#ETHIOPIA😷

ሀገራችን ኢትዮጵያ 🇪🇹 ተጨማሪ 40 ዜጎችን በኮቪድ-19 ሳቢያ አጥታለች።

የኢ.ፌ.ዴ.ሪ የጤና ሚኒስቴር ይፋ ባደረገው ሪፖርት ባለፉት 24 ሰዓት ውስጥ 40 ሰዎች ሲሞቱ ከተደረገው 9,468 የላብራቶሪ ምርመራ ደግሞ 1,352 ሰዎች ለቫይረሱ ተጋላጭ ሆነው ተገኝተዋል።

የዛሬው ሪፖርት እንደሚያሳየን 813 ሰዎች በፅኑ ታመዋል።

#ጥንቃቄ 😷 #TikvahFamily

@tikvahethiopia

#OROMIA : የኦሮሚያ ክልል አዲስ መንግስት ነገ ይመሰረታል።

ነገ መስከረም 15 ቀን 2014 ዓ.ም የጨፌ ኦሮሚያ ጉባኤውን የሚያካሄድ ሲሆን አዲሱ የኦሮሚያ ክልል መንግስት ይመሰረታል።

በነገው ጉባኤ ነባር የጨፌው አባላት ይሸኛሉ፤ አዲሶቹ ደግሞ ይተካሉ ፤ አዲሱ የክልሉ ርእሰ መስተዳደር ጨምሮ አዲስ የካቢኔ አባላት ይሰየማሉ።

@tikvahethiopia

የብቃት ምዘና ፈተና ውጤት ዛሬ አርብ ይፋ ሆኗል።

የኢፌዴሪ ጤና ሚኒስቴር ከነሀሴ 10 - 14/2013 ዓ.ም የተሰጠውን የብቃት ምዘና ፈተና የወሰዱ ተመዛኞች ከዛሬ መስከረም 14 ቀን 2014 ዓ.ም ጀምሮ hple.moh.gov.et ላይ በመግባት ሙሉ ስም እና የፈተና መለያ ቁጥር (Registration No) በማስገባት የፈተና ውጤታቸውን መመልከት እንደሚችሉ አሳውቋል።

በውጤታቸው ላይ ቅሬታ ያላቸው ተመዛኞች ውጤት ከተገለጸበት ዕለት አንስቶ ባሉት 10 (አስር) ተከታታይ የስራ ቀናት ፦
- በስልክ ቁጥር 0118275936/37 በመደወል ወይም
- በኢሜይል [email protected] ላይ ሙሉ ስም፣ ዲፓርትመንት፣ የመለያ ቁጥር እና የተማሩበትን የትምህርት ተቋም ስም በመሙላት ጥያቄያቸውን ማቅረብ እንደሚችሉ ሚኒስቴሩ ገልጿል።

በሌላ በኩል ጤና ሚኒስቴር የቀጣዩ ፈተና ምዝገባ በቅርብ ቀናት የሚካሄድ መሆኑን አሳውቋል።

ምዝገባው ለአዲስም ሆነ ነባር ተመዛኞች ሙሉ ለሙሉ በonline የሚካሄድ ሲሆን ተመዛኞች ይህንን አውቀው ዝግጅት እንዲያደርጉም አሳስቧል።

የግል የትምህርት ተቋማት ተመዛኞች ለፈተናው ለመመዝገብ የትምህርት ማስረጃዎቻቸው ህጋዊነቱን ማረጋገጥ (Authenticate) ማስደረግ ይጠበቅባቸዋል የተባለ ሲሆን ከምዝገባው በፊት በዚህ መልክ ራሳቸውን እንዲያዘጋጁ ማሳሰቢያ ተላልፏል።

@tikvahethiopia

#Tigray #Afar #Amhara

UN OCHA በትግራይ ክልል የሰብዓዊ ሁኔታው አሁንም መሻሻል እንዳላሳየ እና በአስከፊ ሁኔታ እንደቀጠለ ሪፖርት አድርጓል።

ጦርነቱ ወደ አማራ እና አፋር ክልሎች መስፋፋቱን ተከትሎ በሁለቱ ክልሎች ሰብዓዊ ችግሩ እየተባባሰ ነው ብሏል።

ወደ ትግራይ ክልል የሰብዓዊ እርዳታ ማስገቢያ መንገድ በሰመራ - አብአላ - መቐለ መስመር ብቻ በመሆኑ እርዳታ የማድረሱ እንቅስቃሴ በከባዱ የተገደበ መሆኑን ገልጾ የመንገዱ ፀጥታ የተረጋጋ ቢሆንም በቀጣይነት የሚፈጠረውን መተንበይ አይቻልም ብሏል።

ውጊው ወደ አፋር እና አማራ ክልሎች መስፋፋቱ በሲቪሎች ላይ ያስከተለው የምግብ ችግር እና መፈናቀል እየተባባሰ መሆኑን አሳውቋል።

ሙሉ ሪፖርት : reports.unocha.org/en/country/ethiopia/

@tikvahethiopia

#ኢሬቻ #መስቀል #የመንግስት_ምስረታ !

የኢትዮጵያ ፌዴራል ፖሊስ ከመስቀል፣ ከኢሬቻ በዓላት እና ከመንግስት ምስረታ ስነ-ስርዓት በፊትና በኋላ ሊከሰቱ የሚችሉ የፀጥታ ችግሮችን ለመከላከል እና ለመቆጣጠር ፤ ችግር ቢከሰት እንኳን ህጋዊ እርምጃ ለመውሰድ የሚያስችል ጠንካራ ኮሚቴ ተቋቁሞ ወደ ስራ መግባቱን ይፋ አድርጓል።

ኮሚቴው በኢትዮጵያ ፌደራል ፖሊስ ኮምሽነር ጀኔራል የሚመራ ሲሆን ፦
- ከኢትዮጵያ ፌደራል ፖሊስ ፣
- ከሀገር መከላከያ ሚኒስቴር፣
- ከብሔራዊ መረጃና ደህንነት፣
-ከአዲስ አበባ ፖሊስ ኮሚሽን
- ከኦሮሚያ ክልል ፖሊስ ኮሚሽን ከተውጣጡ አመራሮች የተዋቀረ ነው።

@tikvahethiopia

#AddisAbaba : ነገ የሚዘጉ መንገዶች !

መሰከረም 16/2014 ዓ.ም በመስቀል አደባባይ የሚከበረው የደመራ በዓል ተጀምሮ አስከሚጠናቀቅ ከዚህ በታች የተገለፁትን መንገዶች ዝግ ስለሚሆኑ አሽከርካሪዎች ሌሎች አማራጮችን እንዲጠቀሙ ከአ/አ ፖሊስ ማሳሰቢያ ተላፍሏል።

የሚዘጉት መንገዶች ፦

• ከቦሌ አየር መንገድ በሚሊኒየም አዳራሽ ወደ መስቀል አደባባይ የሚወስደው መንገድ ደንበል ሲቲ ሴንተር ኦሎምፒያ አደባባይ አከባቢ፤
• ከመገናኛ ፣ በሃያ ሁለት ወደ መስቀል አደባባይ እንዲሁም ከቦሌ መድሃኒያለም፣ በአትላስ ሆቴል ወደ መስቀል አደባባይ የሚወስደው መንገድ ኡራኤል ቤተ-ክርስቲያ አካባቢ፤
• ከአራት ኪሎ ወደ መስቀል አደባባይ የሚወስደው መንገድ ባሻወልዴ ችሎት ወይም ፓርላማ መብራት፤
• ከፒያሣ አካባቢ ወደ መስቀል አደባባይ የሚወስደው መንገድ ቸርችር ጎዳና ቴዎድሮስ አደባባይ፤
• ከተክለ ሀይማኖት በሜትሮሎጂ መስቀል አደባባይ የሚወስደው መንገድ ሜትሮሎጂ መስሪያ ቤት አካባቢ፤
• ከተክለ ሀይማኖት ፣ በጥቁር አንበሳ ሆስፒታል የሚወስደው መንገድ ጥቁር አንበሳ የኋላ በር አካባቢ፤
• ከሲኒማ ራስ በጎላ ሚካኤል ወደ መስቀል አደባባይ የሚወስደው መንገድ ኢምግሬሽን የኋላ በር መግቢያ፤
• ከጌጃ ሰፈር ፣ ጤና ጥበቃ፣ ብሄራዊ ቲያትር የሚወስደው መንገድ ጎማ ቁጠባ፤
• ከባሻ ወልዴ ችሎት በኦርማ ጋራዥ ወደፉል ውኋ መስኪድ የሚወስደው መንገድ ንግድ ማተሚያ ቤት ፤
• ከጎፋ በቅዱስ ቂርቆስ ቤ/ክ ወደ ለገሐር አዲሱ መንገድ የመወስደው መንገድ ቅዱስ ቂርቆስ ቤ/ክ መስቀለኛው ላይ
• ከጦር ኃይሎች ፣ ልደታ ፣ ፖሊስ ሆስፒታል ሜክሲኮ አደባባይ
• ከሳሪስ በጎተራ ወደ መስቀል አደባባይ የቀድሞ አራተኛ ክፍለ ጦር አካባቢ ናቸው።

ስንት ሰዓት ነው የሚዘጋው ?

ከቀኑ 5 ሰዓት ጀምሮ ዝግጅቱ እስከሚጠናቀቅ ድረስ ይለፍ ለሌላቸው ተሽከርካሪዎች ሁሉ ዝግ ነው።

*** ሌላው ፦
ደመራው የሚደመርበት መስቀል አደባባይ እንዲሁም ከቅዱስ እስጢፋኖስ ቤተ ክርስቲያን ወደ ስታዲዬም እንዲሁም ከሃራምቤ ሆቴል ወደ ሴንጅ ዮሴፍ የሚያቋርጠው መስቀለኛ መንገዱ ለበዓሉ በሚደረገው ዝግጅት ምክንያት ከጠዋቱ 1፡00 ሰዓት ጀምሮ ዝግ የሚደረግ ይሆናል፡፡

በተጨማሪም ከሳሪስ እና ከጎተራ ወደ መስቀል አደባባይ ለሚመጡ ከባድ ተሸከርካሪዎች መንገዱ አጎና ሲኒማ ጋር የሚዘጋ ይሆናል፡፡

#ሼር ያድርጉት !

@tikvahethiopia

* ኒውዮርክ

የኢትዮጵያ ምክትል ጠ/ሚ እና የውጭ ጉዳይ ሚኒስትር አቶ ደመቀ መኮንን እና የተባበሩት መንግስታት ድርጅት ዋና ፀሃፊ አንቶኒዮ ጉተሬዝ መከሩ።

በኒውዮርክ የተመድ ስብሰባ እየተካፈሉ የሚገኙት አቶ ደመቀ፥ ከሀገራት ባለስልጣናት እና ከተቋማት አመራሮች ጋር የሚያደርጉት የጎንዮሽ ምክክር የቀጠለ ሲሆን ትላንት ከአንቶኒዮ ጉተሬዝ ጋር መክረዋል።

የተባበሩት መንግስታት ድርጅት ይፋ ባደረገው መረጃ ዋና ፀሐፊው እና ምክትል ጠቅላይ ሚኒስትሩ እና የውጭ ጉዳይ ሚኒስትሩ በኢትዮጵያ በተለይም በትግራይ ውስጣዊ ሁኔታ ላይ ተወያይተዋል።

ዋና ፀሐፊው ወደ ሰላም የሚወስዱ እርምጃዎች እንዲኖሩ በድጋሚ ጥሪ ያቀረቡ ሲሆን የሰብአዊ ተደራሽነትን ይበልጥ ማመቻቸት አስፈላጊ መሆኑን ጠቅሰዋል።

በሌላ በኩል የታላቁ የኢትዮጵያ ህዳሴ ግድብ በተመለከተ ዋና ፀሐፊው ውይይቱን እንደገና ማስጀመርን አስፈላጊ እንደሆነ አስገንዝበው የተባበሩት መንግስታት ድርጅት ለአፍሪካ ህብረት የማሸማገል ጥረቶች ድጋፉን እንደሚሰጥ አረጋግጠዋል።

@tikvahethiopia

#Update

አቶ ሽመልስ አብዲሳ የኦሮሚያ ክልል ፕሬዚዳንት ሆነው ተመረጡ።

የጨፌ ኦሮሚያ ምክር ቤት አቶ ሽመልስ አብዲሳን የኦሮሚያ ክልል ፕሬዚዳንት አድርጎ ሾሟል።

አቶ ሽመልስ የክልል ፕሬዚዳንት ሆነው የተመረጡት ዛሬ ስራ በጀመረው በአዲሱ የጨፌ አባላት ነው፡፡

ፕሬዚዳንቱ በምክር ቤቱ ፊት ቀርበው ቃለ መሃላ ፈጽመዋል፡፡

Credit : ENA

@tikvahethiopia

#Oromia

ጨፌ ኦሮሚያ የኦሮሚያ ክልል ርዕሰ መስተዳደር አቶ ሽመልስ አብዲሳ ያቀረቧቸውን ምክትል ርዕሰ መስተዳድር እና የክልል ካቢኔ አባላት ሹመት አጽድቋል፡፡

በዚህም :-

1.አቶ አወሉ አብዲ - የክልሉ ምክትል ፕሬዘዳንት
2. አቶ ፍቃዱ ተሰማ - በጨፌ የመንግስት ተጠሪ
3. ዶክተር ግርማ አመንቴ - በምክትል ፕሬዘዳንት ማዕረግ የክልሉ መንግስት የልማት ድርጅቶች ክላስተር አስተባባሪ
4. ወይዘሮ መስከረም ደበበ - በምክትል ፕሬዚዳንት ማዕረግ የኦሮሚያ ገቢዎች ቢሮ ሃላፊ
5. አቶ አዲሱ አረጋ - በምክትል ፕሬዘዳንት ማዕረግ የከተማ ክላስተር አስተባባሪ
6. አቶ አብዱራህማን አብደላ - በምክትል ፕሬዘዳንት ማዕረግ የገጠር ክላስተር አስተባባሪ
7. አቶ አብዱልሃኪም ሙሉ - በምክትል ፕሬዘዳንት ማዕረግ የማህበራዊ ክላስተር አስተባባሪ
8. አቶ አበራ ወርቁ - የኦሮሚያ ግብርና ቢሮ ሃላፊ
9. ወይዘሮ አዱኛ አህመድ - የኦሮሚያ ጠቅላይ አቃቤ ህግ ዋና አቃቢ
10. አቶ ሻፊ ሁሴን - የኦሮሚያ አስተዳደርና ፀጥታ ቢሮ ሃላፊ
11. ኢንጂነር ሚሊዮን በቀለ - የኦሮሚያ ውሃ መስኖና ኢነርጂ ቢሮ ሃላፊ
12. አቶ ቶለሳ ገደፋ - የኦሮሚያ የገንዘብና ኢኮኖሚያዊ ልማት ቢሮ ሃላፊ
13. አቶ አበራ ቡኖ - የክልሉ ሚሊሺያ ቢሮ ሃላፊ
14. ወይዘሮ ሳሚያ አብደላ - የስፖርት ኮሚሽን
15. ጉዮ ገልገሎ - የቤቶችና ከተማ ልማት ቢሮ ሃላፊ
16. አቶ አህመድ ኢድሪስ - የስራ ዕድል ፈጠራ ቢሮ ሃላፊ
17. ወይዘሮ ሀዋ - አህመድ የንግድ ቢሮ ሃላፊ
18. ዶክተር መንግስቱ በቀለ - የኦሮሚያ ጤና ቢሮ ሃላፊ
19. ወይዘሮ ሰዓዳ ዑስማን - የኦሮሚያ ባህልና ቱሪዝምቢሮ ሃላፊ .
20. አቶ ጉታ ላቾሬ - የመሬት ቢሮ ሃላፊ .
21. ወይዘሮ መሰረት አሰፋ - የህብረት ስራ ማስፋፊያ ኤጄንሲ ሃላፊ
22. ዶክተር ተሾመ አዱኛ - የኢንቬስመንትና ኢንዱስትሪ ቢሮ ሃላፊ
23. ኢንጂነር ሄለን ታምሩ - የኦሮሚያ መንገዶችና ሎጄስቲክ ቢሮ ሃላፊ
24. ዶክተር ቶላ በሪሶ - የኦሮሚያ ትምህርት ቢሮ ሃላፊ
25. ዶክተር ኢንጂነር መሳይ ዳንኤል - የኦሮሚያ መስኖና አርብቶ አደር ልማት ቢሮ ሃላፊ
26. ወይዘሮ ጀሚላ ሲንቢሩ - የኦሮሚያ ሴቶች ህፃናትና ወጣቶች ጉዳይ ቢሮ ሃላፊ
27. አቶ አራርሶ ቢቂላ (የኦሮሞ ነፃነት ግንባር የስራ አስፈፃሚ አባል) - የኦሮሚያ ሠራተኛና ማህበራዊ ጉዳይ ቢሮ ሃላፊ
28. አቶ ሃይሉ አዱኛ - የኦሮሚያ ኮሙዩኒኬሽን ቢሮ ሃላፊ
29. አቶ ሁሴን ፈይሶ - የፐብልክ ሰርቪስ ቢሮ ሃላፊ
30. ዶክተር አብዱልአዚዝ ዳውድ - የኦሮሚያ ልማት ኮሚሽን ኮሚሽነር
31. አቶ ጌቱ ወዬሳ - የፕሬዝዳንት ቢሮ ሃላፊ .
32. ወይዘሮ ኮኮቤ ዲዳ - የኦሮሚያ የልማት ድርጅቶች ቢሮ ሃላፊ ሆነው ተሹመዋል።

ሹመቱ የተሰጠው ተሿሚዎቹ ባላቸው የትምህርት ዝግጅት ፣ በአመራር ሰጪነት ፣ በፖለቲካ ቁርጠኝነትና ብቃት መሆኑ ተገልጿል።

Credit : ENA

@tikvahethiopia