፥ “ጠቅላይ ሚኒስትር አብደላ ሀምዶክ እኔ ቤት ነው ያለው” ያሉ ሲሆን “ይህ የሆነው ለደህንነታቸው ሲባል ነው” ብለዋል።

ጠቅላይ ሚኒስትር አብደላ ሀምዶክን ወደ ቤታቸው የወሰዷቸው የደህንነት ስጋት ስለነበረ እንደሆነ ያስታወቁት አልቡርሃን፤ “በየቀኑ እተገናኝ እየነጋገርን ነው” ሲሉ አስታውቀዋል።

"ለጠቅላይ ሚኒስትር አብደላ ሀምዶክ ክብር አለን" ያሉት አልቡርሃን፤ ደህንነታቸውን ለማስጠበቅ እንደሚሰሩ ተናግረዋል።

ጠቅላይ ሚኒስትር አብደላህ ሀምዶክ የፖለቲካ ገደብ ስለተጣለባቸው ስራቸውን በነጻነት መስራት እንደማይችሉ አስታውቀዋል።

አልቡርሀን በመግለጫቸው በወንጀል የሚፈለጉ ሰዎች በእስር ቤት እንደሚቆዩ ገልጸው፤ ሌሎቹ ግን ከእስር እንደሚለቀቁ አስታውቀዋል።

በትናትናው እለት የታወጀው የአስቸኳይ ጊዜ አዋጅ ነገሮች ሲረጋጉ ይነሳል ሲሉም አስታውቀዋል።

Credit : አል ዐይን ኒውስ

@tikvahethiopia

#AddisAbaba : ዛሬ አዲስ አበባ " ቄራ በረት " አካባቢ ከቀኑ 8:00 ገደማ አካባቢ በተከሰተ የእሳት አደጋ በንብረት ላይ ጉዳት መድረሱን የን/ስ/ላ/ክ/ከ አሳውቋል።

የን/ስ/ላ/ክ/ከ ዋና ስራ አስፈፃሚ ወይዘሮ ነፃነት ዳባ በስፍራው ተገኝተው በአደጋው የደረሰውን ጉዳት ተመልክተዋል።

የን/ስ/ላ/ክ/ከተማ ይፋ ባደረገው መረጃ የአደጋው መንስኤ አልተገለፀም።

በእሳት አደጋው የወደመው አጠቃላይ ንብረት መጠን አልታወቀም።

Video Credit : Elias Workneh (Tikvah-Family)

@tikvahethiopia