ዛሬ ማምሻውን የውጭ ጉዳይ ሚኒስቴር ባወጣው መግለጫ TPLF በንጹሃን ዜጎች ላይ የሚያደርሰውን ጥቃት ለመሸፈን ጩኸቱን ቀጥሎበታል ብሏል።

TPLF በአማራ ክልል እና በአፋር ክልል የተለያዩ ጥቃቶችን በመፈጸም በዜጎች ላይ ከፍተኛ አካላዊና ቁሳዊ ጉዳት እያደረሰ እንደሚገኝ ሚኒስቴሩ ገልጿል።

ቡድኑ በውጫሌና ጭፍራ አካባቢዎች ላይ በፈጸመው የከባድ መሳሪያ ጥቃት ከ30 በላይ ንጹሃን ዜጎች በግፍ መግደሉን ውጭ ጉዳይ ሚኒስቴር አሳውቋል።

TPLF እያደረሰ ያለው ጭፍጨፋና ግድያ እንዳይታወቅበት ለመሸፋፈን የተለመደውን "የተኩላ ጩኸት ቀጥሎበታል" ሲል ገልጿል።

ሚኒስቴሩ ፤ የህወሓት ቡድን በወረራ ከያዛቸው አካባቢዎች የተፈናቀሉና የሰብዓዊ እርዳታ የሚሹ ዜጎች ቁጥር ከጊዜ ወደ ጊዜ እየጨመረ መሆኑን አመላክቷል።

ዓለም አቀፉ ማህበረሰብ በTPLF የሐሰት መረጃ ሳይወናበድ በሰሜን ወሎ፣ በጎንደር በዋግ ህምራ እና በአፋር ክልሎች የዜጎችን ጉዳት ሊመለከት እንደሚገባ መንግስት ጥሪ ያቀርባል ብሏል።

የኢትዮጵያ መንግስት አሜሪካንና አጋሮቿ በኢትዮጵያ ያለውን ግጭት ሚዛናዊ ያልሆነ አቋም ዳግም እንዲመለከቱት መጠየቁን እንዲሁም የአውሮፓ ፓርላማ ያወጣው መግለጫ ከእውነታው የራቀ መሆኑን ውጭ ጉዳይ ሚኒስቴር በመግለጫው አስፍሯል።

* ሙሉ መግለጫው ከላይ ተያይዟል።

@tikvahethiopia

የባሕር ዳር ስታዲየም በካፍ ታግዷል።

የብሔራዊ ቡድን ውድድሮችን ላለፉት ዓመታት ሲያስተናግድ የቆየው የባህር ዳር ብሔራዊ ስታዲየም የዓለም ዋንጫ ማጣሪያ ጨዋታን እና የአፍሪካ የክለብ ሻንፒዮና ውድድሮች #እንዳይካሄድበት ማገዱን ካፍ አሳውቋል።

የባህር ዳር ብሔራዊ ስታዲየም የካፍ የስታዲየም መመዘኛ መስፈርቶችን ሙሉ በሙሉ ባለማሟላቱ በገደብ ውድድሮችን እዲያስተናግድ መደረጉ ይታወሳል።

የተለያዩ የብሔራዊ ቡድን ውድድሮችን ሲያስተናግድ የቆየው የባህር ዳር ስታዲየም ከዚህ በኋላ የዓለም ዋንጫ ማጣሪያ ጨዋታን እና የአፍሪካ ኮንፌዴሬሽን እና ሻምፒዮንስ ሊግ ውድድሮችን እንዳይካሄድበት ማገዱን ካፍ በትናንትናው እለት ጥቅምት 7/2014ዓ.ም ለኢትዮጵያ እግር ኳስ ፌዴሬሽን በላከው ደብዳቤ አሳውቋል።

በደብዳቤውም ላይ ከኦክቶበር 20 በፊት ኢትዮጵያ በአለም ዋንጫ ማጣሪያ ከጋና ጋር የምታደርገውን ጨዋታ በማን ሀገር በየትኛው ስታዲየም ለመጫወት እንደምትመርጥ ለካፍ በአስቸኳይ እንድታሳውቅ ካፍ ትዕዛዝ የሰጠ ሲሆን ይህ ሳይሆን ቢቀር ካፍ ጨዋታውን ወደ ተጋጣሚዋ ሀገር እንደሚወስድ አሳውቋል ።

ለመታገዱ ምክንያት ምንድነው ? ከላይ ተያይዟል።

@tikvahethsport

#Hawassa #Jimma #AbebeBikela

ካፍ የጅማ ዩኒቨርሲቲ ስታዲየም መሟላት ካለበት መስፈርት አንጻር በርካታ መሟላት ያለባቸው ነገሮች እንዳሉ አሳውቋል።

ስታዲየሙ ለወደፊት የተጓደሉትን ነገሮች ካሟላ ወደፊት የካፍ የገምጋሚ ቡድን በመምጣት ጨዋታ ማስተናገድ ይችል እንደሆነ ይመልከተዋል።

ይህ እስካልሆነ ድረስ አሁን ባለው ሁኔታ ምንም የኢንተርናሽናል ውድድር ማስተናገድ እንደማይል ተገልጿል።

የአበበ ቢቂላ ስታዲየም በእድሜ ደረጃ ሚዘጋጁ ውድድሮችን እና የሴት የብሄራዊ ቡድን ጨዋታዎችን በጊዚያዊነት ማስተናገድ እንደሚችል ካፍ አሳውቋል።

የካፍ ማረጋገጫ ደብዳቤውም በአጭር ቀናት ውስጥ ይላካል ተብሎ ይጠበቃል።

የሐዋሳ ዩንቨርስቲ ስታዲየምን በተመለከተ ከዚህ ቀደም በኢ.እ.ፌ ክለብ ላይሰንሲግ የተገመገመ እና ሪፖርቱ የደረሰው ካፍ መጫወቻ ሳሩ ደረጃውን ያልጠበቀ፣ ሜዳው አጠገብ ያለው መሮጫ መም በምርጫ መም እንዲሰፍን ወይም በሳር ሙሉ በሙሉ እንዲሸፈን ከዚህ ቀደም የገለፀ ሲሆን መልበሻ ክፍሎቹ በአዲስ መልክ ሊሻሻሉ እንደሚገባቸው ገልጸዋል።

Credit : EEF
Photo : File

@tikvahethiopia

#Update

አቶ አክሊሉ ለማ የዎላይታ ዞን ዋና አስተዳዳሪ ሆነዉ ተሹመዋል።

በሌላ በኩል ወ/ሮ ካሠች ኤሊያስ የዎላይታ ዞን ምክር ቤት ዋና አፈ ጉባኤ ሆነው ተሹመዋል።

Photo Credit : የዎላይታ ሶዶ ኮሚኒኬሽን

@tikvahethiopia

#Awi : አቶ እንግዳ ደኛው የአዊ ብሔረሰብ አስተዳደር ዋና አስተዳዳሪ በመሆን ተሾሙ።

ዛሬ እየተካሄደ በሚገኘው የአዊ ብሔረሰብ ምክር ቤት 5ኛ ዙር 22ኛ መደበኛ ጉባዔ አቶ እንግዳ ደኛው የአዊ ብሔረሰብ አስተዳደር ዋና አስተዳዳሪ ሆነው ተሹመዋል።

አቶ በላይነህ የኔሰው ደግሞ ምክትል አስተዳዳሪ እና የገጠር መሬት አስተዳደር መምሪያ ኃለፊ ሆነው ተሹመዋል።

መረጃው የአዊ ኮሚኒኬሽን ነው።

@tikvahethiopia

#SomaliRegion : የሶማሊ ክልል ም/ቤት ሁለተኛ ቀን ውሎውን እያካሄደ ይገኛል።

ትላንት የክልሉ ፕሬዜዳንት ፣ ምክትል ፕሬዜዳንት ፣ አፈጉባኤ እና የምክትል አፈጉባኤ ሹመት በምክር ቤት ፀድቋል።

በመቀጠልም 2 የኦብነግ (ONLF) አባላት ያሉበት 27 የክልሉ ስራ አፅፈፃሚ አካላት ሹመት ፀድቆ ነበር።

በዛሬው የሁለተኛ ቀን ውሎ ምክር ቤቱ በክልሉ ፕሬዝዳንት አቶ ሙስጠፋ ሙሁመድ አቅራቢነት የተለያዩ ሹመቶችን አፅድቋል።

* አጠቃላይ በሶማሊ ክልል ምክር ቤት የፀደቁ ሹመቶች ከላይ ተያይዟል።

Credit : Somali Communication & SMMA

@tikvahethiopia

#Gambella : ትላንት በጋምቤላ ከተማ በ2 ባጃጅ ውስጥ አንድ የቡድን መሳሪያ (ላውንቸር)፣ አንድ ክላሽንኮቭ፣ 76 የዲሽቃ ጥይትና 705 የክላሽንኮቭ ጥይቶች በቁጥጥር ስር መዋሉን የክልሉ ሰላምና ፀጥታ ቢሮ አሳውቋል።

የተያዙት ህገወጥ የጦር መሳሪያዎች ከጋምቤላ ከተማ 01 ቀበሌ ወደ 03 ቀበሌ ሲዘዋወር መሆኑንም ቢሮው ገልጿል።

የጦር መሳሪዎቹ በቁጥጥር ስር የዋሉት በህብረተሰቡ ጥቆማ ፖሊስ ባደረገው ክትትል ነው ተብሏል።

አዘዋዋሪዎቹ በቁጥጥር ስር ውለው የማጣራት ስራ እየተከናወነ መሆኑንም የክልሉ ሰላምና ፀጥታ ቢሮ አስታውቋል።

የፌዴራል ፖሊስ በበኩሉ ፥ " ህገ ወጥ የጦር መሳሪያዎቹ ለኦነግ ሸኔ ተላላኪዎች በተለይም ራሱን የጋምቤላ ነፃነት ግንባር (ጋነግ) ብሎ ለሚጠራው ድርጅት ለማስተላለፍ ሲሞክር ነው የታያዘው" ብሏል።

በቁጥጥር ስር ከዋሉት ህገወጥ የጦር መሳሪያዎች "ላውንቸር" የቡድን መሳሪያ እንጂ በግለሰብ የሚያዝ እንዳልሆነ ፖሊስ አስረድቷል። ይህ መሳሪያ ምሽግ ለመስበር፣ ተሸከርካሪና ትልልቅ ህንፃዎችን ለማውደም የሚያገለግል ነው።

* በጋምቤላ ክልል ባለፉት 3 ወራት 61 ህገ ወጥ የጦር መሳሪያና በርካታ ተተኳሽ ጥይቶች በቁጥጥር ስር ውለዋል ከክልሉ ሰላምና ፀጥታ ቢሮ በተገኘው መረጃ።

Credit : ጋምቤላ ፕሬስ ሴክሬተሪያት

@tikvahethiopia