#ጥብቅ_ማሳሰቢያ

በመስቀል በዓልም ሆነ በልዩ ልዩ ምክንያቶች ርችት መተኮስ በጥብቅ መከልከሉን የአዲስ አበባ ከተማ ፖሊስ አሳውቋል።

ከዚህ ቀደም ፖሊስ ያስተላለፈውን መልዕክት በመተላለፍ ርችት የተኮሱ ግለሰቦች ተይዘው በፍርድ ቤት በዋስ መለቀቃቸውን ፖሊስ ገልጿል፡፡

ጳጉሜ 5/2013 ዓ/ም ለመስከረም 1/2014 ዓ.ም አጥቢያ ከሌሊቱ 11 ሰዓት በአዲስ ከተማ ክ/ ከተማ ልዩ ቦታው ሩፋኤል ቤተክርስቲያን ውስጥ ሦስት ግለሰቦች የ2014 አዲስ ዓመትን ምክንያት በማድረግ ርችት ሲተኩሱ ተይዘው ምርመራ ተጣርቶባቸው እያንዳንዳቸው በ4ሺ ብር ዋስ ተለቀው ጉዳይቸው በፍርድ ቤት በመታየት ላይ የሚገኝ መሆኑን የአዲስ አበባ ፖሊስ አስታውሷል፡፡

በተመሳሳይ በቦሌ ፣ በቂርቆስ እና በየካ ክፍለ ከተሞች ርችት ሲተኩሱ የተገኙ ግለሰቦች ጉዳይም በምርመራ ሂደት ላይ እንደሚኝም ፖሊስ ጨምሮ ገልጿል፡፡

በበዓላት ወቅት የሚተኮሱ ርችቶችን ሽፋን በማድረግ ሰላምን የማደፍረስ ፍላጎት ያላቸው ግለሰቦች የሚፈነዱና ተቀጣጣይ ነገሮችን ሊጠቀሙ ስለሚችሉ ይህ ደግሞ የፀጥታ ስጋቶችን እንደሚፈጥሩ ፖሊስ አስገንዝቧል።

ፖሊስ የህገ-ወጦቹን ድርጊት ለመከላከል እንዲቻል መስከረም 16 ቀን 2014 ዓ/ም በሚከበረው የመስቀል ደመራ በዓልም ሆነ በልዩ ልዩ ምክንያቶች ማንኛውም ግለሰብም ሆነ ተቋም ከሚመለከተው አካል ፍቃድ ሳያገኝ ርችቶችን መተኮስ እንደማይችል ህብረተሰቡ ተገንዝቦ ተገቢውን ትብብር እንዲያደርግ ጥሪ አቅርቧል።

@tikvahethiopia

በወቶጲያ አዘጋጅነት ለሁለተኛ ግዜ የሚካሄደው አመታዊው የጥበብ ማዕድ በትናንትናው እለት በልደታ መርካቶ (ፍሊንትስቶን) ህንጻ ላይ ተከፍቷል።

WAC2021 ፤ ኪነ ህንጻ + ስነጥበብ በሚሰኝ ርዕስ እየተካሄደ ሲሆን ፦
- የኪነህንጻ ንድፎች ፣
- የቀለም ቅብ ስራዎች ፣
- የንድፍ ስራዎች ፣
- ፎቶግራፍ እንዲሁም ልዩ የእደጥበብ ውጤቶችን በአንድ ላይ ለእይታ አቅርቧል።

አውደርዕዩ ከ80 በላይ ተሳታፊዎች ሲኖሩት ተማሪዎችን እና በስራ ላይ የሚገኙ ሙያተኞችን ከእይታም በተጨማሪ ለውድድር ያሳተፈ ነው።

አውደ ርዕዩ ከጥበብ ጋር የተያያዙ አሳታፊና አዝናኝ መርሃግብሮችንም አጠቃሏል።

እስከ መስከረም 16ም ለህዝብ ክፍት ሆኖ እንደሚቆይም አዘጋጆቹ አሳውቀዋል።

@tikvahethiopia

#Bonga

በአዲስ መልክ ለሚደራጀዉ የደቡብ ምዕራብ ህዝቦች ክልል ሕዝበ ዉሳኔ የድጋፍ ሰልፍ ተደረገ።

የድጋፍ ሰልፉ በቦንጋ ከተማ ነው እየተደረገው።

በካፋ ዞን ከሚገኙ ሁሉም ወረዳዎችና ከተማ አስተዳደር የተዉጣጡ ከ50ሺ በላይ ቁጥር ያላቸው የሕብረተሰብ ክፍሎች የድጋፍ ሰልፉ ተካፋይ መሆናቸው ተገልጿል።

የፊታችን መስከረም 20 ቀን 2014 በደቡብ ምዕራብ ክልል ህዝበ ውሳኔ ይካሄዳል።

Photo Credit : የካፋ ዞን ኮሚኒኬሽን

@tikvahethiopia

#Attention📣

የደቡብ ወሎ ዞን ግብርና መምሪያ በአፋር ክልል የተከሰተው የአንበጣ መንጋ ከፍተኛ ስጋት እንደፈጠረበት አሳውቋል። የዞኑ አንበጣ መከላከል ግብረሀይል በአፋር ክልል መንጋው በተከሰተባቸው አጎራባች ወረዳዎች ተንቀሳቅሶ ቅኝት አድርጓል፡፡

የአፋር ክልል አርብቶ አደር ቢሮ የዕፅዋት ቁጥጥር ባለሙያና የአንበጣ መከላከል ግብረ ሀይል አስተባባሪ አቶ መሀመድ ሰይድ በሐምሌ ወር እንቁላሉን ጥሎ በነሐሴ ወር እንደተፈለፈለ የመቆጣጠር ስራ ቢጀመርም በፀጥታ ችግር ምክንያት በመቋረጡ መንጋው ተስፋፍቶ 12 ወረዳዎችን እንዳዳረሰ ተናግረዋል።

ለደቡብ ወሎ ዞን አጎራባች በሆነው በሚሌ ወረዳ ደግሞ በሁሉም ቀበሌዎች ተስፋፍቶ ይገኛል ሲሉ አሳውቀዋል።

ባለሞያው አንበጣው ከሆፐር ደረጃ አልፎ መብረር የጀመረ በመሆኑ በአውሮፕላን የኬሚካል ርጭት ካልተካሄደ መንጋውን መቆጣጠር እንደማይቻልም ለፌዴራል ግብርና ቢሮ ማሳወቃቸውን ገልፀው መንጋው ወደ ደቡብ ወሎ ዞን በመሄድ ጉዳት ሊያደርስ እንደሚችል ተናግረዋል፡፡

የደ/ወሎ ዞን ግብርና መምሪያ ም/ሀላፊ አቶ አሊ ሰይድ በበኩላቸው የአንበጣ መንጋ በአፋር ክልል በኩል በመምጣት ባለፉት 2 አመታት በዞኑ በተለያዩ ወረዳዎች ጉዳት አድርሶ እንደነበር ተናገረዋል።

በተለይ ባለፈው ዓመት በዋናነት ወረባቦ ወረዳን ጨምሮ ከ61 ሺ በላይ የሚሆኑ የአርሶ አደሮችን ሰብል ማውደሙን አውስተዋል፡፡

በዚህ ዓመት መንጋውን ለመከላከል ቢቂ ዝግጅት ለማድረግ ግ/ኃይሉ በአፋር ክልል አጎራባች ወረዳዎች ምልከታ እንዳደረገ እና ከፍተኛ መንጋ መከሰቱን ማረጋገጡን አሳውቀዋል።

ይህም በአውሮፕላን ርጭት ካልተካሄደ መቆጣጠር ስለማይቻል ከፍተኛ ጉዳት እንደሚያስከትል ስጋታቸውን ገልፀዋል፡፡

ያንብቡ : telegra.ph/South-Wollo-09-24

@tikvahethiopia

የሶማሊ ክልል ሰላምና ደህንነት እንዲጠናከር ማሳሰቢያ ተሰጠ።

የሶማሊ ክልል ፕሬዝዳንት አቶ ሙስጠፋ ሙሁመድ የክልሉ ሰላምና ደህንነት እንዲጠናከር ማሳሰቢያ ሰጥተዋል።

የክልሉ ፕሬዝዳንት ማሳሰቢያውን የሰጡት ትላንት ከክልሉ ከፍተኛ አመራሮች ጋር መስከረም 20 በክልሉ የሚካሄደው 6ኛው ሀገራዊ ምርጫ እና በሰላምና ደህንነት ዙሪያ ሲወያዩ ነው።

የሶማሊ ክልል ፕሬዝዳንት ሙስጠፋ ሙሁመድ ከምርጫ ጋር ተያይዞ ዜጎች በሰላም ድምፃቸውን ሰጥተው እንዲገቡና በክልሉ ያለው አስተማማኝ ሰላም የበለጠ እንዲጠናከር የፀጥታ አካላት እና ህዝቡ በጋራ መስራት አለባቸው ብለዋል።

በውይይቱ የክልሉን ሰላም እና ደህንነት የበለጠ በሚጠናከርበት ሁኔታ ላይ አቅጣጫ መቀመጡ ተገልጿል።

መስከረም 20 2014 ዓ.ም በክልሉ ለሚካሄደው ምርጫ እጩዎች የምረጡኝ ቅስቀሳ እያካሄዱ ነው። #SRTV

@tikvahethiopia

* አጀንዳ የማታጣው ግብፅ !

በተለያዩ ጊዜ የተለያዩ አጀንዳዎችን እዛ እየመጣች ኢትዮጵያ ላይ ጫና ለማሳደር እና የታላቁ የኢትዮጵያ ህዳሴ ግድብ ግንባታ እንዲስተጓጎል የምትሯሯጠው ግብፅ አሁን ደግሞ አዲስ አጀንዳ ይዛ ብቅ ብላለች።

አል አረቢያ ቴሌቪዥን ላይ የቀረቡት የግብፅ የመስኖ ሚኒስትር ሞሐመድ አብደል አታይ ፥ " ኢትዮጵያ ስለታላቁ የኢትዮጵያ ህዳሴ ግድብ (GERD) ስራ ለግብፅ ሀሰተኛ መረጃ ሰጥታለች" ሲሉ ተደምጠዋል።

ኢትዮጵያ የሰጠችው ሀሰተኛ መረጃ ለግብፅ እና ለሱዳን ከባድ መዘዝ ያለው ነው ብለዋል።

ሚኒስትሩ የአባይ ተፋሰስ አገሮች ሉዓላዊነት እንዳላቸው አፅንዖት ሰጥተው ኢትዮጵያ በእነሱ ስም መናገሯ ተቀባይነት የለውም ሲሉም ተናግረዋል።

ግብፅ በተለያየ ጊዜ የግድቡን ሂደት ያደናቅፍልኛል የምትላቸውን አጀንዳዎች ይዛ መምጣቷ እጅግ የተለመደ ተግባሯ ነው፤ የማይጨበጥ በተለያየ ጊዜ የሚቀያየር አቋማም ግራ የሚያጋባ ነው።

የኢትዮጵያ ውስጥ ጉዳዮችን ጨምሮ ማንኛውም ግድቡን ሂደት ሊያደናቅፍ ይችላል የተባሉ ጉዳዮችን የሀገራቸው ሚዲያዎች እየመዘዙ ሲያስጮሁ ቆይተዋል፤ አሁንም በማድረግ ላይ ናቸው።

ግብፅ የቱንም አጀንዳ ብትመዝ የኢትዮጵያ ህዝብ እጅግ በጣም ከፍተኛ ዋጋ የከፈለበት የግድቡ ስራ ለአፍታም ሳይቋረጥ አሁን ላይ ኃይል ለማመንጨት ተቃርቧል።

ይህ ግዙፍ ፕሮጀክት ኢትዮጵያ የስኬቷ ደስታ የሚያሰድስታቸው እና በኢትዮጵያ እድገት አይናቸው የሚቀላውን/በውድቀቷ ደስ የሚሰኙ አካላትን የለየችበት ነው።

@tikvahethiopia

" የዚህ ዓመት የሥራ ፈጠራ ወቅታዊ ሁኔታን በማገናዘብ ለየት ባለ ሁኔታ ይካሄዳል " - የኢፌዲሪ ሥራ ዕድል ፈጠራ ኮሚሽን

የኢፌዲሪ ሥራ ዕድል ፈጠራ ኮሚሽን የዚህ ዓመት የሥራ ፈጠራ ወቅታዊ ሁኔታን በማገናዘብ ለየት ባለ ሁኔታ ይካሄዳል አለ።

ይህን ያለው ለሁለት ቀናት በተካሄደ የፌዴራልና የክልል ሥራ ዕድል ፈጠራ አካላት የጋራ መድረክ የ2013 በጀት ዓመት አፈጻጸም እና የ2014 በጀት ዓመት ዕቅድ ግምገማ መድረክ ላይ ነው።

የኢፌዲሪ ሥራ ዕድል ፈጠራ ኮሚሽን ኮሚሽነር አቶ ንጉሡ ጥላሁን ባለፈው ዓመት የታቀደውን 3 ሚሊዮን የሥራ ዕድል የመፍጠር ዕቅድ ማሳካት መቻሉን አስታውሰዋል፡፡

አቶ ንጉሱ ቀጣዩ ሥራ ከዓመታዊ ዕቅድ ለ3 ሚሊዮን ዜጎች ሥራ ዕድል ከማመቻቸት ባሻገር በጦርነት እና በግጭት ምክንያት የወደሙ ኢንተርፕራይዞችን ከመደገፍ አኳያ እና ከመካከለኛው ምስራቅ ከ43 ሺህ በላይ ዜጎች የተመለሱ በመሆኑ ዕቅዱን በመከለስ በድጋሚ መታቀዱን አሳውቀዋል።

በዚሁ መድረክ በአማራ ክልል ምክትል ር/ መስተዳድር ማዕረግ የማህበራዊ ክላስተር አስተባባሪና የሠራተኛ እና ማህበራዊ ጉዳይ ቢሮ ኃላፊ ዶ/ር ሙሉነሽ አበበ ፥ በተለያዩ ግጭቶች ከ18 ሺህ በላይ ኢንተርፕራይዞች በመውደማቸው በዚህ ዓምት የሚሰራው የሥራ ፈጠራ ሥራ ከሌላው ጊዜ ይለያል ሲሉ ገልፀዋል።

https://telegra.ph/Job-Creation-Commission-09-24

@tikvahethiopia